حسين خوجلي يعترف ويكشف فساد المتعافي و حكومتهم المتعفنة ... فيديو

سلام
(نحنا لازم نعيد الشعب السوداني دا لحالة الزهد القديمه والنظافه القديمه
والموظف المبروك الذي يخدم الناس والذي يحس انه ثري بخدمة الناس)
اانتم هؤلاء ولا ناس غيركم.

أبو الزفت إنقلبت



الحسين خوجلى أكثر فاعلية فى صناعة التغيير من حملة السلاح - فهذا هو الكلام النووى)



منصور

بعد شنو؟؟؟؟
حسين خوجلي الكلام ده عااااااارفو قبل 20 سنة
جاي هسع يقولو؟؟؟؟؟؟؟؟؟
ما بتباع في السوق الأيام دي ولا أي حاجة
السوق ملااااان وكاسد كساد شديد
أمشي غور والله ياكا حسين خوجلي
(.........) كبير

Quote: (.........) كبير

طَيِب يا نادِر على الأقل أكتِب حروفا الكِلمة الإستبدلتها بِالنِقاط وختيتا بين قَوْسَين، أكتِبا مُفرقة لو عاوِز تتجنب المقص الألكتروني، ولا تكون إنت مِن القَوم الذين لا يحسِنون حتى السفاهة ههههههه.. غايتو يا هوو ظاطووو البقولو عليهو [سكت دهرًا ونطق كُفْرًا]

أنا كتبت طـــــــز كبير

شكراً يا عزام،
علي الأقل إذا كنت لا تعرفني بما يكفي أحسن الظن.
تحياتي

زمان ليه ما انتقد الفساد
ما كان عارف إنو في فساد
ولا دابو فهم معنى الفساد

أي واحد لمان يكون مسئول يجرب كل أنواع الفساد ولما يشيلوه يبقى نزيه طوالي

Quote: زمان ليه ما انتقد الفساد ما كان عارف إنو في فساد ولا دابو فهم معنى الفساد أي واحد لمان يكون مسئول يجرب كل أنواع الفساد ولما يشيلوه يبقى نزيه طوالي

اللهم اجعل كيدهم في نحرهم .

Quote: (.........) كبير

يا نادر ياخي ما كنت تسمع كلام عزام وتجي تكتبها (طــز)


لأنو الناس في المنبر فيهم جناينية في مفردات اللغة من سنة

وكلهم قروها منذ أن كانت نقــاط تحبو على البوست

فما كان في داعي جي تلخبت ليهم قرايتهم

(.......................) كبير هذه مقروءة ومحفوظة صم لكثير من جناينية المفردات هنا

حسين خوجلي ده مرة كان بيتحدث في ندوة في جامعة الجزيرة
وكلامو كلو كان عن انو بعد مجئ الانقاذ الشباب بقو رجال و الدفاع الشعبي و صياغة الانسان السوداني
تصدي ليهو الحبيب ياسر فتحي وقال يا حسين خوجلي انت جاي تتكلم عن الرجالة انت اخر زول يتكلم عن الرجالة
وكلام كتير رد عليهو حسين خوجلي بجملة واحدة قال ارشح الشاب ده ان يتجه للتمثيل؟؟
لانو كلام ياسر و تهكمه من حسين كان مضحك للطلاب.
هل اتجه حسين خوجلي للتمثيل بعد كل هذه السنوات؟؟؟
ولا يادوب فهم كلام ياسر زمان؟؟

أنا ما كتبت عشان عزام يا عاصم

................

االببرقص مما بيغطى دقنو يا حسين
شنو كل دقيقتين شابكنا انا لا اعنى نظام بعينه
ياتو نظام فى السودان كان الوزراء ليهم شركات

برز الثعلب يوماً في ثياب الواعظين .... ومشي في الارض يهدي ويسب الماكرين

السلام عليكم الأخ مدحت

يا سبحان الله ...
حاول حسين خوجلي أن "يتخوجل" فينا بذات النوع كم طلامه في صحسفته سيئة الذكر ألوان,, تبسيط,, تسطيح للموضوعات,,,
وتجريدها,,, واستخدام لمنطقية صورية تخفي تحتها ما تخفي من مزالق.
فاذا حملنا حديثه عن الفساد محمل الجد فاننا سرعان ما نكتشف وبعد جملتين تلاتة أنه يتحدث عن الفساد في الدولة القطرية المعاصرة
بصفة عامة,,,, وليس السودان في أي من أزمانه دع عنك السودان في عهد هذه الحكومة التي شهد عليها أهلها بأنها أتت بما لم يأت به
الأوائل من فساد وافساديجني ثماره أصحاب الحظوة من حسين وأمثاله.
القصد من وراء هذا الحديث في هذا الوقت بالذات هو الهرب من هذه الجيفة المنتنة الغارقة والانضمام لركب الثورة بهذا النوع
من النتقاد الهش على الشاشة البلورية, فلو نجحت الثورة فنحن كنا داما معكم بدليل هذا الانتقاد, والا فالحديث معمم وليس ضد هذه الحكومة,,
بل يصب في مصلحتها, وذلك بدمغ كل الدول القطرية المعاصرة بالفساد.
اذن فلماذا يناقض حسين نفسه بأن المرحوم باذن الله يحيى الفضلي قد خرجت جنازته من بيت من بيوت الأوقاف؟؟؟ هل كانت حكزنته فاسدة؟؟؟
من من أعمدة تلك الحكومة كان فاسدا؟؟؟
هذا ويقول حسين بأن الناس فقدوا الحياء!!! أين الحياء في حديثه هذا؟؟؟؟؟؟؟؟؟
وبنفس الوجه الذي يفتقر لأي ذرة من حياء يتساءل حسين عن أين ذهب الحياء!!!!! سنبان الله
وبذات الوجه يقول: اننا نريد أن نعيد الشعب السوداني لحالة الزهد القديمة,, والموظف المبروكالذي يخدم الناس ,,,, الخ من حصيد لسانه الذي
نسأل الله أن يوفي به الى نار الموقدة.
ألم تقل قبل قليل أنك تعني الدولة القطرية المعاصرة؟؟ لم تخبرنا في بداية تعليقك أن هذا هو مصطلح جديد من نجرك تعني به السودان في عهد
هذه الحكومة الفاسدة المفسدة, أم أنه الخوف يا حسين الصحفي المهموم بقضايا الوطن ومواطنيه, ألم تحاول هذه اللعبة في العام ألفين عندما حاولت
الوقوف الى جانب الترابي بموقف ملتبس مثل موقفك هذا فردعتك حكومة الفساد هذه حيى ثبت الى رشدك "الاسلا-البشيري"؟
وتحدثنا بأن الفساد أذكى مما يقال؟ أين الذكاء فيما "كشفتم"؟ أم تحسب يا حسين أنك بحديثك هذا تتذاكى على هذا الشعب المصاب بكم
كفى كذبا منك ومن أمثالك من صعاليك هذا الزمان "الانغازي"
اختشي يا حسين .. خسئت وخسئ أمثالك
بشي اسماعيل

عليكم السلام أستاذ بشير

الدجال ده عاوز يصلي يوم القيامة.

حسين خوجلي دجال منافق...الفساد لم يظهر أمس أو الاسبوع الماضي...
يا حسين خوجلي يجب ألا يساورك شك في أن القصاص سيطالكم (((جميعاً)))

حسين خوجلي اكثر صحفي امتلك واسس صحف , ليه ما كتب فيها الكلام دا زمان ؟!

وهسع جاي يقول ورجل بره ورجل جوه !

قال : انا ما بقصد نظام بذاتو !!!

دا يعني خوف ولا بغازل في ناس الحكومة بالألغاز دى ؟

الواحد يا اما يقول كلام محدد ويحدد المقصود يا اما الكلام بيبقى زي الاحاجي !

ونحنا فترنا من الاحاجي والكلام النص نص دا !
خليك شجاع وباسل وقول الحق انت يا حسين خوجلي ما سمعت ب ( كلمة حق في وجه سلطان جائر)؟؟؟
أحسن تمشي تشوف ليك هبرة معاهم او تحنسهم عشان يرجعوا ليك مجدك المخلوع بدل التسويف الفاضي دا .

ست البنات.