Post: #1
Title: شوية نكات لكسر الرتابة!!
Author: عمر الفاروق عبد الله الشيخ
Date: 11-16-2013, 04:49 PM
Parent: #0
خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟
مسطول محتار حيرة شديدة خلاص: السفن آب و الواتس آب أخوان ؟؟؟ طيب، جبنة بوك أخت الفيس بوك ؟؟ خليكم من ديل عرفناهم اخوان، طيب إسي جبنة كيري و بلاك بيري أولاد عم؟ يعني السن توب و اللاب توب بقربو لليوتوب شنو
عريس بجهز في عرسو، سأل مسطول أحسن صالة في البلد دي وين؟!!! المسطول قال ليهو: صالة المغادرة
|
Post: #2
Title: Re: شوية نكات لكسر الرتابة!!
Author: عمر الفاروق عبد الله الشيخ
Date: 11-16-2013, 05:00 PM
مسطول قالو ليهو وصف لينا حال الشعب السوداني ، قال ليهم :
نحن زي الناس الماشين لي عزاء بي لوري و قام سير المروحة بتاع اللوري إنقطع والسواق شال التكة حقت سروال واحد من الركاب عملا سير وبقت كل مرة تتقطع يشيل من واحد ، أها وصلنا العزاء لا عرفنا نشيل الفاتحة لا عرفنا نمسك سراويلنا
|
Post: #3
Title: Re: شوية نكات لكسر الرتابة!!
Author: مهدي صلاح
Date: 11-16-2013, 05:04 PM
الأب : كدي جيبي تلفونك ده يابت البنت: حاضر يابابا افتح القفل بس وأديك ليهو المكالمات مسح السجل الرسائل تم مسح الوارد والصادر الذاكره تمت اعادة تهيئة الذاكره البنت : هاك يابابا الاب :خليهو خلاص كنت عاوز انور بيهو اشوف سفنجتي دي وين بس خلاص لقيتها
|
Post: #4
Title: Re: شوية نكات لكسر الرتابة!!
Author: عمر الفاروق عبد الله الشيخ
Date: 11-16-2013, 05:09 PM
Parent: #3
Quote: لاب :خليهو خلاص كنت عاوز انور بيهو اشوف سفنجتي دي وين بس خلاص لقيتها |
حلوة يا مهدي شكرا ع المساهمة
|
Post: #5
Title: Re: شوية نكات لكسر الرتابة!!
Author: عمر الفاروق عبد الله الشيخ
Date: 11-16-2013, 05:18 PM
Parent: #4
مسطول نام واول ماصحي لقي البشير بتكلم في التلفزيون " العلاج في السودان مجانا، السلع متوفرة ،متوسط دخل الفر"1400$" ..
قام سأل مرتو قال ليها كم لبثنا
|
|