بلا سياسة بلا وجع .. الليلة عايز اتجدع ( غسل الحروف من الرهق)

وقفت في عز المطر
اغسل حروفي من الرهق
رحلة مشاويري البديتها
بين مقبتيك
ومنبع جمال اشراق عيونك في الافق
ومسحت حالة من الضجر
وابتدعت عشان هواك
لغة هجين
مافيها زيف تنميق مساحيق الكلام
فيها انبعاث احساس يضاهي
للمصابيح الالق
ماذا علي
لو انني مارست كل طقوسي الفوضى
تناسق الايقاع
والاحلام
والطبل المجوسي الخطر
ما ذا علي
اذا ما امتطيت قافيتي
اسرجت صهو الريح
غزوت قلبك حاملا حرفا
واحساسا وشيء من نزق
شبق الحروف ، بين شفاهنا العطشى
تنادي للغيوم البكر
للبرق الصبي
ولانفعالات المطر
تعالي
احيك شايل قناديل الفرح
تديني منك امنيات
ملفوفة
في
مناديل الغنا
عرقا صدح
فتق شرايين الكلام
حين انبثق
ينبوع قصايدي اليك سيلا
قد غمر
ومشينا مشوار الحلم
صحو الاحاسيس الجنون
وزفاف حروف الروعة
تحت اشعاع القمر
حين ابتهاج اللوعة
بالوعد الذي
بين اروقة العشم قد كان صدق
ماذا علي
ان كسوتك بالندى
عاينت ليك
شفت المحاسن فيكي كاسيات للنظر
رقصتي لي
كل المجون
رقصت بيك
كان انفعال اللحظة بينانتنا
وتقاسيم اللحون
كروعة انطلاقات الغجر
همسك
حرير ناعم
ورحلة من بين المسامات الدفا
شكل انوثة معدومة
في زمن الحكايات الآرق
حين النسيم مبلول بكل انداء
روعة العاشقين سهر
يلاك مع صوت القماري
ورونق الاحساس عصاري
نرد البحر
ننشل من الموية الجمال
كيفما قدكان او ما كان او
طوعا تنازل واتفق
ما نحن اولاد قيفة تحضن للنهر
(انا فيك
عشقت
الروعة ما احلاها )
في الدن والسكر
وما في اروع من سكر
لا كاس بشيلو
ولا بشابه لي نبيذا
اتعتق
ورسمت معبر احتياجي اليك مفردة
تولول في مسافات الحنين
وهمست ليك
حبي ليك

فاح وانتشر
ما انستر

Quote: رقصتي لي كل المجون رقصت بيك كان انفعال اللحظة بينانتنا وتقاسيم اللحون كروعة انطلاقات الغجر

و الله كلام..!!!!

كتر خيرك ، يا محمد ، على هذه الإتكاءة الوضيئة..

كبر

Quote: كتر خيرك ، يا محمد ، على هذه الإتكاءة الوضيئة..

اخي الكريم استاذ كبر
ولك تقديري وكثير احترامي

عيونها .. عشقها حلال
تنثر المواهب العجاب
فانزع الحياء
بين ان اكون شاعرا
او اكون عاشقا
مددت اصبعي على الفرات
نيلنا الذي يموج بالحنين
ساقني اليك
عند بركل الشمال
وبقيت وجيد
بين حالة النشوق
والمروق
والبروق
روعة الضجيج في غياهب السكون
وانت مين ؟
واكرع لذيذ الشهقة مذهولا جنون
القاك على وش الصباح
تدي الصباح نور الصباح
وارجع اقول يازول تعال
بيناتنا...
مسافة من الترقب الجميل
امنيات راكضات
تسابق الرياح
مني اليك عابقات امنياتي الندية
منك
ارتعاشات الظلال
والقاني ليك لسة مليان بالكلام
مرات اقول بس واكتفي
مرات يعاندني المقال
تهتز حروفي كانها... مارد وجان
فلا اولي مدبرا
بل اقبل
عليها بابتهال
لكنها
لا ترجع سيرة اولى
بل
احرفا من الجمال،
ليلا
حين يجيء براق العشق
يخأذني لحظة اسراء،
اعرج
عند السدرة القى طيف جمالك
اتمنى رشفة ريق منك
زلال
والقى عند أبواب القدوم
كمين اشارة
حرفين حنان
واتنهد الحرف المحمل بالوله
وتقولي لي يازول كفاك
واضحك مع عيونك واقول
يازول محال
عيناك معبر رؤيتي
لهوى بعيد في الخيال
عيناك قبلتي
ترتيل اورادي
ومهبط خاطري
فانا
نظرت في عينيك ايات اكتمال
سافرت
في بطن القوافي السادرة ليك
عشقت نم الليل حنين
ومعاها جد
عرفت كيف بكون الاحتمال
وبس

وضاحة يا شمس المشارق

اعذؤيني فقد قرات غالي الحروف ببعد آخر

ولي باكر
تنسل من بين الظلام
شمس الحقيقة الما بتغيب

وبس
فعلاً (وبس) مافى كلام بعد كدة..
تسلم يا دكتور ويسلم شعرك الرقيق وقلمك الانيق..
كل النحايا