السفير الأثيوبي .. ( الدبلوماسي الذي أحببت ) .

بتغطية إعلامية محدودة جداً .. ( بقصد مسبق ) أن تكون ( كتامي ) .. تفقد سفير دولة أثيوبيا في الرياض رعايا بلده ..
زارهم في كل أمكنة القبض و ( الايواء ) .. مجموعة وراء أخرى ..

رفع صوته بشدة ..
و وجد تبريرات لبعض العنف الذي قاموا به ..
و استنكر كثيرا مما لحق بهم ..

السلام عليكم .. الاخ عبداللطيف
ده رد كتبتو حول الموضوع .. فى بوست تاني

Quote: السادة فى السفارة الاثيبويبة قاعيدين يعاينو ومشكلة الاثيوبييين فى السعودية ما شه فى زيادة ما اتحركوا وما عملوا اى حاجه وكل من فى الرياض عارف الحاصل فى حى منفوحة وعارف انو حا تجى المداهمات الامنية بقوة وعارف انو كل موضوع التصحيح والاقامة بدأ بى سبب الاثيوبييين واليمن .. المتسللين الى السعودية بدون اوراق رسمية اديك مثال بالدول البتحترم رعاياها اول ما بدأ التفكير فى ملاحقة المقيمين بطريقة غير مشروعه ومع اول حملة طلعت ارسلت السفارة الهندية رسائل عبر وسائط الاعلام المختلفة نداء لكل الهنود انو اى واحد عندو اى مشكلة ايا كان نوعها التوجه الى السفارة فورا لحل مشاكله ... وفعلا فى اقل من شهر سمعنا فى الاخبار انو غالبية الهنود تم تعديل اوضاعهم .. والماقدرو ساهمت السفارة فى تسفيرهم وهم قرابة (100.000) هندى اذا صحت الارقام وظلت السفارة متابعه لكل الاحداث ومعانا زملاء هنود بشوف على طول تنبيهات السفارة ليهم .. ........... السفارة الاثيوبية شايفة تزايد عدد الاثيوبييين فى الرياض .. وتجمعاتهم فى الشوارع فى حى منفوحه بى صورة واضح جدا انها حا تتسبب فى كارثة مع الامن السعودى الامن السعودى جنو وجن يتجمعوا ليهو خمسة فى شارع .. ناهيك عن مجموعات بشرية طول اليوم تلقاها قاعدة فى الشوارع وفى الجزر وسط الشارع كان مفروض تتدخل السفارة بعد التنبيهات والنشرات الامنية المكثفه الصادرة من وزارة الداخلية والكان واضح جدا انها جاده جدا جدا جدا وواضح جدا انو اول المستهدفين حا يكونوا الاثيوبييين فى حى منفوحه تحديدا كان مفروض تتدخل السفارة وتطلب بعمل معسكر التجميع قبل ما يحصل الحصل عشان يجو يقولوا .. اعملوها الان وكان مفروض تناشد رعاياها وتقابلهم وتقنعهم بى انو ما حا يكون عندهم طريقة يقعدوا بدون اوراق رسمية وتحاول تقنعهم انو يسلموا انفسهم كان مفروض تنبه الحكومة فى دولتها عشان تتواصل مع الحكومة السعودية فى انو يحلوا مشكلة (اللاجئين) ديل بى طريقة تحفظ ليهم كرامتهم وانسانيتهم !! لكن لا اتدخلت السفارة .. ولا شفنا الحكومة الاثيوبية اتدخلت تحياتي

اخي / وضاح

اشكرك .. و صباحك خير ..
أثيوبيا - المعلومة لدينا - حريصة ان ينتشر رعاياها في كل بقاع الأرض ليكونا ( معيناً ) لأسرهم و لبلدهم ..
المواطن في اثيوبيا هو رأس المال الأول ..
لذلك حرصت الدولة ان يعمل الأثيوبيين طالما هم قادرين على العمل في جوة البلد أو خارجه ..
دا شي اول ..

التاني .. لا اعرف تدخل او دور السفارة الأثيوبية قبل أو أثناء ( فترة التصحيح ) ..
لكن الذي عرفته و إحترمته جدا هو تدخل طاقم السفارة كاملاً ( مش القنصل و بس ) ..
و اولهم السيد السفير ..
نزل .. و في بعض المناطق لف ( ماشي كداري ) وسط ناسو .. بعدما خلّ ( البروتوكول ) في مكتبو ..

كان حيث يجب ان يكون ..
ربت على كتف المصابين .. آزر من يحتاج .. طمأنهم بأن الدولة من خلفهم .. لن تتركهم في محنتهم ..

و في واحدة من الصورالمعبرة جدا صافح اثنين من الشباب كانت أياديهم في ( ال######اش ) ..

في الوقت الذي .. ناسنا ( بستعروا ) يا قولة المصاري .. من ( رعاياهم ) .
( بستعروا ) بمعنى الكلمة ..