Post: #1
Title: هل حسين ملاسي كوز؟
Author: تبارك شيخ الدين جبريل
Date: 11-13-2013, 02:54 AM
الناس البتتعامل مع الحيثية دي وكأنها حقيقة مثبتة ... ممكن ينورونا ...
(ليست محاولة للتغول على حرية ملاسي في أن يكون كوز لو شاء ... ولكن حيرتونا والراجل كتاباتو بتقول انو ما كوز)
... المهم ...
|
Post: #2
Title: Re: هل حسين ملاسي كوز؟
Author: معاوية الزبير
Date: 11-13-2013, 03:26 AM
Parent: #1
الكوز يعني في ما يعني تأييد حكومة الإنقاذ والنيل من خصومها ومهاجمة المعارضة وانتقادها في كل كبيرة وصغيرة
وتاريخ أرشيف الأخ حسين ملاسي في هذا المنبر يشهد بذلك، إذا كانت كتاباته الأخيرة تدل على معرفة الحق، والتنازل
عن ما كان يكيله من اتهامات واستخفاف لـ وبـ المعارضين والمنتفضين في الميدان والمعارضين في الأسافير بالكيبوردات
فليقل ذلك صراحة، فالاعتماد على ضعف ذاكرة السودانيين والانسراب براااحة من من جانب مساندة القاتل إلى صف الشعب
والوطن الضحية لن يمر على الجميع هكذا، خاصة علي ناس الكيبوردات لأن كل كلمة مسجلة أمامهم على عكس (وهذه مهزلة)
ما يحدث على أرض الواقع من كلام يشيلو الهواء وأفعال تزخرف بالكلام
| Quote: ليست محاولة للتغول على حرية ملاسي في أن يكون كوز لو شاء |
أما هذه يا عزيزي تبارك فليست مقبولة
ليس من حرية الإنسان أن يساند المجرم الذي شرّد أبي من الخدمة المدنية وعذّب أخي في المعتقلات وهجّره من الوطن
واغتصب أختي. يجب أن نعيد النظر في كلامنا عن حرية الإنسان في اتخاذ ما يشاء من مواقف وما يتبناه من رأي آخر.
اختلف معي سياسيا اختلف معي عقائديا وفكريا، أهلا وسهلا. لكن أن تساند المجرم القاتل وتقول دا من حقي، ودا رأي آخر
فهذا غباء ممن يقبله واستغباء ممن يطلقه.
مع تقديرنا الشخصي له في كل شئ ما عدا مواقفه السالف ذكرها
وتحياتي لك
|
Post: #3
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 03:55 AM
Parent: #2
بل من حقه أن يكون المحامي الرسمي للكوز في محكمة تشريد أبوك وتعذيب أخوك واغتصاب أختك .. إن كانت لك حقوق عادلة تنصفها محكمة عادلة فالعدل له وجه واحد ... والعدل يكفل للناس حرية الرأي بالتساوي ... وليس الرأي كالجريمة ... ولا يصح معاملة المختلف معك في الرأي كالمجرم فقط لأن أحدهم اغتصب أختك أو غيره عذّب أخوك أو أحيل والدك للصالح العام ... ماذا تعني "يساند المجرم القاتل" .. هل تعرف عن ملاسي أنه كان يمسك رجلي أختك حين يقوم الآخرون باغتصابها مثلاً؟ أم فقط لأن له رأي يختلف عنك فهأنت تقرر بأنه "يساند المجرم" ... بل وتريد إعادة النظر في حرية الرأي نفسها ... وبعد تعبير أمثالك عن مثل هذه الأفكار المناقضة مبدئيًا للحقوق والحريات الأساسية للإنسان كما تكفلها المعاهدات الدولية والدستور ... ويأتي فوج "الهتّيفة" والمطبلاتية من كرور المعارضة يباركون هذا الهذيان ... ثم نندهش أن مجتمعنا ينتج كيزان بهذا الإجرام وهذه الجرأة على خرق حقوق الإنسان السوداني ... كما ينص عليها الدستور السوداني ...
... المهم ....
|
Post: #19
Title: Re: هل حسين ملاسي كوز؟
Author: أيمن محمود
Date: 11-13-2013, 02:16 PM
Parent: #3
| Quote: ماذا تعني "يساند المجرم القاتل" .. هل تعرف عن ملاسي أنه كان يمسك رجلي أختك حين يقوم الآخرون باغتصابها مثلاً؟ |
لغة كيزان !
|
Post: #4
Title: Re: هل حسين ملاسي كوز؟
Author: محمد البشرى الخضر
Date: 11-13-2013, 05:11 AM
Parent: #2
سلام عليكم تبارك وود الزبير
يا معاوية كلامك دا كتأكد منو| Quote: والتنازل عن ما كان يكيله من اتهامات واستخفاف لـ وبـ المعارضين والمنتفضين في الميدان والمعارضين في الأسافير بالكيبوردات فليقل ذلك صراحة، |
لأنو دا براه ودا براه, كونو لخّ الحكومة اليومين الفاتن ديل ما معناها تنازل عن لخ المعارضين و خاصة الإسفيريين متى ما بدا له ما يستحق اللخ, وصراحة ما مقصرين في الحتة دي - إبداء ما يستحق اللخ :)
|
Post: #5
Title: Re: هل حسين ملاسي كوز؟
Author: معاوية الزبير
Date: 11-13-2013, 05:50 AM
Parent: #4
مبدئيا يا تبارك، عشان الأولو شرط آخرو نور
انت عايز تنقض وتنقد وترفض أي كلمة أقولها هكذا من طرف، وبعينين مغلقتين وعقل أصم ومواقف محنطة مسبقا وإلى الأبد
ولّ عايز تناقش بعكس هذه الأدوات ؟
إذا كانت الأخيرة مرحب بمواصلة النقاش معك لأنني مستعد لتغيير موقفي متى ما اقتنعت بصحة موقفك أو بمعقولية تبريراتك
إذا كانت الأولى ربنا يسهل عليك ويواجهك بي زول يقيف (في هذه الحالة) نفس موقفك بما فيه من جمود وتعصب وتحنط.
يا ود البشرى، أولا مشتاقين،
تانيا اتمنى انتقادو للحكومة يكون عن انكشاف بصيرة وثوبة إلى الرشد والحق
وليس لأنه لم يعد ممكنا عقلا ولا خلقا الوقوف في صف هذا النظام الذي لا يعرف هو نفسه أين يقف الآن
اتفق معك إنو كتير من المعارضين الاسفيريين يستحقون اللخ، لكن بالحسنى وليس بنفس أدواتهم
حتى يفيقوا ويكونوا دعما للمعارضة الاسفيرية وليس خصما عليها
اما ما يخص الاستهزاء والاستخفاف بغيرهم في الميدان وفي الأسافير، فهذا ما انتقده فيه
سأعود متى ما تيسر لي
|
Post: #6
Title: Re: هل حسين ملاسي كوز؟
Author: زياد جعفر عبدالله
Date: 11-13-2013, 05:57 AM
Parent: #4
| Quote: هل حسين ملاسي كوز؟ |
Absolutely No
.
.
مع إنو حر في تبني ما يراه حتى لو بقى كوز..(زي ما قال تبارك)
..
أراه فقط كاتب ذكي و لماح.
و دا رأي من قراءة ما يكتبه ملاسي...فلا معرفة شخصية لي بالأستاذ حسين لا من قريب ولا من بعيد..
...
من ناحية إنو برش بعض المتعارضين هنا...فالحق لله: بعض من يدعون معارضة الإنقاذ..(حين تقرأ لهم) يبدون لك أضل و أسوأ 
|
Post: #7
Title: Re: هل حسين ملاسي كوز؟
Author: خالد عبد الله محمود
Date: 11-13-2013, 06:18 AM
Parent: #6
خلي ملاسي أنت زاتكـ كوز ... 
|
Post: #8
Title: Re: هل حسين ملاسي كوز؟
Author: فتح العليم محمد أبوالقاسم
Date: 11-13-2013, 06:23 AM
Parent: #2
سلام تبارك
انت عارف ان حسين ملاسى لديه شهرة واسعة والسؤال منطقي ومشروع ، الراجل كتابتو ومشاركتو عكس ذلك لكن ييقى السؤال المحير هل الراجل كوز فالكثير لديهم قناعات بكوزنته .
|
Post: #9
Title: Re: هل حسين ملاسي كوز؟
Author: المعز ادريس
Date: 11-13-2013, 07:04 AM
Parent: #8
سلام يا تبارك،
و لا كوز ولا حاجة
الواضح لي أنه كان مركز على (حساسية) نحو الشيوعيين و اليسار بصفة عامة، و نحو معظم
الحزبيين لذلك بدا بلا حساسية نحو نظام الإنقاذ و بلا
همة وطنية مما ظل يجلب ليهو السخط و العداء و (القراء) و الأخيرة دي دليل نجاعة في اللذع و
السخرية و (النقد) لكن المحزن هو قرار البعض الإستعلاء عليه بنزوع عنصري (فتأمل!).. و هو
نفس ما عانى منه أناس آخرين لا لشئ إلا بسبب (عدم الإطاقة) إطاقة الرأي!
الجيد في الأمر أمران: أنه فرض حرية رأي و تعبير غير معتادة و غير مستحبة في أوساطنا السياسية، و
انحيازه مؤخرا لجانب المواطنين بتخطيه لمراراته السابقة (أو أيا كان إسمها)!
|
Post: #10
Title: Re: هل حسين ملاسي كوز؟
Author: nazar hussien
Date: 11-13-2013, 08:40 AM
Parent: #9
الكيزان زاتهم خشوم بيوت يا تبارك...
في كيزان في مراتب مرفوعة
وكيزان موضوعة
وكيزان عشمانة
وكيزان شغالة
وكيزان قديمة
وكيزان متسلقة
وكيزان حلمانة وكيزان راح ليها الدرب
التصنيفات كتيرة جدا....لأنو الزمن طال
|
Post: #12
Title: Re: هل حسين ملاسي كوز؟
Author: د.نجاة محمود
Date: 11-13-2013, 09:44 AM
Parent: #10
سلامات يا تبارك
السؤال عشان يكون عام
هل كل من يقال عنهم كيزان في هذا المنبر كيزان؟
اي زول يدخل اصبعو في عش الدبابير طوالي بيكون كوز العجب كان زعلهم شديد بيكون امنجي كمان
وهذا ما حدث لملاسي بالظيط
في طوربيدة بهناك قالت ملاسي ونظامه وهذه الطوربيدة اي زول يقوليها رايك اعوج طوالي تختمو بختم الكوزنة..
لمعرفتي بملاسي لا اظن ان ملاسي كوز ولا علاقة له على الاطلاق بالكيزان
فقط معذب مناضلين الكيبورد والخامشة والعشرين ديل
وهم عندهم حلاقيم ما شاء الله عليها
|
Post: #11
Title: Re: هل حسين ملاسي كوز؟
Author: Yousuf Taha
Date: 11-13-2013, 09:39 AM
Parent: #1
سؤال مريح
عشان نفهم الزول دا شايت وين زاتو جهجه باكاتنا يخ
تحياتي
|
Post: #13
Title: Re: هل حسين ملاسي كوز؟
Author: Abureesh
Date: 11-13-2013, 09:53 AM
Parent: #11
محاكم التفتيش
|
Post: #14
Title: Re: هل حسين ملاسي كوز؟
Author: محمد هاشم ابوزيد
Date: 11-13-2013, 10:00 AM
Parent: #11
Quote: في كيزان في مراتب مرفوعة
وكيزان موضوعة
وكيزان عشمانة
وكيزان شغالة
وكيزان قديمة
وكيزان متسلقة
وكيزان حلمانة وكيزان راح ليها الدرب |
وكيزان استشهدوا
وكيزان ماتوا
وكيزان انطردوا فريد طرده من الملعب
حلوه دي،
لذلك عن اي كيزان تتحدث. اذا كان عن الكيزان الماسكين الحكومه. الحكومه ما عادت حكومه كيزان بل حكومه لحم راس.
ده رأي في القضيه.
|
Post: #15
Title: Re: هل حسين ملاسي كوز؟
Author: رشا سالم
Date: 11-13-2013, 10:17 AM
Parent: #14
علٍقت على الموضوع دا في بوست تاني ومسحت التعليق عشان ما يتفهم ك( مديدة حارة)
بس صراحة انا ما وقع تحت عيني أي كتابة بتسند الادعاء بتاع مساندة الحكومة دا
ملاسي ( حسب فهمي المتواضع ) من رواد المدرسة التجريدية في الكتابة.. بيشوف لب الموضوع
بغض النظر عن الأطراف المعنية أو المكونة للحدث.. وبالتالي بيشوت من طرف.. وما عندو كبير غير
السيد الصادق :)
وقصة انو بينتقد المعارضة .. اعتقد أنهم ما ملائكة ولا رسل عشان يكونوا فوق النقد وكتير من المعارضين
يستأهل الشنق ( أسفة يا تبارك على جرح شعورك الإنساني ).. والمثل بيقول عدو عاقل خير من صديق جاهل
ونحنا يا كافي البلاء اعداءنا بلدا وطرش وبعض من أصدقائنا ديوك عدة.. نسال الله السلامة
|
Post: #16
Title: Re: هل حسين ملاسي كوز؟
Author: محمد أبوالعزائم أبوالريش
Date: 11-13-2013, 11:34 AM
Parent: #15
| Quote: هل حسين ملاسي كوز؟ |
define (كوز)
|
Post: #17
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 12:13 PM
Parent: #16
انا طبعًا اللفت نظري ليس فداحة ما قالته "منى عمسيب" في معرض اعتذارها ... بل فداحة صمت ملاسي في انتظار أن يفتح أحدنا فمه ... أو نموت موت جماعي في شراك تهمة "منى عمسيب" النابعة من قصورنا جميعًا ... ومن نظرتنا الإستقطابية للعالم وللسياسة ولطريقة تقييم الأشياء والأحياء ... لقد أوصلتنا عقلية "منى عمسيب" الإستقطابية لهذا الدرك الذي وصلنا فيه ... منذ اتهام جيش أبي السرح لنا بالكفر والجاهلية ووضاعة الأصل ... وعقابه لنا بالبقط السنوي وحراسة جامع دنقلا ... وإلى يوم ذبح الثور الأبيض في الإثنين الأسود ... فصار حالنا يغني عن مقالنا ... ولا زالت العقلية الإستقطابية (التي ترمي بأحمال مسؤولية الواقع المتدني على الآخر) هي العقلية المسيطرة حتى على الصفوة من السودانيين الذين القى القدر حبهم في قلب بكري أبوبكر ...
والله لا أدري كيف نعالج هذه المشكلة التي قتلناها بالحوارات والمناقشات والحجج ولا زالت تمشي على قدمين بيننا ... فلنبدأ بأن أعتذر إليك يا اخي حسين ملاسي عن اعتذار منى عمسيب ... ونعرج بالإعتذار لكل من وقفت في صفوف العون الإنساني للمنكوبين والنازحين والناجين من الكوارث ... عن الذلة والمسكنة التي ضربت وجوههن بسبب تقصيرنا في أدوارنا في أماكننا ...
(معاوية الزبير انت دايرني احاورك في شنو؟ انت مش الله اداك باسويرد؟ اكتب خلينا نقرا ونفهم ..)
... المهم ...
|
Post: #18
Title: Re: هل حسين ملاسي كوز؟
Author: سيف النصر محي الدين
Date: 11-13-2013, 12:16 PM
Parent: #16
هو مقدم طلب عضوية لحزب الخضر وللا شنو يا سعادتك؟
|
Post: #20
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 02:51 PM
Parent: #18
لغة كيزان يا أيمن محمود؟
داير تقنعني إنك بتفهم في اللغة؟
طيب انا ما حا آخد تهمة فكي بدرالدين التحت دي بى جدية ...
وأعترف أنني تعلمت الحرف الكيزاني على يد أستاذي المرحوم حاج نور ... وتعلمت النحو والصرف الكيزاني على يد معلمي الدكتور نافع على نافع ... وتعلمت معاني الكلمات في القاموس الكيزاني على يد شيخي صلاح قوش ... وأعترف أنها لغة كيزان خالصة لا علمانية فيها ولا يسار ولله المنة والحمد من قبل ومن بعد ...
وبعدين؟ 
(الرجال بيكتبوا مداخلاتهم بالتسلسل ... ما بيزلقوها في النص زي الحرامية !!!)
... المهم ...
|
Post: #21
Title: Re: هل حسين ملاسي كوز؟
Author: AMNA MUKHTAR
Date: 11-13-2013, 03:24 PM
Parent: #20
| Quote: هل حسين ملاسي كوز؟ |
كوز شنو يا زول ؟!
الباشا حسين ملاسي
ليس بكوز ولا معارض ولا حتى رمادي ..لا سمح الله ..
فهو أرفع مقاما من كلللل هؤلاء وأولئك ..وعصي على التصنيف ..
فهو فريد عصره ونسيج وحده وكاتب زمانه .الذي لم تنجب حواء السودانيه مثله أو من يضاهيه ..
شاغل الناس والمنبر وملء الدنيا والبصر .
ويحكم ..
ألا تعرفون مقامات الناس ..؟!!
|
Post: #22
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 03:42 PM
Parent: #21
المشكلة يا امونة مش في انو حسين بيه ابن ملاسي باشا عصي عن التصنيف ...
المشكلة التصنيف الما بيخدم غرض عملي لزومو شنو أصلاً؟
هسي شوفي يوسُف طه الداير يعرف ملاسي "شايت وين" دا ... أأوللو أيه دا يا خال؟
أفرض يا يوسُف طه إنو ملاسي دا بيضقّل بالكورة ساي ... ما شايت ظاطو ... إنت حا تتصرف كيف في الحالة دي؟
والله إلاّ يكون عندك كرت احمر احتياط
(ونحن حا نقعد تااااااني نبلور في الأفكار البتصنع تغيير ... وما حا نترك الحبل على الغارب لهتّيفة "إسقاط النظام" ... لأنو "إسقاط النظام" كوم و "التغيير" كوم براهو)
... المهم ....
|
Post: #23
Title: Re: هل حسين ملاسي كوز؟
Author: خالد عبدالوهاب
Date: 11-13-2013, 04:46 PM
Parent: #22
حسين ملاسي لاكوز لاماكوز
حسين ملاسي حسب تصوري انسان خالي تماما من اي احساس خالي جدا، خالي خلوا لاشك فيه
حسين ملاسي يجلس هناك بعيدا على بلكونة يتابع الاحداث باهتمام كبير واحساس منعدم، يشجع اللعبة الحلوة فقط، الحكومة تجيب قون طق طق طق طق حسين ملاسي يصفق، المعارضة تجيب قون طق طق طق طق حسين ملاسي يصفق!! يمكنه ان يسخر بكل مافي الدنيا من عدم احساس من آلام الناس وعذاباتهم، يمكنه ان يسخر حتى من احزان فتاة مغتصبة!
ولانه لا احساس له، فهو لايغضب لايشتم لا ينفعل لايشعر لا اي حاجة
لكن انت قاعد تفتش ليهو في حقوقو في هذه الدولة التي لاحقوق لاحد فيها ليشنو؟!
|
Post: #24
Title: Re: هل حسين ملاسي كوز؟
Author: أمير عثمان
Date: 11-13-2013, 06:48 PM
Parent: #23
والله نصف سطر من نقد ملاسى لهذا النظام ...
لأعمق أثرا من عشرات بوستات الطرابيد والطوربيدات ...
|
Post: #25
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 09:59 PM
Parent: #24
يا أمير عثمان ... نحن عندنا طوربيدات (وطرابيد) بيقولوا انو عندهم "قصاص" مع ملاسي ... أي والله ...
Quote: مشكورين ابناء وطني الحبيب وحقآ تستاهلوا الاعتذار .
اما بخصوص اعتذار ملاسي للشعب السوداني انا اكيد ما حا اقبلو
لاننا البينا وبين ملاسي قصاص . وانا لما اعتذرته ليهو لاني انا جزء
من الشعب البستاهل امثله لاخر لحظة من عمري بصفاته الجميلة . المورطة
حسين ملاسي ونظامه . ومشكوريييييين ولي قدام . |
كضّاب اليقول عندو "قصاص" مع حسين ملاسي ... لاكين الكضب الأشر ظاطو بقينا بنقراهو وكأنو صدق ... وما لزماننا عيبٌ سوانا ...
... المهم ....
|
Post: #26
Title: Re: هل حسين ملاسي كوز؟
Author: AMNA MUKHTAR
Date: 11-13-2013, 10:09 PM
Parent: #25
| Quote: كضّاب اليقول عندو "قصاص" مع حسين ملاسي |
أنا غايتو عندي ...:)
والسبب : تليحه لى بدون سبب معروف !!
لكن هو سببه شنوووووو..؟!
__________
القصاص القصاص يا ملاسي ..الويل لك :)
|
Post: #27
Title: Re: هل حسين ملاسي كوز؟
Author: أيمن محمود
Date: 11-13-2013, 10:18 PM
Parent: #26
شكرا يا تبارك على الفيديو ... وحقيقة عمل جيد
شوف يا ابو الرجال ... حقيقة لغتك كانت فظة ... وما بتتسق مع توجهات حزبكم الخضراء (المزعومة)
وفظاظة اللغة سمة شائعة في الكيزان، ومصطلح كوز يكاد ان يكون شتيمه (لمتلازماته، كفظاظة اللغة وووو ..الخ) - شوف انت قعدت (تجغلب)* كيف لما وصفنا لغتك بلغة الكيزان !
وبعدين خلي حته اغلبوهم بالصوت دي !!
أما بخصوص كوزنة ملاسي من عدمها - أنظر السطر الثالث !، والكوزنة حالة عقلية أكثر من كونها انتماء سياسي - ده من زاوية أخرى !
ـــــــــــــــــــــ
* تعبير (تجغلب) والله انا ما متأكد انو تعبير عادي والا بطال ... بس لو بطال عليك الله امسحوا في جزمتك بى تحت
+
|
Post: #28
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 10:35 PM
Parent: #26
لاكين يا امونة انتي كدا ما عصرتي علي شديد
انتي بالمناسبة ألبستيهو لبوس قريبو الصحفي داك لا إيدو لا كراعو ...
خصوصًا انو اتهاماتك للصحفي إياه أتت بدون بينات غير مصداقيتك الشخصية ... عمومًا ذلك الموقف معقد وشائك والتجربة السودانية الإجتماعية والقانونية فيه محدودة ... يعني لو حصل ليك موقف زي دا هنا في أمريكا فمصداقيتك الشخصية كافية لدعم موقفك القانوني ... ولكن في السودان تعتبر هذه اتهامات بلا أساس ويتم استنكارها بعفوية ... لا يعني ذلك بالضرورة طعن في مصداقيتك أو موافقة على السلوك أو أي نوع من أنواع التعديات الموجبة "للقصاص" ... ببساطة كلنا نستنكر أن يأتي عضو في المنبر ويكيل الإتهامات الشخصية لشخص لا يملك عضوية ومقدرة على الرد والدفاع عن النفس ...
السياق الذي ذهبتِ في دربه سياق غير مطروق ... ونحمد لك مجهود أن يكون للمرأة السودانية صوت مسموع يحتج على اعتداءات هي من باب المسكوت عنه عادةً ... ولكن كان عليكِ أن تتوقعي بعض المختلفين معك قد يكونوا مدفوعين بغرابة موقفك غير المألوف أكثر من كونهم يغمطون حقوقك في موقف كهذا ... انا شخصيًا اذكر الحوارات وفهمت موقف ملاسي في هذا السياق ...
عمومًا ... تخيّلي لو كانت الحالة نموذجية ولديكِ تسجيل فيديو للحادثة ... لكِ أن تتخيّلي ماذا سيكون موقف ملاسى حينها ... هل تعتقدين أنه سيتوانى عن الشجب مهما كانت درجة قرابته بذلك الحيوان؟
لا أريد فتح ذلك الملف هنا ... ولكن لو نظرتِ من زاوية مختلفة لوجدتِ أن رد فعله طبيعي ومنصف وغير محابي ولا يستدعي القصاص ... وأنتِ صاحبة حق لن نقولها لك إلاّ حين تكوني قادرة على سماعنا بلا ضغائن وجراحات شخصية ... ملاسي عدّاهو العيب ... ولكنه كان في الزمان والمكان الخطأ دون أن يستهدفك بالعداء والإعتداء ... وهذه شهادتي له لم يطلبها مني ولا أقولها لمأرب عنده أرجو تحقيقه ... ففي حياتي الإجتماعية اليومية أنا لا أعرف حسين ملاسي من قريب أو من بعيد ...
ولكِ العتبى حتى ترضي يا بت القبايل إن كان يسوءك إنصافنا لملاسي ...
.... المهم ....
|
Post: #29
Title: Re: هل حسين ملاسي كوز؟
Author: تبارك شيخ الدين جبريل
Date: 11-13-2013, 10:38 PM
Parent: #28
أيمن محمود ...
... دي مكنتك؟
... المهم ....
|
|