Post: #1
Title: العنصرية باتت جهراً.. تباً ثم تب
Author: إحسان عبد العزيز
Date: 11-12-2013, 10:40 PM
Parent: #0
Quote: الاهرام اليوم: ربيع عبد العاطي : من أين أتى امثال اسامة توفيق ..أنا تسندني اصولي وجذوري الضاربة في اعماق ارض السودان، وعليه ان يسأل نخيل السودان عن اصولي، اسامة توفيق يجلس يسار د.غازي شن هجوما عنصرياً ضاريا على أسامة توفيق وقال : الحراك الإصلاحي والجبهة الثورية ملة واحدة 11-12-2013 04:38 PM قال ان الإصلاحيين والجبهة الثورية ملة واحدة يالخرطوم: الأهرام اليوم اتهم الدكتور ربيع عبدالعاطي القيادي البارز بالمؤتمر الوطني قادة الحراك الإصلاحي بالتنسيق مع الجبهة الثورية وقال ان بعض العبارات الواردة في مذكرتهم لرئيس الجمهورية حملت ذات المصطلحات التي تلوكهاالجبهة الثورية "ليل نهار"كقتل المتظاهرين وكبت الحريات ووصف عبدالعاطي الحراك الإصلاحي والجبهة الثورية بانهم ملة واحدة. من جهة اخرى صوّب دكتور ربيع هجوما مباشرا على الدكتور اسامة توفيق القيادي بالحراك الإصلاحي قائلا انه يجهل تاريخ الرجال في إشارة لعبارات وردت على لسان توفيق - حيث اتهم ربيع عبدالعاطي بانه يسعى للمنصب الوزاري عبر الهجوم على الحراك الإصلاحي وأضاف ربيع ان تاريخه التنظيمي وارتباطه بالحركة الاسلامية يعود لأيام الدراسة الثانوية بمدرسة مروي وتساءل ربيع عبدالعاطي من أين أتى امثال اسامة توفيق وماذا قدموا للحركة الاسلامية وأين كانوا زمن السجون والاعتقالات والتضحيات. ومضى يقول: "لا اصعد على اكتاف احد وتسندني اصولي وجذوري الضاربة في اعماق ارض السودان، وعلى اسامة ان يسأل نخيل السودان عن اصولي، واذا لم يجبه على هذا السؤال فانه صادق في قوله". الاهرام اليوم |
عنصرية بغيضة وشخص مريض ذلك المتلطخ بدماء الشهداء المدعو ربيع عبد العاطى، د.اسامة توفيق هو أبن المهندس القدير والرجل الذى قضى كل حياته فى خدمة هذا الوطن عبر مناصبه التى تقلدها فى (هيئة سكك حديد السودان)، حتى رحل وهو نظيف اليد كما عاش نظيف اليد واللسان، حصيلة ما رسخته الانقاذ عنصرية نتنة ووطن يتمزق بفعلها.. وما زرعته الانقاذ يحصده الوطن، وما يجده أمثال أسامة هو أيضاً بافعال اسامة وكل من انتمى للانقاذ فى أى مرحلة من مراحلها، تباً ثم تب.. بين الهندي وفاطمة الصادق .. أين الحقيقة؟! وايضاً: ما يدور بين الهندى عز الدين وفاطمة الصادق ماهو الا واحد من دلائل إسفافات صحف النظام وسقوط صحفى الغفلة والزمن الردئ.. تباً لكم أقلام مأجورة وكما قلت مسبقاً:
Quote: بأننا فى دولة (ستميتها وتقضى عليها) العنصرية المتوغلة فى ضبابير من يحكمونها قسراً ان لم يميتها الفقر والجوع.. |
سنظل نتطلع الى سودان جديد يسع الجميع بلا تمييز
|
Post: #2
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-12-2013, 10:47 PM
Parent: #1
تعليق أعجبنى فى الفيسبوك على صفحة الرفيق على الزين حول ما يدور بين الهندى وفاطمة الصادق (أستأذنه فى الاقتباس):
Quote: فاطمة الصادق الله جابو.. هكذا درج الهندى عزالدين على كتابة اسم الصحفية اثر الخلاف الذى دب بينهما..ممتنا عليها بالاطعام والكساء وتحويلها الى انسان (معروف)...ويظل يكرر الاسم الثلاثى للصحفية فى معرض اهاناته لها وكلنا يعلم الدلالات العنصرية التى يغمز بها ..ووردنى انه فى حديث له اضاف عبارة لحديثه (يكفى ان اسمها فاطمه الصادق الله جابو).. فلتعلم الصحفية البائسة التى اهانت جماهير شعبنا وشهدائنا وهى فى الاصل لم تهين الا نفسها بتلك الاساءات اننا نرفض مما تتعرض له من اهانات من قبل ذلك الدعى انطلاقا من موقف مبدئ رافض لكافة انواع العنصرية.. |
|
Post: #3
Title: Re: العنصرية باتت جهراً.. تباً ثم تب
Author: Artiga Gilani
Date: 11-13-2013, 07:53 AM
Parent: #2
بسم الله الرحمن الرحيم الاستاذة / احسان البلد دى ريحة العنصرية والقبلية فيها قد ازكمت الانوف وقد استخدمتها الانقاذ وغذتها كجزء من سياسة التمكين ولكن السحر انقلب على الساحر وفقدو السيطرة على ما كانو يغذونه وما موضوع موسى هلال ببعيد ..
وهاك دى كمان : هل هى شرارة لحريق يراد به شرق السودان
الشرارة تتجه شرقاً الان
ارتيقا
|
Post: #4
Title: Re: العنصرية باتت جهراً.. تباً ثم تب
Author: عبدالحفيظ ابوسن
Date: 11-13-2013, 08:09 AM
Parent: #3
مرحبا استاذة احسان وما يسؤ الانسان ان العنصرية فارقتها جموع الشعب السوداني بشكل تلقائي , وكشخص لم يفارق السودان ابدا , شهدت زيجات كثيرة بين افراد قبائل كثيرة , ولم تثر لغطا ولا حديثا بين الناس سرا ,, الواقع الحياتي تجاوز القبيلة ,, فما يسؤ ان العنصرية يتحدث بها المثقفون واهل السلطة , واهل الاعلامي فنشر الخلافات الدينية والعنصرية آخر الاسلحة في يد السلطات القهرية لتمكين سلطانهم
|
Post: #6
Title: Re: العنصرية باتت جهراً.. تباً ثم تب
Author: عثمان دغيس
Date: 11-13-2013, 08:25 AM
Parent: #4
والله أنها لبغيضة تلك العنصرية ... ما كنا نعي ما يحسه ويعانيه بنو جلدتنا من إضطهاد خفي ومطاعنة فيما بينهم حتى رأينا بأم أعيننا ما يعانيه أخوة لنا بالخليج ومن السكان الأصليين بالخليج من تمييز من الأعرق الأخرى .. بل وما ظللنا نحسه عندما يطلق عليك أحدهم وبتريقة وصفاقة لفظ ( يا زول ) "وفاكر نفسو بنبز فينا" على قول المرحوم حميد ... هؤلاء النفر من الأرزقية لا يتورعون من فعل أي شيئ يزيدهم تمكناً ليظلوا يمصون ويرضعون خيرات هذا البلد الطيب وشعبه المغلوب على أمره .. تبا لهم وتب ...
|
Post: #16
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:16 PM
Parent: #6
عثمان دغيس منور البوست يا رفيق
Quote: والله أنها لبغيضة تلك العنصرية |
حقاً.. ومرة .. ذكرتنى بايام الدراسة فى مصر عندما كانوا ينادوننا بــ يا زول.. إحساسك بالتقليل من إنتمائك العرقى إحساس مرير.. العنصرية كما قال الرفيق عاصم فقيرى (لاح دمار شامل).. شكراً لك
|
Post: #11
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 07:44 PM
Parent: #4
مرحبل عبد الحفيظ ابو سن
Quote: فنشر الخلافات الدينية والعنصرية آخر الاسلحة في يد السلطات القهرية لتمكين سلطانهم |
أصبت عين الحقيقة.. العنصرية هى الكرت الاخير لتمزيق الوطن.. شكراً لحضورك القيم
|
Post: #8
Title: Re: العنصرية باتت جهراً.. تباً ثم تب
Author: ياسر منصور عثمان
Date: 11-13-2013, 08:35 AM
Parent: #2
Quote: e: فاطمة الصادق الله جابو.. هكذا درج الهندى عزالدين على كتابة اسم الصحفية اثر الخلاف الذى دب بينهما..ممتنا عليها بالاطعام والكساء وتحويلها الى انسان (معروف)...ويظل يكرر الاسم الثلاثى للصحفية فى معرض اهاناته لها وكلنا يعلم الدلالات العنصرية التى يغمز بها ..ووردنى انه فى حديث له اضاف عبارة لحديثه (يكفى ان اسمها فاطمه الصادق الله جابو).. فلتعلم الصحفية البائسة التى اهانت جماهير شعبنا وشهدائنا وهى فى الاصل لم تهين الا نفسها بتلك الاساءات اننا نرفض مما تتعرض له من اهانات من قبل ذلك الدعى انطلاقا من موقف مبدئ رافض لكافة انواع العنصرية.. |
وين قال الهندي (يكفي ان اسمها فاطمة الصادق الله جابو؟؟
قرأت المقال عدة مرات ولم اجد هذه العبارة..
ورأيي ان مزمل والهندي من طفابيع الصحافة في زمن الانقاذ..
|
Post: #12
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 07:58 PM
Parent: #8
مرحب ياسر منصور منور البوست يا رفيق..
Quote: وين قال الهندي (يكفي ان اسمها فاطمة الصادق الله جابو؟؟
قرأت المقال عدة مرات ولم اجد هذه العبارة.. |
السؤال محول للرفيق على الزين وهو عضو بالمنبر..
Quote: ورأيي ان مزمل والهندي من طفابيع الصحافة في زمن الانقاذ.. |
نعم.. إنها صحافة الغفلة فى زمن الغفلة والاقلام المأجورة
|
Post: #5
Title: Re: العنصرية باتت جهراً.. تباً ثم تب
Author: محمد كابيلا
Date: 11-13-2013, 08:25 AM
Parent: #1
الرفيقة إحسان
تحياتى ،،،
Quote: سنظل نتطلع الى سودان جديد يسع الجميع بلا تمييز |
|
Post: #7
Title: Re: العنصرية باتت جهراً.. تباً ثم تب
Author: Asim Fageary
Date: 11-13-2013, 08:31 AM
Parent: #5
يا إحسان إزيك
وحتى في هذا المنبر صار صوت العنصرية يعلو
فيا ترى هل هذا سلاح دمار شامل آخر !
|
Post: #9
Title: Re: العنصرية باتت جهراً.. تباً ثم تب
Author: امجد الجميعابى
Date: 11-13-2013, 08:49 AM
Parent: #7
Quote: فاطمة الصادق الله جابو.. هكذا درج الهندى عزالدين على كتابة اسم الصحفية اثر الخلاف الذى دب بينهما..ممتنا عليها بالاطعام والكساء وتحويلها الى انسان (معروف)...ويظل يكرر الاسم الثلاثى للصحفية فى معرض اهاناته لها وكلنا يعلم الدلالات العنصرية التى يغمز بها ..ووردنى انه فى حديث له اضاف عبارة لحديثه (يكفى ان اسمها فاطمه الصادق الله جابو).. فلتعلم الصحفية البائسة التى اهانت جماهير شعبنا وشهدائنا وهى فى الاصل لم تهين الا نفسها بتلك الاساءات اننا نرفض مما تتعرض له من اهانات من قبل ذلك الدعى انطلاقا من موقف مبدئ رافض لكافة انواع العنصرية.. |
أنا لا أرى في ذكر الاسم ثلاثي اي دلالات عنصرية و لا حاجة دا اسمها كده يعني يفطو التالت دا يمشوا للرابع طوالي و لا شنو زول يكتبوا اسمو ثلاثي يقولوك دي عنصرية شفتو حكمة الله. الهندي عز الدين من مخرجات هذا العهد الغيهب الذي اصبح فيه
السيف عند ########ه، والمال عند بخيلهِ والرأي عند طريدِه، والعلمُ عند غريبه، والحكمُ عند دخيلهِ
|
Post: #10
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 07:41 PM
Parent: #9
تسلم أرتيقا
Quote: بسم الله الرحمن الرحيم الاستاذة / احسان البلد دى ريحة العنصرية والقبلية فيها قد ازكمت الانوف وقد استخدمتها الانقاذ وغذتها كجزء من سياسة التمكين ولكن السحر انقلب على الساحر وفقدو السيطرة على ما كانو يغذونه وما موضوع موسى هلال ببعيد .. |
نعم.. باتوا يمارسون العنصرية جهاراً نهاراً دون ان يرمش لهم جفن.. الشرق وغيرها.. سيتمزق الوطن بسبب العنصرية إرباً إرباً.. شكراً لمشاركتك القيمة
|
Post: #15
Title: Re: العنصرية باتت جهراً.. تباً ثم تب
Author: Tragie Mustafa
Date: 11-14-2013, 08:12 PM
Parent: #10
العنصريه ضاربه يا احسان يختي و اللي كان كان.....
وزي ما قال لك عاصم فقيري
في اول خلاف مع بريمه طلعوا ليه كرت يا ( حلبي) هههههه يعني زي ربيع عبد العاطي.
انا لما اختلفته مع حركة مناوي و رفضت اقالتهم لبعض كوادرهم الجيده
علق قيادي كبير (يفترض) منهم علي اسمي و ادعي ان اسم ابو طالب ليس اسم سوداني!! تخيلي؟!
وكأن اسمه هو (ترايو) من المتاودل سودانيا كان؟!
هذا حال بلادنا للاسف
الناس طلعوا المريخ و نحن في يا عبد و يا حلبي ويا مره!!
عشان كده ضروري نكتب عشان ده اقل لحل لتثبيت الرفض لهذه السلوكيات.
|
Post: #18
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:35 PM
Quote: العنصريه ضاربه يا احسان يختي و اللي كان كان.....
وزي ما قال لك عاصم فقيري
في اول خلاف مع بريمه طلعوا ليه كرت يا ( حلبي) هههههه يعني زي ربيع عبد العاطي.
انا لما اختلفته مع حركة مناوي و رفضت اقالتهم لبعض كوادرهم الجيده
علق قيادي كبير (يفترض) منهم علي اسمي و ادعي ان اسم ابو طالب ليس اسم سوداني!! تخيلي؟!
وكأن اسمه هو (ترايو) من المتاودل سودانيا كان؟!
هذا حال بلادنا للاسف
الناس طلعوا المريخ و نحن في يا عبد و يا حلبي ويا مره!!
عشان كده ضروري نكتب عشان ده اقل لحل لتثبيت الرفض لهذه السلوكيات. |
تسلمى تراجى يا رفيقة.. فقد عزفتى على وتر هام.. نحن نعانى من هذا الداء حتى من بعض من تبنوا قضايا الهامش ورفعوا شعارات نبذ العنصرية والتمييز بكل أنواعه.. ما زلت أستطعم معاناة رفيقة حبية الى نفسى تنتمى الى واحدة من الحركات التى تتبنى خط الدفاع عن قضية دارفور وزوجة لواحد من قياداتها، تنتمى لدارفور بابيها أما والدتها فهى من الشمال الاقصى ومن من يطلقون عليهم حسب اللون (حلب).. عايشت معها معاناة كثيرة من بعض المنتمين للحركة بسبب ان والدتها ليس منهم وأنها أخذت من لونها كثيراً.. لم ينظروا لوفائها وحبها لارضها وإصرارها على الدفاع عنها.. لم ينظروا الى فكرها الثاقب وإمكانياتها السياسية وتجربتها السياسة الثرة.. لم ينظروا الا للون بشرتها وبشرة والدتها.. فكان هذا السبب سبب وجيه بالنسبة لهم لابعادها عن مواقع صنع القرار.. ولكنها صمدت وثبتت وما زالت لانها أصيلة وصاحبة قضية أسمها (الوطن الشامل).. لها التحية ولك تراجى مصطفى
|
Post: #17
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:21 PM
Parent: #9
مرحب أمجد الجميعابى
Quote: أنا لا أرى في ذكر الاسم ثلاثي اي دلالات عنصرية و لا حاجة دا اسمها كده يعني يفطو التالت دا يمشوا للرابع طوالي و لا شنو |
صحفية الغفلة التى أساءت للثوار ولشهداء الثورة عرفت عبر مسيرتها القصيرة بـــــ (فاطمة الصادق).. وإضافة الاسم الثالث له دلالاته فى الهمز واللمز وهذا ديدن الصحف الصفراء والاقلام المأجورة فى زمن انتحار الصحافة السودانية.. شكراً للمشاركة
|
Post: #14
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:10 PM
Parent: #7
مرحبتين حبابك عاصم فقيرى
Quote: فيا ترى هل هذا سلاح دمار شامل آخر ! |
أعمق وصف للعنصرية (سلاح دمار شامل).. نعم استاذ عاصم.. نحن ان لم تمزقنا الحروب التى فرضها الانقاذ ستمزقنا العنصرية (إرباً إرباً) كما قلت هنا لاحد الرفاق المتداخلين.. أما ما يدور هنا على صفحات المنبر من عنصرية فبالطبع المنبر جزء مما يدور فى المجتمع السودانى خاصة وأنه تكثر فيه العناصر التى تنتهج الخط الانقاذى وتنفذ أجندته كدور جاءت لتقوم به هنا.. شكراً لحضورك الثر
|
Post: #13
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 07:59 PM
Parent: #5
ولك ألف تحية كمرد كابيلا كل التقدير وفائق الاحترام.. تسلم
|
Post: #19
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:43 PM
Parent: #13
Quote: Ali Bob · الأكثر تعليقا (يكفى ان اسمها فاطمه الصادق الله جابو) نعم قد يعتبرها البعض عنصرية لان اسم الله جابو ليس من ضمن اسماء الجعلين او الشايقية مستوطني السودان والان اصبحو يقولو ان البلد بلدهم وهم اسيادها |
من الفيسبوك: شكراً على بوب.. تحليل سليم 100% شكراً للمشاركة
|
Post: #20
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:47 PM
Parent: #19
Quote: Abdullah Idrees · U of K كأننا يا بدر لا جئنا و لا رحنا .. اسي الحشر الجعليين و الشايقية هنا شنو ؟ ومن وين ليك انو الاسم ده ما عندهم ؟ |
عبد الله ادريس مرحبتين حبابك يا أخوى.. لما الناس تخت يدها على الجرح ما تزعل يا أخوى، عشان نحن لازم ننكأ الجرح للنهاية مهما كان الالم وبعد داك نشوف العلاج شنو.. شكراً لحضورك
|
Post: #21
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 08:53 PM
Parent: #20
Quote: ناصر الجعلي · عدم ثقتك في نفسك ودونيتك يخلوك كان وقعت طيره من السماء تلصقها في الجعليين والشوايقه .. ياخ اتعالج عشان تشوف انو الدنيا اتغيرت وبقي ما فيها ده منو وده منو .. |
سلامات ناصر الجعلى انت ما شايف إنك قاعد تناقض نفسك!!!!!!!!!!!!!!! بدليل:
Quote: الدنيا اتغيرت وبقي ما فيها ده منو وده منو |
مش أفضل تكون ((ناصر السودانى)).. شفت كيف الناس اتغيرت للاسوأ!!!!!!!!!!!!!!!!!!
|
Post: #22
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 09:10 PM
Parent: #21
Quote: ابوجلمبو الغطاس · يعنى شنو ذكر اسمها ثلاثى؟؟؟ صح شاعر: اذا ساء فعل مرء ساءت ظنونه وصدق مايعتاده من توهم |
أبو جلبو!!!!!!!!!!!!! خليك غاطس فى الموية وأكيد هناك ما حتلقى أبو جلمبو بكتب شعر عشان تفهمو بالمقلوب.. شكراً للمشاركة
|
Post: #23
Title: Re: العنصرية باتت جهراً.. تباً ثم تب
Author: عبدالعظيم عثمان
Date: 11-14-2013, 09:27 PM
Parent: #22
سلام إحسان
العنصرية متجذرة في الثقافة السودانيه .. ليست سلوك نشاذ او تصرفات فرديه المجتمع السوداني فيه من العنصريه ما يفرتك قارة مش وطن ... تلاشت في بعض الفترات وتسامي الجميع فوق الفروقات بين اللون والعرق والجهه ولكن أعادتها الإنقاذ حيث تفجرت الصراعات العرقية وطفحت العنصريه داخلها ,, وأنتجت الإنقاذ خطاب عنصريا , تسبب في تدمير النسيج الإجتماعي .. الشعور بالإستعلاء وتحقير الأخرين ممارسة عنصريه تحتاج الي جهد كبير حتي يتلاشي هذا السلوك وحتي تختفي الممارسه .. إنتزاعها من الثقافه السودانيه ليس سهلا ...
|
Post: #24
Title: Re: العنصرية باتت جهراً.. تباً ثم تب
Author: إحسان عبد العزيز
Date: 11-14-2013, 09:53 PM
Parent: #23
مرحب عبد العظيم
Quote: العنصرية متجذرة في الثقافة السودانيه .. ليست سلوك نشاذ او تصرفات فرديه المجتمع السوداني فيه من العنصريه ما يفرتك قارة مش وطن ... تلاشت في بعض الفترات وتسامي الجميع فوق الفروقات بين اللون والعرق والجهه ولكن أعادتها الإنقاذ حيث تفجرت الصراعات العرقية وطفحت العنصريه داخلها ,, وأنتجت الإنقاذ خطاب عنصريا , تسبب في تدمير النسيج الإجتماعي .. الشعور بالإستعلاء وتحقير الأخرين ممارسة عنصريه تحتاج الي جهد كبير حتي يتلاشي هذا السلوك وحتي تختفي الممارسه .. إنتزاعها من الثقافه السودانيه ليس سهلا ... |
لخصت القضية بعمق مختصر.. لك التحية.. معاً لاستئصال هذا الداء والذى أظنه لن يجدى إستئصاله نفعاً الا باسقاط هذا النظام.. كل التقدير والاحترام
|
Post: #25
Title: Re: العنصرية باتت جهراً.. تباً ثم تب
Author: Abdullah Idrees
Date: 11-14-2013, 11:18 PM
Parent: #24
Quote: عبد الله ادريس مرحبتين حبابك يا أخوى.. لما الناس تخت يدها على الجرح ما تزعل يا أخوى، عشان نحن لازم ننكأ الجرح للنهاية مهما كان الالم وبعد داك نشوف العلاج شنو.. شكراً لحضورك
[Profile] [Edit] |
اي جرح ؟ هل الشايقية والجعليين وحدهم من يمارس العنصرية في السودان ؟ طوالي قلتي ليهو تحليل سليم 100%؟ يبدو انو قال كلام انتي ما قادرة تقوليهو .. بعدين وريني اسم "الله جابو " ده تابع لأي إثنية ! وهل الجعليين والشايقية فقط المابسموهو ولا في ناس تانية ؟ وبتنقلي بإنتقائية معيبة انا ذاتي بعتبرا عنصرية واضحة لييه ما جبتي تعليقو ده هو نفسو Ali Bob :
|
Quote: Ali Bob · الأكثر تعليقا Abdullah Idrees البلد بلدي والناس الجات من الجزيرة العربية او مع المسعمر هم يقفل الباب وراهم لان انا لو شلت حقي البقدر عليهو في ناس مابلقو اي حاجة الا يرجع الي جزيرتهم العربية او من المكان الاتي منه |
من يستنكر العنصرية عليه ان يبتعد منها .. على الاقل تحياتي
|