الحكومة السودانية تخفض الرواتب بنسبة 22.6%

خفض سعر العملة السودانية بما يعادل 22.6% يعني ببساطة خفض مرتبات العاملين بالدولة 22.6% بحسب فهمي المتواضع جدا للحساب ..

الذ حركة ممكن يعملوها يقوموا يزيدوا الرواتب بما يعادل 0.6% من عائدات رفع الدعم من أجل رفاهية الشعب السوداني الحزين ..

وبالتالي تكون محصلة الرفاهية عبارة عن 22% تخفيض رواتب زائدا حسابات رفع الدعم بالتمام والكمال ..

وده قرار يا جماعة .. حقيقة بصب في مصلحة ذوي الدخل المحدود ..
لانو المستفيد الاول من بقاء الجنيه هو الزول العندو اكتر من جنيه في البيت ..
انا بعرف اسر لما يكون عندهم مناسبة كل زول بمشيها بي جنيهو ..
البيت الواحد تلقى فيهو اكتر من سبعة جنيهات ..
وديل هم البكلفو خزينة الدولة 22 قرش على كل جنيه عندهم ..
يبقى ال 22 قرش دي الاولى بيها منو ؟!
اولى بيها غالبية الشعب السوداني الذي لا يعرف الجنيه أصلا ..
لانو الواحد احسن ليهو يكون ما عندو 88 قرش بدل ما يكون ماعندو جنيه ..
والله صحي !!
رأصني يا فرفور !!!

Quote: رأصني يا فرفور !!!

هههههههههههههههههههههههههههههههههههههههههههههههههههههههههه

حبيبنا ود المشرف السلام عليكم من نفر كريم


الله غالب ياحبيب .. الله غالب

مجيد يا صديقي ..
كيف الحال والاحوال ؟!

هذا القرار بمثابة امتداد طبيعي جدا لأكاذيب السلطة الكاذبة ..
ما أن كثرت أحاديثهم حول توجيه عائدات رفع الدعم عن المحروقات .. وأعني الرفع الجزئي الراهن .. توجيهه نحو البند الاول للميزانية (المرتبات) .. حتى علمت بأن كارثة ماحقة ستحيق بمرتبات العاملين بالدولة السودانية .. وبحسب حساباتي المسكينة جدا .. خفض الجنيه يساوي خفض الراتب المقبوض به .. وقد تكون التبعات أكثر كارثية .. الآن نحن امام خفض ما يقارب الربع من مرتبات الناس .. مضافا لذلك ما ترتب عن الرفع الجزئي للدعم الحكومي للسلع .. وفي انتظار ما سيترتب على الرفع الكامل للدعم .. هذا وضع كارثي بكل تأكيد .. نحن ازاء مقدمات او مشاهد أولية لشلل اقتصادي لا يقود الا للموت ..

حدثني صديقي أن غسيل الكلى باحدى المستشفيات الخاصة بلغ 320 الف جنيه للغسلة الواحدة ..
هذا القرار ببساطة سيدفع اصحاب المستشفى لزيادة تبلغ 1.25 في الاسعار وحتى يتحصلوا على ذات القيمة الفعلية .. أي 80 الف جنيه .. وبالتالي يكون سعر الغسلة الواحدة 400 الف جنيه .. الكارصة الحقيقية لو كان المريض موظفا بالدولة انخفض راتبه بما يعادل الربع ... تصور ؟!!

Quote: الحكومة السودانية تخفض الرواتب بنسبة 22.6%

يرفعوا الدعم عشان الطبقة الفقيرة ،،،،، ينقلب السحر على الساحر ،،
لا الهدف من رفع الدعم حقق اهدافو ،،،
ولا الفقير نالو حظ من الدخل الاتحقق من رفع الدعم ،،
والشغلة جاطت
-----------
تحياتي ود المشرف

على يا عزيزي ..
حبابك عشره ..

قرار خفض الجنيه لا يقل كارثية عن قرار رفع الدعم ..
واما وقد جاء تاليا له , فالكارثة مضاعفة ..
ولا يبقى الا انتظار الرفع .. أعني الرفع الكامل للدعم !!

...
شوفو آ ناس ..
يا نشيل النظام ده ..
يا نشيل الفاتحه !!!

نعم هذا صحيح .. في قوانين الاقتصاد ببساطة خفض العملة = خفض قوتها الشرائية بنسبة مساوية لقيمة الخفض
لكن يا ود المشرف انا قريت انو الخفض 30% .. لا اتذكر المصدر بالضبط .. عموما ما فارقة بقت لكنا موعودين بحوادث عظام وايام كالحات يذهبن اللحم والعظم ..
اصلا اي زيادة في الرواتب بتخفيض او بدونو ستمول عن طريق الاستدانة من النظام المصرفي في الاحوال المشابهة (ميزانية مضروبة مافي زول عارف ارقاما الحقيقية ، انتاج صفر )، لكن الجماعة ديل طبعا بطبعو قروش ساي اصلا البنك المركزي غير مستقل تماما وهو مجرد اداة في يد العصبة الحاكمة ..

تحياتي

نعم هذا صحيح .. في قوانين الاقتصاد ببساطة خفض العملة = خفض قوتها الشرائية بنسبة مساوية لقيمة الخفض
لكن يا ود المشرف انا قريت انو الخفض 30% .. لا اتذكر المصدر بالضبط .. عموما ما فارقة بقت لكنا موعودين بحوادث عظام وايام كالحات يذهبن اللحم والعظم ..
اصلا اي زيادة في الرواتب بتخفيض او بدونو ستمول عن طريق الاستدانة من النظام المصرفي في الاحوال المشابهة (ميزانية مضروبة مافي زول عارف ارقاما الحقيقية ، انتاج صفر )، لكن الجماعة ديل طبعا بطبعو قروش ساي اصلا البنك المركزي غير مستقل تماما وهو مجرد اداة في يد العصبة الحاكمة ..

تحياتي

عبدالله سلامات وكيف الاحوال ..

ونعم يا عزيزي يوجد بوست في المنبر اشار الى ان الخفض تم بنسبة 30% ..
ولكن المسألة كما أشرت انت ما فارقه كتير ..

المهم أن حساباتي المتواضعة للمسالة تم تعضيدها برأى ذي خلفية علمية وتشكر على ذلك ..

Quote: اصلا اي زيادة في الرواتب بتخفيض او بدونو ستمول عن طريق الاستدانة من النظام المصرفي في الاحوال المشابهة (ميزانية مضروبة مافي زول عارف ارقاما الحقيقية ، انتاج صفر )، لكن الجماعة ديل طبعا بطبعو قروش ساي اصلا البنك المركزي غير مستقل تماما وهو مجرد اداة في يد العصبة الحاكمة ..

والله يا عزيزي الحاصل ده كلو عبارة عن مشهد لا ينتمى لأي منظومة معرفية او علمية او فكرية او اقتصادية.. وكأننا خارجين عن حدود الزمان والمكان اذ لا تبدو هناك أي ارتباطات بالعصر الذي نعيش فيه ..

يا ود المشرف إزيك

تعرف نحنا بقينا ولا نلتفت لقرارات الحكومة دي خالص

لأننا وصلنا لقناعات إنهم أ ب ت ث إقتصاد ما بيعرفوها

كل همهم يلقفوا ويلقفوا ويلقفوا ...................................ززإلى ما لا نهاية

بعدين مسألة مواطن ومعيشته دي أصلاً هم ما خاتينها في أي من حساباتهم

المواطن يقول بغم البندقية في

جينا بالبندقية والما عاوزنا يقلعنا

ديل وصلوا مرحلة من الصلف حتى في أوج ضعفهم بيستقوا بالضرب تحت الحزام


تعرف هم حالتهم أصعب من حالة الشعب

وسمعت يوماً رجلاً بسيطاً من الشعب لم ينال حظه من التعليم يقول حكمة، عندما سمع تكرار عبارة (رفع المعاناة عن كاهل الجماهير)

تعرف ماذا قال ؟

قال: يا أخوانا المعاناة دي ما تعبت من كاهل الجماهير متين يرفعوها !


تخيل المعاناة ذاتها تعبت فما بالك بكاهل الجماهير !

Quote: وده قرار يا جماعة .. حقيقة بصب في مصلحة ذوي الدخل المحدود .. لانو المستفيد الاول من بقاء الجنيه هو الزول العندو اكتر من جنيه في البيت .. انا بعرف اسر لما يكون عندهم مناسبة كل زول بمشيها بي جنيهو .. البيت الواحد تلقى فيهو اكتر من سبعة جنيهات .. وديل هم البكلفو خزينة الدولة 22 قرش على كل جنيه عندهم .. يبقى ال 22 قرش دي الاولى بيها منو ؟! اولى بيها غالبية الشعب السوداني الذي لا يعرف الجنيه أصلا .. لانو الواحد احسن ليهو يكون ما عندو 88 قرش بدل ما يكون ماعندو جنيه .. والله صحي !!

شكرا على الرأى السديد يا ود المشرف ولكننا لا نستغرب قرارات

وتصرفات هؤلاء المجرمين !!

تحياتى !!

بسم الله الرحمن الرحيم
الاخ / ودالمشرف
هذا الوضع نتيجة جتمية وطبيعية لسياسة رزق اليوم باليوم
التى تنتهجها حكومتنا المؤقرة فى ادارة الوضع الاقتصادى
بالبلاد ..
منذ العام 2005م كان يجب على حكومتنا ( المؤقرة ) ان تتجه
للبحث عن موارد اضافية لدعم الاقتصاد غير البترول لان لها
التزام سياسى ( نيفاشا ) قد يذهب بهذا المورد كاملاً ناحية الجنوب
لذلك كان عليها ان تقوم بدعم وتطوير القطاع الزراعى والصناعى
والانتاج الحيوانى حتى تضمن مصادر تمويل متنوعة وفاعلة تعالج
الخلل الذى سينتج عن فقدانها لموارد البترول فى حال انفصال الجنوب .
الذى حدث ان قامت حكومتنا ( المؤقرة ) بالقضاء على القطاع الزراعى
وتدمير اهم مشاريعة ( الجزيرة ) وبالتالى هجر اهل الزراعة اراضيهم
لعدم الجدوى من زراعتها واتجهوا اما للتعدين او غيرها .. القطاع الصناعى
لا يقل بؤسأ عن القطاع الزراعى .. فبدلاً من تشجيع الاستثمارات الاجنبية
وحصر التصديق للاستثمار الاجنبى فى هذا القطاع بنسبة كبيرة ( 70% - 80%)
فتحت الكومشنات والعلاقة الخاصة للاستثمارات الاجنبية دروباً اسنثمارية غير ذات
جدوى اقتصادية للبلاد فكان الاستثمار فى قطاع النقل ( كان القطاع الخاص السودانى
كفيلاً بتغطيته ) والطوب والمطاعم ووووو من كل هذه الانشطة وواصلنا فى استيراد
كل احتياجاتنا من العربة الى الابرة .. اما قطاع الانتاج الحيوانى فحدث ولا حرج
ما يحدث الان ليس معالجات اقتصادية بقدر ما هو معالجات لعجز الموازنة اعتماداً على جيب
المواطن المغلوب على امره .. اذا امكن معالجتها للعام 2014م فماذا سيفعلون لموازنة العام 2015م ..

ارتيقا

كابيلا يا عزيزي ..
هذه مشاهد عبثية بامتياز وتدفعنا دفعا لممارسة السخرية التي نخجل - في نهاية المطاف- من ورودها في هذا المقام الوطني العظيم !!

محزن يا كابيلا .. محزن جدا !!