حسب صديق سعودى : الجنسية السودانية اصبحت كارثة حقيقية ومشكلة تحتاج لوقفة

رجل اعمال سعودى تربطه معنا علاقة عمل تطورت نوعا ما الى صداقة
وحسب المجتمع السعودى في التقييم هو احد الواصلين ككل من يملك المال والنفوذ في هذا المجتمع
نقل لى اليوم ما رآه تذمر حقيقى بين الاجهزة الامنية السعودية من حملة الجنسية السودانية غير السودانيين
وان الامر قد يتخذ منحى اخر يتضرر منه السودانيون عموما ان لم تجد السودان حلا لهذه المشكلة ..
من خلال نقاشى معه استفهمت الامر واتضح لى ان السلطات الامنية في السعودية تتابع منذ فترة ومن خلال وقوفها على
بعض البؤر الاجرامية والاحداث التى تقع وجود حملة الجنسية السودانية بكثافة ومن خلال التحقيق والتدقيق يصلون الى
حقيقة مفادها ان حامل الجنسية او الجواز غير سودانى اصلا ولا علاقة له بالسودان وانه حصل على المستند بطريقة او اخرى
والمؤسف ان الامر لا يتوقف على شخص قادم من السودان بل احيانا من الدولة التى قدم منها الشخص او من داخل المملكة العربية السعودية .
وضرب لى مثالا بالسيدة التى ظهرت قبل فترة في برنامج الثامنة لداؤود الشريان والتى انكرها والدها السعودى
واقرارها ان والدها المفترض تشادى يحمل الجنسية السودانية وان احدهم استخرج لها جنسية سودانية من
الخرطوم وهى اصلا لم ترى ولا تعرف السودان وان مثل هذه القضايا تكررت كثيرا لكنها لم تجد حظا من
الاعلام كتلك ولكنها مضبوطة في مضابط الشرطة والجهات الامنية ...
لكن ما لفت النظر اكثر حسب حديثه خلال الاسبوع الماضى ومن خلال الكشات والحملات الامنية لضبط
المخالفين وما تبعها من احداث مؤسفة وضحت الرؤية اكثر وباعداد ملفتة للنظر وان هذا تقريبا ما دق اخر مسمار
في نعش النظرة الامنية حول هذا الموضوع ...
وحتى تتضح الرؤية :
1- انا شخصيا لا اقول ان السودانيون ملائكة لا يرتكبون مخالفات او جرائم حتى لا يتهمنى احد انى ارمى وزرنا على الغير
فالشر والخير موجود في كل مكان وكل زمان والامر لا يتعلق بهذا ابدا لكن ليس عدلا ان نتحمل وزر غيرنا
2- ليست لدى مشكلة ابدا في نيل احدهم جنسية وطنى بالطرق القانونية والمتبعة فهذا حق مكفول
3- السعودية وكل من يعيش هنا يعرف ذلك تضع ضوابط (دينية وجغرافية وعادات وتقاليد ) في الاستقدام وحتى التعامل
ومن خلال هذه النقاط للسودان والسودانيون وضعهم الخاص
4- الامر له تأثيره مهما قللنا من شان هذه المشكلة حاضرا ومستقبلا
5- بعيدا عن كل هذا وذاك ومن حيث الابتداء لماذا صارت المستندات السودانية مبذولة بهذا الشكل الغريب الذى
ربما لا يوجد حتى في دولة بلا مؤسسات مثل الصومال ؟؟

السلام عليكم
-

Quote: بعيدا عن كل هذا وذاك ومن حيث الابتداء لماذا صارت المستندات السودانية مبذولة بهذا الشكل الغريب الذى ربما لا يوجد حتى في دولة بلا مؤسسات مثل الصومال ؟؟

أسع الحشر الصومال في موضوعك دا شنو ؟
ألا نستطيع مناقشة مشاكلنا دون تحقير الآخرين ؟
بعدين هل أنت شايف إنو السودان دولة بمؤسسات ؟

عليكم السلام

Quote: أسع الحشر الصومال في موضوعك دا شنو ؟ ألا نستطيع مناقشة مشاكلنا دون تحقير الآخرين ؟ بعدين هل أنت شايف إنو السودان دولة بمؤسسات ؟

يااخى نقل الواقع لا يكون تحقيرا والامر لوصف حال وليس بقصد التحقير
لان وضع الصومال كدولة بلا مؤسسات واقع حقيقى ومعروف ..
اما سؤالك هل السودان دولة بمؤسسات هو مقصد البوست نفسه

تحياتي هشام، ياخي دي آخر مشكلة تهم السودانيين، ولايهتم بها الإعلام السوداني، السودان بلد حدودو مفتوحة مناطق سهلية لاتوجد بها أي عوائق طبيعية ومحاط بدول أشد منه فقرا وتعاني من انفجار سكاني لذلك السودان يتعرض لحالة هجرة مستمرة لايأبه لها أحد ولايدرسها أحد، فساد مستشري وضغوط معيشية هائلة،يكره السودانيين بعضهم بعضا وتتقاتل القبائل السودانية وتقتل بعضها بعضا فيما يتم تغيير التركيبة السكانية عن طريق الهجرة وحين ينبتهون ذات يوم سيجدون أنهم أصبحوا أجانب في بلادهم!

لدينا مشكلة تربية وطنية .

والذمم خربت .

حتى صرنا نبيع اسم الوطن بتراب الفلوس لكل من هب ودب .

هذه كلها مشاكل تحتاج الى نقاش جاد .

وقل ذلك الى توعية وطنية

والى اعتزار بالوطن والانتماء اليه

والى الابتعاد عن القبلية والجهوية .


الأمر جد خطير وخطير جدا .

Quote: تحياتي هشام، ياخي دي آخر مشكلة تهم السودانيين، ولايهتم بها الإعلام السوداني، السودان بلد حدودو مفتوحة مناطق سهلية لاتوجد بها أي عوائق طبيعية ومحاط بدول أشد منه فقرا وتعاني من انفجار سكاني لذلك السودان يتعرض لحالة هجرة مستمرة لايأبه لها أحد ولايدرسها أحد، فساد مستشري وضغوط معيشية هائلة،يكره السودانيين بعضهم بعضا وتتقاتل القبائل السودانية وتقتل بعضها بعضا فيما يتم تغيير التركيبة السكانية عن طريق الهجرة وحين ينبتهون ذات يوم سيجدون أنهم أصبحوا أجانب في بلادهم!

كلام في الصميم
شكرا محمد عثمان

Quote: لدينا مشكلة تربية وطنية . والذمم خربت . حتى صرنا نبيع اسم الوطن بتراب الفلوس لكل من هب ودب . هذه كلها مشاكل تحتاج الى نقاش جاد . وقل ذلك الى توعية وطنية والى اعتزار بالوطن والانتماء اليه والى الابتعاد عن القبلية والجهوية . الأمر جد خطير وخطير جدا

اتفق معك تماما
بغض النظر عن المسببات والعوامل والظروف فعلا ينقصنا
الكثير في مفهوم الوطنية وستجد في ذلك المسؤول والمواطن العادى سيان .
اشكرك محمد يوسف

Quote: حسب صديق سعودى : الجنسية السودانية اصبحت كارثة حقيقية ومشكلة تحتاج لوقفة

تحياتى هشام

الجنسية السودانية ارخص جنسية يمكن الحصول عليها وبأقل التكاليف ( المادية والزمنية )

فى بواكير عهد الانقاذ وفى سبيل التمكين كان من وسائلهم فى التمكين :-

- التغيير الديمغرافى وخاصة فى شرق السودان وغربه ..

ثم كانت الطامة الكبرى بفتح ابواب السودان لكل من هب ودب من كل فج عميق .. لينال الجنسية السودانية
كل مجرمى العالم .. ولازالوا ينالون حتى الان الان .. ويكفيك مثالاً اتباع ايران وحزب الله وحماس وعملاء الموساد ..

وكما قال احد الاخوة فعلاً سيأتى اليوم الذى سيصبح فيه المواطن السودانى اجنبي فى بلده ..

المشكلة عندنا فى الامارات حملة الجوازات السودانية من الجنسيات الاخرى

اكثر من السودانين اليوم صادفنى واحد جاء يصرف شيك من عندى اعطانى جواز سودانى وقال انا ما سودانى بس معاى جواز سودانى

الأخ الفاضل المحترم \ هشام عباس

لك مني كل التقدير والتحايا السودانية .. ولضيوفك الكرام .

حقيقة يا اخ هشام موضوع في جرح , واااااه يا وطن فقدت الوجيع واليك المشتكي .

تخيل يا اخ هشام يا ريت لو وقفت علي كده وبس . نحنا في الدول الاوربية وشايلين جوازات

اوربية لكن بعد ما اكدنا جدآ بنستحقها من منطلق الاخلاقيات اولآ وقبال كل شئ . يعني لما نجي

نتحصل علي الجوار الشرط الاول ما نكون عملنا اي مخالفة قانوبية ولو حتي نقاش حاد ادي الي الضرب .

لانو محسوب عليك وباخر ليك الجواز لفترة من الزمن . ولكن الادهي والامر يا اخ هشام لما اتصدم بانو بعض

الجنسيات الافريقية المجنسة سودانية بالتحديد من النساء عارضين نفسهم في ( rod area ) الله اعزك دي بترينات

الدعارة المقننة . او العنصر الرجالي الاكبر مجرمين ومزورين العالم وباسم السودان اتحصلوا علي الجنسية الاوربية

وامشوا امريكا اعملوا افظع الجرائم ولما اجوا ارحليهم اعترفوا بانهم نجيرين وتخيل كل البحصل ده ما هزة شعرة من

سفارتنا الاكثر فسادآ وفاقدة لمشروعية الدبلوماسية . طبعآ يا اخ هشام في اوربا ما بهمهم دة شنو ولا ده منو دي دول

ديمقراطية وشعارها كل زول مسؤل عن نفسه . يعني نظام ( لا تزر وازرة وزر اخري ) حقيقة يا هشم مصيبة ونسأل الله

السلامة . ومشكور يا ود امي علي الموضوع الفي غاية الاهمية ولي قدام .

الأخ هشام عباس
لك التحية
هذه جريمة في حق الوطن تستلزم وقفة رسمية قوية ,,, فكل من هب ودب يمكنه أن يستخرج جواز سفر سوداني ويحملنا مصائبه.
شاهدت حلقة الفتاة السعودية المنكورة النسب وتخيلت سفارتنا تتقصى الأمر لتعرف كيفية حصولها على أوراق ثبوت سودانية, لكن يبدو أن الأمر عااااااادي
اللهم إليك المشتكى

سلامات
الأخ
هشام عباس

حكومة المؤتمر الوطني تشدد الشروط والقيود لإستخراج وثيقة جواز سفر السوداني للسودانيين .
في نفس الوقت تمنح الجنسية السودانية للأجانب في مطار الخرطوم دون أن يتقدمو بطلب للحصول علي الجنسية السودانية وتمنحهم الجواز السوداني .
الآن في السودان كل شئ يصعب علي السوداني حصوله,
وساهل علي الأجنبي حصوله

Quote: تحياتى هشام الجنسية السودانية ارخص جنسية يمكن الحصول عليها وبأقل التكاليف ( المادية والزمنية ) فى بواكير عهد الانقاذ وفى سبيل التمكين كان من وسائلهم فى التمكين :- - التغيير الديمغرافى وخاصة فى شرق السودان وغربه .. ثم كانت الطامة الكبرى بفتح ابواب السودان لكل من هب ودب من كل فج عميق .. لينال الجنسية السودانية كل مجرمى العالم .. ولازالوا ينالون حتى الان الان .. ويكفيك مثالاً اتباع ايران وحزب الله وحماس وعملاء الموساد .. وكما قال احد الاخوة فعلاً سيأتى اليوم الذى سيصبح فيه المواطن السودانى اجنبي فى بلده .

علاء تحياتى
المشكلة الاعظم ان احساسنا بالمسؤولية معدومة في هذه الناحية تحديدا
الامر لا يتعلق فقط بنظام حكم او مسؤولين يصدرون هذه المستندات
المسالة ان المواطن العادى ايضا مستعد للمساعدة في هذا الامر اما بمال يتقاضاه
او لما يعتقده موقف انسانى وشهامة في مساعدة غريب او غيره ...
وبالطبع ضعف النظام والرقابة على الاجهزة وتجاوز القانون والتلاعب وعدم الضمير متوفر بكثرة
بين الموظفين الذين يساهمون في منح هذه المستندات لنفس الاسباب سابقة الذكر ,

Quote: المشكلة عندنا فى الامارات حملة الجوازات السودانية من الجنسيات الاخرى اكثر من السودانين اليوم صادفنى واحد جاء يصرف شيك من عندى اعطانى جواز سودانى وقال انا ما سودانى بس معاى جواز سودانى

حسن تحياتى
ياخى انتو في الامارات احسن بكتير
يمكن غلاء المعيشة وصعوبة الحياة في الامارات بتقلل من الاعداد نوعا ما مقارنة بالسعودية
في السعودية المسألة فاتت حدود المعقول بدرجات .

Quote: الأخ الفاضل المحترم \ هشام عباس لك مني كل التقدير والتحايا السودانية .. ولضيوفك الكرام . حقيقة يا اخ هشام موضوع في جرح , واااااه يا وطن فقدت الوجيع واليك المشتكي . تخيل يا اخ هشام يا ريت لو وقفت علي كده وبس . نحنا في الدول الاوربية وشايلين جوازات اوربية لكن بعد ما اكدنا جدآ بنستحقها من منطلق الاخلاقيات اولآ وقبال كل شئ . يعني لما نجي نتحصل علي الجوار الشرط الاول ما نكون عملنا اي مخالفة قانوبية ولو حتي نقاش حاد ادي الي الضرب . لانو محسوب عليك وباخر ليك الجواز لفترة من الزمن . ولكن الادهي والامر يا اخ هشام لما اتصدم بانو بعض الجنسيات الافريقية المجنسة سودانية بالتحديد من النساء عارضين نفسهم في ( rod area ) الله اعزك دي بترينات الدعارة المقننة . او العنصر الرجالي الاكبر مجرمين ومزورين العالم وباسم السودان اتحصلوا علي الجنسية الاوربية وامشوا امريكا اعملوا افظع الجرائم ولما اجوا ارحليهم اعترفوا بانهم نجيرين وتخيل كل البحصل ده ما هزة شعرة من سفارتنا الاكثر فسادآ وفاقدة لمشروعية الدبلوماسية . طبعآ يا اخ هشام في اوربا ما بهمهم دة شنو ولا ده منو دي دول ديمقراطية وشعارها كل زول مسؤل عن نفسه . يعني نظام ( لا تزر وازرة وزر اخري ) حقيقة يا هشم مصيبة ونسأل الله السلامة . ومشكور يا ود امي علي الموضوع الفي غاية الاهمية ولي قدام

الله المستعان
شكرا اختى منى

Quote: الأخ هشام عباس لك التحية هذه جريمة في حق الوطن تستلزم وقفة رسمية قوية ,,, فكل من هب ودب يمكنه أن يستخرج جواز سفر سوداني ويحملنا مصائبه. شاهدت حلقة الفتاة السعودية المنكورة النسب وتخيلت سفارتنا تتقصى الأمر لتعرف كيفية حصولها على أوراق ثبوت سودانية, لكن يبدو أن الأمر عااااااادي اللهم إليك المشتكى

والله يا وليد انت طيب
يعنى انت بالجد مفتكر انو عندنا سفارة بتمثل السودان والسودانيين ؟؟
يا اخى السفارة السودانية وتحديدا في السعودية ليس بها رجل واحد مؤهل يعرف ماهية وظيفته ولا واجبه
ديل شوية عواطلية قاعدين في مكاتب مفتكرين كل مهمتهم جمع اموال من المغترب في الاعمال الروتينية العادية
من تجديد او استخراج وثائق ..يعنى لو سألت سفير السودان بجلالة قدره انت مهمتك كسفير شنو حيقول ليك
بنطلع جوازرات وتاشيرات ..

Quote: هشام عباس حكومة المؤتمر الوطني تشدد الشروط والقيود لإستخراج وثيقة جواز سفر السوداني للسودانيين . في نفس الوقت تمنح الجنسية السودانية للأجانب في مطار الخرطوم دون أن يتقدمو بطلب للحصول علي الجنسية السودانية وتمنحهم الجواز السوداني . الآن في السودان كل شئ يصعب علي السوداني حصوله, وساهل علي الأجنبي حصوله

الله المستعان
شكرا محمد

قريبنا هشام الكوشلاندي
أر سرنآقمن

Quote: علاء تحياتى المشكلة الاعظم ان احساسنا بالمسؤولية معدومة في هذه الناحية تحديدا الامر لا يتعلق فقط بنظام حكم او مسؤولين يصدرون هذه المستندات المسالة ان المواطن العادى ايضا مستعد للمساعدة في هذا الامر اما بمال يتقاضاه او لما يعتقده موقف انسانى وشهامة في مساعدة غريب او غيره ... وبالطبع ضعف النظام والرقابة على الاجهزة وتجاوز القانون والتلاعب وعدم الضمير متوفر بكثرة بين الموظفين الذين يساهمون في منح هذه المستندات لنفس الاسباب سابقة الذكر

هنا بيت القصيد ،ز
تحياتي

Quote: Hala Mohamed Ahmed · الأكثر تعليقا حقيقة انه الموضوع في غاية الاهمية والخطورة لازم نحافظ على جنسيتنا.. الاخ الفاضل الفساد الذي يحدث في هذا الجانب لابد ان يتوقف وتوضع شروط وقيود ولا يتم منح الجنسية الا بعد اجراءات صعبه ومعقده والتاكد من أنها لن تستغل بطريقة لاتشبهنا ...

Quote: Ahmed Mustafa · Facebook الوضع هذه الايام معلوم لديك يا (هشام ) بالنسبة للسعودية و لــ جدة بالذات في توفيق الاوضاع أعرف كم شاب سوداني يعملون في قاعات الافراح قدمت لهم عروض للزواج من فتيات من أجل نيل الجنسية و توفيق الاوضاع .

ممكن شوية توضيح هنا يا احمد اخوى

Quote: Nagi Hassanin · ‏‎Typist/translator‎‏ في ‏‎Private‎‏ لو اهتمت السعودية بإعادة النظر في نظام الكفالة المضر المعمول به الآن ، ومنحت العمال المهاجرين اليها فرصة أكبر من الحرية للعمل ، ربما يساهم ذلك في التقليل من نسبة قضايا أو جرائم الأجانب فيها ، مثلاً : أن يتعطل عامل عن العمل نسبة لخوفه من عدم العمل لغير كفيله ، أو نسبة لمشاكل مع كفيله هذا ربما يدفعه لارتكاب مخالفات تضر بالجميع.

Quote: Ahmet Baik وفي رأي أن بعض السودانيين في ديسابورا الشتات الأوروبي مارسوا من الضرر بسمعة السودان أضعاف ما وقع من غير السودانيين الذين يحملون مستندات هجرة سودانية .. ذلك لا لشيء إلا ليحصلوا على اللجؤ أو مستندات إقامة في دول الرفاه الأوروبي . خسئتم يا هؤلاء