Post: #1
Title: البنبر السوداني في أمريكا ب75 دولار...(توجد صور )
Author: سيف اليزل برعي البدوي
Date: 11-11-2013, 02:03 AM
مشيت المول الجمبنا أشتري لي جاكت للبرد البدا يتغلغل في العظام دي ...أثناء تجوالي شفت بنبرنا الما بغباني بس منسوج بقماش متين علي ما يبدو...والبرايس price tag تشير إلي 74.99$
|
Post: #2
Title: Re: البنبر السوداني في أمريكا ب75 دولار...(توجد صور )
Author: سيف اليزل برعي البدوي
Date: 11-11-2013, 02:07 AM
Parent: #1
لو مغالطنا...ما مصدقنا...أسأل العنبة
|
Post: #3
Title: Re: البنبر السوداني في أمريكا ب75 دولار...(توجد صور )
Author: سيف اليزل برعي البدوي
Date: 11-11-2013, 02:19 AM
Parent: #2
هي وقفة للإحتفاء بتراثنا السوداني الجميل...تحية لهذا الككر السوداني الرائع الصغير
|
Post: #4
Title: Re: البنبر السوداني في أمريكا ب75 دولار...(توجد صور )
Author: Hani Arabi Mohamed
Date: 11-11-2013, 02:22 AM
Parent: #2
وبكرة حيلتقطوا تاجر مصري ويسميه "المقعد الفرعوني" ويتحدث للزبائن عن أنه شبيه تلك التي استعملها الفراعنة المصريون في عهد تود آنخ آمَن ، وتسمع بالبامبار المصري بـ 234 دولار :)
---
|
Post: #5
Title: Re: البنبر السوداني في أمريكا ب75 دولار...(توجد صور )
Author: سيف اليزل برعي البدوي
Date: 11-11-2013, 02:29 AM
Parent: #4
يا هاني ياخي ديل زوروا التاريخ وعشنا عمرنا ده كلو مفتكرين recent egyption ديل هم بناة الأهرام..وهم في الحقيقة بقايا مماليك وألبان ومجريين و..و... ياخي ديل كسروا نخرين الفراعنة وابوالهول ...لا استبعد ما قلته ... بالمناسبة لما شفت البنابر مردوفة في بعض إتخيلت نفس في سوق الكلاكلة اللفة ...ومن أجمل التعليقات علي الصورة في الفيس من صديقي فارس .قال: اوكى كويس مارسل ليك بنابر تبيعا لينا والله دا بزنس مية مية اسمع ماعاوزين مشلعيب وعناقريب عشان الشغل اكون مكتمل الراكوبة والله ياعمك انا لو جيت بوستون لو جلدة بنابر باكل عيش وبطور وبعمل مصنع لصناعة المفراكة الصغيرة والكبيرة وبعمل شغل حلو جدا ههههههههه
|
Post: #6
Title: Re: البنبر السوداني في أمريكا ب75 دولار...(توجد صور )
Author: سيف اليزل برعي البدوي
Date: 11-11-2013, 03:42 PM
Parent: #5
اخت عزيزة من بوسطون نبهتني في الفيس برضو انها وجدت ان العنقريب السوداني ايضا وجد طريقه للسوق الامريكي ..هذا العنقريب معروض ب199$ ايضا
|
|