جنرال خالد عويس

خالد عويس لو لم تكن المقابلة ذات مدلولات لما جند جهاز الامن صفحته الرئيسية و صحفه اليومية استباقا و تعقيبا عليها

الان تستحق لقب (مارشال) او جنرال الاعلام الحر

فعادة ما يتم تجنيد الجيوش في مواجهة الجنرالات ولم نسمع بتجنيد جيش لمجابهة إعلامي لو لم تكن كلمته وقلمه أقوي من جحافلهم

التحية لك جنرال / خالد عويس

Quote: الان تستحق لقب (مارشال) او جنرال الاعلام الحر

big like

Quote: الان تستحق لقب (مارشال) او جنرال الاعلام الحر التحية لك جنرال / خالد عويس

كدى شوف الزول ده قال شنو يا مستجد إنت :

Quote: د.احمد ابشر جبران‎ يا ناس الحكومه لو دي معارضتكم اظن حتحكمو تاني 10 سنين على الاقل : اول هام ما تجو تشبكوني جداد وحمام انا بقول رايي وبس عدت للمنزل من عصرا بدري عشان اسمع احصاءات القتلي واساليب القهر الحديثه وطرق التشريد والسيطره الايرانيه علي الاجهزه الامنيه وطرق مراقبة الخصم خاصة انني مولع بافلام المخابرات وكتب المغامرات كما ان ابتعادنا عن العمل التنظيمي لاكثر من 11 سنه جعل نسبة حب الاستطلاع تزيد يمكن اخواننا ديل اتطوروا وجابو حاجات حديثه المهم قلنا نحضر ونقيم وقصة جندي عنده معلومات كثيره دي ما واقعه لي المهم جينا وقلنا نحضر اللقاء ونبدأ بي مقدم البرنامج كادر حزب الامه بكلية الزراعه عندما كنا طلابا بجامعة الخرطوم كل صفاته وسلوكه لا تؤهله لان يعمل في قناة العربيه الا انه معارض اهوج حتى عندما حاول ناس محمد فول وحسن اسماعيل تعليمه اركان النقاش جاب ضقلها يكركب اذ وصف طالبات بانهن مثل مونيكا ولما اتزنق اسبوع ما جاء الكليه لا يهم ملخص اللقاء : 1- عويس اراد ان يوصل معلومات واظرف نقطه في اللقاء ان عويس من قال مقتل خليل تم بالمكالمات الهاتفيه والشريط ذكر المعلومه كان من قالها هو هذا الباتيرا 2- كلنا نعلم ان مواقع تدريب الجيش والامن في وادي سيدنا 3- العربيه الفيها قناص دي باتيرا قال اثناء التدريب عويس اخذها من المسلمات بل ولخص بان القناص يستهدف النشطاء 4- كلنا يعلم ان هنالك جنود اجانب يتدربون في الشرطه والامن والجيش بل حتى في الكليه الحربيه وهذا وفقا لاتفاقيات التبادل الامني بين الدول 5- منذ عهد نميري هنالك محاضرون ايرانيون واجانب في المجال الامني طوالي عويس سواه الحرس الثوري الايراني يدرب الامن السوداني والمليشيات الصوماليه 6- في كل العالم هنالك تنسيق بين الاجهزه الامنيه والحزب الحاكم لكن معقول جندي وخاشي الامن بالواسطه وما منظم يعرف مستويات التنسيق ويعرف انه نافع او د الخضر هم المنسقين دا يكون شافهم في لقاء تعبوي بحكم عمل نافع السابق كمدير للامن ووظيفة الوالي كرئيس لجنة الامن بالولايه 7- اما حديثه عن وحدة الاغتيالات التي يرأسها الشريف ذكرني نكتة المطار السري هي سريه ويعرفها جندي وكمان يعرف رئيسها 8- سالوه شفت اغتيالات لا شفت تعذيب قال شفته في نفسي وقعد يسمع في محاضرة الارهاب النفسي والجسدي اها شاركت في تعذيب لا يعني شاهد ما شافش حاجه 9- بعد دا يلخص انه الامن فيه ناس نزيهين بالله شوف علي اليمين لو انا لقيت الولد دا افذلك ليكم معاه سماحة لقاء ادين الحكومه من اولها لي اخرها لكن عويس مما كان طالب ما عنده خبره سياسيه بيقول كلامه ويشرد غايتو يا ناس العربيه بالغتو ونحن بلدنا ما ناقصه كفاوي دا ادوه تعليمات يمشي العمليات وخاف دايرين يعملوه بطل وما علينا

Quote: يا ناس العربيه بالغتو ونحن بلدنا ما ناقصه كفاوي دا ادوه تعليمات يمشي العمليات وخاف دايرين يعملوه بطل وما علينا

قتال الافيال يضرّ كثيرا بنا نحن شعب السودان الفضل .......!!

العربية تبحث عن االاضرار بالوطن فقط لا غير ....

فى زمن المهازل والاقزام وتطاولها ...!!!

والقاتل سودانى وكذا القتيل ..

Quote: علي اليمين لو انا لقيت الولد دا افذلك ليكم معاه سماحة لقاء ادين الحكومه من اولها لي اخرها

ده بس الدايرين نصل ليهو !!! طيب يا الحارسننا وفارسننا يا اخوان نسيبة حتي ده الانتوا اسه

مستهترين بيهو ما قادرين تلقهو ولا قبضتوهو المقعدكم شنو يا حكومة السجم والرماد ضربتكم اسرائيل قولتوا

ما عندنا امكانية اكتر من النظر اها ده زول زي ما سميتوهو لاحولا له لا قوة ليه ما قبضتوهو !!؟؟ ولا مافاضين

من الفساد والرقيص . انتوا عارفين مشكلتنا شنو ؟ ( السذاجة والغباء السياسي ) بالاضافة لي حاجات تانية حامياني هههههههه.

زي ما قال الشاعر

فظيع جهل ما يجري *** وافظع منه ما تدري

Quote: لو لم تكن المقابلة ذات مدلولات لما جند جهاز الامن صفحته الرئيسية و صحفه اليومية استباقا و تعقيبا عليها

شغل نضيف من الامنجية ..

إتا عايزهم يقولوا ليك ده ما زولنا؟


وأفهم يافهيم.