حتى في التشجيـع كان حميد غير

يظهر في الفديو الشاعر الراحل عوض فضيل والفنان ياسر الحجير
الفديو من أيام مشاركه فريق الجبل كريمه في التصفيات الموهلة لي دوري الممتاز

لكم التحية أخي سيد أحمد شامي،

ورحم الله حميد
نعم ، كان حميد مختلفاً في كل شيء
وحالة نادرة من الصعب تعويضها

ونامل أن ينهض من أبناء السودان ونقاده من يكتب عن سيرة حميد
مثلما كتبوا عن التيجاني ، ومحمد عبدالحي، ومحمد المهدي المجذوب.
وسيظل مكان حميد دائماً بين ألمع وأرفع النجوم...

------
وشكراً أخي شامي لهذا الفيديو النادر لذلك النجم النادر.


...
..
.

ود شامى والله لم ارى مريخابياً يتعصب للمريخ مثل حميد عليه الرحمة
ولكنه يمضغ المه فى صبر عجيب وكأنه لا يعرف عن كرة القدم شىء
ياخى ده زول مختلف فى اى شى عن ناس الدنيا دى،،،

الف رحة ونورعليك يا نصير ملح الارض والغبش المهمشين
شكرا لك احي سيد احمد الشامي

باسط الرحمة والمغفرة للراحل حميد

تعجبني قصيدة حميد
حوش الربيع
__________



يا مبيتانى الليل قوي
ورجياني أجيب ليك الشمس
طالقنى فيك عكس الهوي وسابقانى
بى فسراع .. وامش
نقرشتى قلبى عشان يكون
يوم مهرجان سعفك .. برش أنا ما انقدت
حب العيون لا من يحاجينى الرمش
ساعالى ناموس الشجون
وحامانى بى غنواتى اهش
مابين مرايات الظنون
فيك كل مرة
بلاقى وش
بقبقتى بى ريح السراب
فانوس رؤاى والشوق عطش
وصقعالى بى داك السحاب بار البروق
وأوعاك تطش
ولا همسة يا بنية الغمام
الرش واديك مندهش
ليش لا قبض شت الغرام
طيروا فيك سوالو عش
نوبة المجاذيب اترخت
ودرويشي ينقز مندرش
وانا روحى تقابة بخت ليها الله
لى رب العرش
فى الضلمة لسه بنات نعش
يابنية بارى العنقريب
ضارب العريجي مجرد غش
فى سكة الشوق الخبيب
إندهدهت راجى الهواء
وعود التباشير يملأ طيب
ينفخ مزامير الهوى
وعلى نقرة العشق الرهيب
تصدح معانينا السوي
وتسكت زنازين الوجيب
وانا بيكى ببقى الكون ندى
وكل المواسم همبريب
لا ريدة تتحترب صدا لا ظن
حبيب فى حبيب يخيب
العمر بالبسمة إبتدأ والصرخة
ما صرخة نحيب
صرخة اريحية ورضا
وأنا راضى بي ذكراك نصيب
يا بنية ما اكتر من بشر فى خير وشر
يختى ويصيب
يسعدنى اكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمة
وكشر المطر
حوش الربيع الهمبريب

صديق الموج


حميد كتب في الهلال برضو

__________________


سلام الهلال السوداني

الليلة دا يوم السودان
البلد الليلة هلالابى
النيل الأزرق نشوان
والأبيض أبيض ياأحبابى
يامشرّف كل الأتيام
فى يوم السعد الافريقى
يا مفرّح كبدالأيتام
باللعب البعد الموسيقى
يا هلال فى جبيرةسودانك
فى جبين الشعب الحبّوب
أبشر لاباشر وأقوانك
ياعريس ا لسمر المحبوب
تعجبنى الرمية الزنجية
لى رأس الحربة النوبية
بى خفة لمسة بجاوية
تتسامى الهامة العربية
وتتناول نسمةصعيديّة
تسكن بى كلّ أريحيّة
ما بين الخصل البنيّة
وزغريدةتبقي سودانية
لى أروع دخلة على النية
لى أروع دخلةهلالية
البحر الليلة هلالابى
المطر..
الحجر..
الترّابى
الشدر الشايل متكابى
الساقى عروقو الحطّابى
الشوقو عنقريب هبّابى
الشاقّى مروقوهلالابى
الوسّار ذوقوهلالابى
القمر البيتو قصاد بابى
حبيتو لانو هلالابى
وين تمشى الراضى على المابى
بالشمش الفوقوهلالابى
يا ..تيم يا الكورة وكت تبقى
أخلاق موروثة مع الخلقة
الغالب حاضنو المغلوب بمودة
وحنية ورقة
وجمهور بيشجع مصحوب
بالنغم الطيب والصفقة
الله ياشعب ياحبوب
ما أحلى الدخلة على المرقة
يا فريق بيطلع كم فرقة
يامارق بينا من الزنقة
وحدتا شعبنا من الفرقة
جددنا عشان نبقى وتبقى
ياريت الطالقة المنطلقة
وعلى بعض طلقة
ياريت يا أبونا يا ابو الحرقة
لو تقرابياضك والزرقة

الصادق

رحم الله ابونا حميد كان جميل الخصال شايل هموم الكل

رحم الله حميد بقدر ما احب هذه الارض وانسانها ..

Quote: رحم الله حميد بقدر ما احب هذه الارض وانسانها

اللهم أمين
شكرا سمسم

استاذنا سيداحمد .. يا سلام .. شكراً لك وانت تنقل لنا الجمال دائماً ..
أول مرة اعرف ان حميد كان له اهتمام بالرياضية ..
اخي سيداحمد .. أنا أعشق هذا الانسان لدرجة الجنون ..
حميد رحمه الله لن يتكرر أبداً
اخي سيداحمد .. هل تكرر حاج ماحي ( أبداً .. مهما بلغ الشعراء المديح لن يأتوا بمثله )
وكذلك حميد .. لن يتكرر مثله ..
ديل ناس نشأوا في بيئة فيها جمال كل مفردات الوجود .. ( نوري ) بالضبط هي وادي عقبر .. كما صاي بلد وردي والخليل
في حاجات لاتتكرر أبداً ..

تاني شكراً سيدأحمد ..

علي
سلام يا فنان
حميد مهتم بي أنسان المنطقه الفديو يظهر مشاركة الراحل في التشجيع أيام مباريات فريق الجبل كريمه *



_________
*
مشاركة الجبل كريمه ممثل للمنطقه في التصفيات المؤهلة لي دوري الممتاز