Post: #1
Title: كاشف الماس الأمريكي الجديد
Author: Osman Musa
Date: 11-08-2013, 05:54 PM
سعرو ما بتهبش
بس بستحق الكلام .
|
Post: #2
Title: Re: كاشف الماس الأمريكي الجديد
Author: عبدالعزيز عثمان
Date: 11-08-2013, 07:55 PM
Parent: #1
عثمان موسي،،بن عمي ...
قطع شك يوم بتودر ليك زول.
وله تركبو التونسية..
اهو غريبة بشرنا بالماس راقد في السودان..
عندك راي..
انا لا.
|
Post: #3
Title: Re: كاشف الماس الأمريكي الجديد
Author: احمد حمودى
Date: 11-08-2013, 08:03 PM
Parent: #2
عثمان تحياتى / اوعة بس ما يكون ضرب ليك الزبيدى من كسلا وشكلوا متابع بوستاتك ؟؟؟
|
Post: #6
Title: Re: كاشف الماس الأمريكي الجديد
Author: Osman Musa
Date: 11-09-2013, 03:20 AM
Parent: #3
عزيزنا احمد حمودي
سلامات
الزبيدي في ده ما عندو طريقة .
الزبيدي كفاو الدهب المشتت . الماس ده لا أنا ولا أنت ولا الزبيدي .
السوداني حيقعد يعاين ساكت لي خيرات بلدو تتشال ..
مش حاجة تحير .
|
Post: #4
Title: Re: كاشف الماس الأمريكي الجديد
Author: Osman Musa
Date: 11-08-2013, 09:19 PM
Parent: #2
عبدالعزيز
كيفك يا ود العم .
ياخ نحن ماشين الماس .
DIAMOND عديل يا عبدالعزيز . وقالوا كمان النوع الاحمر .
يازول أخمش كاشفت وتفحيط علي جبال الشرق .
|
Post: #7
Title: Re: كاشف الماس الأمريكي الجديد
Author: عبدالعزيز عثمان
Date: 11-09-2013, 05:02 AM
Parent: #5
يا عثمان يا خوي ،، ان قصص الذهب واحلامه ماساة اخري ،، وحسرة كبري ،، وتراجيديا لم تجد من يكتب عنها ،، ففي بلدي تتراكم البلاوي اطنانا حتي يزهد فيها المدونين..
في زمن الفاقة والعدم ،، اخرجت القري فلذات اكبادها،،شباب في بدء الحياة،، منهم من شق عليه قسط الجامعة،،فقرر المغامرة،،ومنهم من اكمل الهندسة والحقوق والتربية،،فما وجدوا براحا يعملون فيه،،ووسط الكرب والبلوي،،جاء اعصار الذهب،،فضربوا في الافاق.
في مقتبل العمر ، حملوا الحلم والاشواق لباكر افضل،،ورموا انفسهم وسط طبيعة لا ترحم،،سموما وحسوما،،افاعي وسموم،،وليل خرافي الظلام،، يتدخل برد الصحراء عظامهم ،، وتطاردهم هلاويس الجن والاساطير،،جوعي ومكدودين ،يتصرم نهار يجلدهم حصي الجبال،،يسنشقون ابخرة وسموم المعالجة والتقطير،،تاكل اكبادهم ورئاتهم اكلا،،ويموت عطشي،،ويموت جوعي،،ويموت هلكي مطمورين تحت ثلاثين مترا ويزيد،،ويسدل الستار عن حلم وحياة،، وامهات لا زلن ينتظرن اوبة الظافرين...
وما ان يعلم ابليس وجماعته،،ان الحفر قد بشر بثروة وثراء،،حتي تكرتن المنطقة،، وتختم بديباجة،،يحظر التنقيب العشوائي هنا،،المنطقة خاصة بالشركة المغربية او الصينية او الشيطانية،،بعد ان وصل الشباب لقرب البر الاخر من الارض حفرا وكدا.
يموت ولا بواكي لهم,, يعودون بالسل واليرقان والجنون.. وبعض فتات اخذوه قبل ان يكتسحهم الابالسة واللصوص،،فتاتا ،لا يسمن ولا يبرئ الما،،ولا يسكن جرحا،،وعويل سكن في الروح من اهوال الصحراء وعذاباتها،،ورحلات الموت في سبيل غول خرافي اسمه الذهب..
عثمان يابن عمي اللطيف،،لا تشعل حمي جديدة اسمها الماس،، تطعم كواسر الصحراء لحوم اولاد نواضر اخرين.
|
|