مسئول سوداني يشتري منزلاً بمبلغ مليون دولار ويصطحب زوجاته الثلاثة لرؤية المنزل#

شترى أحد النافذين منزلاً في إحدى المناطق الراقية بالخرطوم بمبلغ مليون دولار وذلك قبل عيد الأضحى المبارك بحسب صحيفة الإنتباهة الصادرة صباح الإثنين بالخرطوم .
وأشارت المصادر إلى أن النافذ في إحدى زياراته للمنزل الجديد، اصطحب معه زوجاته الثلاث لرؤية المنزل والوقوف على ميزاته العالية


والخرطوم لا فيها موية ولا رغيف ديل مش فاسدين ديل أقذر من كدا


.

يا زهير إزيك

ياخي أنا سمعت إن في ناس مركبين طلمبات بنزين في بيوتهم

والمسألة كانت عاوزة تنتشر لولا إنفصال الجنوب !

يا زهير كيف حالك يا زول يا طيب
تعرف انا برضو كمان سمعتا قالوا كل واحد من المسعولين ديل مركب ليهو مكنة صغنتوته لطباعة البنك نوت
وهاك يا شراء دولار ويورو وهلما جرا لامن افقروا البلاد والعباد تعرف يا ابو الزهور لو النسوان ديل اتشاكلوا عادي المسعول دا
ممكن يشتري 3 من نفس النوع والمواصفات العدل بين الزوجات فى الدين اهم حاجه
يا زول يا طيب سمعنا قالوا مرقتها في بلداً طيرا ابرق ما تنسي تدعو لينا معاك
:
:
:
:
:
:
مع التحيات لله الزاكيات

يا أبو عمار صاحبي الهناك قلت لي عنجهية مني ما ذكرت إسمك

أهو ذكرناه ليك بما تحب من كنية

بس ياخي لمن تقرأ البوستات أقراها بنفس بارد

تعرف الكتابة بتختلف من الكلام

مرات الواحد بيقرا وبيتغمص شخصية وهمية بيتخيل ليهو الطرف التاني رافع صوته ولا زهجان

ولا متعنجه

لكن قد يكون بيكتب وهو بيضحك

إنشاء الله وقع ليك كلامي يا أبو عمار

والتحيات ليكم

____________

كسرة : قلت لي طباعة عملة في البيت !

دي قالوا عملوها زمان أول ما جونا عشان يلحسوا الدولارات من السوق

ايام كان بيعدموا الناس العندهم قروش وما عاوزين يدوها ليهم في البنوك

لكن الله في

الاخ عاصم فقيري
التحيات الزاكيات من الله لك
والله لا احمل لك الا كل تقدير فيا اخي حقيقة انا استهجنت قصة العضه
لاننا قوم ليس الاكل من اولوياتنا بل الواجب بالذات فى المناسبات
يا عصام تعودنا من اهلنا الصينية الجات قدامك ما تاكل فيها
ولو ما عزيت او باركتا لكل اهل المناسبه عيب تقعد تاكل حتي لو
منظمي الكفاية مسكوك من طرف جلبابك ودا واجبهم لكن انت واجبك العزاء او المباركه بالاول
والله يا فقيري انا عندي (حبوبتي )والدة ابوي لو عزمتها علي الاكل القدامك اهقلا تاني ما تاكل ان بقي اخر يوم فى عمرا
والدي لو داير يموت من الجوع وقلتا ليهو نجيب لك اكل تاني ما ياكل لي باكر
ياخي نحنا حالنا دا إتصلحنا كتير وشكراً لي عدم ردك بي غادي حتي لا تحرف البوست
ويا خي حقك علينا لك العتبي حتي ترضي برضك سنير
:
:
:
:
مع التحيا لله الزاكيات

كلاكما

محمد حمزة الحسين
و
عاصم فقيري

اولاد ناس ظاهرين والله من وشكم دا ومن كتاباتكم الجميلة وسلوككم العفيف

تعرف يا عاصم فقير في بوست من البوستات كان بتكلم عن تربية الاطفال وكدا
دائماً بتذكر كلامك الكتبتو في البوست داك لمن اكسل من تدريس العيال واشوف ام العيال الله يديها العافية ليهم ولي انا برضو تعبانة بتذاكر ليهم وبتعسل ليهم وبتأكل فيهم
اقوم اتذكر كلامك عن مشاركتك لزوجتك في البيت وفي تعليم ابنائكما اقوم طوالي العن ابليس واشارك بكل فعالية (ياخي العدة قربت اقوم اغسلها ليها)


لكما الشكر و الواحد له حق الفخر بكما في هذا المنبر

الصادق يا ود مدني


ياخي إنت لسه ما غسلت العدة


ياخي إنت مقصر ومقصر ومقصر

والله أكلم ليك الجماعة المختصين يعلموك ترمي القراصة مش تغسل العدة وبس

إنت راجيك مشوار طويل لازم تتعلم كل الحاجات دي

Quote: مسئول سوداني يشتري منزلاً بمبلغ مليون دولار ويصطحب زوجاته الثلاثة لرؤية المنزل#

مسئول من الخير ولا شنو؟؟

أبو الزهراء..

هسي إنت موجوع من البيت ولا من الثلاثة ديل؟؟

الثلاثة بنات..لابسات تياب ومقنّعات وااا عذابي نا الليلة

الشغلن قلبي لمّن باص الروصيرص فااااااااات..

..

هذا طبعاً مع كثير التقدير لك ولضيوفك وقرائك..

..