سؤال للكل من رئيس لؤتمرالوطني حتي لجماعة التأييد الاعمي- حسي زي دي تعمل شنو #

انا مديرة في احدي المدارس الحكوميه بالخرطوم
مرتبي مليون جنيه
قبل العيد صرفو لينا 700 جنيه وقالو دي عباره عن نصف مرتب بعد الزيادات الجديده علي اساس انو تم تعديل المرتب لي 1400
الليله صرفو لينا 300 بس قالو ده باقي المرتب وال 700 كانت عباره عن سليفه من المرتب القديم
اما بالنسبه لي زيادة المرتبات لم يوافق عليها البرلمان لزلك تبقي المرتبات كما هي
غشونا وخدعونا الله ينتقم منهم
نحنا عندنا التزامات واجارات بيتوت ورسوم جامعات كنا بنباصر المرتب وبندفعع من المرتب
هسع ال 300 دي نوديها علي وين
ندفع الاجار؟
ولا ناكل الصغار
ولا نقري البنات
ولا ناكل ونشرب
حسبنا الله ونعم الوكيل فيهم
ديل مستحيل يكونو بني ادمين ربنا ينتقم منهم
البرلمان يجيز رفع الدعم ومايجيز زيادة المرتبات ؟؟
والله بقينا ملطشه في يدهم
والله قبيل معاي معلمات مرتباتهم اقله من 600
جابو ليهم باقي المرتب 100
والله بكو بي دموعهم لانو عندهم التزامات كتيره
بس لينا رب اسمو الكريم
___________________________________
هكذا هم يمررون خداعهم
خدعو الناس ليخرجو من مرحلة المظاهرات والمطالبات
الى متى تصدقوهم وانتم تعلمون شتى انواع كذبهم
* يا ربي أرحمنا برحمتك