الاديبة رانيا مامون : هددوني بالاغتصاب مرتين .... قصة مؤلمة ... فيديو

احتفلوا بها خارج السودان وهددوها بالاغتصاب في وطنها.

تعرف يا مدحت، الواحد نفسيا كدا بظن إنو وحشية ناس الأمن ديل محصورة في الخرطوم بس،
على أساس إنو ناس الأقاليم بعيدين من مركز عفن النظام وإنو بعدهم من العاصمة ممكن يعصمهم
ويحافظ على شوية من تقاليد السودان الفضلت. لكن فايده مافي، وسـخ الانقاذ أكبر من انو ينحصر
في مساحة ما،
معليش يا رانيا والشيخ، كل زول لازم ينال نصيبه من الحيوانات ديل عشان بعدين لما يحين وقت الحساب
مافي زول يقول دي شرطتنا ودا جيشنا (البضرب في الناس في دارفور وجبال النوبة والنيل الأزرق والشمالية)
وجلدنا ما بي نجر فوقو الشوك، وعفا الله عما سلف الخ هذه التفاهات، لازم الناس تنضف قبل ما تنضم للسودان الجديد
أي سودان بعد النظام دا هو سودان جديد.
شكرا يا مدحت لهذا التوثيق

الاخ معاوية الزبير
تحياتي

زي ما قلت الناس ديل لازم يتحاسبوا علي كل جرائمهم البشعة في حق الوطن والمواطن .
لكن الاعلام مهم اتخيل يعني الفيديو ده بكون وصل اقل من 1 في المية من جماهير الشعب السوداني في حين
الحكومة بتغش في الملايين بفيديوهات مفبركة عن ايادي خفية وغيرها .
الناس لازم تشارك في ايجاد البديل الاعلامي القوي المؤثر لانو الانترنت ما متوفر الا لقلة متفاعلة مع القضايا من افراد الشعب.