Post: #1
Title: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 07:49 PM
| Quote: فتح المريخ خطا مع اللاعب المالي تراوري لضمه لكشوفاته في تسجيلات الشتاء بعد ان وافق اللاعب على اللعب في المريخ و وحسب الزعيم فان المدرب كروجر قد تابع اشرطة للاعب ووافق على انتدابه للمريخ مبينا انه مكسب كبير للمريخ و خاصة في دوري ابطال افريقيا |
|
Post: #2
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 07:53 PM
Parent: #1
للون الازرق مثلا
|
Post: #3
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 07:57 PM
Parent: #2
لو عاجبك اللون الازرق
أو خليها أحمر بي أزرق .......ما أعتقد إنو ناس الموردة ممكن يكون عندهم إعتراض.....خاصة لو جدت عليهم بمية مليون بالقديم....ممكن يقلعوا ليك الشورتات كمان
|
Post: #4
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 08:01 PM
Parent: #3
أو خليها أحمر من برة ....و أزرق من جوة
ياخ عقدتك عينة
|
Post: #5
Title: Re: لماذا لايغير جمال الوالي شعار نادي المريخ
Author: Osman Musa
Date: 11-01-2013, 08:07 PM
Parent: #4
عزيزنا د / ياسر
سلامات يا حاج ومبروك
كيف كانت أيام السعودية معاك وأخبار الاهل أنشاءالله عافية .
تحياتي
|
Post: #6
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 08:12 PM
Parent: #5
عثمان سلامات
ووينك ياخ.....أوعي تكون مشيت للجماعة البياكلو ديك
أهلك مستنينك ياخ من المشرع لحدي السوق
ههههههه
السنة دي وقفوا لينا الف احمر......قالوا انتو حجيتو السنة الفاتت ...أدوا فرصة لي غيركم...وقد كان
كدي خليك معانا في قصة الوالي دا
|
Post: #7
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 08:19 PM
Parent: #6
بعدين يا سعادة الوالي........إنتو مش بتاعين هي لله ......
ما سمعت ب : إن ترن أنا أقل منك مالا وولدا (صدق الله العظيم)
مالك كل مرة بتهز و تعرض فوق لاعبين نادينا ياخ بي دولاراتك دي...وتقوم تجهجهم لينا ...هم براهم مجهجهين
ياخ جنتك دي ما خايف ربنا دا يرسل عليها حصبانا من السماء فتصبح صعيدا زلقا
ياخ كترتها
|
Post: #8
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 08:23 PM
Parent: #7
أبيي خليها......تعرف يا سعادة الوالي ممكن بعد دا أم درمان ذاتها لو عملوا فيها إستفتاء .....أنا خايف النتيجة تطلع لصالح الجنوب
|
Post: #9
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 08:42 PM
Parent: #8
بعدين ياخ يمكن جماعتنا ديل ما مفلسين ياخ
مش يمكن بنتبع سياسة جوع لاعبك يتبعك.....خاصة وانه سياسة الدلع بتاعتك دي لم تثمر سوي يباب
|
Post: #10
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 08:48 PM
Parent: #9
يعني سياسة جوع ######ك يتبعك دي ما بتعرفوها ؟؟؟
هههههههههههههاي
|
Post: #11
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-01-2013, 09:15 PM
Parent: #10
تعرف يا جمال.....نحن فهمنا للموضوع إنو سياسة تشليح لنادي الشعب
بالضبط زي تشليح السكة حديد....وتشليح مشروع الجزيرة....وتشليح النظيم
ولو ماكدة....باخ ماعندك الاخدر ابوصلعة مليااان...أمشي سوق الله أكبر....وإن شاء الله تجيب مسي ذااااتو
خلي للشعب الفضل دا ناديهو ياخ....بعد ما العيشة قربت تختفي...الناس دي بقت تتعشي بي قون كاريكا و تنوم
حتي دي كمان حاسدنهم فيها
|
Post: #12
Title: Re: لماذا لايغير جمال الوالي شعار نادي المريخ
Author: حيدر بشير
Date: 11-01-2013, 11:11 PM
Parent: #11
صديقنا العزيز دكتور ياسر
متعك الله بالصح و العافية و كل سنة و انت و من معك بالف خير
يا خوى الكاش دا كان بيعرفوا يجيبوا بيه لاعبين كان بقت حالتهم كدة
كدى شوف من الوالى دا جاء لى الوصيف حصل جاب ليه لاعب عليه القيمة غير من سيد البلد
و الله صدقت انا لو منه اغير الشعار للون الازرق مع خط احمر فى الجانب اليسار
لك التحايا
|
Post: #13
Title: Re: لماذا لايغير جمال الوالي شعار نادي المريخ
Author: طارق حرسي
Date: 11-01-2013, 11:51 PM
Parent: #12
د . ياسر
سلام
باكمبا
طارق جاديكا
ادوارد جلدو
عبد الرحمن لاميدو
حمودة بشير
سعيد الزنزون
ايفوسا
حالياً
سامي عبدالله
بهاء الدين محمد عبدالله
نصر الدين الشغيل
طيب ما كان الهلال يغير الشعار ويخليهو ابيض ساااااادة زي تاريخو 
|
Post: #16
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-02-2013, 04:22 PM
Parent: #13
طارق حرسي
إنت جايب إحصائية للاعبين السجلهم نادي الهلال من ساعة تأسيسو للان......اللستة دي كلها جمال الوالي سجل أكتر منها في فترة وجيزة جدا
|
Post: #14
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-02-2013, 03:59 AM
Parent: #12
حيدر بشير .....يا صديق الزمن الجميل
ما يحدث من هذا الشخص شيئ غير طبيعي أبدا....المفروض يقيم وضعو بعد أكثر من عشرة سنين ....وبما أدخله من أساليب دخيلة علي الرياضة بإستخدام أدوات التجارة....
أنا لو في محله....أبعد تماما عن هذا المجال.....مهما كان إلحاح المنتفعين و تملقهم
|
Post: #15
Title: Re: لماذا لايغير جمال الوالي شعار نادي المريخ
Author: نادر الفضلى
Date: 11-02-2013, 07:07 AM
Parent: #14
سلام يا ياسر
الشعار عاجبو يغيرو ليه .. إنت أكان عاجبنك ناس تراورى وغيرهم من اللاعبين البعاينو لأعلى بالإحتراف فى الأندية الكبيرة
مثل نادى البطولات المحمولة جواً .. الأسهل تغيير الشعار البتشجعو .. الأحمر جاجة ما تخلص ., وبى كدة تضرب عدة عصافير
تشجع ناس البرنس وتراورى .. وفجأة تلقى روحج بتفتخر ببطولات جوية .. شى جوبا .. شى سيكافا وشى دبى .. وشى مانديلا
وتتباهى بماجد وجاد الله وبشارة ودكتور كمال عبد الوهاب وسانتو وحمورى وسامى وبريمة وسكسك ... لحدى ناس فيصل العحب
وهيثم مصطفى .. وإحتمال تراورى .. بدل حالة هرمنا والإنتظار فى سكة عدم .. وكل يوم والتانى فى جرسة جمال الوالى سوا !
|
Post: #17
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-02-2013, 04:47 PM
Parent: #15
سلامات
نادر الفضلي
Quote: الشعار عاجبو يغيرو ليه .. إنت أكان عاجبنك ناس تراورى وغيرهم من اللاعبين البعاينو لأعلى بالإحتراف فى الأندية الكبيرة
مثل نادى البطولات المحمولة جواً .. الأسهل تغيير الشعار البتشجعو .. الأحمر جاجة ما تخلص ., وبى كدة تضرب عدة عصافير
تشجع ناس البرنس وتراورى .. وفجأة تلقى روحج بتفتخر ببطولات جوية .. شى جوبا .. شى سيكافا وشى دبى .. وشى مانديلا
وتتباهى بماجد وجاد الله وبشارة ودكتور كمال عبد الوهاب وسانتو وحمورى وسامى وبريمة وسكسك ... لحدى ناس فيصل العحب
وهيثم مصطفى .. وإحتمال تراورى .. بدل حالة هرمنا والإنتظار فى سكة عدم .. وكل يوم والتانى فى جرسة جمال الوالى سوا |
إنت لسه في الوهم القديم بتاع البطولات الوهمية دا.....ياخ الليلة الاهلي المصري حيضيف البطولة الافريقية الابطال رقم 8....,عمرنا ما سمعنا بيهم عاملين عوة زيكم كدا....صحيح الاناء الفارغ يعمل ضجيج أكبر
تانية ياخ كلم واليك دا يلم قروشو و يحل عن سمانا...القصة ما تراوري و بس....الزول دا يمسكو منو المعز يجري لي مهند...يهشو من مهند يجري لي عمر بخيت ....يفكو منو سادومبا...يجري لي كاريكا....ياخي دي عقدة أزلية
بالله فهمو ريسكم دا انو المريخ فريق بطولات زي ما بتقول خليهو يفك درب الهلال....وحواء والدة...بس شوية ثقة بالنفس
|
Post: #18
Title: Re: لماذا لايغير جمال الوالي شعار نادي المريخ
Author: نادر الفضلى
Date: 11-02-2013, 07:04 PM
Parent: #17
Quote:
إنت لسه في الوهم القديم بتاع البطولات الوهمية دا.....ياخ الليلة الاهلي المصري حيضيف البطولة الافريقية الابطال رقم 8....,عمرنا ما سمعنا بيهم عاملين عوة زيكم كدا....صحيح الاناء الفارغ يعمل ضجيج أكبر
|
الأهلى المصرى والمصريون عموماً ما عندهم زهايمر إنتقائى لينسوا إنجازات الفرق ولا ينكرون من منها فى مصاف الكبرى التى تأتى بالبطولات الخارجية ، ويرنو لنيل شرف اللعب لها اللاعبون المحليين والأجانب
لكن ناس إنتو ديل .. هرمتوا ماشين فى سكة عدم، وبدل ما تعيشوا الحزن النبيل . قاعدين فى تبخيس إنجازت الغير وشعالين بمبدأ الما بتلحقو جدعو .. المريخ من الفرق الكبرى فى القارة ، ومحلياً بطولاته الخارجية
مقارنة بالأهلى بمصر . لها قيمة اعظم ن لنه بمصر تعددت االأندية التى اتت ببطةلات خاارجية أهلى ، زمالك ، إسماعيلى ، مقاولين عرب ..... بينما بالسودان لم ينجح أحد بإستثناء (الزعيم) .. إنت قاليل الزعامة دى
لقب سلبطة ساكت .. فبطولات الزعيم ما بتشبه مستوى الكرة السودانية .. وعشان كدة محمولتى سيكافا الأولى ومانديلا أستقبلتا بموكبين جماهرين وطنيين ضخمين هادرين، كانتا إنتفاضيتين شعبيتين تضاف لثتورتى أكتوبر 1964 و أبريل 1985 .. ولذلك كان التكريم فىالقصر الجمهورى وأنواط الجدارة والإنجاز .. . شغل الكسير والتبخيس قمة العجز .. ولولا (الكسير) لنال المريخ وتبعته أندية أخرى سودانية بنيل بطولات أفريقية.
الزمن زمن إحتراف وطموحات فكلامك البتقول دا ما فى محله .. ولو جيت لجمال الوالى .. فذاكرتك ومنطقك الإنتقائى لا يعود بأن منذ أن تولى جمال إدارة المريخ، كان البادئ الهلال بتسجيل حمودة، ثم بعد أن رشح محمود سعد كلتشى للمريخ تحرك الهلال لإستباق المريخ ، ووفد المريخ تمكن منه بنيجريا، ووسط صلاح إدريس قطب المريخ بنيجريا لتحنيس الوالى التنازل عنه ففعل، ورغم ذلك جاء صلاح الهلال وسجل علاء الدين ... لم تكتب يومها يا صلاح إدريس لم أموالك عليك وما يكون همك المريخ، ولم تقترح تبديل شعار الهلال للأحمر ... أها عندما إسترد المريخ كلتشىيهو ولولتو .. وإستعرض عضلاتو فى المعز ومهند الطاهر ولمسكم قدراته فى يده تسجيلهما ورحمكم فيهم .. لسة الولولة والكلام المغلوط .. ويا ريتها مقتصرة على لاعبين لعبوا للهلال .. بل إمتدت لغيرهم .. مثل الحضرى ....
* الشغلنة ما قروش ولكنها فرق كبرى .. فرق بطولات .. لو ساعدتونا بعدم النقة والكسير والضرب تحت الحزام .. بنحزنكم بفرحنا ببطولات خارجية جديدة .. وبنحفزكم بإتباعنا فى درب الأبطال، وتجيبو ليكم بطولة تفرحكم وتفرحنا .. قلت لى مانديلا بى حالو وهمة .. والحضرى ما عارف شنو .. والمحترف تراورى ال DNA بتاعتو زرقاء .. وعلاء الدين يوسف بتاعكم .. وناس عينة حمودة والشغيل ياخ ما تحكوها معانا!
|
Post: #19
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-02-2013, 09:21 PM
Parent: #18
يا نادر
شكلك بتقرأ كتيرلي مستهبل الصحفي
ما يمتلكه نادي المريخ هو بيضة ديك في بطولة اندية وصيفة والبطولة ذاتها إنتهي أمرها من زمان و نسوها الناس.......إذا تحدث الناس عن بطولة الابطال في الاونة الاخيرة...أو إذا بحثت بنفسك في الويكيبيديا ,,,,أو حتي رجعت لعمك قوقل و سألتو عن وضع الأندية السودانية في البطولة الاولي للاندية الافريقية لكفيتني عناء الاجابة .....بس قبل ما تمشي خليك متصالح مع نفسك وخلي صدرك واسع لتقبل الحقيقة.....
بالمناسبة....البوست هذا رسالة و ليس المقصود تراوري في شخصه,,,,,لأنو لو بينفعكم شيلوه و كمان معاه خليفة فوق البيعه بس تعالوا بالطريق الرسمي و بطلوا الحركات الخرعه دي
تحياتي
|
Post: #20
Title: Re: لماذا لايغير جمال الوالي شعار نادي المريخ
Author: طارق حرسي
Date: 11-03-2013, 00:19 AM
Parent: #19
كتب د . ياسر
| Quote: ما يمتلكه نادي المريخ هو بيضة ديك في بطولة اندية وصيفة والبطولة ذاتها إنتهي أمرها من زمان و نسوها الناس. |
د . ياسر
الصفيرابي
سلام
بيضة الديك دي ..83 سنة ناديك جاري وراها ما جاب زيها
Quote:
.أو إذا بحثت بنفسك في الويكيبيديا ,,,,أو حتي رجعت لعمك قوقل و سألتو عن وضع الأندية السودانية في البطولة الاولي للاندية الافريقية لكفيتني عناء الاجابة . |
يا دكتور للمعلومية مافي حاجة اسمها بطولة انتهت او نسوها الناس وكل البطولات مسجلة وموجودة في موقع الكاف لكن بالامانة تحقيق زعيم الكرة السودانية لبطولة خارجية عامل ليكم نفسيات ...
يا حبيب بطولة المريخ دي الناس حافظين تاريخها زي ما حافظين تاريخ استقلال السودان وتاريخ ميلادهم - لانها البطولة الوحيدة في السودان التي حققها فريق سوداني
هسي عليك الله يا دكتور هلالك ده فرقو شنو من العصمة الكاملين و الاسعاف كسلا
وكدي بالمرة كده شوف لينا ناس الكاف ديل هنا قالو شنو عن مريخ العزة وفخر السودان عشان نفهم الحاصل شنو
لانو شايف اسم المريخ موجود من ضمن الاندية الكبيرة في القارة السمراء ( مازمبي والاهلي المصري والاشانتي كتوكو الغاني والزمالك الصمري والبنزرتي التونسي و .. و... )
وده الرابط يا حبيب
http://www.cafonline.com/competition/champions-league_2010/n...sunday-in-cairo.html
|
Post: #21
Title: Re: لماذا لايغير جمال الوالي شعار نادي المريخ
Author: نادر الفضلى
Date: 11-03-2013, 01:15 AM
Parent: #20
Quote:
يا نادر
شكلك بتقرأ كتيرلي مستهبل الصحفي
|
أهو دا قمة العجز فى النقاش ومحاولة تشتيت الكورة .. أرجو الأ تمارس هذا السقوط
يكفى ما تفترع من بوستات كورة من هذه العينة !
|
Post: #22
Title: Re: لماذا لايغير جمال الوالي شعار نادي المريخ
Author: معاوية محمد الحسن
Date: 11-03-2013, 06:49 AM
Parent: #21
Quote: البوست هذا رسالة و ليس المقصود تراوري في شخصه,,,,,
لأنو لو بينفعكم شيلوه و كمان معاه خليفة فوق البيعه بس تعالوا بالطريق الرسمي
و بطلوا الحركات الخرعه دي |
د.ياسر
تحياتي
ليه يادكتور عاوز تكون زي الناس البتكتب من أجل الكتابة والما بتفهم فى الكورة أو المنططق
الطريق الرسمي شنو القاصدوا البجي بيهو المريخ لتسجيل تراوري؟
اللأعب مطلق السراح بنهاية المؤسم وتاني ماعنده علاقة بالهلال فلماذا يفاوض المريخ الهلال فيه
هل سمعت بأن الهلال فاوض المريخ عند تسجيل علاء الدين يوسف عندما كان مطلق السراح
تراروي وكاريكا ومساؤي بنهاية المؤسم لايعتبروا لاعبين للهلال وهم فى السوق
ومن حق اى فريق مفاوضتهم و تسجيلهم مباشرة وده طريق رسمي بدون مفاوضة فريقهم السابق وبدون خليفة كمان
|
Post: #23
Title: Re: لماذا لايغير جمال الوالي شعار نادي المريخ
Author: معاوية محمد الحسن
Date: 11-03-2013, 06:58 AM
Parent: #22
Quote: باكمبا
طارق جاديكا
ادوارد جلدو
عبد الرحمن لاميدو
حمودة بشير
سعيد الزنزون
ايفوسا
حالياً
سامي عبدالله
بهاء الدين محمد عبدالله
نصر الدين الشغيل
|
ويادكتور نضيف لقائمة أخونا طارق حرسي
عبده الشيخ
فتحي فرج الله
وهبة
ولسه بنحسب ومستعدين نديك من زمن طلعت فريد
وكدي أدينا قائمة اللأعبين الذين أنتقلوا للمريخ من الهلال
عشان نشوف منو المفروض يغير شعاره
|
Post: #24
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-03-2013, 07:03 AM
Parent: #21
يا فضلي
سقوط شنو و تلاجة شنو؟؟؟؟
انت مش قلت ناديك نادي بطولات ...قلنا ليك راجع تاريخ بطولة الاندية الابطال في الفترة الاخيرة...وشوف موقع ناديك من الاعراب
في طريقة تانية بس صعبة شوية: إنك تسأل لاعبي الاندية الافريقية الكبري للابطال ...عن هل واجهوا نادي إسمو المريخ في الادوار النهائية للبطولة....لأنهم طبعا بيتخطوا الادوار الاولي بدون ما يلعبوا....
........
واحنفظ بالاجابة لانو الويكند انتهي....نشوفك الويكند الجايي
|
Post: #25
Title: Re: لماذا لايغير جمال الوالي شعار نادي المريخ
Author: طارق حرسي
Date: 11-03-2013, 09:24 PM
Parent: #24
يا دكتور
سلام
| Quote: إنت جايب إحصائية للاعبين السجلهم نادي الهلال من ساعة تأسيسو للان |
ده قليل من كثير
و اللاعبين ديل لعبو قريب للهلال
وما رجعنا كتير ولو رجعنا كتير القائمة طويلة
Quote:
.اللستة دي كلها جمال الوالي سجل أكتر منها في فترة وجيزة جدا |
كدي جيب لينا نص اللستة دي من اللاعبين السجلهم جمال الوالي عشان ما يبقي كلام ساي
تحياتي
|
Post: #26
Title: Re: لماذا لايغير جمال الوالي شعار نادي المريخ
Author: د. ياسر عبد القادر
Date: 11-03-2013, 09:49 PM
Parent: #25
هيثم طمبل.... مجاهد.... الباشا.... أكرم. ...كليتشي..علاء طيارة..هيثم مصطفي ( ديل الاتذكرتهم بس )..ودا في فترة بسيطة جدا....
وجميع لاعبي الهلال بل و غرفة لاعبي الهلال ومن يفكر فيه الهلال كان هدفا لجمال الوالي
مزيدا من الثقة في النفس و ينصلح حالكم
نلتقي الاسبوع القادم....تحياتي
|
|