شوفو،،وصفقو لي رانيا مامون،،فهم،،ذوق،،ويمين ،بت صح..فديو.

الساعة شفتك ياام سماح
شفت الصباح الجائي للناس بالصدق
شفت الشموخ،يا شامخة ذي هذا الوطن
ياثابتة بالحق الصريح
كل نضار،رغم الاسي رغم الجراح
دي اللحظة كت بسمعك
جاني اليقين
انو البلد مزروعة في قلب الكرام الرائعين
الوادعين
الصامدين
الثابتين
ما بتسكين
وما بيكسرا المتابلسين
الفاسقين
الكاذبين
مابيشبهوك يامارقة من وطنا حنين
مليانه بالشوق للارض
فواحة بي عشق المساكين
التعابة الطيين
يابت نشيد باكر سلام
يازاهية ذي النيل سلام
ياشامخة ذي نخلا جليل
مني المحبة قدر صفاك
والاحترام
وبنلتقي،لابد في يوما التقيك
واديك تعظيم والسلام.

وبعدين ياجماعة،،ياابومروة..
الفديو ابا الفق معايا.
الله اقطع علومك يا ودالبوش،،طريقتك مالفقت.
الحقونا بالفيديو

ي صديقة اختي رانيا مامون
والصديق الشيخ
سلامات يابت يا ذوق
يا سمحة ووردة وغنية
كانت عينيك مليانة سماح
رغم اذية السفلة
كانت تنضح حنية
انا شفت صفاها
وشفت بهاها
وعشق الناس الساكن جواها
سلامات يا ابهي بهية
بتتعافي العين
بتسندك دعوات الناس الطيبة
المرقت تغني الحرية
الناس الطيبة الفائح منها عطر الشوق
الناس الملت الساحة
من عشق بلادها مسقية
يا بت ياداخلة عميقا
جوه هموم الناس
يا شايلة احلام الفقرا هوية
بنلقاك صباح يابنية
معاك عمال بص الوردية
تربال قايم الضحوية
واماتنا الشافن الف اسية
نلقاك ونخفف منك حمل الوطن
الشايلة سنين
وما خنتيهو قضية
نلقاك نبشر فوقك
يا اجمل بنوتنا
يا شامخه
ودغرية...

تتواصل جلسات المحكمة،،اتهموها زورا وبهتانا بانها تحمل حجرا تهاجم به مركز الشرطة،،تحول موبايلها لحجرا يهدد شرطة متمترسة بكل سلاح.
ذاقت واخوها الويل،شج راسه تركوه ينزف،جرجروها،تحرشو بها بسفالة وخسة،هددوها بالاغتصاب.
رفعت الجلسة ليوم10نوفمبر،هناك عشرين محاميا يدافعون عنها،،ويقف معها شعب كامل،شعب طيب مسالم،فلها التحية،وفي انتظار كلمة القضاء.

هاك يا عميكة