النشيد الوطني لمنبر سلام الهامش العادل

Post: #1
Title: النشيد الوطني لمنبر سلام الهامش العادل
Author: Mahjob Abdalla
Date: 10-30-2013, 03:17 PM

نشيد منبر السلام
مناحة الزمن الاغبر
علي ساحة المنبر
مناحة الزمن الرمادي
في ساحة حدادي مدادي
Wirless اسافير
Hopeless

هيا نبكي موتانا و موتي الغبش
هيا نحكي لحظات احتضار الموتي
و صوت الانتنوف قد قرقر
قعقعة السلاح هناك في القنقر
و نحن هنا علي الاسافير نقرقر
من نحن
نحن ناس الهامش
من نحن
نحن احفاد الملك افرق
و الملكة علمانة
بين ضلامات الاسافير
مثل صراصر الازقة نخاف نمرق
البرق يبرق
ام كردوس يدرق

ازقة الاسافير ضلها ابرد
صوتها ارخم
لونها بنفسجي
و لكن طعمها ليس من ملح الارض
او شمسها ليس كشمس الحرية

هيا نبكي
ذاك من غربا ارفع سفروقك
ذاك من شرقا ارفع سيفك
انت يا اللونك ازرق نشرب مويتك
النوبة و النواب و النوبيين
ما تتفرقو غير بسب الدين يا ويلك

يلا نبكي
يلا نحكي
يلا نضحك
يلا للونسة الدقاقة
حبة من هنا و نتشة من هنا
كل سر مباح
سرك في البير
حبل الدلو جنزير

بس فجأة
جانا الخبار
خراب ديار
بيان و شمار
حريق نار
جمرة تحرق
حريق في الغار

الاقلام استلت كالسيوف
والرؤؤس اينعت للخطوف
ابتر
انت كوز
انت غواصة
انت سكر
انت معاي
داك شرعي و داك ود حرام
داك ود قبايل و داك ود شوارع حام
اضرب تحت الحزام
بونية و شلوت تخليك ركام
عجوز سدت بابها و ادت تمام

اوعك تقول لي ده كلووووو
لأجل السودان

Post: #2
Title: Re: النشيد الوطني لمنبر سلام الهامش العادل
Author: الغالى شقيفات
Date: 10-30-2013, 03:26 PM
Parent: #1

http://youtu.be/Q3Ggx8r2S3Q

Post: #3
Title: Re: النشيد الوطني لمنبر سلام الهامش العادل
Author: Mahjob Abdalla
Date: 10-30-2013, 03:38 PM
Parent: #2

اهلين الغالي
قلنا نعمل ليهم النشيد الوطني. اي لمنبر السلام العادل بقيادة الطيب مصطفي و الذي يقابله منير سلام الهامش العادل
هذه اجسام سرطانية يجب ان تذهب الي الــ HELL

Post: #4
Title: Re: النشيد الوطني لمنبر سلام الهامش العادل
Author: أسامة البلال
Date: 10-30-2013, 04:21 PM
Parent: #3

Liked

Post: #5
Title: Re: النشيد الوطني لمنبر سلام الهامش العادل
Author: Mahjob Abdalla
Date: 10-30-2013, 05:51 PM
Parent: #4

شكرا اسامه

Post: #6
Title: Re: النشيد الوطني لمنبر سلام الهامش العادل
Author: الغالى شقيفات
Date: 10-31-2013, 06:33 AM
Parent: #5

تراجي عمر ابوطالب مصطفي:اعتذار للاخوة و الاخوات ابناء و بنات الزغاوه

Post: #7
Title: Re: النشيد الوطني لمنبر سلام الهامش العادل
Author: Artiga Gilani
Date: 10-31-2013, 07:04 AM
Parent: #6

بسم الله الرحمن الرحيم
سلام يا هبيب
من العنوان قلت الهبيب ده ناوى يخلى البلد
على الخرطوم بس ولا شنو لانو الباقى كلو هامش... نشيد وطنى
وقبلها قرينا تكوين مجلس قيادى لجنوب كردفان
والحمدلله ما فى داخل البوست طمنى ..

لايك كبير

ارتيقا