لطفاً يرجي الانتباه لهذه القناة FX وهذا المسلسل family Guy

FX تقدم مسلسل اطفال اسمه family Guy بالصدفة شاهدت اطفالي يشاهدون هذه القناة وهذا المسلسل ويمكنني بكل ثقة القول بان هذه القناة تقدم محتوي غير مناسب وغير ملائم لاطفالنا
وكثير من حوارات هذا المسلسل هي اشبه بحوارات تدور في مسلسلات يشاهدها الكبار. وعليه قررت حذف هذه القناة نهائياً من قنوات الدجتل وارجوا من الجميع الانتباه لهذا القناة

وردتني بعض التعليقات على صفحتي بالفيس بوك بأن المسلسل المعني هو في الاساس مسلسل للكبار وهناك تحذير مكتوب في بداية كل حلقة
صراحة في المرات التى صادفت فيها هذا المسلسل لم اصادفه من البداية حتى اطلع على التحذير ، والكارثة ان المسلسل كرتوني اى شخصياته كرتونية
وبالتالي يتعامل معه الاطفال بعتباره مسلسل اطفال !!! والصدفة وحدها قادتني للانتباه لشكل الحوارات التى تدور في المسلسل.

Quote: والصدفة وحدها قادتني للانتباه لشكل الحوارات التى تدور في المسلسل.

شكراً عمر عثمان للتحذير،

ولكنها ليست الصدفة التي قادتك .. بل هي الحس الأمني (البوليس القديم)!

سلامات جنابو...كل سنة وانت طيب.
ربنا يخلى الاولاد و يحفظهم من كل شر.
المسلسل ذى ما قالوا ليك ما بتاع اطفال. وحتى للكبار المسلسل ده قاسى شوية كده. و صاب فكرة المسلسل زول لسانه صليط حتى بمقاييس الامركان اللى ما عندهم مشكلة يقولوا اى شيء, خاصة ناس الاعلام و الترفيه ديل. السنة الفاتت الزول ده قدم حفل الاوسكار, وحتى للان فى ناس مخلوعة فى اللى عمله فى الحفل

lool@omer osman
family guy ما مسلس أطفال با جنابو ما تفضحنا مع ناس أمريكا

ياجماعة جنابو عمر عثمان اقتنع انو المسلسل ما بتاع اطفال لكن البقنع الاطفال شنو ههههه طالما هم شايفين رسوم كرتونية حيفتكروا انو المسلسل بتاع اطفال وده سبب التحذير والتنبيه

في واحدة من الحلقات في المسلسل ده او واحد تاني في نفس القناة الشافع الكرتوني بحلم انو كتل امو رميا بالرصاص فتأمل

بعدين صراحة ما قادر افهم الفكرة شنو من تقديم مسلسل بمحتوي للكبار لكن في شخصيات كرتونية !!! وافكار غريبة وانا متأكد انو 99and#1642; من اطفالنا في السودان وذويهم فاهمين انو ده مسلسل كرتون للاطفال وذويهم ربما لم ينتبهوا لمحتوى هذا المسلسل

Dear Omar

المسلسل دة أنا من أشد المتابعين ليهو وزي ما ذكرت سمارت seth macfarlane زول لسانو سليط وداير ناس معينة كدا تفهمو . أنا غيتو ما فوتا ولا حلقة منو من بدايتو في 1998 ولحدي حلقة الاسبوع قبل الفات .
الزول دة بعمل أصوات نص الحلقات يعني هو صوت عمك الأبو وصوت ال###### وصوت الشافع القتل امو يا ود نمرة اتنين.
بجيك بي رواقه لمن ألقى كيبورد عربي.

Osama Mohammed

العزيز اسامة شكرا للمعلومات الاضافية عن المسلسل لكن واضح انو الناس ما قادرة تفهم النقطة البتكلم فيها انا وبالتالي اي حديث عن براعة الممثل او القيمة الفنية لهذا العمل ببقي حديث او رد لمسائل لم اتطرق لها ياجماعة الانا عاوز اقوله باختصار انو المسلسل ده بشخصياته الكرتونية دي زي تعبئة الثنر في القزاز الفارغ بتاع السفن اب او الاسبرايت ودي كانت حاصلة في السودان وتسببت في وفاة عدد من الاطفال طيب هل الحل انو الناس تخلي تصنيع الثنر مع اهميته لا الحل انو الناس تعبي الثنر بطريقة ما تجذب ولا تخدع الاطفال طيب الزول ده امريكي وما ملزم ولا مهتم يعبي لينا بالطريقة الانحنا شايفوها صاح وعاوز يعبي في شخصيات الكرتون دي وعارف انو مجتمعه باطفاله متفهمين الفكرة اوكي علي كيفو لكن التعبئة بالطريقة دي مشكلة بالنسبة لمجتمعنا واطفالنا عشان كده انا قصدت لفت انتباه الناس وما فرضت عليهم توصية وكل زول وتقييمه بعد ذلك . اما بخصوص حلقة الطفل البكتل امو بالرصاص وبعد داك بتضح انو بحلم مهما كان نوع التوضيح بخصوصه او الترك او القيمة الفنية فبمجرد ان ان يشاهد طفل المنظر وتطرق ذهنه فكرة ان هناك طفل يقتل امه ولو في الحلم فكرة مخيفة ومنفرة وخطيرة

سلامات يا جنابو ( تاني، مع انك ما هبيتني الكرة الأولي) ^_*
طيب انا فاهمة انت قاصد شنو. لكن المشكلة انه ما اي فلم كرتون معناها فلم مناسب للأطفال.
يا اخي خليها أفلام الكرتون، الأفلام المصرية دي كلها ما مناسبة للأطفال.
حتي كرتون الأطفال، في حجات انا شايفة انها ما مناسبة لاطفالي. و دي ممكن تكون فرصة كويسة انك تقعد مع أولادك و تسألهم عاوزين يحضروا شنو و مواعيدوا متين؟ أتفرغ ليك كم ساعة كده و مر علي الحجات اللي قالوا عاوزين يحضروها كلها شوفها اذا كانت مناسبة. و خليهم هم اذا جات حاجة ما متفق عليها يغيروا القناة. طبعا الموضوع ما بالبساطة دي، مرات ح ينسوا، و مرات ح تشدهم حاجة شديد و يقرروا يطنشوك. لكن أصر علي الاتفاق. و استعمل الترغيب و الترهيب. اذا جئت لقيتكم بتحضروا في شيء ما متفق عليه ح أقفل التلفزيون يومين. دي لو عملتها مرة واحدة رأسهم ح يستعدل. :)
انا هنا عندي تلفزيون واحد بس شغال في البيت، السبب انه ما عاوزة كل زول يكون بيحضر في تلفزيون براه. و أكون ما عارفة الجماعة بيحضروا شنو من وراي.

سلامات يا جنابو ( تاني، مع انك ما هبيتني الكرة الأولي) ^_*
طيب انا فاهمة انت قاصد شنو. لكن المشكلة انه ما اي فلم كرتون معناها فلم مناسب للأطفال.
يا اخي خليها أفلام الكرتون، الأفلام المصرية دي كلها ما مناسبة للأطفال.
حتي كرتون الأطفال، في حجات انا شايفة انها ما مناسبة لاطفالي. و دي ممكن تكون فرصة كويسة انك تقعد مع أولادك و تسألهم عاوزين يحضروا شنو و مواعيدوا متين؟ أتفرغ ليك كم ساعة كده و مر علي الحجات اللي قالوا عاوزين يحضروها كلها شوفها اذا كانت مناسبة. و خليهم هم اذا جات حاجة ما متفق عليها يغيروا القناة. طبعا الموضوع ما بالبساطة دي، مرات ح ينسوا، و مرات ح تشدهم حاجة شديد و يقرروا يطنشوك. لكن أصر علي الاتفاق. و استعمل الترغيب و الترهيب. اذا جئت لقيتكم بتحضروا في شيء ما متفق عليه ح أقفل التلفزيون يومين. دي لو عملتها مرة واحدة رأسهم ح يستعدل. :)
انا هنا عندي تلفزيون واحد بس شغال في البيت، السبب انه ما عاوزة كل زول يكون بيحضر في تلفزيون براه. و أكون ما عارفة الجماعة بيحضروا شنو من وراي.

===============================================================================

السلام عليكم ورحمة الله يا اسمارات :) معليش ما سلمت عليك في المرة الأولي
كلامك سليم وخارطة طريق كويسة وحقيقة الواحد يحتاج للاطلاع والوقوف على كل ما يشاهده الاطفال
في هذه القناة او غيرها ومرات حتي مش من باب منع المواد الضارة من التأثير عليهم لكن حتى من باب المحافظة
على هويتهم السودانية الاصلية من الغزو الثقافي الرهيب الذي يتعرضون له

تحذير جنابو في محلو

الاطفال لما يشوفوا اي عرض كرتوني بركزوا فيهو ..وقد لا ينتبه الكبار للامر ...ويعتقدون انه عرض للاطفال ..

الباب البجيب الريح ....

سلام يا جنابو
القنوات المخصصة للاطفال ... مالها؟
لازم يتفرجوا على FX يعني؟!!
لما يكبروا يتفرجوا على بقية القنوات !

الأخ عمر
الخطا من القناة لانو المسلسل دة بيتم عرضو في مواعيد متاخرة بيكون فيها الأطفال نايمين في أمريكا و أوروبا والدول الغربية . يعني تقدمو شكوى للقناة عشان تغير مواعيد البث .
كما ذكرت انو المسلسل بتاع ناس كبار بالواضح اسمو Adult Humour .
ولو شفت في النبذة عن المسلسل بتلقى إنو بيندرج تحت التصنيف دة .

يا جنابو أنا فهمتها
فسيبك من الباقين
يعنى إنتلازم تلم كل الكيمان ؟

بالمناسبة سلامات وكل عام الضحية الفات وإنت بخير

الاخ عمر

ياخ كتبت رد طويل وعريض واخدو زرار الباك
القناة دي للكبار يعني اطفالك مفروض ما يحضروها ( مشيت للقناة وعرفت انها فوكس ودي قناة كبار )
المشكلة حا تكون تعاملك كمستهلك مع المنتج بتاعهم ( وهنا ما هم الغلطانين ) .
انا فتشت القناة دي ولقيت في اكتر من موقع انهم بورو المستهلك انو دي قناة كبار بتتخصص في المسلسلات والافلام الاجنبية .
اعمل زي ما قالت ليك اسمارت انا : اقعد مع الاولاد ووريهم بالضبط ممكن يشوفو شنو وما يشوفو شنو ( وما تقول الاولاد ديل صغار شفت الصغار ديل بفهمو احسن مني ومنك ) .
نقطة مهمة : ما كل الكرتون بتاع اطفال اساس الكرتون عملوهو الكبار عشان يتخطو حدود الصور المتحركة ( السينما ) ويلقو حرية اكبر في عرض اعمالهم .
سلامي لي ناذر ود حلتي رغم انو خشه هنا وما قال حاجة.
لو في اي حاجة ما مفهومة في كلامي حا اشرح اكتر لمن القى كيبورد عربي لاني بكتب بالبيض ( yamali)
اخوك اسامة ( ود حلة الصعايدة).