Post: #1
Title: كسر 8دكاكين بسوق أم درمان في ليلة واحدة معقولة بس يا بوليس الولاية؟!!!!#
Author: زهير عثمان حمد
Date: 10-27-2013, 10:11 PM
تعرضت (8) متاجر في سوق أم درمان - قبالة الوحدة الإدارية وعلى مقربة من قسم الشرطة - لعملية سرقة في ساعة واحدة من اللص ليلا حيث ثقب اللصوص أسطح أو أسقف 8 دكاكين علي صف واحد حسب إفادات تجار أنهم من يمول مجموعة الحراسة الليلية عي السوق ولكن وجدوا سقوف المتاجر وسرقوا أموالاً نقدية ولاذوا بالفرار، وبلغت جملة المال المسروق أكثر من (100) ألف جنيه. وذكر التجار أنهم تفاجأوا في الصباح بأن متاجرهم تعرضت للسرقة، فأبلغوا الشرطة التي قيدت محاضر وما يزال البحث جارياً عن اللصوص.
*حسي نقول شنو البوليس في حالة أضراب ولاحاصل شنو ما عرفنا القصة هي شنو ؟!
|
Post: #2
Title: Re: كسر 8دكاكين بسوق أم درمان في ليلة واحدة معقولة بس يا بوليس الولاية؟!!!!#
Author: ملهم كردفان
Date: 10-27-2013, 10:15 PM
Parent: #1
مادام السرقه جمب قسم البوليس تقول
حاميها حراميها يازهير وده حاصل من ربع قرن
دكان الوطن ذاتو فتحو السقف بتاعو ولبدو جوه
ولى هسى على عينك ياتاجر بيسرقوا
|
Post: #3
Title: Re: كسر 8دكاكين بسوق أم درمان في ليلة واحدة معقولة بس يا بوليس الولاية؟!!!!#
Author: Osman Musa
Date: 10-27-2013, 10:19 PM
Parent: #1
بعد السلامات
يا زهير يا أخوي
8 وفي ليلة وأحدة ؟
عندكم البيع بالقطاعي والسرقة بالجملة ؟
معقولة كدي ؟
|
Post: #4
Title: Re: كسر 8دكاكين بسوق أم درمان في ليلة واحدة معقولة بس يا بوليس الولاية؟!!!!#
Author: احمد الأمين على إدريس
Date: 10-27-2013, 11:05 PM
Parent: #3
الله يستر من الجايي لسا
شوفو دى بالله وادونا رايكم
معرض بشارع الانقاذ مقابل المؤسسة التعاونية العسكرية(قوات جيش وعندهم نبطشية ) فيس تو فيس الباب فى الباب لا يفصلهم الا الاسفلت وبضع امتار
تعرض المعرض للكسر ومن الابواب الرئيسية وتمت السرقة حاول الحرامية اعادة السرقة لما تبقى فى المعرض بعد 24 ساعة ,بس انقبضوا فى المرة التانية بالثابتة
وهم بكسروا فى الابواب اعترفوا بالسرقة الاولى بالتفصيل والمسروقات واماكن بيعها وايو حاجة وفى المحكمة نكروا
طبعا اتفتح بلاغين الاول سرقة والتانى شروع فى السرقة
الحكم كان البراءة من الاول والجلد والاكتفاء بالمدة للبلاغ التانى ....
وبلادى سلام بلادى امان
بلادى الجنة للشافوها :)
|
Post: #5
Title: Re: كسر 8دكاكين بسوق أم درمان في ليلة واحدة معقولة بس يا بوليس الولاية؟!!!!#
Author: صديق الموج
Date: 10-28-2013, 01:43 AM
Parent: #4
هوى يا معارضين انت اصلو شغلة البوليس شنو مش يحرس؟؟
اصلو بوليس الانقاذ ده متعود بحرس الحراميه فيها شنو؟
الدليل ماتراهو حارس السرقوا الوطن خمسة وعشرون سنه وقفت على
الجعانين البسرقو عشان ياكلو ديل؟؟
|
Post: #6
Title: Re: كسر 8دكاكين بسوق أم درمان في ليلة واحدة معقولة بس يا بوليس الولاية؟!!!!#
Author: باسط المكي
Date: 10-28-2013, 03:00 AM
Parent: #5
Quote: هوى يا معارضين انت اصلو شغلة البوليس شنو مش يحرس؟؟
اصلو بوليس الانقاذ ده متعود بحرس الحراميه فيها شنو؟
الدليل ماتراهو حارس السرقوا الوطن خمسة وعشرون سنه وقفت على
الجعانين البسرقو عشان ياكلو ديل؟؟ |
صدقت ياود الموج سلامات يالحبيب
|
|