Post: #1
Title: بعد البيتزا والهوت دوغ جابت ليها كانتاكي
Author: عمر الفاروق عبد الله الشيخ
Date: 10-27-2013, 04:18 PM
Parent: #0
الحاج آدم الشهير بالحاج ساطور
خش في موضوع السفسفة الجماعة ديل فطسين كده ليه
|
Post: #2
Title: Re: بعد البيتزا والهوت دوغ جابت ليها كانتاكي
Author: عمر الفاروق عبد الله الشيخ
Date: 10-27-2013, 04:24 PM
Parent: #1
|
Post: #3
Title: Re: بعد البيتزا والهوت دوغ جابت ليها كانتاكي
Author: عمر الفاروق عبد الله الشيخ
Date: 10-27-2013, 04:46 PM
Parent: #2
وزير المالية قال الانقاذ عرفتنا بالبيتزا التي انتشرت مطاعمها في الخرطوم والرئيس البشير قال "اتحدي اي زول عرف الهوت دوغ" قبل الانقاذ الآن جاءنا الحاج ساطور من سبأ بنبأ يقين وسار في نفس مشوار الفطاسة الذي سار فيه الرئيس ووزير ماليته وآثر بـأن يكون له من المعرفة بأطايب الطعام والتيك أواي نصيبا فتم الناقصة بكنتاكي فرايد جيكن.
ماقلت ليكم الجماعة ديل رايحين ليهم جوعة من زمان بعيد وخلعهم الآن بعد أن أستوزروا وتريسوا بأن يستكثرون علينا البيتزا والهوت دوغ وكنتاكي وفي زمن قديم ونحن شفع يفع كنا بندخل دكان أبو يمن ونلاقي عنده جبنة بيضه وجبنة رومي وجبنة مضفرة ولانشون وكريز وخوخ وعسل الأسد والزيتون الأسمر والأسود وطحنية سعد باللوز وكانت عربات كافوري بتضع لبن القزاز جم باب البيت في زمن اتصف بالأمن والأمان.
يعني ما لاقيت مثل تقوله الا الكنتاكي ما قلت ليكم مخلوعين وفطسين .. ياخي كان ممكن تقول لو انبطحنا لامريكا كان حالنا بقي حال وكانت التكنولوجيا متيسرة وعلاقاتنا مع باقي الدول احسن طالما هي حسنة مع امريكا كان يكون شي مبلوع بدل بلع الكنتاكي.
وبعدين يا سيادة النائب المتهكم علي مظاهرات الشباب وتريدهم بان يقارنوا حالهم الآن وحالهم قبل عشرين سنة يا بلاهتك ياخي .. معظم المتظاهرين بعضهم قبل عشرين سنة لم يولد وبعضهم عمره كان يعد علي اصابع اليد الواحدة .. طيلة ربع قرن والناس اللي عايشين ومعاصرين عصركم وعصركم وعسركم ضاقوا منكم المرارات فأثر بعضهم الهجرة من السودان وآثر البعض الآخر مسايرتكم حتي يعيش وتاه البعض الآخر في مسيرة عمل يومي صباحي ومسائي يعود بعده لبيته منهوكا مهدودا.
خليك شجاع وخلينا نقارن حالنا قبل 30 يونيو 1989 وحالنا طيلة ربع قرن من الزمان مع عهدكم البغيض في كل النواحي والله لو رجعنا لما قبل 30 يونيو المشئوم حيث السودان موحد ولا حروب مستعرة ولا تشريد للمواطنين البسطاء من مناطقهم ولا تشريد للعاملين من وظائفهم للصالح الكيزاني وحيث الدولار يساوي في السوق السوداء 12 جنيه بالقديم .. وحيث النفوس طيبة والناس متدينة بطبيعتها ولا حاجة لها في انبياء ورسل جدد .. نسأل المولي بأن نعود لما قبل 30 يونيو ومن بعدها ننطلق نحلم لغد افضل من 29 يونيو 1989.
|
Post: #4
Title: Re: بعد البيتزا والهوت دوغ جابت ليها كانتاكي
Author: عمر الفاروق عبد الله الشيخ
Date: 10-27-2013, 05:16 PM
Parent: #3
تعليق طريف من الجمبلق بموقع الراكوبة
شكلو عايز يغشنا عشان نسميه بعد دا الحاج كنتاكى حيث انها اكثر ظرفا من ساطور لكن تلقاها فى الغافل الحاج ساطــــــــــــــــــــــــــــــــــوــــــــــــــــــــــــــــــــــــــر.
|
Post: #5
Title: Re: بعد البيتزا والهوت دوغ جابت ليها كانتاكي
Author: عمر الفاروق عبد الله الشيخ
Date: 10-27-2013, 05:42 PM
Parent: #4
قديدتونا كباري وسدود
يعني عملتوا كبري لكل مواطن ياهو ده فهمكم
|
Post: #6
Title: Re: بعد البيتزا والهوت دوغ جابت ليها كانتاكي
Author: عمر الفاروق عبد الله الشيخ
Date: 10-28-2013, 04:37 PM
Parent: #5
من الفيسبوك
Ali Alfred · الأكثر تعليقا · Wau, Sudan
واحد يابانى قال للسودانى نحنا اغبى واحد عندنا بصنع كمبيوتر السودانى قال ليهو:نحنا اغبى واحد عندنا ببقى رئيس أو نائب للرئيس.
رد · أعجبني · متابعة المنشور · منذ 20 ساعة
|
|