كرامة العودة من الحج لمسئوؤل كبييييييييييير! لكين ما ممارست فينا كل أنواع الاطضهاد بس ما دوامه هي #

#
كنت ماشي أشتري لي فطور جاني صديقي ودارفور صباحي القطيم عزمني لكرامة مسئول الدارفوري كبير أعالي من الولاة ذاتم رجع من الحج سالم غانم وهو معزوم كمان هناك وأصر ياخي فول شنو وفتة شنو قوم ياله نمشي علي الاقل نأكل من خير السودان اللي ما بيصلنا دا طبعا أخوكم قال عشرة جنيه الفطور ممكن تعمل حاجة تاني علي الاقل أكلم بيها الجكسوية حقتي مشيت ويا ريت لو ما مشيت ما قدرت أكل وغضبت غضب يا خي معقول زول جاي من حج في الكرامة يضبحوا فيها خمس خرفان وعجل كمان كميات من السمك والحلاوة ماكنتوش والعصير برتكان بس والشاي مدور زي الشي الكعب والقهوة بالطلب وعندها طقام خدمة مختلف ودا في الخرطوم الفقرانه دي شوقوا البلد ما فيها رغيفة واحدة ديل الرغيف بالبوكس ست شنكل هو الكسرة والطباخين خمسة ومع المساعدين والسفرجيه 12 نفر وصيوان رئاسي كبير وفخم جدا ومكيفات مرواح وهاك ياضحك ومجاملات ممله من الصباح مداحة أنثي تمتدح في الرسول وتعال شوف القروش اللي ختوها ليها كميات من أبو خمسين قلت يا ود عرس مداحة أحسن ليك من عوانس الخدمة المدنية ديل هن ذاتن أققر منك والله ديل ناس بالجد ماشاعرين بالحاصل ( أبدا ) كل في البلد ولينا نحن سكان السودان بالله الزول دا لو كان مشي للعلاج وجا راجع معافي كان عمل شنو والله كرامة حج زي مائدة من السما شنو الما في فيها السلاطات أنواع حتي سلطة أسمها الفتوش عند أهل الشام موجودة والاحلي من كدا الشيه تلاتة أنواع ضان وسنكيت وسمك مشوي يا ربي أنا ضلت الطريق مشيت بيت أسامة دؤاد ولا شنو لا أنا في بيت الكرامة حق المسئول ود دارفور اللي كان في الميدان بيحارب من أجل المهمشين !عجايب والله تبكي ولا تضحك ولا تموت بالهم الاخير هي الاقرب لينا أظنها
يا حليلك يا بلد ناسك بموت من المعاناة وهنا الخير بيمشي القمامة !
وأخيرا ربى يساحمكم جميعآ
و مشكورين على علي فطور الكرامة لكين رجعت عيان عديل كدا من الاحساس بالدونية والعجز قدام الحاصل دا
* لكين ما ممارست فينا كل أنواع الاطضهاد بس ما دوامه هي بكرة تشوفوا !!!!!!!!!!!!!!!#

Quote: سلطة أسمها الفتوش عند أهل الشام موجودة والاحلي من كدا الشيه تلاتة أنواع ضان وسنكيت وسمك مشوي

ده كلو في كرامة الحاج؟؟


يمين زمان الحاج بكرموا ليهو بي فتة..

دحين الزول ده اكان عرس ...بسوي شنو؟؟

ما دوامة زي ما قلت

ودي

أخي الحبيب زهير السلام عليكم
علي اليمين إنت ما عندك دونية ولا حاجة.. لكن الأكل (غلّت) عليك. طبعاً القفز بالعمود من فول بالزيت إلى المطايب التي ذكرتها بجيب مشاكل كتيرة. ههههههههههه.
تحياتي.

كبـّاشي الصـّـافي
(العوج راي والعديل راي)

قوي قلبك بما لذ وطاب ، يقوي إيمانك وصبرك .

ياخي اضطهاد شنو ,, انت اولان لبعت لامن قلت بس
ووفرت عشرة جنية
وبعدينك وده الأهم بقيت شاهد عيان
واخيرا
لقيت ليك موضوع بوست
سلام ليك وضيوفك
ديل مالهم بكتل النخوه والشهامه والانسانيه ,, وغالبا يغلت عليك

Quote: مداحة أنثي تمتدح في الرسول وتعال شوف القروش اللي ختوها ليها كميات من أبو خمسين قلت يا ود عرس مداحة أحسن ليك من عوانس الخدمة المدنية ديل هن ذاتن أققر منك والله ديل ناس بالجد

ههههههههههه
حسبّها صاح يا زهير

إن شاء الله بس العشرة جنية تضرب بيها للجكسوية ما تضرب بيها حاجة تانية !!

ههههههههههههه
تلاتة عزومات من النوع دا وحا نلقى بوستاتك كلها هييييييييييييييييييع وكعععععععععععععع وسيدي الرئيس
ما اصلها دي بداياتها
---------------------
قوموا الى فولكم وفتتكم يرحمكم الله او كما قال ،،، هو قال شنو ؟؟؟