حتى داخل المسجد ميزوا أنفسهم !!! ــ أفتونا في ذلك يا أهل الدين

عصابة المؤتمر الوطني لم تكتفي بتمييز نفسها في الدنيا
فبعد ما وفروا لأنفسهم خدمات 5 نجوم في كل مجال دون سائر أبناء السودان الفقراء المعدمين
فبنواً لأنفسهم :
رويال كير
والسلام روتانا
وكرونثيا الذي أحتكروه بعد الثورة الليبية
وتربعوا في المكاتب الفخمة تحيط بهم الجواري والحشم والخدم
وخصصوا لأبنائهم الدراسة في أرقى الجامعات الخاصة
وفتحوا المطاعم 5 نجوم مثل أمواج والحوش التي لا يرتادها فقراء السودان
أمتطوا فاره السيارات من البي أم دبليو واللكزس والكامري والهمر
وبنوا لأنفسهم القصور الفخمة ، عاشوا فيها حياة الترف والبذخ
وأشبعوا رغباتهم من غرائز الجسد مثنى وثلاث ورباع ، بعضه عرفي وأخر سري وبعض أخر مسيار
وأبتدعوا لأنفسهم ما يعرف بالحج السياحي ، الذي يوفر لهم كل سبل الراحة الترفيه ،
يذهبون له بالطائرات الخاصة ، تسافر فيها أرتال من بطانة السوء ، ظانين أن جرائمهم في حق الشعب ستغفر لهم بمجرد أن وطأت أقدامهم الأراضي المقدسة

لم يكتفي عتاة الظلم بذلك ، بل حتى داخل المسجد أصبحوا يضعوا حاجز يحتكرون به الصفوف الأمامية ليصلي عليها علية القوم من العصابة والموالين لهم و غير مسموح للأخرين بالصلاة أمام هذا الحاجز ،

أصبح هذا المشهد يتكرر في صلاة الجمعة
وأخرها ما شاهدناه في صلاة الجمعة أمس بمسجد الأبيض العتيق
حيث تم وضع حاجز يحول دون وصول سائر الناس للصف الأول

بغض النظر عن الجانب الأخلاقي لهذا الموقف المشين ،
دعونا نستعرض موقف الشرع من ذلك
ويعلم الجميع أن الصف الأول في الصلاة له مزية وفضل كبير ، وردت فيه نصوص واضحة

فهل من حق هؤلاء منع عامة الناس من هذا الفضل ؟

أفتونا في حكم ذلك يا أهل العلم ؟

من الأحاديث الواردة في حق فضل الصفوف الأولى :
رأى رسول الله صلى الله عليه و سلم في أصحابه تأخرا فقال لهم: (تقدموا فأتموا بي و ليأتم من بعدكم لا يزال قوم يتأخرون حتى يؤخرهم الله). رواه مسلم
قال جابر: (خرج علينا رسول الله صلى الله عليه و سلم فقال :ألا تصفون كما تصف الملائكة عند ربها ؟ فقلنا يا رسول الله و كيف تصف الملائكة عند ربها ؟قال : يتمون الصفوف الأول و يتراصون في الصف). رواه مسلم
قال ابن القيم: (قرب أهل الجنة يوم القيامة وسبقهم إلى الزيارة يوم المزيد بحسب قربهم من الإمام يوم الجمعة والدنو من الإمام من السنة في كل صلاة )

Quote: أفتونا في حكم ذلك يا أهل العلم ؟

ننتظر ردودكم يا شيوخ المنبر

Quote: أفتونا في حكم ذلك يا أهل العلم ؟

ننتظر ردودكم يا شيوخ المنبر

ود البصير يا صديق .... تحياتي وكل عام وانتم بخير وصحة وعافيه

غايتو أنا لاني شيخ ولا حاجه .... لكن التمييز في أي حاجه ما من الدين ولا الأخلاق ... فما بالك لامن يكون في بيت الله؟

أنا غايتو لو صليت في مسجد زي دا ولقيتو مفصل ... يسألني الله أدفرهم كلهم وغير الصف الأول ما أصلي في مكان ..... هو نحنا مش بنصلي لي الله؟ أها أنا عشمي إنو الله بحبني أكتر منهم ... في شان كدي مكاني الصف الأول بس .. والرهيفه التنقد

تحياتي يا حبيب.

Quote: ود البصير يا صديق .... تحياتي وكل عام وانتم بخير وصحة وعافيه غايتو أنا لاني شيخ ولا حاجه .... لكن التمييز في أي حاجه ما من الدين ولا الأخلاق ... فما بالك لامن يكون في بيت الله؟ أنا غايتو لو صليت في مسجد زي دا ولقيتو مفصل ... يسألني الله أدفرهم كلهم وغير الصف الأول ما أصلي في مكان ..... هو نحنا مش بنصلي لي الله؟ أها أنا عشمي إنو الله بحبني أكتر منهم ... في شان كدي مكاني الصف الأول بس .. والرهيفه التنقد تحياتي يا حبيب.

أهلين الحبيب عثمان ـ لك الف تحية
ياخ ديل تعدوا كل الخطوط الحمراء ، كمان في العبادة عملوا لينا تمييز ؟
ياخ أنا مرات امشي المسجد من الساعة 11 عشان أضمن أصلي في الصف الأول ـ أمش القى عاملين حاجز يمنعني من الصف الأول
أنا معاك غايتو أدافر وبعد داك الرهيفة التنقد


خارج النص ـ عملت شنو في الماجستير ؟
إن شاء في أخبار مفرحة

هههههههههههههه صدقت والله ندافر بس .... وهم كان دايرين يصلوا براهم .. و من وراء حواجز أحسن ليهم يصلوا في قصورهم وما يجوا مساجد المسلمين.

بخصوص الماجستير ... الحمد لله انتهيت منو وقامت الجامعه بارسال الشهادة التي انتظر وصولها ... وكانت النتائج على النحو التالي:ـ

3 Books reports earned grade A
Final research earned grade A

كتر خيرك يا عالي على السؤال ... وعقبالك ان شاء الله في كل ما تتمناه وتأمله

الاخ العزيز محمد علي
...............................
هؤلاء المجارمه يعملون اكثر من ذلك
مع ان الصلاة ما فيها تميييز
والصف الاول أحب الصفوف





الله لا جاب باقيهم
...........................................................
مع خالص التحايا لزور البوست

سلام يا ودالبصير
شوف واحد من اتنين يا الناس تقعد فى الصف الامامي غصباً عنهم طالما حضروا بدري للصلاة .
ويا كمان يقاطعوا اي مسجد فيهو تميز وجهوية .

Quote: هههههههههههههه صدقت والله ندافر بس .... وهم كان دايرين يصلوا براهم .. و من وراء حواجز أحسن ليهم يصلوا في قصورهم وما يجوا مساجد المسلمين. بخصوص الماجستير ... الحمد لله انتهيت منو وقامت الجامعه بارسال الشهادة التي انتظر وصولها ... وكانت النتائج على النحو التالي:ـ 3 Books reports earned grade A Final research earned grade A كتر خيرك يا عالي على السؤال ... وعقبالك ان شاء الله في كل ما تتمناه وتأمله

تسلم الحبيب عثمان ـ

والله أنا لو دخلت مسجد لأداء صلاة الجمعة ، ووجدت من يمنعني من دخول الصف الأول ،
لما إستجبت وسأبذل كل ما أستطيع في سبيل تحقيق رغبتي ،
مالم أسمع نص واضح يفتي بمنح الحاكم سلطة منع المصلين من الوقوف بالصف الأول ـ ننظر رد مشائخ البورد


خارج النص للمرة الثانية

الف مبرروووك مقدماً ـ وعقبال الدكتوراة

يلا منتظرين إحتفالية كبيرة بهذا المناسبة السعيدة للجميع

Quote: الاخ العزيز محمد علي ............................... هؤلاء المجارمه يعملون اكثر من ذلك مع ان الصلاة ما فيها تميييز والصف الاول أحب الصفوف الله لا جاب باقيهم ........................................................... مع خالص التحايا لزور البوست

أخوي حامد ـ لك تحية الود والتقدير

جردونا من كل حقوقنا في الدار الفانية ، و
لكن حقنا في الدار الأخرى لن نصمت عليه أبداً

Quote: سلام يا ودالبصير شوف واحد من اتنين يا الناس تقعد فى الصف الامامي غصباً عنهم طالما حضروا بدري للصلاة . ويا كمان يقاطعوا اي مسجد فيهو تميز وجهوية .

أهلين الأخ بدر الطائف ـ
المقاطعة هى الإسلوب الأجدى والأكثر تاثيراً ـ
ويمكن أن يمنح القضية بعد إعلامي كبير لو أستطاع المصلين توحيد كلمتهم والتزموا بمقاطعة المسجد حينما يجدوا مثل هذه الحواجز

السلام عليكم أخ محمد/

Quote: فهل من حق هؤلاء منع عامة الناس من هذا الفضل ؟

انا لست مفتى ولا شيخ..وهذا التصرف مرفوض فى المساجد والدين ما دينهم براهم لو عايزين يصلوا براهم يعملوا مساجدهم لوحدهم ويصلوا فيها.........

كلنا أمام الله سواسية....

Quote: السلام عليكم أخ محمد/ Quote: فهل من حق هؤلاء منع عامة الناس من هذا الفضل ؟ انا لست مفتى ولا شيخ..وهذا التصرف مرفوض فى المساجد والدين ما دينهم براهم لو عايزين يصلوا براهم يعملوا مساجدهم لوحدهم ويصلوا فيها......... كلنا أمام الله سواسية....

أهلين الحبيب سمعة
ياريت يعملوا ليهم مساجد لحالهم ، عشان ما يختلطوا بالشعب البائس دا نهائياً
أصلوا في كل حاجة فرزوا معيشتهم
لا بتعالجوا في مستشفيات الشعب
ولا بنزلوا في فنادق الفقراء
ولا أولادهم بقروا في مدارس الغلابة

الحاجة الوحيدة الممكن تجمعهم مع البؤساء هى المساجد ،
مفروض يبدوا بجامع كافوري 10 نجوم دا ويخصصوه لعلية القوم
ومسجد الشهيد
مش هم عندهم حاجة إسمها الخصخصة ، إذا ما فوكا حاجة

دين أخر زمن

يلا يا شيوخ منتظرين الفتوى

هو الزول ده يرقص وسط الناس وخائف يصلي وسطهم؟

Quote: هو الزول ده يرقص وسط الناس وخائف يصلي وسطهم؟

أهلين العزيز أحمد
المشكلة هو عامل فيها إنو محبوب الشعب
طيب الشعب البحبك دا ، مالك خائف منو ؟
ما تصلي وسطو زيك وزي أي إنسان عادي

(وابتدعوا لأنفسهم ما يعرف بالحج السياحي ، الذي يوفر لهم كل سبل الراحة الترفيه )

ألم يعلموا بأن الإمام مالك رضي الله عنه كان يسير علي قدميه لمدة ثلاثة أشهر من العراق الي مكة ليؤرخ لحديث لنبي الله حين يسمع بأن أحد مسني مكة يحفظه ؟!
ومن منا لا يحفظ قول رسول كسرى للفاروق عمر بن الخطاب : "حكمت فعدلت فنمت قرير العين يا عمر" رضي الله عنكم صحابة رسول الله .
ديل ناس دنيا ولهطي ساكت وكمان سفاحين وحرامية وأفاكين , الله يخارجنا منهم .

ست البنات.

Quote: (وابتدعوا لأنفسهم ما يعرف بالحج السياحي ، الذي يوفر لهم كل سبل الراحة الترفيه ) ألم يعلموا بأن الإمام مالك رضي الله عنه كان يسير علي قدميه لمدة ثلاثة أشهر من العراق الي مكة ليؤرخ لحديث لنبي الله حين يسمع بأن أحد مسني مكة يحفظه ؟! ومن منا لا يحفظ قول رسول كسرى للفاروق عمر بن الخطاب : "حكمت فعدلت فنمت قرير العين يا عمر" رضي الله عنكم صحابة رسول الله . ديل ناس دنيا ولهطي ساكت وكمان سفاحين وحرامية وأفاكين , الله يخارجنا منهم . ست البنات.

يا ست البنات عرفنا هضم حقوقنا في الدنيا
كمان حتى حقوقنا في الدار الأخرى عايزين يكوشوا عليها !!

ننتظر فتوى شيوخ المنبر

انا افتي واتحمل المسؤلية,
- اذا قبل امام التمييز بين الناس حسب وظائفهم او مقامهم،ولم يامر بتصحيح الوضع،فلا تجوز الصلاة خلفه.
- المسجد الذي يمارس التمييز بين الناس،لا يعتبر مسجدا،لان مساواة الناس تماما،هي اول الشروط.
ياود جادالله اخوي،لا داعي للمدافرة،،ابحث لك عن مسجد يصلي فيه لله ،فالله كرم الانسان وليس البنيان.

Quote: انا افتي واتحمل المسؤلية, - اذا قبل امام التمييز بين الناس حسب وظائفهم او مقامهم،ولم يامر بتصحيح الوضع،فلا تجوز الصلاة خلفه. - المسجد الذي يمارس التمييز بين الناس،لا يعتبر مسجدا،لان مساواة الناس تماما،هي اول الشروط. ياود جادالله اخوي،لا داعي للمدافرة،،ابحث لك عن مسجد يصلي فيه لله ،فالله كرم الانسان وليس البنيان.

أستاذ عبد العزيز عثمان ـ لك الف تحية
تسلم يا الحبيب

محمد البصير معقول نافع والبشير البشوفوهن فى المنام مع الرسول يصلو معاكم انتو المقملين ديل؟؟
صلاكم بلا يخمكم ما تصلو فى مساجد ام بده وارفع سدرك انتو خلو ليهم مسجد كافورى ومسجد الشهيد
و مسجد النيلين،،،

يعني الكيزان ديل لو ما جو الصلاة. الناس تصلي بدون صف أول؟ موش كفاية البلد ماشية بدون صف أول.

غايتو الجماعة ديل ريحوكم في الدعوات عليهم؛ بس تقولوا اللهم خم الصف الأول إلى نار الجحيم.

وأنا رأيي الناس تتفادى مساجدهم وتشوف ليها مساجد أسست على التقوى. وأمامة غير مشبوهة.

Quote: محمد البصير معقول نافع والبشير البشوفوهن فى المنام مع الرسول يصلو معاكم انتو المقملين ديل؟؟ صلاكم بلا يخمكم ما تصلو فى مساجد ام بده وارفع سدرك انتو خلو ليهم مسجد كافورى ومسجد الشهيد و مسجد النيلين،،،

والله رغم ما بي من الكأبة ، أضحكتني يا أبو حيدر

لكن يا أبو حيدر بيني وبينك كدا ـ
زول راكب لانكروزر 2013 يصلي ليه من كادح يركب الحنطور في صف واحد

إسلام أخر زمن !!!!

وضع محزن.
ولكن ما لجرح بميت ايلام!!
لا تستغربوا ان يدعو الامام احد كبار الكيزان للخطابة ثم الامامة لورعهم
ومعرفتهم للدين!!
او علي الاقل يعملوا اةقلاب للامام!!

Quote: يعني الكيزان ديل لو ما جو الصلاة. الناس تصلي بدون صف أول؟ موش كفاية البلد ماشية بدون صف أول. غايتو الجماعة ديل ريحوكم في الدعوات عليهم؛ بس تقولوا اللهم خم الصف الأول إلى نار الجحيم. وأنا رأيي الناس تتفادى مساجدهم وتشوف ليها مساجد أسست على التقوى. وأمامة غير مشبوهة.

تسلم أخي العوض الطيب

تعرف يا أبو الطيب بكلامك ( يعني الكيزان ديل لو ما جو الصلاة. الناس تصلي بدون صف أول؟ )
زكرتني ، عندنا زول بلديات كدا ، كان زمان فتوة وشغال مع الناس أرهاب ، بس زي ناس الأنقاذ ديل
الزول دا كان في الميدان بلعب ظهير أيمن ، الشباب لما يعملوا تقسيمة ، خانة صاحبنا دا محتكرة ليه ، حتى لو ما جاء تفضل فاضية

بالضبط زي فتوة أخر زمن ديل

وضع محزن.
ولكن ما لجرح بميت ايلام!!
لا تستغربوا ان يدعو الامام احد كبار الكيزان للخطابة ثم الامامة لورعهم
ومعرفتهم للدين!!
او علي الاقل يعملوا اةقلاب للامام!!

Quote: وضع محزن. ولكن ما لجرح بميت ايلام!! لا تستغربوا ان يدعو الامام احد كبار الكيزان للخطابة ثم الامامة لورعهم ومعرفتهم للدين!! او علي الاقل يعملوا اةقلاب للامام!!

تسلم الحبيب البينو
طالما مات الضمير وماتت النخوة في دواخل هؤلاء القوم ،
نتوقع حدوث كل ما يخطر وما لا يخطر بالبال

من خلال الفيس بوك ، كتب الأخ محمد يوسف

Quote: حفاظا للامن الداحلى

شكراً الأخ محمد يوسف على المشاركة
،بشيركم دا ما قال هو حبيب الشعب ، الأمن لزومو شنو إذاً

إذا كانت صلاة جمعة
فالذي تطيق نفسه أن يصلي خلف من خطبهم خارج ايطار الخطبة ذات الروح
والصدق فليصلي حيث يأمرونه ان يصلي.

Quote: إذا كانت صلاة جمعة فالذي تطيق نفسه أن يصلي خلف من خطبهم خارج ايطار الخطبة ذات الروح والصدق فليصلي حيث يأمرونه ان يصلي.

أشكرك الحبيب منتصر على هذه الإضافة

عبر الفيس بوك كتب الأخ أحمد محمد صالح

Quote: دي دايرة ليها فتوى يا اخ محمد علي منذ متى كان اي صف في الصلاة حكراً على اشخاص بعينهم الاولوية لمن سبق وسعى للمسجد مبكرا، لكن زمان الكيزان دا ما تستغرب اي شي

شكراً أخوي أحمد على المشاركة ـ حتى الأن أفتى الأخ عثمان بعدم جواز ذلك
وأن كنا ننتظر فتوى أتوقعها تحريم ذلك الفعل الشنيع