ممنوعه من الكلام....وبرضو (بحبك)......!

يا بلد!

بامر الطبيب ممنوعة من الكلام....


مشتاقه ايها الجميل

برغم قلة ادب بعض بنيك

وتطاول بعضهم

ولماضة بعضهم

وغدر بعضهم

وجهالة بعضهم

وذكورية اغلبهم


رغم ذلك اشتاقك يا وطن ولم انجح بحب غيرك بعد!

اشتاقك ايها البعيد

القريب الي قلبي

اشتاقك وقد حرمت من حضنك

اشتاقك و آتي هنا كل صباح و قبل شاي الصباح لابحث عنك

بين حروف بناتك و ابناءك

اشتاقك وقد بخلت علي باللقيا ايها القاسي

ام عاجر انت مثلي

كبلوك بالقيود

واثقلوك بالجراحات

وقتلوك بينك وبناتك

وحرموك لقاء الاوفياء منهم / ن

يا له من قدر

لماذا انت دون الاخرين؟!

اخاف لقاءك
وآثار الزمن عليك
اخاف ما اسمعه عن تغير خلق اهلك



واحزن لو اتضح اني كذبت علي ابنائي عن جمالك
وجمال خصال اهلك.

اخاف ان اكون بعتهم الوهم
اخاف ان يقولون عن كاذبه



واخاف
و اخاف
واخاف

ورغم الخوف

اشتاق
واشتاق
و اشتاق
ويذبحني الشوق اليك.

يا تراجي متعك ربي بالعافية وتحياتي للاسرة

ام حزم
اندياح جميل ربنا يديك الصحة والعافية والله انتى اصيلة وحبك نابع من ضميرك
بس زيارتك لى اليهود فى اسرائيل فى عقر دارهم ما كان فى داعى ليها
دى علشان نبزتى شيختنا الحلوة ست الملوك
وبرضوا بنعزك يا ام حزام وعلشانك بهدى ليك الاغنية دى

شكرا زهير الحنين و حميم

ربنا يحفظك.....

Quote: يا تراجي متعك ربي بالعافية وتحياتي للاسرة

اتابع ما تكتب بكثير اهتمام
لاني احس بالوطن في حروفك
عرفتك هنا لا حزبي ولا جن احمر
وكان يكفني انك سوداني و كفي.

بلادنا يا زهير لن تعمر الا بجال ونساء مثلك
انقياء طاهرون

يحبون كل السودان وكل شعوبه
كن بخير ايها النوبي الاصيل.

وسلم لي علي المعتقلين الشايل ديمه همهم
وامهاتهم
وصغارهم وزوجاتهم
وقول لهم نحن زيكم بنتقطع


وامهات الشهداء عانقهم لي يا زهير
وقول لهم يا ريت لو بيدنا كان فديناهم.

الله لا كسبهم من فعلوا هذا بنا.

بالله يا تراجي بتعرفي للكلام الزي ده؟ :)

الكلام إن لم يكن من اجل الوطن
فمن اجل من
كفاره اجر وعافية
ابيت الكلام المغتغت وفاضي
و
مهذب امامك يكون الكلام

د.سيف النصر تحياتي

Quote: بالله يا تراجي بتعرفي للكلام الزي ده؟ :)

مالي ما بعرف يا غالي و علي فكره ارشيفي عامر بكلام زي ده

الا النبي فيك

ناس زي ناس عزام ديل ما بيطيروا......الكلام الحلو من بالك ذاته؟!

طالع تحت كتب لينا شنو؟! كرهنا لك الحب ذاته.

والشوق و الريد الله يسامحه.

بامر الطبيب ممنوعة من الكلام....



متعك الله بلصحة والعافية
وربنا يحفظك من كل سؤ الأخت العزيزة تراجي مصطفي

وشكرأ
الدكتورة وضاحة لهذا الفيديو الجميل

يا شباب اصبروا شويه

يا بكري الحقنا يا اخي البوست ده اتقفل يعني الزول ما يحب اصله معاكم ولا شنو؟!

سلامتك يا اصيلة
هذه كتابة جميلة جدا

يا زولة ما يكتلك الحنين،،المودرنا كلنا..
شعب شال وطنا حنينا في القلب،،
وتوجه تلقاء ايما بر,,,,
خلف البحار الصفر،يفرون منه ويهاتون به.
غناء ودوبيت.
نشيدا وحكي..
طعاما..وزفة عروس وعريس..
في كل فجاج الارض،،،يسمعون الان هذه الاهة
الخارجة ،صادقة منك،،الدمعة واللهفة..
حرفا لايمل الصهيل.
ولا يخجل من البوح والاشتياق.
للوطن الجميل.الذي قايض به السفلة.
والكذبة...كلاما مغتت وفاضي,
تحنين يابنت العم لبسطاء اهلك,
للصباحات مع صاج عواستها.
للمة حبان،في شاي اوقهوة,,
وايه الدنيا غير،كما قال حميد
لمة ناس في خير
اوساعة حزن...
تشتاقين للمة في راكوبة.
عصيدة دافئة ،بملاح ادفا،،ودفا وحنان..
تشتاقين،ياطيبة..
لي نفير لازالة عوج.
لمة حنا..دارة رقيص
حلقة ذكر
وجمع من الطيبين ذاهبين لحصاد
يحلمون بفجر وحياة..
شيلي نمك ومسد ارك
ابكي سنين سعد
ابكي وطن ضاع منا
ضاع مثل كل الاشياء الجميلة
وهاانت ذا،تبعثين الشجن والحنين
لما كان يوما ولم يعد.
كوني بعافية ياواضحة وطيبة.

يا زولة والله ما مزعلني إلا صوتك العذب و الجميل والمميز والرنان
الفيهو حنية ليس لها مثيل ..
الراح بسبب إجتماعات السكايب .

الله يلعن السياسة ويقطع طاريها ..
حتى جمالنا أثرت عليهو ....:)


...................

وبالمناسبة أهلك فى شرق السودان ، منتظرين منك بوست بعنوان ( البجاوي الذي أحببت ) ...:)

وأرشح بطولة هذا البوست ، لعمنا الزعيم الصامد دوما دكتور أبو آمنة ربنا يديهو الصحة والعافية ويحفظوا لينا ولوطنه
..أو المشاكس أستاذنا إبراهيم بجا الذي لا يعجبه العجب ولا الصيام فى رجب ههههههه
لكم التحية أجمعين .

،،،،،،،،،،،،،،،

كان نفسي أهدي ليكي أغنية ( يا بلدي يا حبوب ) أو أغنية ( أشرقون ) بتاعة سيدي دوشكا ..
لكن لغاية الآن ما بعرف أنزل أغاني فى البورد دا ..
أرجو المساعدة يا وضاحة يا شمس المشارق .

Quote: أرجو المساعدة يا وضاحة يا شمس المشارق .

أمونة حبابك علشانك انتى وام حزام حبيبتنا ربنا يتم شفاها
والله سيدي دوشكا دا كاسر فينى ضلعة
بس شوية ساونا كده يكون تمام ههههه

تراحي ... تسلمي,

كتابة جميلة وملهمة,

فغردي ما شئت, عصفورا

حريا بالطلاقة, إنسانا

جديرا بآي الوطن, كريما

ينبغي وأن يكون ... حرا

‎
سلام أم سند
الوطن كالأم الحنون
سوف لن يخذلك أبدا

أتفق مع الأخ عادل:
كتابة جميلة بحق

و
شرِّك مقسَّم بين الدَقشَّمْ
____
الحليلة

بالجد في حاجة حاصلة
تراجي بقت اديبة ولطيفة وبشبش بقى عثل ؤبث اللهم اجعله خير وبركة

تراجي

الكتبْتيهو بِفوق ده كِتابة شعشعانِية.. كِتابة جميلة وحسيت إنها صادِقة.. أكيد صادِقة.. بس يا تراجي لامِن الزول يِحِب ليهو زول/حاجة/قِرد سنوات وسنوات، وما يِكون في مُقابِل ظاهِر لِحُبو ده.. حقو الزول يقعُد مع نفْسو ويسألا: [ليه أنا بحِبو قدُر ده وهو ما بِبادلني الشُعور؟]، يا تراجي إنتِ مجموعة مِن الحاجات كِده مُلخبطه لخبطه شديدة، كميات مِن التناقُض في بدن واحِد، مُسْترجِلة والعمل العام ما بحتاج لمرأة مُسْترجِلة، ياخ تاتشر الكان شُهرتا "المرأة الحديدِية" أكانت الأُنوثة بتنقِط منها نِقيط، كلِماتِك ضِد مِن يُخالفك عنيفة، بذيئة، زي قولِك هِنا ده لِواحدة قالت عن عضو هِنا ده : [فُلان الفُلاني راجِل] إنتِ بِبذائتِك قُلْتي ليها: [إنتي لو ما رقدتي معاهو عرفتي كيف إنو راجل][تلت بنات جامعات السودان عاهرات] وعادي بتقولي لِلرِجال: [يا باطل]. حقو يا تراجي -طالما بتعرفي تكتبي جِنِس الإنْدِياح أعلاه- حقو تراجعي إسلوبِك، وحقو الناس الوهم البِصفِقو عمال على بطال يِبطِلو نِفاق، أنا عارِف ما حتقدرو بس إن شاءالله على سبيل التغيير وكِده، وبعدين يا تراجي ما ضروري علشان تثبتي مُعارضتك للإنقاذ أو غيرا تتلصقي غصبًا عن أبو الخلفو الحركات المُسلحة فيهم، ما في ألف بني آدم مُتعاطِف مع قضايا الغرابا بِدون ما يفرِض روحو على تنظيماتُمْ، لأنو صوتِك وسط الغرابا بِرغم برتاوِية والدتكِ، صوت نشاز.. أشْتر.. مُقحم، إنتِ طوااااالي في صِراعات داخِل الجسم البتناهضي مِن خِلالو الإنقاذ، زمنك ضايِع في الصِراعات الداخِلية أكتر مِن صِراعِك مع الإنقاذ، ده لو إتجاوزنا وسمينا إجتماعات الإسكايب وكِتابات الإسفير نِضال.. ودايمًا وأبدًا بِكون الصِراع ضِدك مؤامرة دُبِرت لكِ بِلَيْل!

الواحِد كتير يا تراجي بِحِس إنو البتسوي فوقو ده -النِضال وكِده- إنو عرض.. فراغ.. ما بنشعُر إنو عِنْدِك قضية حقيقِية.. أنا ما بتكلم عن إنو ماف قضِية، أنا بقصُد إنتِ دي ما عنْدِك قضِية، علشان كِده ما عِنْدِك خُطوط حمراء.. ماف لين بِوقِفِك، وده ما شُكُر، ده بِنفِر مِنك أصحاب القضِية.. أصحاب الوجع الفي الأرض.. شوفو إنتِ ما مقبولة قدُر شنو مِن الأجسام البتتكلمي منها.. منصاتِكِ.. ده يطرُدِك وده يرفِدك وده يهمشِك.. وإنتِ سايقا العبط وتجي تسميهو بأسماء رنانة [مِن أجل القضيِة][تآمر قُوى الرجعِية][الذكورِية] ياخ إنتِ جميلة بو حريد!

تراجي عذبْتينا ياخ


الرقم الذي طلبته مشغول الأن أو خارِج الخدمة: حاولي مره أُخرى (جرس طويييييييييل)

محاولة لفتح البوست ...

محاولة أخرى ...

ياها ( يا بلدنا يا حبوب) يا أمونة
و التحية لك و لتراجي
في يوم الحب هذا



حلاة البلد بالإيقاع النوبي
طعم لا يقاوم
سحر الإيقاع النوبي لا أعرف سره معاي
ذكرت هذا في بروفايلي منذ جئت للبورد

ألف شكر وضاحة وأبو حميد .

وضاحة تعجبني صراحتك التى تتحدى السيافين الواقفين ورا الباب ههههههه/

Quote: والله سيدي دوشكا دا كاسر فينى ضلعة بس شوية ساونا كده يكون تمام ههههه

العزيزة ام حازم

لك كل الود و التقدير

بكيتى .. فابكيتينا ..

نسأل الله ان يرد السودان الينا ..

و يردنا الى السودان ...!!

Quote: كِتابة جميلة وحسيت إنها صادِقة.. أكيد صادِقة

أخي عزام ... تسلم,

بس ... ليتك قرط على عاليه,

فما نتحرى من ثمة إنسان غير لحظة
صادقة جلية, لحظة تنير لج القلوب
وتستحضرها دفعا موجبا وشعورا مختلف.
وأعتقد أن هذا ما فعلت تراجي, دلفا
على وطن يتعمد فيها بصلابة ويستغرقها
حضورا لا تصحبه غفلة, وشعورا لا يسالع.
كما وأنا في مسارات العمل العام, لا نطلب
شخصا نقيا بالمرة ومتوافق بدءا ومنتهى.
إنما نبحث عمن يتواردون إلى مجرى العمل
العام بإي إرادة كانت, بل بما فيها {عفو
الخاطر} فالصراع الإجتماعي أكبر من أي
تصورات أخلاقية تدعي الحراسة أو القداسة.
والناس في سياق تعاطيهم مع الحياة يتطورون
ويجددون العزم والإرادة ويجودون الإختيار.
تراجي , في ذلكم المفاعل الجمعي, لكن في
إطار خصائصها الشخصية وتجاربها الإجتماعية.
كأي إنسان آخر, فما من نفر في حياتنا هذه
مطالب بنزع إهابه وإصطناع وجدانه.
ولو كنت {حدق} يا عزام, لإكتفيت هنا بالنصف
المملوء من كوب تراجي, وهو في ظني نصف فاخر
متماهي في حب الوطن, ومستغرق في شجون وعذابات
الغياب عنه ... فإيه أفضل من كده, أما من يبحث
عن النصف {الفاضي} إفتراضا في كوب تراجي, فلا بد
وأن يتحسس فاضي كوبه أولا ... والفاضي فينا جزء
من حياتنا, ومقيد عجزنا وضعفنا كبني آدميين, قبل
أن نكون سياسيين.
ثم ... يا عزام, كيف نواصل الردحي هكذا وعلى طول,
فيما إعتمر الصراع بدماء عزيزة من شباب أهل السودان؟
ألا نتغير إطلاقا؟ ألا يجيرنا فقدنا مفتاح صفح ويهدينا
صفحة جديدة في دفتر غلبنا العام؟ ألم يقرب الشهداء
المسافات بين مشتركي هم الوطن؟



خطوة إلى الأمام, أفضل من فرسخ إلى الوراء.



فأرجو أن أرى هذا البوست بدون تلك المداخلة, أخي عزام,

لنستطرد في السير أماما, بدل نكأ الجراحات القديمة.

ولنقترب أكثر وأكثر من بعضنا البعض, فسودان المستقبل

الحر الديمقراطي, لا يحتمل الإقصاء. فقدرنا أن نتعايش

ونتحاور ونقبل ونرفض عبر أهلية جمعية, بسعة صدر

وعقل متسامح.

شكرا حيدر قاسم

ومداخله تشبه ايقاعات عمر احساس
اتذكر كم طربنا في ذلك اليوم؟!

لك الحب و التقدير.

من اين ابدأ يا بلد؟!


من طوكر الحنينه التي جمعت كل اطياف السودان؟!

ام من بيتنا حيث التقت في رحم امي ايضا كل اعراق السودان

فتخلق هذا الخليط العجيب.!



مدينتنا طوكر

الحبيبه رغم هببايها العاصف قرابة الثلاثه اشهر من كل عام نكون في قمة (الكندكه)

ورغم ذلك كنا انظف ناس و انقي مجتمع.....

نشأت في بيت سياسي جدا

وظللت اسمع كل اسماء القيادات الاهليه

حيث مجلس بلدية طوكر يمثل الكثير للمناطق المحيطه.....

اسمع عن اوهاج كابيري

وعن هاشم الخليفه(ابنه بكري يكتب هنا باسم بجاوي)

كان عمي هامش الخليفه طوكراوي اصيل قسيم وسيم

نظيف ما اجمل الثوب البجاوي عليه و الصديري الما خمج

ونظاره طبيبه راقيه بذلك الزمان تزيده بهاء علي بهاء و تدل علي مكانة عاليه بين القوم وعلم وثقافه!



علي بعد كم منزل من منزلنا كان منزل النور حبوب

لا اعرف قبيلته بمعايير اليوم ولكنه كان رجلا اخضر اللون بتعابينرا العاميه (خضرة اهل الشمال ) وزوجته وقتها خالتنا كلثوم ونسميها كلثوم حبوب نسبة لزوجها

كان امام منزلهم الفيخم مصطبه خرافيه ربما مساحتها 15 عرضا و 12 طولا....تغسل بالخراطيش عصرا و له كراسي فخيمه تشبه كراسي البلاجات و الشواطي المريحه للظهر

اذكرها ملونه...ويجلس نظيفا العصريات وكل ما حلوه نظيف وكأنها ليست هذه المدينه التي تهب اهويتها منذ الخامسه صباحا حتي الثانيه عصرا حتي تبدأ تهدأ فيبدا اهل طوكر
عملية تنظيف طويله تنتهي قرابة المغرب ليتعشوا ويناموا ويتكندوا مرة آخري صباحا.

لا ملوا من هبوبهم ولا ملوا من نظافتهم!


مدينتنا خططها الانجليز بطريقه مميزه فهي تتكون من 15 صفا عرض الشارع فيها عريضا جدا او ربما باقدامي الصغيره وقتها كنت احسه عريضا جدا

ولكن يقال هذا العرض حتي يمر الهباباي ولا يتكوم في تلال ترابيه.

بين هذه الصفوف الطويله للمنازل كانت ازقه صغيره للمرور لاهل طوكر حولها نكات كثيره

حيث تشتهر نساء (الكرباب) بالمؤخرات الضخمه وعلي فكره اهلي (الكرباب) من اجمل نساء السودان وطبعا ملثمات كالعاده بازياهن البجاويه الجميله

ولكل مدينه في ذلك الزمان رجلا في العاده لسانه فلقه ويروي النكات اذكر احدهم لا اذكر اسمه حتي الان له نكته انه التقي امراه من نساء الكرباب في الزقاق فوقفت خارجه حتي يعبر ووقف هو في اول الزقاق ايضا ينتظرها ان تعبر

وشوف من ادب ناس الزمان ذاك.....كان الطرفين يستحوا ان ينفردوا ولو عبورا في زقاق.....فقال اتاوق ....واجد انها لم تبدأ العبور بعد...وهي تتاوق بعد شويه وتجدني لم ابدأ العبور بعد....وتنتظر....

حتي مل هو وعبر الشارع....ولما وصل لعندها سالها يا وليه مالك ما انا منتظرك تعبري....فلم ترد كعادة اهلي البجا في عدم التحدث للاغراب.....وقطعت زقاقها بعده بهدؤ!

هو توصل لنتيجه بعد اقترابه منها انها لو كانت عبرت معه الزقاق فعلا لما وسعهم الزقاق معا من ضخامتها.
ديل ناس هريره طبعا.....
من قال فيهن الشاعر

ودع هريرة ان الركب مرتحلا وهي تطيق فراقا ايها الرجل
غراء فرعاء مصقولا عرواضها تمشي الهوينا كما يمشي الوحي الوجل
كان مشتيها من بيت جارتها مر السحاب لا ريثا ولا عجلا.


طوكر فيها اجمل خلق الله ......رغم انها ليست ميناء
ولكن اشتهارها بزراعة القطن وقتها جعلها بدل لاثرياء الشرق.
وطبعا مع الثراء يستقتطب الجمال!



حيدر قاسم ادينا الامان من العمده هاشم نوريت عشان ارض ما لدي من قصص
ما يقوم يقيم الحد علي هههههههه اوكي!

HAYDER GASIM
كيف حالك؟ علك طَيِب

Quote: أخي عزام ... تسلم, بس ... ليتك قرط على عاليه

الحمدلله الذي جعل مِن [ لَيْت ] تمنّي
ــــــــــــــــــــــــــــ

Quote: فما نتحرى من ثمة إنسان غير لحظة صادقة جلية, لحظة تنير لج القلوب وتستحضرها دفعا موجبا وشعورا مختلف. وأعتقد أن هذا ما فعلت تراجي

مِن أجل ذلِك كتبت:

Quote: الكتبْتيهو بِفوق ده كِتابة شعشعانِية.. كِتابة جميلة وحسيت إنها صادِقة.. أكيد صادِقة

ــــــــــــــــــــــــــــــ

Quote: كما وأنا في مسارات العمل العام, لا نطلب شخصا نقيا بالمرة ومتوافق بدءا ومنتهى.

مَن قال ذلِك؟
هذا ما تقوله أنت يا عزيزي [لا نطلب شخصا نقيا] وهو قَوْل غَير مُلْزم إلا لِمن وافقك بِملء إرادتِهِ. الذي يتصدر العمل العام يجِب أن لا يكون "عادي" فهو قُدْوة.. رمز.. فهو أمل وبديل، تقول الإنقاذ نحن شعب شحاد (د. مصطفى إسماعيل) وتقول تراجي مُصطفى أن ثلث بنات الجامعات السودانية عاهِرات، ما هو الفرق إذن؟! لِما نستاء مِن الأول ونُصفِق أو نسكُت عن القَول الثاني.. إنهُ النِفاق.. الكَيل بِمكْيالَيْن
ـــــــــــــــــــــــــــــ

Quote: فالصراع الإجتماعي أكبر من أي تصورات أخلاقية تدعي الحراسة أو القداسة.

لا أدري عن ماذا تتحدث!
الصِراع الإجْتِماعي هو في حقيقته صِراع بَين سلوك سالِب وموجِب، وينشُد خلق مجتمع أفضل
ـــــــــــــــــــــــــــــ

Quote: والناس في سياق تعاطيهم مع الحياة يتطورون ويجددون العزم والإرادة ويجودون الإختيار

مِن أجل ذلِك طلبت مِن تراجي أن:

Quote: حقو الزول يقعُد مع نفْسو

لِتتطَور
ـــــــــــــــــــــــــــــــ

Quote: فما من نفر في حياتنا هذه مطالب بنزع إهابه وإصطناع وجدانه

مره أُخرى تكتب ما لا سند له.. إذا كان الإيهاب لا أخلاق لهُ، فيجِب لِمن تصدى لِلعمل العام أن ينزعهُ نزع ويصْطنِع آخر ينفع القِيَم
ــــــــــــــــــــــــــــــ

Quote: ولو كنت {حدق} يا عزام, لإكتفيت هنا بالنصف المملوء من كوب تراجي

ما تُسميه أنت " حداقة " أُسميه أنا " نِفاق "
ــــــــــــــــــــــــــــــ

Quote: وهو في ظني نصف فاخر متماهي في حب الوطن, ومستغرق في شجون وعذابات الغياب عنه ... فإيه أفضل من كده

أُعاني -فيما أُعانيه- مِن إستخدام البعض لِمُفْردات شائعة في غَير مَوْضِعها، أو إقْحامها في سِياق الحديث أو -وهذا الأغلب- لا يسْتطيع مُسْتخدمُها أن يحِدُها بِمعنى بَيِن..

[التَّمَاهِي في حُب الوطن]
مَن أماه نفسه في حُب الوطن عاش فيه وبِه ولهُ.. إن بَعُدَ عنه مات.
ـــــــــــــــــــــــــــــــ

Quote: يا عزام, كيف نواصل الردحي هكذا وعلى طول, فيما إعتمر الصراع بدماء عزيزة من شباب أهل السودان؟ ألا نتغير إطلاقا؟ ألا يجيرنا فقدنا مفتاح صفح ويهدينا صفحة جديدة في دفتر غلبنا العام؟

سُبحان الله، أصبح قَول الحق "ردحي"، تقول تراجي ساقِط القَول، ثم تنْداح في لحظة إنْسانِية، وأكون مُطالب أن أسْكُت عن قَوْلِها الساقِط -كسكوتكم في حينه - وأن أُصفِق لإنْدِياحها، هل هذا ما تُريده مني؟! عزيزي فاليفعل كُلٍ مِنا ما يجيدهُ ويُحْسِنهُ ووِفْقًا لِقناعاتِهِ، قد تستغرِب إن قُلت لك إن عِلاقتي بِتراجي على المُسْتوى الإنْساني على أفضل حال، فقط أنا لا أُخْلِط المُسْتَويات، وأنْتُم تُخْلِطون!
ـــــــــــــــــــــــــــــــــ

Quote: فأرجو أن أرى هذا البوست بدون تلك المداخلة, أخي عزام

ولِما جعلت مِن نفسِك -هكذا- مَن تُقرِر صلاح/فساد المُداخلات!
فإذا كانت مُداخلتي فاسِدة، فهي مِن نِصف كَوْبي الفارِغ الذي أوصَيت أن لا نأخُذ بِهِ في قَوْلك: [لإكتفيت هنا بالنصف المملوء من كوب تراجي]

وأُطالِب أن تُدرج مُداخلتي تحت مفهومك

Quote: لا نطلب شخصا نقيا بالمرة ومتوافق بدءا ومنتهى

Quote: ( البجاوي الذي أحببت )

صاحبتك شغالة لي مقصات تحت الركب (أم عرقلة) ..
شنو يا خضرة يا زعيمة الخضر وقريبة الزعيم موسى هلال..؟

كامل التقدير لكل أهلنا البجا والحقوق محفوظة..
لمثل هذه الأنديحات والتلقائية التي لا تتعارض على الإطلاق مع المبادئ يا حفارة الغريق:
ممنوعه من الكلام....وبرضو (بحبك)......!


واصلي خطى مسيرك في دروب الجمال السمحة التلقائية لإطالة ليالي العشق وحساب نجومه نجمة نجمة لإعادة تشكيل لحمة هذا الوطن ودعينا نقول هذه المرة مع الأديبة د. نجاة ست الاسم (دكتور بيان)..







ود الطالب البقاري الذي أحببت..

يا تراجي

أيوا خليك كده

*** تراجي وعزام ما بينكم من توافق يساوي ما بينكم من اختلاف ،
ابسط مثال على كلامى دا وحدة الاتجاه والارادة نحو مستقبل أفضل ، واختلاف أدوات كل منكم للاصلاح .

*** فالنقرب شقة الفرقة والخلاف لننعم أنتم وهم ونحن باشراق الوطن الذي تنشدانه ،
وضربة البداية بخلع هذا المنظار الأسود يا عزام وتراجي .

*** كل عام وانتو بخير .

Quote: برغم قلة ادب بعض بنيك وتطاول بعضهم ولماضة بعضهم وغدر بعضهم وجهالة بعضهم وذكورية اغلبهم رغم ذلك اشتاقك يا وطن ولم انجح بحب غيرك بعد!

ترجي كل سنة وانتي طيبة ومشتاقين والله

ذكرتني واحد صاحبنا كان مكسر فى وحدة كده محل ما تلاقي تدي كف
هي شغاله فيهو طاخ طيخ وهو شغال بحبك تاخ تراح بحبك برضو بحبك فلم كرتون بس ههههههه

الفوق ده كله + حكومة الانقاذ تجعل منو الحب المستحيل ذاتووو

تحياتي
السنجك

تسلم قرجه اخوي

Quote: يا تراجي أيوا خليك كده

لكن البخليك منو.....شوف جنس البسوي فيه عزام ده يعني الا يكرهوك المكان البجمعك باشكالهم

كدي شوف عزام ده انا عندي زمن ادخل بوستاته اصلا؟! ناهيك عن اخربها؟!

Quote: لكن البخليك منو.....شوف جنس البسوي فيه عزام ده يعني الا يكرهوك المكان البجمعك باشكالهم كدي شوف عزام ده انا عندي زمن ادخل بوستاته اصلا؟! ناهيك عن اخربها؟!

والله يا تراجي ما كتبت الكتبتو بنية سيئة والله على ما أقول شهيد.. ما علينا.. أها مُش عمودِك ده أها فتو.. مشيت.. نسيتو



والله كُنت عاوِز أكتب ليك [الله لا كسبك] بس خفت تزعلي.. غايتو الحمدلله الما كتبتها.. بِقيتو زَعالين خلاس

Quote: رغم ذلك اشتاقك يا وطن ولم انجح بحب غيرك بعد!

إسرائيل كيف يا مناضله ؟!!

برضو ندعو لك الله كي يمتعك بالصحه والعافيه منو غيرك يكرهـ الناس فى المعارضه
أن شاء الله لا تفوتي لا تموتي الا بعد خرف


يا وضاحة إنتي وضوحك دا يوم بيكتلك
:
:
:
:
مع التحيات لله الزاكيات

ياتراجي من البراري ليك سلام
الدمعة بتزازي من كترت شوقنا غالبنا الكلام
عافيتك بنده ليها يوماتي
من ضلمة البلد للناس البغادي
سلامي ومحبة أرفعي راسك عالي


سلامات مني سلامات اليك

العزيزة الكنداكة تراجي
التحايا النواضر
شكراً على هذه الدموع الطيبة ..
ودي

سلامتك اختنا العزيزة تراجى
مع التحية و الود كل الود

شكراً يا أم سند
وهل من حب الأوطان من مدى ؟

Quote: اغنية وطنا البإسمك كتبنا ورطنا محمد وردى وطنا.. الباسمك كتبنا ورطنا أحبك مكانك صميم الفؤاد وباسمك اغنى.. وتغنى السواقى خيوط الطواقى سلام التلاقى ودموع الفراق واحبك ملاذ وناسك عزاز أحبك حقيقه.. وأحبك مجاز وأحبك بتضحك وأحبك عبوس بعزة جبالك ترك الشموس وما بين ظلالك افتش وأكوس أفتش طفولتى وملامح صباى بناتك عيونن صفاهن سماى وهيبة رجالك بتسند قفاى صحى بتملا عينى.. وتشّرف غناى بحضرة جلالك.. يطيب الجلوس مهذب أمامك يكون الكلام لأنك.. محنك عميق الدروس مجيد المهابه ومديد القوام شبابك.. تشابك شديد الزحام أراهم.. وراهم غبار الحياه مداين.. تعاين كأمّ العروس تهلل.. تكلل جبين الإمام رزازاً يبلل أغانى الخليل أصدق كلامك حقيقه وبخاف أخاف الطريق.. اللى ما بودى ليك وأعاف الصديق اللى ما بهم بيك معاك انتظارى.. ولو بالكفاف وعنك بعيداً أبيت الرحيل وبيك اعتزاز الصباح الجميل جميع الأغانى اتكالن عليك ،، جميع الأغانى اتكالن عليك الشاعر : محجوب شريف

http://www.youtube.com/watch?v=QxY4jU5ZFpo

Quote: فأرجو أن أرى هذا البوست بدون تلك المداخلة, أخي عزام

أخي عزام ... تسلم,

أعتذر لك وللقراء عن الفقرة عاليه,

فقد كتبتها في مناخ نفسي مشحون بوئام

إفتراضي, يقابل ما نجابهه من لؤم واقع.

فمن حقك أن تكتب وتكتب كما تشاء, فهذه

هي الديمقراطية وهذا هو مبعث التحدي

في إختبار صبرنا على الآخر... وكن بخير

Quote: حيدر قاسم ادينا الامان من العمده هاشم نوريت عشان ارضي ما لدي من قصص ما يقوم يقيم الحد علي هههههههه اوكي!

تراجي ... لك الأمان,

فهاشم { يتلبرل } على نحو خلاق,

فإنداحي ... بس ... ما تنبرشي

هههههه...

تسلمي يا أم حازم
وشكراً على هذا الإندياح الجميل في حب الوطن.
كل عام وأنت بخير وكل عام والوطن معافي من جراحات الإسلام السياسي.

تحياتي

هسع انا قلت تراجي دي يقت تحبني جيت جاااااااااري

http://www.sudaneseonline.com/db/attention/100_Balloons.gif

قرأت العنوان .. قلت تراجى حاصل عليها شنو .. والبوح بالحب دا لمنو
فإذا بها محبوبها ومعذبها .. معشوقها البلد .. خرجت كلماتها صادقة ..
ومعبرة ، بخواطر مهمومة بالوطن .. وأم حانية على أبنائها فى المهجر
البعيد تحدثهم بإفتخار عن وطنهم الأول. تحرص أن تكون صادقة معهم
وتخشى أن يخزلها الوطن أمامهم .. كلمات من القلب .. ولأنها تراجى
كان لا بد أن تكون لوحتها التى رسمتها بالكلمات تعبر عنها بصدق،
فلم تجامل فى بعض أبناء الوطن !

تراجى .. بالله من حين لآخر أعطى فرصاً لهذا الإندياح الجميل أن يخرج!

تراجي انت لا تشبهي البلد وحبك له وهم!!
انت وهم وخيال!!
لا وجود لكي.
انت نكرة ف لا تحبي حباكي الغيبة!!!
لن اتعاطف معكي و لا ارجو ان يتعاطف معكي
أي شريف يا...
امي!!
كم اكرهكي!!
لعنة الله علي ان صدق قولي.

Quote: تراجي انت لا تشبهي البلد وحبك له وهم!! انت وهم وخيال!! لا وجود لكي. انت نكرة ف لا تحبي حباكي الغيبة!!! لن اتعاطف معكي و لا ارجو ان يتعاطف معكي أي شريف يا... امي!! كم اكرهكي!! لعنة الله علي ان صدق قولي.

!!!!!!!!!!!!!!
!!!!!!!!!!!!!!






* هذا مرفوض تماماً

محمد الجزولي لا تهتم هم من الناطقين بغيرها....

خلينا نفكر في الجانب المملتي للكوب!

Quote: لعنة الله علي ان صدق قولي.

احتمال....يكون قاصد خيرا.