Post: #1
Title: البطل أشرف أبن السودان والهلالية تم تحديد موعد امحاكمته في28أكتوبر الجاري #
Author: زهير عثمان حمد
Date: 10-24-2013, 01:22 PM
متذكرين الشاب البطل أشرف بتاع الهلالية؟؟ تم تحديد يوم 28 أكتوبر موعدا لمحاكمة أشرف محمد زين العابدين تحت المادتين 69 و 77 جنائي علي خلفية ضربه (لنافع) بالمركوب...
وسوف تكون المحاكمة بمجمع محاكم الهلالية...
يا شباب الهلالية والقرى المجاورة نرجو منكم مناصرة البطل..
*كمان لو اى زول شال ليهو مركوب في يدو ووقف قدام المحكمة يكون ما قصر تعالوا هناك
#يا علاء الدين يوسف بالله تعال قول للقاضي كلامك وجيب تسجيل السياسي اللي قال ما حصل عشان ولدنا يطلع برأءة/B]
|
Post: #2
Title: Re: البطل أشرف أبن السودان والهلالية تم تحديد موعد امحاكمته في28أكتوبر الجاري #
Author: معاوية المدير
Date: 10-24-2013, 01:25 PM
Parent: #1
سلآمات يا زهير.
يا اخي ما قالوا الحكاية دي كضب،
ونافع زاتو نفاها !!! الجنا دا بيحاكموهو
في شنو ؟؟؟
|
Post: #3
Title: Re: البطل أشرف أبن السودان والهلالية تم تحديد موعد امحاكمته في28أكتوبر الجاري #
Author: زهير عثمان حمد
Date: 10-24-2013, 01:30 PM
Parent: #2
يا ود المدير ديل الكضب ذاتو
عشان كدا عايزين علاء الد ين يوسف يكون هناك ويقول للقاضي تصريحات جماعتو
*ونعرف كمان الحقيقة وين ؟
لك كل التحيا
|
Post: #4
Title: Re: البطل أشرف أبن السودان والهلالية تم تحديد موعد امحاكمته في28أكتوبر الجاري #
Author: طه جعفر
Date: 10-24-2013, 01:58 PM
Parent: #1
Quote: متذكرين الشاب البطل أشرف بتاع الهلالية؟؟ تم تحديد يوم 28 أكتوبر موعدا لمحاكمة أشرف محمد زين العابدين تحت المادتين 69 و 77 جنائي علي خلفية ضربه (لنافع) بالمركوب...
وسوف تكون المحاكمة بمجمع محاكم الهلالية...
يا شباب الهلالية والقرى المجاورة نرجو منكم مناصرة البطل..
*كمان لو اى زول شال ليهو مركوب في يدو ووقف قدام المحكمة يكون ما قصر تعالوا هناك
#يا علاء الدين يوسف بالله تعال قول للقاضي كلامك وجيب تسجيل السياسي اللي قال ما حصل عشان ولدنا يطلع برأءة/B] |
شكرا زهير
فعلا علاء الدين الكضاب
محتاج يكون شاهد هنا هو و معاهو الامين دفع الله
عشان يطلعوا ولدنا براءة
علاء الدين الكوز الكضاب ما عارف انو الكضب حبلوا قصير
|
Post: #6
Title: Re: البطل أشرف أبن السودان والهلالية تم تحديد موعد امحاكمته في28أكتوبر الجاري #
Author: محمد إبراهيم علي
Date: 10-24-2013, 03:12 PM
Parent: #5
المادتان اللتان يحاكم بموجبهما المتهم على حسب القانون الجنائي لسنة 91 :
Quote: الإخلال بالسلام العام .
69ـ من يخل بالسلام العام أو يقوم بفعل يقصد به أو يحتمل أن يؤدى إلي الإخلال بالسلام العام أو بالطمأنينة العامة وكان ذلك في مكان عام ، يعاقب بالسجن مدة لا تجاوز شهراً أو بالغرامة أو بالجلد بما لا يجاوز عشرين جلدة .
الإزعاج العام .
77ـ (1) يعد مرتكباً جريمة الإزعاج العام من يقع منه فعل يحتمل أن يسبب ضرراً عاماً أو خطراً أو مضايقة للجمهور أو لمن يسكنون أو يشغلون مكاناً مجاوراً أو لمن يباشرون حقاً من الحقوق العامة .
(2) يجوز للمحكمة إصدار أمر للجاني بإيقاف الإزعاج وعدم تكراره ، إذا رأت ذلك مناسباً ، كما يجوز لها معاقبته بالسجن مدة لا تجاوز ثلاثة أشهر أو بالغرامـة أو بالعقوبتين معاً . |
|
Post: #7
Title: Re: البطل أشرف أبن السودان والهلالية تم تحديد موعد امحاكمته في28أكتوبر الجاري #
Author: Alshafea Ibrahim
Date: 10-24-2013, 03:26 PM
Parent: #6
علاء الدين عندو تسجيل صوتي من الأمين دفع الله أنو مافي شيء حصل ، وكمان عندو تأكيدات من نافع (ذات) نفسو أنو سمع بقصة المركوب دي بعد مغادرته الهلالية (شيخ الطيب ود المرين) ... تكون الجلسة والمحاكمة ليه ؟؟؟ تشابه علينا البقر ، أين علاء الدين ؟؟؟
شكرا يازهير ... غايتو بلع بدون شربوت ...
الشفيع إبراهيم
|
|