أولاد (وبنات) دارفور وكردفان بخلوا المنبر مولع نار

السبب شنو؟


بالله أبعدونا من كلمة فحولة دي

الأخ حمد لعلك بخير
يا زول يا حالي سالم عيال وبنات دارفور وكردفان خبارهم؟ وبعدين الفحولة جابهة شنو واليومين ديل ما أيام فكة أو بهلة والكنان مربوط للكباشة وإبلنا فحولتهن هايجات برية. علا كان عندكم هياج وفحولة غادي خبرونا غايتو نحن في كردفان في موسم الدرت ويا دوب ربطنا الكنان ونيبنا فدرن.
أحمد التجاني

Quote: بالله أبعدونا من كلمة فحولة دي

هههههههههه
الفحولة براها ؟؟؟؟؟
الشغلانة دي تحتاج لبحث مستفييييييض

وكذا خارج المنبر ...

مكثت في كردفان ردحاً من الزمن .. وتساءلت : لماذا لا تشرق الشمس من الغرب




الشغيل

الأخ عبد العزيز لك التحية
فالشمس في كردفان غطاها السحاب والدهراب والمزن المدُوُدِي كما يصفها شاعر كردفان عمر الشيخ رباح:

الليلية السَّقتْ دار كردفان أمطــــارها

أصبح صيدها يرجف وشارِّي جُنحيه حبَارْها

المُزنة أم شَبُوبْ مِي الرَّاحلة قــالَّة غبارْها

فاقت فينا كيف فوقة التَّحِن لي حــوارْها

ويرد عليه ابنه اخته الشاعر الفذ الفاروق محمد المين المراد وفي ذات الشأن فيقول:

فرحت كردفان جـاها الخريف الليِّن

ربوعْها جميعو بي ثوب الخضار متزيِّن

برَّاقْها البعَرْجِـن من بكان لي بكيِّن

يعتِّــمْ في مكاميشْ مزْنها المُتحيِّن

ويعود عمر الشيخ رباح ويقول للفاروق:

بشوف سحب الخريف إترادمت عيناتْهِن

ومن عــالي الجبال متصلِّبات سيلاتْهِن

جَنْ يتْبرَّجن فـــرَّ البروقْ بسماتْهِن

كيف إبل الاكال بدَّعكن هـرعاتْهِن
ويرد عليه الفاروق ويقول:

بشـوف سُحُب الخريف إزرقنت قِبلاتْهِن

وعجَّال جلْحَة بام جاعورة خامْجة أضاتْهِن

متسابقات ســيول عالي الجبال لوطاتْهِن

كيـــف إبل الأكال بتداعَكَن بيناتْهِن

أحمد

حمد

تحياتى ،،

Quote: بالله أبعدونا من كلمة فحولة دي

كيفك أخ حمد ؟

غايتو أنا وتراجي
الأمهات من دارفور والآباء من الشرق ..
فشنو ..خموا وصروا معنى كدا


أها ..الجينات نسوي ليها شنو عاد ...:)

............

إلا ما عرفت (الفحولة ) دى ..خاصة بالأولاد وللا البنات ..هههههههههه

الفاضل حمد

عيدك سعيد يا رجل

وعلي سبيل الفحوله لك عليك اديك نكته هي يحتاجها اخوتنا في الشمال(من الرجال) عشان ثاني الغرابه ديل ما يمدوا راسهم فيكم

ويتفلسفوا ويعلموا فيها فحول:


قيل انه هنالك دارفوريه اجبها شمالي و احبته وعلي فكره الطيبيون من اهلنا ما كانوا يسمونكم(جلابه) وانما يقولون هؤلاء (عيال دار صباح)

اها حاولا ابناء عمومتها الراغبين فيها خراب هذا الزواج فبدوا بتسريب معلمات لها عن طريق صديقاتها وقريباتها انه (عيال دار صباح تلفانين)

و(تلفانين) من (تلف) اي لا فحولة لهم.....وصاحبتنا عفيت منها ما اشتغلت بيهم الشغله وقررت ان تكمل الزواج,وتري بنفسها.....اها بعد الزواج

قالوا قاعده قدام قطيتها منبوره ومبسوطه وباين عليها السعاده.....فجاءت واحده خباره وتحب الشمار عايزه تعرف شمار (جني) دار صباح ده شنو

ساءلتها....هاي يا بنيه اه جني دار صباح ده لقيتي ككيف؟!......فاخت نفس طويل وقالت ليها....ببهجه حقيقه.....(هاي يا بنيه جني دار صباح ولا تلفان الا جيعان)!


وهذه ليست نكته ممكن تكون درس عن التنوع الغذائي
حقيقة يا حمد كانت دارفور و بالذات جنوبها علي فكره
رخيه جدا وخيراتها وافره واينما وجد الزرع و الضرع
تستقر الشعوب وتتطور علومها وفنونها...وموسيقاها
وبالتالي مقدرات الناس علي الحب و الابداع فيه.


اهلنا المزراعين بدارفور هم اهل الفحوله الحقيقه

وهذه لا علاقة لها باقوام يعني ايا من البدو لو استقروا
واكلوا نفس اكلهم وشرابهم لاسعدوا زوجاتهم وبطلوا الحروب و المشاكل.


يعني ما تسمع الفصاحه دي
ناس الحرب ديل كلهم ثقافيا و تراثيا ما كانوا ممن تروي عنهم قصص الفحوله
المزراعين هم الفحول بكل السودان.


البقاره اكثر فحوله من الاباله وهذه حقيقه علي فكره

هههههههههههههههههه

لانه نوع تغذيتهم مختلف و بلادهم خيرها وافر

ولكن ايا من الاباله ايضا لو استقر وشبع ستنطبق عليه نفس القصه (عيال دار صباح ولا تلفانين الا جيعانين)!

والشبع المعني طبعا شبع نوعي وليس كمي يعني ما تضرب الكشري ولا البوش و تفتكر روحك بتاكل صاح!

ولازم تكون لك انشطه جسمانيه تشد البنيه منذ الصغر و الزراعه اشد قسوة من الرعي ولكن الرعاة احتاج بنيات قويه ايضا

لسسفر ومتابعة بهائمهم.....والحراميه الذين يسرقونها وهذا جعلهم اكثر حراك واقدام و تعزد علي السفر و بالتالي في السياسه هم

(المناتلين الحقيقين) الا يناتلوا ولا يتينتيلوا المزراعين لو مدوا راسهم ورغبوا في السياسه و حاتك بياكلوا الرعاة نيم,ولا كلاشهم بينفع ولا شجاعتهم

لانه الاخرين بجوهم بالحكمه و العلم الحقيقي الذي اتاحه لهم الاستقرار.


وللحديث بقيه.

وعلي فكره شفته السطرين الفجرتهم فوق ديل

حسه بالنسبه لهم وكانهم قنبله......اصعب علي بعضهم من قصف نافع علي نافع وطيرانه ههههههه.

لكن لو تاملوا فيهم سيجدون فيهم علم حقيقي.....وليس تميز قبلي.....يعني الرزيقا ت البقاره اهل (عبد الحميد موسي كاشا ) هم اكثر استقرار من اهل موسي هلال وبدر السنوسي و عزت الماهري .

وكذلك اهل الهبانيه اهل الامين بشاري و محمد الزاهد من الفيس بوك .

وان جينا للزغاوه المستقرين فيهم جنوب دارفور كتاباتهم حتي تختلف عن المقيمن فيهم شمال دارفور و طبعا هذا يدل علي الاستقرار و الاقامه بتداخل وتزواج مع بقية مكونات السودان.
وبالتالي حتي موائدهم تخلا اطعمه لا يعرفها اهلهم بشمال دارفور.

اما الداجو فههم الاكثر فحوله علي فكره

وديل مقيمن في نواحي هي الاكثر خيرا بدارفور وتمتد حتي الجنوب مناطق حفرة النحاس التي فيها نزاع.

يا زول ديل ععندهم اطباق غذائيه تحيرك ذاته.

ولو جينا للفلاته اهل الغالي شقيفات مثلا....تجدهم توزعوا ايضا من اقاموا في تلس اكثر استقرار من الذين تشتوا بنواحي شمال دارفور وغيرها.

ولو جينا للتعايشه اهل عبد الرازاق الطالب علي ما اعتقد و حافظ انقابو هؤلاء يتمددون حتي نواحي ام دافور ورهيد البردي هيرهم وافر يا زول.

نجيك للناظر آدم الهلباوي ود نيالا اها ديل اسياد الشيء ذاته! استقرار وروقه تحيرك ما تخيلها.




ناس بريمه ديل خليهم كلامهم براه كمان

عيال الحوزامه خلطة النوبه بالبقاره دي خطيره خلاص

وعيال المسيريه ناس كبر وادم العمار وعبد الرحمن طبيق والطيب رحمه قريمان

خليهم ساي

تعال نحكي لك نكته علي الطاير حولها

قالوا واحد بقاريه كردفانيه مشت تشتكي لاهل زوجها انه ينوي التدبيل عليها اي التزوج باخري

فقال امه وخالته عايين ليها شذرا وقالن ليها :( هوي ي ي ي ي يا بنيه ولدنا ما طهرنا لمرة واحده)!

تخيل بقي يا حمد نوع الاجابه دي هههههه يعني متأمرات ثقافيا علي التعدد الزواجي! لعنة الله عليهن من نساء!

يا حمد وزوار بوسته

للاسف اهملنا للتنوع الثقافي

ومالم نحفر (انثربولجيا) حول بعضنا البعض لن نصل لحقيقة الصراع و البؤس و الحروب المدوره فوق راسنا.



وعلي فكره لا تغضبوا اطلاقا كشمالين من بعض الشذارت هنا وهنا حول الفحوله وغيرها

لما كنا (طلاب سودانين) بمصر كنا نعرف انه المصرين يتوهمون انه نحن رجالنا كثر فحولة من رجالهم! ووقتها فعلا طبعا يعنون شمال السودان!

يبقي هي اعتقد (فكره قديمه) لا اعرف مدي صحتها من عدمه انه الاكثر سمره منك هو الاكثر قدره!
لكن كما قلت ربطها لك بالتغذيه.

ومتاكده انه العرب لما عبروا للقاره الافريقيه من جزيرتهم الصحراويه وجدوا خيرا كثير بهرهم فقرروا الاقامه بينا و التزواج معنا اعني (كشعوب افريقيه).

وعلي فكره نفس الفكره في ليبيا انه الامازيق اكثر فحوله(طبعا دي تعجب لك حسه بدر السنوسي ويجي ينصب خيمته هنا لكن نقول ليه حيلك...هههههه

دي تلقاها عند الغافل شابكنا ي اسود و يا بتاع....مش عامل احمر....تشيل خيمتك دي وتمشي تقيف هناك مع البدو الجياع القنلا كثرة الجوع اثرت في فحلوتهم)

لحد ما نجيء نحل مشكلتكم بتنميه مستدامه بدلا عن مدورين فينا حروب ودوشه!


نفس هذه الفكره بتاعت الفحوله ممتده في بلاد مثل

وفي المغرب العربي

وفي الجزائر

وتونس و هكذا.....انه(البربر و الامازيق اكثر فحوله)

وعموما حتي اهل السواحل من هذه الدول يعتبرون انهم بخير كثير مقارنه باهل الجزيره العربيه.

يعني الغربي اكثر فحوله من السعودي...,قس علي ذلك.



في كل هؤلاء لاحظ لم نصل اهل الهلال الخصيب بعد كما يسميهم ياسر طيفور ههههههه.

وديل لم نذكرهم لاانا نتحدث كافارقه هنا.

لكن لو رغبتهم في العلم العالمي ممكن نتطرق للامر بكل بساطه.(وجه عامز)!

لانه علمنا غزير ومثقفين نحمد ربنا.

اما ناس محمد كابيلا ومسير كوكو دي خليهم ساي

كلام ثاني وعلم ثاني. بنجيهم بعدين.




عندي صاحبتي نوباويه
لما نضحك علي رجالنا (اعي رجال الهامش)بتقول لي

هاي يا بنيه اهلنا قالوا:
(عيال فور ولا تأمني علي عوين
ونوباوي ولا تأمني علي مريسه)
ههههههههههههههههههه




بجيك راجعه بهدؤ.

بعيدا عن لمزاح و الثقافه المجتمعيه التي تكتب عنها فوق

هم ناس دمائهم حاره.

ونحن السودانين عموما كنا دماءنا حاره مقارنه ببقية العرب(طبعا اصلا نحن ما عرب بس بعني بالمصيبه الحشرونا فيها دي الاسمها جامعة الدول العربيه)

مقارنه بهم كنا نعتبر دماءنا حاره.

في داخل السودان

جماء اهل المناطق المهمشه لا زال اكثر حراره.

وطبعا هذا تعبير شعبي نعني بيه الانفعال.

من واقع رداستي لعلم الاجتماع

اعرف انه البشر يقسمون (لريف ) و(حضر) او (ريف) و(مدن)

كسودانين لو رجعنا لحكمانا

نجد انه الازهري كان يمثل المدن.

وعبود من المدن

و الصادق المهدي من المدن.

ونميري من المدن

وعبدالله خليل من المدن



اها من ما وصلنا لحكم اهل (الريف) وهو البشير نحن اكلنا نيم.

لانه اهل الريف يجوك بجلافه تحير.

حسه في اداء الكيزان

لاحظ الفرق بين غازي صلاح الدين العتباني (مدن)

ونافع(ريف)؟!

الجلافه

التي تمثلت في حديث اغتصاب الغراباويه من البشير

وجلافة نافع وغيره ممن احضرتهم فقط الجامعات للخرطوم.

ادائهم يختلف تماما عن اولاد الخرطوم؟ الاصلين.

الغالية تراجى مصطفى

تحياتى ،،،

Quote: اما ناس محمد كابيلا ومسير كوكو دي خليهم ساي كلام ثاني وعلم ثاني. بنجيهم بعدين.

منتظرين الحكى الطاعم ويا سلام على السودان بمختلف

تنوعه إثنيا وثقافيا ودينيا وإجتماعيا ولكننا حظينا بــ قادة أغبياء

لم يفهموا سر ذلك التنوع !!

عوووووك يا تراجي معانا عوين ....!

سامي عبد المنطلب عيدك سعيد

ياتو عوين يا حبيب ديل؟!هههههههههه

Quote: عوووووك يا تراجي معانا عوين ....!

حسه فصاحت تراجي دي و كتبها لي مره واحد من الزياديه هنا قال ليه

(انت مكلحه بالشطه) هههههه قال ايه حسب ثقافته البدويه انت لا حياء لك.


اها خم وصر يا سامي

اللماضه دي كلها مسحوبه عليكم قالوا تعلمنها مع المدنيه؟

Quote: يبقي هي اعتقد (فكره قديمه) لا اعرف مدي صحتها من عدمه انه الاكثر سمره منك هو الاكثر قدره!

لا اعرف مدي صحتها من عدمه انه الاكثر سمره منك هو الاكثر قدره
لا صحة لها علي الاطلاق و كثر من كتب علم الاجتماع تطرقت لهذه الـــ
Stereotype

بوست لذيذ جداً
يا تراجي بالله عليك واصلي الحكي ؛)

هههههههههههههههههههههههههه

قلت لى يا أم حازم السر كله فى (التغذية ) ..

يعني السودانيين كاتلهم الجوووووووع ..
وأنا اقول مالهم مدورين فينا حروب عجيبة لا تبقى ولا تذر ؟!


دا كللللو من (الهوت دوغ والبيتزا ) ....وربنا يجازي الكان السبب ..:)

الي ياسر ابتفه في جوعه الباذخ ..
صبرا طويلا و سيأتي مفعول هذا الآيسكريم باذن الله ..

سلام يا شباب

حلوين والله العظيم

أقول ليكم ما عايز كلمة فحولة تقوموا تملو لي البوست كلو فحولة

سائل الله الكريم يلم فيكم فحل جعلي يمسكها من تندلتي لحدي الجنينة يخليكم لا حيين لا ميتين



بجيكم راجع واحد واحد

بس الليلة الخميس والعيال خانقني للمرقة واصلو في الإبداع دا


خصوصا الفحلات آمنة مختار وتراجي

ام حازم كيفك

تاريك مو اليلة يا ضرسانة على قول نسابتك الشوام

ماقصرتى تب ، اكيد دى استراحة بعد قتال الايام الفاتت
الله يديك العافية ومنك نستفيد

Quote: بوست لذيذ جداً يا تراجي بالله عليك واصلي الحكي ؛)

يا ياسر, مرة قرات تعليق لك بانك عايز تشتغل ضواق

??

فى قصة شيخ كدى شغلوا يضوق و يرجعها لصاحبها بعد داك.
غايتو ضحكتنى ضحك يا تراجي .

ابو الزفت .... تراجي دي عليك الله ودوها الضل ...

Quote: وهذه لا علاقة لها باقوام يعني ايا من البدو لو استقروا واكلوا نفس اكلهم وشرابهم لاسعدوا زوجاتهم وبطلوا الحروب و المشاكل.

مبالغة ..
جادة ولاّ بتهظّري!!

ول ابا الشريف السنوسي
كل سنه وأنت طيب ، خلي تراجي تبرطع شويه ولكل مجتهد نصيب ن هديء من روعك ، هذه هى حالة السودان ، مع تحياتي

زكريا يا صاحب سلامات
___
دايرين نتثقف ;)

الأخت تراجي
لك التحيه ، تحليلك فيه شيء من المنطق ، لكن الغالي شقيفات من الرزيقات الأبالة وليس من الفلاته ، تذكري دفعتك على ما أعتقد بنيالا الفنية القسم التجاري حتى تفرقي بين الفلاته والرزيقات ، ولك فائق الاحترام ولكل مجتهد نصيب .

شنو الاستفزاز دا.....

Quote: أولاد (وبنات) دارفور وكردفان بخلوا المنبر مولع نار

وعلاقته شنو بالفحولة

Quote: هاي يا بنيه اهلنا قالوا: (عيال فور ولا تأمني علي عوين ونوباوي ولا تأمني علي مريسه) ههههههههههههههههههه

والله يا تراجي شايفك ما خدة راحتك خالص هنا ... يلا أتحفينا بالمزيد ..

تحياتي لصاحب البوست والزوار الكرام

أم حازم لعلك بخير يا زولة البقارة والأبالة والغنامة جميعهم أكلهم نقي ولكن هنالك تفاوت في المرعى فالتي ترعى في رؤوس الأشجار (قناقن الشجر) ليس كالتي ترعى في الأرض وعلى ذلك لك أن تقيس مقادير البروتين النباتي، ومن هنا يتكون السؤال كم (يقرع) البعير في اليوم بالمراح وكذلك الكلالي؟ ففحولة الأبالة كفحولة ما يرعوا في ذلك يقول شاعرهم:
الهابك قُم قَعّدَ فوق كُورو
مسك الفنقا والوسواس دخل في زورو
طبق السروتين واصبح بي دُورو
لضلض رُوحو في الطلع الفراش ببخُورو

يا قلب الرماد ملك أبيت ما تروق
وفي جبر الخواطر لى أبيت ما تحوق
كل ما أشوف خِشيماً بالأبار مدقوق
(بترزم) عليهو كيف ودإلبل المعقوق

وين الما أنكرب لى عِيشتو قام مِتشتمر
وين محبوبي مخروط الحشا المتضمر
وين القرنو بالخُمر والجلاد متعمر
حليل الفى وريدو الصندلية تغمر
فرح العَيِل في قُولة أرح وطِينا
ما مِنكِس بلا يكمل سحاب العِينا
أبو كزمة البدلكه يندى جبينا
يدنيهو المكارف (الحِيل) هياج وغَبينا

أحمد

ول أبا أحمد التجاني ماهل ، كل سنه وأنت طيب
لكن هل عيال حرم وعلي الطلاق بفهمو الكلام ده ، قسما مافي واحد يقرأ هذه المقطع صحيح ، حتى أم حازم العاشت بمدينة نيالا وما شوقرت ولا دقت بخسة .

Quote: هي اعتقد (فكره قديمه) لا اعرف مدي صحتها من عدمه انه الاكثر سمره منك هو الاكثر قدره!

ولذلك تقول بنات الفرنجة:
" Once you try black, you never go back"

كتلتوني انا ذاتي بالضحك

هههههههههههه

عارفين ليه لانه كل ما اقرأ رسالة زول بكون في سري بقول استني لي يا فلان جاياك ههههههههه

اها ابو الزيك ده انا لو كتبت ليه عن ما اعرفه عن الدينكا بقوم جاري ههههههههههه

ويا ابو الزيك كله علي لسان نساءكم انا ما ليسش دخل!

هههههههههه

ياسر يا عسل

يقلنها رجال كندا هنا عن بناتهن لما يعرفوا السود


When she go Back
she will never come Back!


المقوله دي انا متاكده الطيب مصطفي عارفها عشان كده فاقع مرارتنا

وفصل الجنوب مننا لانه نساء الشمال ان اتجهن جنوبا انتو اكلتوا جميعا نيم ابالتكم ببقارتكم بمزارعيكم بحضركم و بريفكم حناكيشكم و اهل عوضكم هههههههه!


ويا صبايا انتظرن نشففكم باقي البخره عشان لما تمشووا الجنوب ما تقعوا ساكت ههههههه! الفيلم فيه قصص كثيره.

ويا جماعه طلوا علي ناس الفيس بوك بتحت مدورن قصص ثانيه

ويا اب تفه عمك....عماد عبد الله جابته ريحة البخور كما يبدو فالبوست ريحته مكبرته! ههههههههه


يا محجوب عبد الله

طبعا حكاية (الحلب) ماكلين نيم دي فعلا تنميط اهبل وبتفق معاك عشان كده قلت الحاله لم نصل في الفتاوي للهلال الخصيب من باب التوريه.

و الوجه غامز لياسر طيفور لانه مره ذكر لي اني كنت بعيده عن النضال في نواحي الهلال الخصيب!


وناس الهلال الخصيب ديل لا اعرف من يعني

اظنه يعني سوريا و الاردن وفلسطين في اشاره منه لزواجي من اردني!

ناس الهلال الخصيب ديل يا ياسر كلامهم برا الا خليه و ده شعرا ما عندكم ليه رقبه!

واخير ننطم نقوم ننضم نسوانكم بطلقوكم....هههههههه!


يا حبيب ديل بياكلوا

بلاوي عجيبه خايفه لو كتبتها تعدموها من السوق

وخليكم من الباطن تعالوا نحكي عن الظاهر

الناس ديل شوف عيني لازم يحلقوا دقونهم مرتين و بعضهم المهتم بزوجته بيحلق ثلاثه مرات وليس هذا مبالغه


ان غددهم الشعريه مبالغ فيها وبفتكر الامر مش جينات وبس له علاقه بالتغذيه ايضا.

و العجب فلاحيهم.....يا زول....ديل عالم عجيبه!

وبرضه من التنميطات كنا كسودانين بنفتكر الناس الحمر عموما خوافين

لكن الناس ديل شجعان شجاعه مبالغ فيها ويختلوا عن اهل الخليج تماما.

ولن اقول راقبوا الاداء في الحرب السوريه حتي تعرفوا عن ماذا اتحدث.

وكذلك راقبوا الاداء في موضوع زواج المقالتين ونكاج الجهاد و غيره...لماذا لم يظهر مثل هذا (التراث ) في الحرب الليبيه؟!

فكروا وحكوا قراعتكم دي و بعيدن ارجعوا لي بالمفيد.

الناس ديل خطرين خلاص......وما اخطر منهم الا فلاحين ايران.

وانتبهوا جيدا للتعريفات المهنيه التي اسوقها

يعني ما قلت اهل لمدن اختكم نجيضه شديد و قاعده تشففككم بهدؤ. الخلاصات دي!

يا صديق الغالي سلام

و الفلاته اليسو هم عرب ايضا في دارفور؟!

شابكنا الناظر داك السماني العامل دقنه تقول بن لادن

كنا نعرفهم باهل (تلس ام بنات ملس) الغالي شقيفات ناكرهم مالهم؟!

يا حبيب كلمه قول ليه كلهم عند العرب صابون

اها يعني كلهم في دار صباح غرابه!

خذوا الحكمه من المجانين

صدق الطيب صالح عندما صنع بت مجذوب وصدقت بنت مجذوب عندما قالت
السر فى محل الجهر تراجى تلك المطرطشه قالت كل الحقيقه وبشداعة لا تضاهى وقالت أكثر
عن ذلك فى مقابلتها عن مزاج أهل الحضر وأهل البوادى والأرياف ياخ تراجى
دى مجنونه رسمى وشعبى

الحبيب بدر السنوسي

وحاتك بكاوي فيكم ساي

Quote: ابو الزفت .... تراجي دي عليك الله ودوها الضل ...

ويا شباب انا جبت سيرة (الفرع) و عنيت الكل

لما قلت الاباله و قلت ناس بدر السنوسي فقد رغبت في ذكاءكم ان يمتد الامر لما وراء ذلك و تبقوا شاطرين و تعرفوا انه الامر يمتد حتي اهل حواء سليمان.هههههههههه

فيا بدر العفو و العافيه بمازح فيك والله.

وبمازح في اهل حواء بس برضو.





اها اديكم النكتبه بتاعت عمنا دريج الزعيم الفوراوي المشهور

يقال انه دريج كان يحاور بعض الشباب السياسي الشايله الحماس

اه في شاب زغاوي شاب لك ليه في حلقه وبيغالط.....

فقام رد عليه بتهذيب و ادب ولكن بحنق مكتوم و قال ليه

اها يا زغاوه

دوارس وقلتوا سياده!

الا عوين وسياسيه ده خلوا لينا نحن الفور سياده!

ـــــــــــــــــــــ
دواس ويعني القتال
و العوين هم النساء
اها قال لهم الحرب و يا الزغاوة قلتم انكم اردي بفنونها
الا السياسيه و النساء فرجاء لا تتشبروا فيهم!
هههههههههههه

بالله يا تراجى لو سمحتى أكتبى لينا لسته بأنواع الغذاء ده .. تكونى ما قصرتى تب .
الجوع كاتلنا ( والفياغرا ) كملت قروشنا ... هههههههههههه .








أمتع بوست فى الخمسه سنين الفاتو ديل كلهم ..
بعيدا عن الفحوله فيه حميميه حلوه جدا بين الجميع
ثبت تماما أن السياسه تفرق والفحوله تجمع ! .
نفتقد دينا خالد بشده فى هذا البوست .

تراجى الله يديك الصحة

عليك الله اهلى ديل ابعدى منهم شوية اصلو الايام دى ملحتم مقروشية ههههههههههه
بوست ابداع مافى بعد كدا

قلتى لى الابالة مالهم ؟؟؟؟

يا سلام عليك يا ولد ماهل ياخي ..
طلعتنا من قرف السياسة ومزايداتها وألعابها البهلوانية ..
وذكرتني بحبوبتي الحبيبة الرزيقية الأبالية الشطية زهرة بت عمر ولد حركان
وخالي الحبيب إسماعيل ولد هندوسة ( دفان نقار الجوع ..ضيفه يقوم شبعان من الضلف للضلوع )
فلقد كانا شعراء مجيدين والله
رحمة الله عليهم
وسنظل نعض أصابع الندم
على أننا لم نوثق وندون أشعارهم الجميلة .

Quote: الهابك قُم قَعّدَ فوق كُورو مسك الفنقا والوسواس دخل في زورو طبق السروتين واصبح بي دُورو لضلض رُوحو في الطلع الفراش ببخُورو يا قلب الرماد ملك أبيت ما تروق وفي جبر الخواطر لى أبيت ما تحوق كل ما أشوف خِشيماً بالأبار مدقوق (بترزم) عليهو كيف ودإلبل المعقوق وين الما أنكرب لى عِيشتو قام مِتشتمر وين محبوبي مخروط الحشا المتضمر وين القرنو بالخُمر والجلاد متعمر حليل الفى وريدو الصندلية تغمر فرح العَيِل في قُولة أرح وطِينا ما مِنكِس بلا يكمل سحاب العِينا أبو كزمة البدلكه يندى جبينا يدنيهو المكارف (الحِيل) هياج وغَبينا

وفعلا زى ما قال الجد كمال عباس
السودانيين تفرقهم السياسة ..وتجمعهم سيرة الفحولة
ههههههههههههههههههههههههه

______________

يا أم حازم : حصل شفتي فيلم ( النوم فى العسل ) بتاع عادل أمام ؟
طبعا الفيلم دا ..خلاني أخت راى كبيييير حول فحولة المصريين ..
رغم إنى كنت متزوجة نصف مصري
هههههههههه

وبخصوص ناس الهلال الخصيب وما جاورهم ..
قبل كم سنة فى واحد صديق عراقي شيعي ، عرض على أن أتزوجه زواج متعة
وطبعا جاتني صدمة ، وقلت ليهو دا شنو العرض المقرف دا ..
قام أداني محاضرة دينية طويييييلة ..وبأسانيد مدعومة من القرآن والسنة ( على ما أذكر فيها الآية التى تقول : واللآئي تمتعن بهن من النساء فآتوهن أجورهن ) ..
قمت شاكلته وقلت ليهو بالله ما تتبلى على ربنا سبحانه وتعالى ، قام قال لي : مشكلتكم إنتو السنة تريدون أن تشيع الفحشاء بين الناس ..
هههههههههههه

حالتو الزول دا أستاذ جامعي ومثقف ليهو شنة ورنة !!

غايتو ..:)

__________________

أها قلبت ليكم البوست صراع بين سنة وشيعة ..خموا وصروا ..

Quote: (تلس ام بنات ملس)

حبوبتي زهرة كانت بتقول ( تولوس عوينن ملس ) .

ههههههههه

كمبلت والجوع كتلا ... والله يا ام حازم في البوست ده لاعبه الفاتو فات في ايدينو سبعة فحولات


قلت لي الابالة موية ساي هههههههههه

ياخي اتي دي مصيبة ام اربعة واربعين

زمان يا ام حازم ايام دخول الانجليز جاء وفد من السلطان بيدعو اهل الصحراء للحرب والمشاركة فيها ضد الغازي المستعمر ... فوافق الناس وشدو الرحال للحرب وقبل التوجه لمناطق العمليات اجتمع معهم السلطان وشكرهم علي مجيئهم ... بس قالوا ليهو احنا عندنا شرط اللهو نحن قوم بنحب التمر والنكاح ... السلطان قال ليهم تمر ده (نعرفو) الا نكاح ده غلباني .. التفت لمعاونه فاخبره بانهم يريدون النساء فتبسم السلطان وقال ليهم هوي عرب معفنين عوين ده كلنا نريدو

سلام مربع

أحمد ماهل ياخ ربنا يمهلا عليك دنيا وآخرة

بمداخلتك الحنينة جعلت البوست رحيبا وفسيحا

تجمع فيه أهل النفوس الفسيحة والرحبة يتهامسون ويصدحون فيه بسرور وأريحية

تثبت دوما أننا جميعا أهل يجمعنا دوما الأمل في حياة كريمة تجمع شملنا وتقرب أكثر بيننا

لك تحية وفعلا كردفان أرض الحنان الغراء أم خيرا جوا وبرا

لك ولأهلها التحية

الجد كمال سالم ..
يا زول هووووي بعد ما بقيت جد ..مالك كمان بتهابش الفياغرا ؟!
غايتو جنس طمع ...ناس عايزة تاخد زمنها وزمن غيرها ...:)

لكن للضمان كدا ..
عليك بأصناف الأسماك ، خاصة السي فود .

وركز فى أسماك البحر المالح ..
وأوععععك من أسماك الأنهار والبحيرات ..
فطالما طعمها ماسخ ..أكيد تأثيرها بكون ماسخ
ههههههههه


.........

ولد ماهل /

Quote: أبو كزمة البدلكه يندى جبينا

أعتقد أنها ( أم كزمة ) وليس أبو كزمة ..

والكزم : هو الأنف القصير أو الأفطس ..

هيك وللا موهيك ؟

الأخت الكريمة آمنة
لك التحية والتقدير، وبخصوص سؤالك عن أيهما صحيح أبو كزمة أم أم كزمة فكلاهما صحيح عند أهل شمال كردفان وهي كنية عن الغزال وأحيانا يقولون (الكزمة) و (الطمبة) في وصف الجمال فمثلا يقول سليمان ود الحمر بالشهير بـــ(أبو سعيد) طقاق توية من قبيلة المجانين:
شلع برق الصعيد ساهر
بكيّ قلب الرماد نـــــــــــافر
الزهور مشتولة فيك يا عشوق
في صدري وقلبي عاملة فتوق
أني قدارما قلت انصلي انتوب
نشـــــــــــــــؤر بــــــــــي أنــــــــي مغــــلوب“ع“
بنــــــــــــار الجــــــاز دوام محـــــــــروق
جمــــــــــــــــالِك بــــدعة يــــــــا مخـــلوق
عينك ساعة وسنــــــــــونها بروق
قمــــــــــر عشرين وطلع وايــــــروق
وجهك ضـــــوىّ شروب وغروب
(الكزمة) وطمبة وعديل طايـــــــوق
الشلبة وكحلة والنفيس مطلوق
تسربل ديســـــــــــــــــك آبـــــــــوعروق
كفن أصاحبــــــــــــــك المربـــــــــــــــوق
انت الخــــــــــــزنة الأهلها جنوب
أمطــــــــــــــــيش بابــــــــــــــــك ومسدود
وقف حراســــــــــــــــــها بـــــــــــــــــــازروق
الماسك جيــــــــــــــم تلاتــــــــة رهوب
ممنوع ما يمشي بطن السوق
على بابـــــــــــكم لقيـــــــــــت مكتوب
مسكينة يطــــــــــــــــول ومضروب (عصا من جديد)
شرف قدمه النضيـــــــــــــف جلده
من طيبة والتاني باب عـــــــرفه
حبيب الريــــــــــــــــــدة روحي معاه
كان حي في الدنيا يوت نطراه
كان مته نكير وخطابي معاه
كان ذكرتك ”ظ“ للسؤال خفه
نوريتـــــــــــك أوضافه في الخِلقه
عَمَلُ خديـــــــــــــد البضوي مـــعه
العيون ساحرة وتقـــــــــــول زهره
المصابع روسمن جور تغذاه
الضمير من نصه جاب قبضه
السنـــــــون خِلقه لبـــــــــن بـــــــــكره
الحواجب نــــــــــــــون شهر هــله
المرار أدغــــــــــم تقــــــــــول كبده
الحنجور مظبوط تمام يارده
الجمـــــــال خِلقه قزاز رصــــــــــه
الصدر ”س“ كرسى النهود حقنه
فتميـــــــــــن بــــــــــداوي كل عيـــــــه
ياخي ليش انت الزمان تنساه
ما تقول عنــــــدك حبيـــــــب مده
تِكتب جواب وســـــلام في قفاه
ترميه فوق طايـــــــرة البســــــــــــته (ص)
تسأل أنه ”عنه“ وشؤون بلده (عصا من جديد)
ما حَريق يــــــــا التيمس أبابات
وشركة بـــــــره وخفيهّ العربــــــات
جربوكس كبير والتروس ماكنات
وفراملك لىّ البســـوق جاهزات
الكلتشي نصــــه فـــــي القُمـــــــــات
دُق البـــــــــــلي وسافــــــرنا مـــــــــــعاك
كان جيــــــــــــــــت بـرمله ما هماك
الليـــــــــــــــلة لقيــــــــــت تلاتة بنــــــــات
وحـــــــــــدة أنـــــــــــــــور الســــــــــــــــــــادات
خليــــــــــــــــفة لجمــــــــــــــــــال المـــــــات
ووحــــــــــدة جعــــــــفر يا سامــــــعات (آ)
بطل الثورة النميـــــــــري معـــــــاك
لبــــــــس بدله وحـــــــمل تاجـــــــــات
الصقور فوق الكتاف نــــازلات
ووحــــــــــــــدة معـــــمر آ حلـــــــــــــوات (يا)
القذافــــــــــــــي ورِكِـــــــــب طايــــــــرات
صواريخ ميجو وجميع فاكات
وبىّ مدافع الهاون الرشاشات (عصا من جديد)
الليلة الليلة والليلة الليلة
لقيـــــــــــــــــــت شديـــــــــــــــــــــر تفـــــــــــاح
بتصب ميترته كل ما صباح
خضرني يا الفريــــــعك مــــــــاح
أُطلـــــــب مــــــــن الكريــــــــــم ربـــــــي
الليـــــلـــــة اليــــــوم تبيـــــــــــت وردي
وبكــــــــره العيـــــــد ومــــع العجــــكي
هبـــــــــــر مـــــــن العِـــــقال يمـــــــشي
تيمــــــــــــس بـــــــره الحديــــــــدَ قــــــوي
التروس ماكنة والبسوق مرجي (تورية: اسم السواق، والمنتظر)
شلــــــع بـــــرق الصعيــــــــد ســــــــاهر
ما بــــــــكي قــــلب الرمـــــــاد نــــــــــافر

ويقول أحمد التجاني في الكزمة كذلك:
حولين فوق ديار الغربـــــــة ما كســـــــــينا
كايســـــين لرضوة الريــــدو منوسر بـــــينا
الســــموم ونـــار الريـــد موقد لهبيها فــــينا
بنعود ليــك يا ابو كزمة كان صاح مناديــنا
ونواصل
احمد

هلا بدر الدين مصطفى

Quote: الشغلانة دي تحتاج لبحث مستفييييييض

أستفاضة أكثر من كدا ؟

طيب أستفيض ياخ

حبابك

تراجي المنبر من غيرك ما عندو طعم
واصلي ترانا متابعين

بوست دمو خفيف و إستراحة سمحة
خاصة من نواحي تراجي و أحمد ماهل
أبوحميد يا سمي
هيجتنا لبوادينا .. ثم قرانا ..

أها يا تراجي أنا جمعت كل الحسناوات: البادية ثم القرية ثم المدينة..
يا ترى حتكون عندي حكمة ياتا فيهن

و الله يا ولد ماهل ، ول ماهل ، ود ماهل ...إلخ
كلامك التحت دا خلاني سارح ببهايمي من أمبارح

Quote: واليومين ديل ما أيام فكة أو بهلة والكنان مربوط للكباشة وإبلنا فحولتهن هايجات برية. علا كان عندكم هياج وفحولة غادي خبرونا غايتو نحن في كردفان في موسم الدرت ويا دوب ربطنا الكنان ونيبنا فدرن.

إلا بعض بني وطني محتاج لقاموس عديل علشان يفك تشفيرنا دا
الكنان
الفكة
البهلة
الدرت
الفدر
ونسيت تضيف ليهم
العشار
يااااااه .. كلوا الكلمات المحلية دي في جملة واحدة بس ؟
شوفوا سودانا دا متنوع و غني بالتنوع كيف؟
:.
لكن يا تراجي - رغم علمك الغزير و إجتهادك الكبير- إلا إنك دقستي في حكاية الإبل و الأبالة و البقر و البقارة دي
الزول كان عيان بقولوا ليهو أشرب ليك لبن ناقة
لبن الإبل أو (الألبِل ، و الألبن ) أقوي من أي لبن ، ثم الماعز ثم الضان ، و لبن البقر في ذيل القائمة
تعرفي ليه؟
علف الإبل يتكون من ( الشجر + النباتات المتلسقة) و التي تطولها الماعز في بعض الأحيان ثم الضأن بدرجة أقل
أما البقر فليس أمامها إلا الأعشاب الفقيرة المرمية في السهلة
أنا والدي كان يملك 150 رأس من البقر و نحو 400 من الغنم (ضان و ماعز)
و أبناء عمومتي يملكون بعض الإبل
فعندي حبة خبرة
:.
أما عن حكمة ناس المدن و الريف برضك جليتيها
شيوخ الصوفية القرويون و جون قرنق و محمود محمد طه كلهم قرويون لكنهم ناس حكمة
أما كثير من ألآيديولوجيات .. يمين و يسار فالعنف شيمته .. يعني الحكاية نوع الآيديولوجيا .. ما المدينة والقرية

هلا بك عبد العزيز محمد عمر

Quote: مكثت في كردفان ردحاً من الزمن .. وتساءلت : لماذا لا تشرق الشمس من الغرب

لم أرى الغرب قط ولكن عاش أهلي (قبل ميلادي) ردحا طويلا فيه وتنقلوا من بار إلى نيالا وأبو جبيهة والجنينية وحكوا لنا عن جمال الغرب وحنيته
ولا تزال هناك العديد من الأسر (من جماعتنا) متواجدة في مدن الغرب منهم أولاد محمد ناصر في أبو جبيهة وأولاد حمراي في الجنينة والصادق حمد النيل الريح وأسرة الموسيقار حافظ عبد الرحمن في بارا


لك التحية

السلام يغشاك يا حمد
نسيت اسلم عليك يا حمد (سيد القطية)
طبعاً (سيد القطية) دي عنيت بيها (صاحب البوست )
علشان خفت أقول (سيد الدار ) و أكون إعتديت على حقوق بكري
فنحن سكان دار بكري ، ننشئ قطاطي فقط في فناء داره العامرة
:.

تراجي أختي
معلومة تانية كمان
أهلنا الفور لما يقولوا : (ما تأمن الفوراوي على مرة)
تعرفي سر ريدتهم للنسوان؟
لأن الفور هم الشعب الوحيد في دولة السودان الحالية لم يعرفوا العادة الشينة الإسمها ختان الإناث دي
لاحظي مدى تحضر الفور !!
ما عارف ليه بخلوا علينا و ما نشروا هذه الثقافة و الحضارة علي كل
المناطق الحكموها في يومٍ ما ، و أعني (دارفور و كردفان) موضوع البوست
شفتوا يا ناس لما حمد جاب سيرة دارفور و كردفان مع بعض . دي ما صدفة
فمن الناحية السياسية كانوا دولة واحدة تحت حكم الفور ، كعامل ربط إضافي لرابط التداخل الإجتماعي الثقافي
ويقال إن كلمة (كردفان) دي ذاتها أطلقها عليها السلطان تيراب
و الكلمة بلغة الفور ( كرتوفال) و معناها : الرمال المتحركة
وذلك عندما وصل السلطان إلى الأبيض و رأي الكثبان الرملية بين بارا و الأبيض

كابيلا مرحبا

شنو مافي أي إفادات في الموضوع المهم دا

الراقية آمنة مختار

مرحب بيك

Quote: إلا ما عرفت (الفحولة ) دى ..خاصة بالأولاد وللا البنات ..هههههههههه

عاد كيفن؟ عايزين تبقوا أولادكم فحول وتخلوا بناتكم ما فحلات ؟

ما ياهو نفس الأكل والشراب والبيئة

يا كلكم يا بلاش منها

تراجي يا تراجي

ياخ انت نسمة في عز الصيف

أنا من هنا حأسميك نحلة البورد

شوفي كيف خليتي البوست دا عسلو ينقط

بس أنا زعلان منكم ياخ إنتو وناس الشمالية وناس الشرق أي حاجة عايزين تقسموها مع المركز ظالمين ناس الجزيرة ديل ظلم الحسن والحسين حتى في الفحولة دي



كنت عايز أحكي ليك نكتة فحل الجزيرة لكن خايفها تخور البوست

لكن بحكيها بحكيها بس الناس تستمتع شوية بالبوست

عليك الله تواصلي خلينا نفرح


يديك العافية

Sex Drive by Race and Hispanic Origin
The method of thresholds requires a well defined, measurable point on the sex-drive scale. Venereal disease rates provide such a point. You get gonorrhea by being promiscuous, and sex drive leads to promiscuity. Like incarceration, gonorrhea is a yes/no proposition. Either you have it or you don't. We consulted Arthur Hu's Index of Diversity for rates of gonorrhea by race and Hispanic origin. (If you have not visited Hu's page, you should. It is a virtual encyclopedia of ethnic and racial Information.) Hu's data, taken from a CDC source, are presented in Table 4.


Table 4. U.S. gonorrhea rates by race and ethnicity, 1992
--------------------------------------------------------------------------------

Group/Rate per 100,000 of group

Non-Hispanic blacks 1408.1
Hispanics 95.2
American Indians 94.0
non-Hispanic whites 35.4
Asian/Pacific Islanders 22.4

From these data we constructed Standard Sex Drive values using the method of thresholds. They are presented in Table 5.



Table 5. Standard Sex Drive Values*
--------------------------------------------------------------------------------

Non-Hispanic blacks 1.19 SD
Hispanics 0.282
American Indians 0.278
non-Hispanic whites 0
Asian/Pacific Islanders -0.124

--------------------------------------------------------------------------------
*The standard sex drive of non-Hispanic whites is arbitrarily set to zero. Values for other groups are given relative to this zero. The mean difference between any two groups is the difference in their standard sex drives. The difference is independent of the choice of zero.

سامي طلب

حياك

Quote: عوووووك يا تراجي معانا عوين ....!

عوين شنو ياخ ؟

اندياح تراجي أرجع لنا قليل من الفرح المفقود

ياخ الفرح بدأ يتسلل من أجسامنا مع العرق وبالصورة النحن فيها دي حيكمل ونموت كمد

خليها تلطف لينا الجو وتوقف لينا العرق دا ياخي

تراجي دي لما مزاجا يروق شخصية حبوبة للحد البعيد

مرحب محجوب عبد الله

Quote: لا صحة لها علي الاطلاق و كثر من كتب علم الاجتماع تطرقت لهذه الـــ Stereotype

أكيد طبعا

لقيت ليك ضل ولا لسة حائم في الشمس

هلابك ياسر أبو عمار

ياخ الموضوع دا داير مجادعة

وأنت خبير في فن المجادعات


حيث لا يخلو بيت الذئب من العظم

همتك مع أم حازم دي ما تتفرج ساي

دكتورنا المشرف
هلا بيك

Quote: صبرا طويلا و سيأتي مفعول هذا الآيسكريم باذن الله ..

آيسكريم بتاع أيه
مهما قلت وإجتهدت غايتو نصيبكم ضعيف في هذا الشأن يا أهل البندر حسب ما ورد إلينا

المحيرني الصينيين الصغار ديل
مليار ونص حالتو محددين ليهم عدد الولادات

يعني ديل لو خلوهم على الطبيعة إلا يسكنوا مع الاسماك في البحار

هاك شوف الاستفاضة دي يا حمد

Quote: البشير في سبيل كرسيه سيتخلى حتى عن زوجاته لمصري من أجل الحماية

دا واحد تحفة إسمو صديق الغالي
طبعاً لو كان النقاش عن أنواع التربة
بدخلو ليك فيه سيرة نسوان الشمال

تراجي مصطفى كمان بتحدد القبائل الأكثر فحولة والأكثر عنةً
و"الداجو أكثرهم فحولة"
هذه نكتة الموسم
بالمناسبة نسوان الداجو برضو فحلات
ولا ربنا خص الرجال دون النساء بهذه الفحولة؟؟؟



ألذ بوست في هذا الربع

حواء سليمان مرحب بيك حمد الله على الإنبساطة العابرة للقارات


زكريا جوزيف يا ولدنا سعيدين بطلتك

السنوسي ود بدر شيخ الأبالة عوين دا كلنا بنريدو

محمد البشرى حبابك تراجي زاغت وفكتني عكس الهواء

صديق الغالي مرحب بيك في عالم المرح

الدومة إدريس وين الستفزاز ؟ انت رائح ليك استفزاز ساي والله

ياسر محمود كلام بنات الفرنجة ما نهائي

مرحب منصور المفتاح شرفت الدار

كمال سالم فياجرا شنو ياخ ؟ نوم بدري وبطل السهر وأضرب اللحوم وبليلة العدس الأحمر تلقى التروس كلها إشتغلت

سيد أحمد شامي شرفت كتير أم حازم فتحت نفاجات تانية إنشاء الله تجينا

أحمد أبكر مشكور على المعلومات

ومتمردي الفيسبوك حبابكم


ويا تراجي عودي إلى محبيك الناس دي منتظرة ردودك