Post: #1
Title: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:04 PM
الجميع بصوت وااااحد
آي لازم ينطردوا من الحلة ويشوفوا ليهم فجه تانية
|
Post: #2
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:08 PM
Parent: #1
العنوان مستلف من حبيبنا الطاهر الطاهر الابى الريس بكري
يديهو باسويرد في البكان دا ... وهو زول كتاب جدا
تحايا بحجم الوطن يا صديق ..
ولكن!
بالرغم من هذا العنوان فالعزابة لا يهموني إن طردوا أو بقوا في الحلة
|
Post: #3
Title: Re: العزابة السغلين ديل لازم نطردم من الحلة دي!
Author: زهير عثمان حمد
Date: 10-23-2013, 11:14 PM
Parent: #2
* ليه كدا الحسد سغلين سغلين بس جيران والنبي وصي لسابع جار
|
Post: #4
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:15 PM
Parent: #2
موضوعنا يا حبايب ..
هو أن العنوان المكتوب عاليه هو وااحد من الاحكام المجتمعية القاطعة
التي لا تقبل الجدل أو الغلاط ..
فالعزابة اشرار وسكنهم في وسط حلة كلها عوائل أمر معيب جدا
حتى ولو كان هؤلاء العزابة ناس محترمين جدا جدا
وبالتالي:
من أين اكتسبت الاحكام المجتمعية هذه القدسية
واصبحت أحكام لاتقبل الجدل؟ 
|
Post: #5
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:18 PM
Parent: #4
| Quote: * ليه كدا الحسد سغلين سغلين بس جيران والنبي وصي لسابع جار |
ههههههههههههه ابو الزوز طرف الصوت لحقك ولا شنو؟
كدا اصبر لي ياخ عشان ما تنطرد ساي يا ابو الزوز 
|
Post: #6
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:24 PM
Parent: #5
تخش الحلة تلقى كمية من الاحكام المجتمعية
سيد الدكان داااك جبار ما تشتري منو ..
فلان جار ناس فلان داك زول كعب وما عنده عشره ..
فلان دا ما تدينو قروش .. لأنو ما برجع
..
..
الملطقة زولة فاشلة وما كويسه
القبيلة الفلانية دي ناسم شجعان وفراس..
القبيلة الفلانية ديل ناس بخيلين ..
الكوز زول كعب ..
الشيوعي كافر ..
..
..
الخ الخ من الاحكام المجتمعية المكتسبة للقدسية
وغير القابلة للجدل او (الغلات)
|
Post: #7
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:40 PM
Parent: #6
طارق جبريل وحبيب نوره مساخيت ..
محمد سليمان زول عنصري ..
تراجي بتحب المشاكل..
ود الصايم زول ظريف ..
تاج السر ومحسن خالد ... الخ الخ ناس كتابين
بكري ابو بكر زول ما عادل ولا يطبق لوائح المنبر بشفافية
..
..
وقائمة طويلة من الاحكام في مجتمعنا الصغير دا
وايضا لا تقبل الجدل ..
سااااتر كبير:
_____
الأسماء المذكورة أعلاه هي اسماء مستعارة ولا تعبر عن اصحابها ( )
وهم محل احترامي وتقديري ... والله صحي
|
Post: #8
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-23-2013, 11:45 PM
Parent: #7
من أين اكتسبت الاحكام المجتمعية هذه القدسية؟
وهل هي صحيحة دوماً على اطلاقها؟
بكره كان الله هون (نشيف) الكلام دا..
|
Post: #9
Title: Re: العزابة السغلين ديل لازم نطردم من الحلة دي!
Author: الامين موسى البشاري
Date: 10-24-2013, 08:00 AM
Parent: #8
هناك الكثير من الاحكام المجتمعية اكتسبت قدسية واصبحت لا تقبل الجدل
بغض النظر عن صوابها او عدم صوابها وذلك لأنها ربما اصبحت حكم ونظرة عامة للمجتمع
بمعنى ان هناك اجماع حولها من غالبية افراد المجتمع في المحيط المعين
مثلا حكاية العزابة شريرين دي نظرة عامة في كل المجتمعات تقريباً
وبسبب هذا الاجماع اصبحت احكام قاطعة ..
الاجماع جاء نتيجة لما لمسه ذلك المجتمع ولذا اطلق حكمه
ربما هو سلوك لبعض افراد في مجتمع فتعمم هذه السلوك واصبح ظاهره
اكتسبت الاجماع المجتمعي فاصبحت حكماً ثابتا وتداوله الناس فاصبح مسلمه مثبته ..
|
|