Post: #1
Title: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-23-2013, 07:50 AM
الفيس بوك للنصب الاجتماعي بقي ابوظ الاعصاب من تفتح الصفحة بتقابلك علي اليمين... الاصدقاء المقترحه ...وفيها بنات بحري الحلوات ، حبيبة كل الشباب ، دلوعة حبيبها ، جريئة وعيني قوية ، جسمي مسخن نار ،عفاف حرام ....اتبادر للزول في ذهنو كانو خاشي ليهو بيت ((دعارة)).
تصدقو مرة لقيت تغريده بتقول...
يوم العيد الخطيب يرن علي خطيبتو..
الحبيب ارسل مسج لي حبيبتو ويطلعو سواء
عشان ابوسو بعض واشمو الهواء
وانا واقفه قدام الخروف اقول ليهو بعد شويه حا تموت.....
ظهرت تكتلات لصديقات واحيانا اسر تلقي الام ومعاها بناتا رامين شبكتهم في الفيس لاصطياد المغفلين نشوف قصة التمبوكه شنو !!!!
قابلني صديق ،،، وينك يا فرده والله فاتك مولد بتاع جوالات ،،،،
صاحبي فلان داك تذكرو ياخ (( التومبكه)) كان عايز ليهو قروش من جماعه عمل ليهم شغل ساكي القروش في النهاية قالو ليهو نديك ليها جوالات سامسونج جالكسي ادوهو 15 جهاز مشينا نبيعها في السوق كسرو لينا السعر قال ما ببيع.
عندو صاحبتو في الفيس قالت ليهو ما تبقي دقوسة وتبيع الجوالات لي ناس السوق اديك فكره كويسه....
خت عليهم سعر فايده وبيع الجولات بي الدين وانا بجيب ليك ناس بشترو !!!
اها التومبكه البت جمعت ليهو بنات عايزات الجوالات .
كل مره اتصل علي تعال نمشي اسواق بنده نقابل جماعه عايزين جوالات ... تعال نمشي اسواق العثيم مواعد جماعه ، لفينا اسواق الرياض كلها مره نلقي لينا بت ومره بتين عايزات جوالات التومبكه إديهم الجولات واشيل ارقامهم.
البنات ادفعو ليهو مقدم 100 ريال وتخارجو.
قلته ما دام فيها دين شلته لي اثنين أنا والمدام.
وزعنا الجوالات كلها واول شهر للقسط التومبكه طلع مفكرتو عشان اتصل بي البنات .
عليك امان الله جوال واحد ليقناهو فاتح مافي كلو الرقم لا يمكن الوصول اليه....
الجن ركب راسو مشي للبت صاحبتو بتاعت الفيس قالت ليهم انا بتابع ليك وبكره بجمع ليك البنات ادوك القروش.
اها بكره لقيناها قفلت صفحتها في الفيس والجوالات راحت شمار في مرقه...
جاني قال عايز مني القسط قلت ليهو بعد تلقي البنات وادوك تعال لي انا بدفع ليك ، علي الايمان نسيتك كلو كلو كان طلعت ليك بي جوال.
ومن حكاوي نصب الفيس الراجل مصاقر الفيس في المكتب اليوم كلو اتعرف ليهو علي بنت كم يوم شات اتواعدو في حديقه مشي لقاها هي وامها واخواتها قاعدين .
عرفتو بي الاسرة واخذ قعدتو شويه قالو ماشين البيت عشان الساعة 12 المحلات بتقفل وما بلقو عشاء صاحبنا كشكر ليهم اجيب عشاء الحكاية بدأت بي كنتاكي ومشت لي قدام حتي وصلت توصيلات الاسواق بعد شويه طلعت فيها مشتريات ((عبايات.. ثياب ...الخ)).
يوم مواعد زوجتو امشي معاها السوق اتصلو بيهو جماعة الفيس برضو عايزين امشو السوق قال لي زوجتو خلاس امشي مع اخوك عندي مواعيد مهمة في الشغل.
اذ تفاجأت الزوجة بان قابلت زوجها بالسوق ماشي وسط عبايات ويتبسم.
الراجل دخل في اضافرينو زي اللابس ليهو جلابيه ورقبتها ضيقة ما عايزه تطلع من راسو وشو اوديهو وين قعد ارقص الرقصه ديك بتاعت تطلع الجلابية وقبتها ضيقة عشان ازوغ منهم وكانت النهاية المحزنه.
من التغريدات العجيبه المرت بي:
كل الرجال خاينين زي بعض !!!!!!!!!
في زول قال ليك جربيهم كلهم حاجة عجيبة ؟؟؟؟؟؟؟؟؟
|
Post: #2
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: ملهم كردفان
Date: 10-23-2013, 10:22 AM
Parent: #1
مع الأسف اخترت تغريده
بتخصم من رصيدك ككاتب محب ودمو خفيف
ومقالبو محببه ياعبس
900 مداخله أو ل ما الواحد يوصل للتغريده يتخارج
ياريت تشيل التغريده دى لأنها شتره زول حريف
احترامى
|
Post: #3
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-23-2013, 12:12 PM
Parent: #2
Quote: مع الأسف اخترت تغريده
بتخصم من رصيدك ككاتب محب ودمو خفيف
ومقالبو محببه ياعبس
900 مداخله أو ل ما الواحد يوصل للتغريده يتخارج
ياريت تشيل التغريده دى لأنها شتره زول حريف
احترامى |
ملهم يا حبيبنا سلام وتحية
مشكور علي الملاحظه
بعد الحزف كيف ؟؟؟
تحياتي وتقديري
|
Post: #4
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-23-2013, 12:52 PM
Parent: #3
|
Post: #5
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: ملهم كردفان
Date: 10-23-2013, 03:00 PM
Parent: #4
Quote: من التغريدات العجيبه المرت بي:
كل الرجال خاينين زي بعض !!!!!!!!!
في زول قال ليك جربيهم كلهم حاجة عجيبة ؟؟؟؟؟؟؟؟؟ |
زى الفل ياعبس .... ههههههه ..
تشكر ياحبيب
|
Post: #6
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-24-2013, 05:35 AM
Parent: #5
| Quote: زى الفل ياعبس .... ههههههه .. |
شكرا يا حبيبنا ملهم علي المتابعة والملاحظات
تحياتي وتقديري
|
Post: #7
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: ملهم كردفان
Date: 10-24-2013, 08:34 AM
Parent: #6
واحد جنو ماسينجر ساكن فى بلاد ترابها تلج...
اى إضافه للماسينجر لازم تكون جكس بس ...
لمت ليك فيهو مصريه
عمل ليها إضافه عشان يسألها عن مصر والسياحه فى مصر
لحست ليك حنااان مخو
وشويه شويه اتوطدت العلاقات وقامت بوظت ليك أعصابو
شغل كاميرات سااااى
بحبك ياوله يا أبوسمره
بموت فيك ياخلبوص
شوف بأه انا حلوه إزااااى
هتيجى إمتى
انا بمووووت فيك ياوله
أها أخونا بقى حياتو كلها مرتبطه بى الزوله دى
خشت ليهو فى حتة انو لازم ترتب ليهو عشان لمن يجى يكون مرتاح
رسل ليها قروش .اجرت ليهو شقه
اخونا جاء وقابلها ومعاها واحد ..ده منو المعاكى ده يازيزى
ده اخويا
قضى ليهو كم يوم وهو فى قمة السعاده ... قال ليها لازم تتم الخطوبه وكده
قالت ليهو ومالو
حددت ليهو اليوم ..مشى ليهم وقابل ابوها وامها
لبسها الدبله وعاش اللحظه
رجع للبلد الترابها تلج واشتغل نظام
يا أيها الإنسان انك كادح الى عرسك كدحا فملاقيه
...
وكل شهر يرسل ليها .... كميه كده بتاعت قروش خياليه عمرها مامسكتها فى يدها
بحبك ياواد ياخلبوص ..بموت فيك ياوله ياحمش .. هات بوسه بأأأأ
المهم سنه سنتين تلاته الود قال يجى مصر يعرس
اتصل بيها
قالت ليهو انا مستنياك على نااااااااار
جا مصر ..مشى ليهم فى الشقه بتاعتهم لقاهم فرتقوا منها لآنها إيجار مفروش
...
فتح بلاغ ..
زيزى محمد نور الكحلاوى سرقت قروشى كلها ياخ..!!!
...
معندناش الإسم ده فى اصحاب السوابق يا أبوسمره ...
جارى البحث عن زيزى ... وافضل طريقه عشان تلقاها فتش ليها عند
عمك قوقل
احلى التحايا يا عبس
|
Post: #8
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: حامد بدري
Date: 10-24-2013, 02:29 PM
Parent: #7
Quote: د جنو ماسينجر ساكن فى بلاد ترابها تلج...
اى إضافه للماسينجر لازم تكون جكس بس ...
لمت ليك فيهو مصريه
عمل ليها إضافه عشان يسألها عن مصر والسياحه فى مصر
لحست ليك حنااان مخو
وشويه شويه اتوطدت العلاقات وقامت بوظت ليك أعصابو
شغل كاميرات سااااى
بحبك ياوله يا أبوسمره
بموت فيك ياخلبوص
شوف بأه انا حلوه إزااااى
هتيجى إمتى
انا بمووووت فيك ياوله
أها أخونا بقى حياتو كلها مرتبطه بى الزوله دى
خشت ليهو فى حتة انو لازم ترتب ليهو عشان لمن يجى يكون مرتاح
رسل ليها قروش .اجرت ليهو شقه
اخونا جاء وقابلها ومعاها واحد ..ده منو المعاكى ده يازيزى
ده اخويا
قضى ليهو كم يوم وهو فى قمة السعاده ... قال ليها لازم تتم الخطوبه وكده
قالت ليهو ومالو
حددت ليهو اليوم ..مشى ليهم وقابل ابوها وامها
لبسها الدبله وعاش اللحظه
رجع للبلد الترابها تلج واشتغل نظام
يا أيها الإنسان انك كادح الى عرسك كدحا فملاقيه
...
وكل شهر يرسل ليها .... كميه كده بتاعت قروش خياليه عمرها مامسكتها فى يدها
بحبك ياواد ياخلبوص ..بموت فيك ياوله ياحمش .. هات بوسه بأأأأ
المهم سنه سنتين تلاته الود قال يجى مصر يعرس
اتصل بيها
قالت ليهو انا مستنياك على نااااااااار
جا مصر ..مشى ليهم فى الشقه بتاعتهم لقاهم فرتقوا منها لآنها إيجار مفروش
... |
كااااااااااااااااااااااك السعودي المطيري عملو فيهو نفس المقلب ده واكتشف انها متزوجه راجلين عمك قاليهم جاييكم بي فلوس كتيره عايز اهد البيت وابني اربعه طوابق عشان اامن ليكم مستقبلا المهم رقد ليهم البيت واطه وشتتت عفيييت منو
الدسيس والملهم كلو سنة واتو طيبين الخفه طوالي بتجيبك بي قدديمك
|
Post: #9
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-24-2013, 02:47 PM
Parent: #8
Quote: جارى البحث عن زيزى ... وافضل طريقه عشان تلقاها فتش ليها عند
عمك قوقل |
قويه والله يا ملهم 
|
Post: #10
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عبدالحفيظ ابوسن
Date: 10-24-2013, 02:54 PM
Parent: #9
عبس و ملهم
ياخ انتو شاربين حاجه ?
الشربوت وكمل !
والصدق فيهو برضو كارثة ,, فرتق بيوت
واحد معرس بت عمو ,, عندو منها تلاته ,, خش الفيس بوك ,, عرف واحده ,, عرسها ,, طلق مرتو وطردها من البيت
شاهد عيان للحادثة
|
Post: #11
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-25-2013, 03:29 PM
Parent: #10
Quote: كااااااااااااااااااااااك السعودي المطيري عملو فيهو نفس المقلب ده واكتشف انها متزوجه راجلين عمك قاليهم جاييكم بي فلوس كتيره عايز اهد البيت وابني اربعه طوابق عشان اامن ليكم مستقبلا المهم رقد ليهم البيت واطه وشتتت عفيييت منو
الدسيس والملهم كلو سنة واتو طيبين الخفه طوالي بتجيبك بي قدديمك
|
حامد سلام يا حبيبنا
كل عام وانت بخير
قلت لي السعودي خلاهم عايزين اغاثة وخيم
الدنيا قلبت ... اولاد بمبا انتهو زمان كانو ما بتغشو حسي طوالي ما خدين الخوابير
تحياتي وتقديري
|
Post: #12
Title: Re: ظاهرة نصب جديده عن طريق الفيس بوك سودانيات في الغربة ((التمبوكه))
Author: عباس الدسيس
Date: 10-26-2013, 08:36 AM
Parent: #11
Quote: عبس و ملهم
ياخ انتو شاربين حاجه ?
الشربوت وكمل !
والصدق فيهو برضو كارثة ,, فرتق بيوت
واحد معرس بت عمو ,, عندو منها تلاته ,, خش الفيس بوك ,, عرف واحده ,, عرسها ,, طلق مرتو وطردها من البيت
شاهد عيان للحادثة |
ودابوسن يا حبيبنا سلام وتحية
اقول ليك قصة محزنه من المواقع ...........
ابو عوض فلسطيني متزوج مصرية راجل كبير في السن كان احيانا بقعد مع بناتو في الانترنت اتصفح المواقع بعد شويه بقي اقعد برهو في النت لي فترات طويله البنات احتجو من استلام الجهاز راح ابو عوض اشتري ليهوا جهاز جديد ختاهو في المجلس (( صالون الضيوف)) أغلب وقتو في البيت من الشغل لي الجهاز قطع علاقتو الخارجيه مع اصدقائه اصبح شخصيه انطوائيه لكن بالرغم من ذلك حصلت تغيرات في حياتو زوجتو لاحظت ابو عوض بلبس قمصان او فنايل شبابيه اشتري ليهو كم بنطلون جنز كده..
ام عوض احتارت في التغيير الجديد علي ابو عوض انتظرت يوم لما جاء دخل غرفة الجهاز أخذ زمن كافي جات ماشه براحه وقفت وراهو تشوف بعمل في شنو صاحبنا فاتح الشات او فاتح كم صفحه كده مع البنات هاك يا شات ومعلق السمعات في اضنينو......
ام عوض نزعت السماعات من اضنينو نزع صوتت زي ما بقولو المصريين (( ايه ده يا راجل انت يا شايب يا عايب ده انت عندك بنتين عمرهم اد البنات الي بتحادث فيهم)) ابو عوض اتفاجأ قال ليها (( شو البتعمليهوا داااااااااا يا ام عوض حرام عليك دي صداقات بريييييييييييئه)) او من اليوم داك ام عوض بقت تنق في الراجل بعد ما كسرت الكمبيوتر في لحظتو البنات المسكينات كمان الجهاز بتاعم اتكسر او هاك يا نقه في ابو عوض.... كل يوم ...الراجل كبير في السن مع النقه والكلام الكثير والحرمان من الصداقات البريئه والله العظيم جاتوا جلطه او مات اي والله ماااااااات توفي الي رحمة مولاه.
|
|