|
بحضور عبدالرازق الطالب المنبر بقة نور؟!... (صور)
|
جيت عابر سكة فايت ولا إنت قاصد تزورنا ألف مرحباً بيك حبيبنا يا ود الطالب الفي الدوام في الظلمة نورنا..
بسم الله ما شاء الله سمحة العافية هاك (الترابيز) دي!! يا ميمون بعقلك الموزون أكشف ورينا فيك كم لون
ون - تو
|
|
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: ادم الهلباوى)
|
ادم الهلباوى العيد عيد شهيد , ولك أسمى التحايا
Quote: جيت عابر سكة فايت ولا إنت قاصد تزورنا ألف مرحباً بيك حبيبنا يا ود الطالب الفي الدوام في الظلمة نورنا.. |
أرحب معك بالصديق العزيز وزميل الدراسة ود الطالب , وفي المنصورة كانت لنا أيام في قلبي ذكراها , مازلت أطراها , يا ليتنا عدنا أو عادت الأيام
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: د.نجاة محمود)
|
عييييييييييييك الفيلم احلو
عبد الرازق الطالب حتي و حده؟!
ووووينك يا راجل؟! خليت رفيقك الهلباوي هنا وحيدا وحقيقي كنتو ثنائي لذيذ خلاص وبوستاتكم البتقعدوا تفتحهوا لوحدكم وتلعبوا لبعض و ن تو.....!
اتاريكم بتلعبوا بولتيكا خطيره وبرتسلوا رسائل عالية التشفير.
نجاض يا عايل بقاره....ههههههههههه
منور المنبر يا ود الطالب.
ويا الهلباوي يا بختك بعودة رفيقك وصديقك ادام الود بينكم.
الا وينك يازعيم فاقدنك في كمية الكترابات القايمه دي و آخرها (امامكم) المستهبل ل(كمبالا)...! خلينا نسمع لك راي وما تتطول الغيبه سياسيا.
اصلا بقينا محتاجين نقرأ ونسمع لكل الاطراف.
عيدكم سعيد. ــــــــــــــــــــــــــــــــ
يا بشاشا و دينق الحقوا ود الطالب شرف الديار وفي ظل الانقلابات الشلليه و السياسيه دي ما بعيد نلقي ود الطالب قلب افريقي و علماني كمان هههههههههه.
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: Tragie Mustafa)
|
Tragie Mustafa يا أم حازم حبابك..
Quote: يا بشاشا و دينق الحقوا ود الطالب شرف الديار وفي ظل الانقلابات الشلليه و السياسيه دي ما بعيد نلقي ود الطالب قلب افريقي و علماني كمان هههههههههه |
قلت أختي تراجي حتديني زغرودة فرح باستقبال كارب وتقوم تفتح لي بوست ترحيبي مطلعو (ود الطالب البقاري الذي أحببت) تقومي تحبطيني وألاقيك بتنادي لي في العبار دينق .. هو أنتو لسع ما فصلتو ليهو منبر سوازرن سودانيز أون لاين براهو .. طبعاً بشاشا كسح فات أول ما طلينا على المنبر مهرولاً تاركاً كل معاركه بمركزيته الأفريقية واعتناقه لوحده بدين آمون رع وفركشة تحالفاته السابقة وتوابعها من أهل الهامش.. تعرفي يا غالية.. أنا فتحت عيوني في الدنيا دي لقيت نفسي عربي بقاري وأفريقي وأفتخر وعايش في أفريقيا.. وأبي ياي هي واحدة من مراكزهم العديدة.. ومسلم بالميلاد والحمد لله..
حكاية العروبة دي أعتقد أنها مسألة تلقين ساكت منذ الصغر للتمايز العرقي والتعارف فيما بين جنس البشر بحسب نص الدين البنعتقدو نحن ما دين بشاشا بتاع راع داك .. مافي أفضلية للون أو لسان.. إلا بمقدار التقوى .. كلنا عيال تسعة ونص كمان..
أخوك خاطف لونين زنجي قاطع وعربي حد الزعم بدون مغالطة..
ألف تحية يا غالية..
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: د.نجاة محمود)
|
د. نجاة محمود القومة ليك يا غالية..
Quote: شوفتك وابتهجت ون يا غالي انت |
يا دكتورة نجاة أو دكتورة بيان على قول مريديك من حيرانك الكثيرين وأنا أحدهم نحن الزمن شقانا ونحن زي ما نحن.. لا غيرتنا الظروف لا هزتنا محنة..
مشتتتتتتتتتتتتتتتتتاقين كتير جداً..
شوقنا بحر يا دكتورة نجاة..
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: اساسي)
|
اساسي حبابك السماني
Quote: مرحب بيك يا عبد الرازق وان شاء الله يدوم وجودك دون انقطاع |
دون إنقطاع دي غايتو ما بضمنها ليك لأنها خارجة عن نطاق الإرادة وخاضعة للحالة المزاجية لربان السفينة رغم الإلتزام بقوانين المنبر وعدم الإنفعال..
كن بعافية يا غالي..
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: الصادق يحيى عبدالله)
|
الصادق يحيى عبدالله حبابك ألف
Quote: بانتظار عودة الاخ عمر ساكن. |
الأديب الموقر عبدالعزيز ساكن حالياً إنتقل من المحلية إلى المرحلة العالمية ككاتب وأديب بعد أن وافقت وزارة التربية الألمانية أن تدرس رواياته في المنهج الألماني بترجمة من الإعلامية العصامية دكتور إشراقة مصطفى زينة بنات مدينة كوستي..
بإنتظار عودة الجميع وأولهم ساكن..
ألف حباب بعودة الأديب عبدالعزيز عمر ساكن
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: Mohamed Adam)
|
حبابك Mohamed Adam حبابكو عشرة وشن حالكو في بلد الصقيع هناك ما بين بقايا الذكرى الدفينة في عهد جيرون وتلويحات العباسي لمليط بتحياته وهو ينشد القول: كثبانك العفر ما أبهى مناظرها أنس لذي وحشة رزقٌ لمرتاد فباسق النخل ملء الطرف يلثم من ذيل السحاب بلا كد وجهاد
النور بوجودكم يا غالي..
| |
|
|
|
|
|
|
Re: بحضور عبدالرازق الطالب المنبر بقة نور؟!... (صور) (Re: Kabar)
|
حبابك جمل الشيل المحامي ورجل القانون الكندي ول أبا كبر..
يقال في الأثر من شعر قيصر المعلوف:
رلى عرب قصورهم الخيام ... ومنزلهم حماة والشآم
إذا ضاقت بهم أرجاء أرض ... يطيب بغيرها لهم المقام
غزاة ينشدون الرزق دوما ... على صهوات خيل لا تضام
غرامهم مطاردة الأعادي ... وعزهم الأسنة والسهام
إذا ركبت رجالهم لغزو...فما في رهطهم بطل كهام
ولا يبقى من الفرسان إلا ... عجايا الربع والولد الفطام
وكانت من عجايا الربع عليا ... ومن عجيانه النجبا عصام
لقد نشأآ رعاة للمواشي ... كما ينشأ من العرب الغلام
وِهنا الدنيا ضاقت حاآآآآآآآآآآآآآآر علينا..
حبابك ولد أبا أزرق كحل الشيخات..
| |
|
|
|
|
|
|
|