Post: #1
Title: التقسيمة الجديدة
Author: اساسي
Date: 10-23-2013, 06:09 AM
الواحد انشغل بالعيد وفرحة الاطفال وحجاج بيت الله وغاب من المنبر دا فترة بسيطة وما تابع الحاصل .. امس جيت داخل المنبر قلت الواحد يعمل ليهو مراجعة سريعة يقرأ بيها خريطة الموقع .. حقيقي اتفاجأت باللقيتو .. ما عارف كان بكري شك العضوية ووزعها من جديد ولا جا اعصار ماري بالمنبر ولا الحاصل شنو ؟
المهم لقيت التقسيمة الاتعودنا عليها من سنة الفين واتنين ولحدي قريبات دي بقت ما شغالة .. ولقيت انه الحكاية اتقسمت من جديد ..ياخ الحكاية دي ولا في الخيال زاتو الواحد ما فكر فيها
اتفاجأ ليك بغزل رفيع بين محمد سليمان وحسين ملاسي ..اي والله حسين ملاسي الواحد دا ومحمد سليمان بتاع الحركات المسلحة وفي ذات الوقت محمد سليمان نفسه واقع مع كمال بشاشا بتاع عزيزه القاري خربشة الف شي بالاضافر وشي شلاليت وشي بونية جنباوية خليك من دا ...تراجي هار سيلف برضو معط شديد مع رسول الهامش اللهو محمد سليمان نفسه ..وتراجي برضو في معركة طويلة الامد مؤجلة من ربع لي ربع مع خالد كودي فنان الهوامش وتراجي ما وقفت علي كدا لقيتها في مكان اخر طابة ليك محمد المشرف كربون لكن هو ما وقف زاتو وقع ليك فيها بلنجة عادي ضاربا عرض الحائط بمثل وقيم يبشر بها بتاعت العنف مع المراة وما تعرف حقوقها ...وبي هناك هباني بفلق في محمد سليمان واظن بشاشا زاتو بنظام الجوز ما خسار ..ودينق واقف ليهو فوق كوم تراب وشغال يكتح فيهم كلهم المعاهو والما معاهو ولما الحكاية تصن شوية بشيل تراب يكندك روحه براهو ويكبو في راسه
طيب يا اخونا اسع انحنا نموت بالغبينة يعني ولا نتحاور ليكم مع منو ؟ ولا زول فيكم فاضي يداوسنا تاني ..يعني دايرننا نتشاكل ليكم مع طارق جبريل ولا حبيب نورة ؟
|
Post: #2
Title: Re: التقسيمة الجديدة
Author: مازن فيصل هلال
Date: 10-23-2013, 06:55 AM
Parent: #1
طيب يا اخونا اسع انحنا نموت بالغبينة يعني ولا نتحاور ليكم مع منو ؟ ولا زول فيكم فاضي يداوسنا تاني ..يعني دايرننا نتشاكل ليكم مع طارق جبريل ولا حبيب نورة ؟
---------------------------------------
انت ترجع ( رومانسي) تاني و بس ((::
و الله يا اساسي يا حليل سنة 2002 ! بشاشا بقي يحييك و يقول ليك عزيزي فلان .. تتصور!!
التوقيع : manubia بتاع 2002 داك ((::
|
Post: #3
Title: Re: التقسيمة الجديدة
Author: بدرالدين الطائف
Date: 10-23-2013, 06:58 AM
Parent: #2
|
Post: #4
Title: Re: التقسيمة الجديدة
Author: Deng
Date: 10-23-2013, 07:03 AM
Parent: #2
| Quote: الواحد انشغل بالعيد وفرحة الاطفال وحجاج بيت الله وغاب من المنبر دا فترة بسيطة وما تابع الحاصل |
يا كوز ده كلام تقولو لي زول ما عندو حديدة(باسوورد).
أنت اليومين ديل لابد ومدسي، لأنو نظامكم المجرم الفاشي مضروب ضرب شديد، وظاهر جدا أنك خجلان تدخل تدافع عنهم بعض كل الجرائم التي أرتكبوها في حق المتظاهرين العزل.
قال عيد وحج قال.
|
Post: #5
Title: Re: التقسيمة الجديدة
Author: عمر الفاروق
Date: 10-23-2013, 08:07 AM
Parent: #4
الغرّابي الذي أحببت ..
|
Post: #6
Title: Re: التقسيمة الجديدة
Author: حمد عبد الغفار عمر
Date: 10-23-2013, 08:22 AM
Parent: #5
تداوس شنو يا زول ؟
ياخ حتى عزام حسن فرح رجع ما لقى زول فاضي ليهو
يكون ندم على الرجعة
|
Post: #7
Title: Re: التقسيمة الجديدة
Author: Kabar
Date: 10-23-2013, 08:59 AM
Parent: #6
Quote:
الغرّابي الذي أحببت
|
عمر الفاروق..حبابك
غايتو الشايفو انا ، وفقا لكربون ود المشرف ، الموضوع ماشي نحو ( البرتاوي الذي احببت..)..يعني لسع ماو صل القومية بتاعة الغرابي..و الله أعلم..!!
اساسي..حبابك يا صديق..
اهلنا قالوا .. كلام القصير بتسمع وكت العصير..انا كنت متوقع القصة دي..و الأظرط.. بعد سنة لي قدام..بشاشا يجي يتعضر لعزيزو القاري و يقول ليهو اتغشيت في جماعة واحدين زي ما اتغشيت في محمد سليمان ( الزغاوي الذي احببت)..!!
شرحو: بشاشا طوالي مخدوع ، لكن داير لفة طويلة حتى يكتشف..!!!
كبر
|
Post: #8
Title: Re: التقسيمة الجديدة
Author: عصام دهب
Date: 10-23-2013, 09:47 AM
Parent: #7
أساسي كل سنة و أنت طيب ياخي ..
فاقدينك و ليك وحشة ..
حقيقي أفتقدنا قلمك الساخر و كتاباتك الطاعمة التي أصبحت تضن بها علينا ..
صدفني أنت ممن يصنعون الجمال هنا برغم مخاشناتك أحياناً ..
آمل يا صديق أن لا تنقطع ..
ــ
تجنيبة :
قال الشاعر ..
زورنا مرة و بس .. حتى لو بالدس ..
و لك إمتناني ..
|
Post: #9
Title: Re: التقسيمة الجديدة
Author: محمد هاشم ابوزيد
Date: 10-23-2013, 12:35 PM
Parent: #8
اساسي قبل الكراسي
ازيك يا حبيب
|
Post: #10
Title: Re: التقسيمة الجديدة
Author: Osman Musa
Date: 10-23-2013, 04:20 PM
Parent: #1
عزيزنا أساسي
سلامات
وعيدك مبارك
و LOOK ياخ . أحسنليك تقوم تكندك المنبر بحالو وفالو وتشوفلك كتاب .
تحياتي
|
Post: #11
Title: Re: التقسيمة الجديدة
Author: tabaldy
Date: 10-23-2013, 07:37 PM
Parent: #10
يا أبو الشباب مشيت التصويت في موضوع صورة عبد الغفار الشريف ولا لسه؟
1. ياهوو عبد الغفار رغم الصلعة والجضوم الوردية.
2. لا ياخ دا مدير مكتب نافع في الحزب (يعني ما مكتب القصر).
كل سنة وانت طيب
|
Post: #12
Title: Re: التقسيمة الجديدة
Author: ناذر محمد الخليفة
Date: 10-23-2013, 08:16 PM
Parent: #11
|
Post: #13
Title: Re: التقسيمة الجديدة
Author: Artiga Gilani
Date: 10-24-2013, 01:07 PM
Parent: #12
بسم الله الرحمن الرحيم
اساسى الاساسى
سودانيز .. مش حا تقدر تغمض عينيك
كل سنة وانت طيب
ارتيقا
|
Post: #14
Title: Re: التقسيمة الجديدة
Author: A.Razek Althalib
Date: 10-24-2013, 04:07 PM
Parent: #13
سلام مربع يا ساسي
السياسة شغل مصالح و لا تعرف المبادئ ..
بيقولو عليها هي فن الممكن..
سلام؛
|
|