Post: #1
Title: تراجي ومحمد سليمان
Author: الشفيع وراق عبد الرحمن
Date: 10-21-2013, 05:35 PM
تيمان برقو الكانو ما بتفرقو
الحصل شنو يا ناس؟
واتلومت يا قبيلة سودانيز
العجاجة دي كووولها ومافيكم زول يتوسط بالخير
ودي االحالة البلد مقبلة على ثورة وانتفاضة :)
طيب لو فعلا نجحت كان ح يحصل شنو؟
انا غايتو بديكم النجيضة
واحسن تسمعوها من كوز
لا عندو مصلحة مع ده ولا ده
الاتنين الد اعداء
تراجي بت قبايل واصول
وزولة صاحبة مبدأ
بترميها طاااخ وما بتتلفت
وما عندها قشة مرة
عندها الهامش وبالذات الدارفوري خط احمر
ما بتجامل حتى ولو اخوها
وما بتفرز حتى لو كوز
شفناها شمرت ودافعت عن محمد جمعة
واتصدت قبل كده لهجوم عنصري على كبر
|
Post: #2
Title: Re: تراجي ومحمد سليمان
Author: بريمة محمد
Date: 10-21-2013, 05:39 PM
Parent: #1
ول أبا الشفيع،
محمد سليمان، أدى ليك تراجى شاكوش طاخ .. وهى قامت على السكلى! .. دا كل الحصل.
بريمة
|
Post: #3
Title: Re: تراجي ومحمد سليمان
Author: احمد الدسكو
Date: 10-21-2013, 05:43 PM
Parent: #2
في شنو ..؟
|
Post: #4
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 05:44 PM
Parent: #2
هلا ول ابا بريمة
ما عاش من يشوكش تراجي
تراجي في يدها خيوط كتيرة وبعد شوية ح تخلي محمد سليمان يلف في الفاضي
|
Post: #6
Title: Re: تراجي ومحمد سليمان
Author: بريمة محمد
Date: 10-21-2013, 05:50 PM
Parent: #4
هلا ب ول أبا الشفيع،
تراجى في يدها خيوط عنكبوت ساكت .. وإن أوهن البيوت لبيت العنكبوت .. محمد سليمان طلع زول جدع.
بريمة
|
Post: #5
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 05:50 PM
Parent: #2
تراجي سامحينا
انا عارف كلامي ده ح يكون خصما عليك
وبعد شوية محمد سليمان ح يلفح عمتو ويجي جاري ويقول
اها ما قلنا ليكم؟؟؟
شوفي البيدافعوا عنك منو؟
شوف الاصطف معاك منو؟
بس والله البقولو ده حقايق
وانا الفوق ده كتبتو كزول مراقب بس ومرقت جلابية الحكومة واالكيزان
---------------------------
ات زولة اصيلة ونضيفة
والناس ديل ما بيشبهوك
ولا بفهموك
تعالي لينا بي جاي
نحنا بنفهم وبنقدر
وح نوظفك ونستفيد منك
|
Post: #7
Title: Re: تراجي ومحمد سليمان
Author: Ali Abdalla Hassan
Date: 10-21-2013, 05:53 PM
Parent: #5
شماتة 5 نجوم
|
Post: #8
Title: Re: تراجي ومحمد سليمان
Author: بريمة محمد
Date: 10-21-2013, 05:53 PM
Parent: #5
يعنى أنت ما عارف؟ .. طربوها شاكوش ..
بريمة
|
Post: #11
Title: Re: تراجي ومحمد سليمان
Author: بريمة محمد
Date: 10-21-2013, 06:01 PM
Parent: #8
يا ال TOP VIP
فضيحة أب جلاجل .. الناس بعد ما كبروا ببكوا من الشاكوش ..
بريمة
|
Post: #9
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 05:57 PM
Parent: #5
ول ابا بريمة
محمد سليمان ده زول مصلحجي
محل بتصب بمد قرعته
لا ساعل في قبيلة ولا حزب ولا حركة ولا دارفور ولا سودان
مصلحته فوق كل شي
ولو فكفكت مواقفه الغريبة الاخيرة ح تلقى وراها نقاطة
|
Post: #10
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 06:00 PM
Parent: #9
بريمة
ات قصدك الشاكوش، الشاكوش؟
|
Post: #12
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 06:03 PM
Parent: #10
استاذنا علي عبد الله
صدقني مافي شماتة فيهم
لكني بالجد جد شمتان في زول تاني
د. محمد المشرف
شماتة شديدة
|
Post: #15
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 06:11 PM
Parent: #12
ود المشرف
قنا ليك وما سمعت كلامنا
بتحتاج لي عشرة سنة عشان توصل مفاهيمك
وعشرين سنة عشان يقتنعوا بيها
فتعال اقعد معانا في المصطبة الجانبية وربع ايدينك وانتظر مع المنتظرين
قال رتق قال
بشاشا دخل بي نمرة خمسة ورافع شعار صفحة جديدة
اسبوع ما صبر وفتح نار لهيب
نحنا بعيدين شديد
قدامنا سنوات ضوئية
اصحو
والله تزح الانقاذ دقيقة الا تعدمو نفاخ النار
|
Post: #28
Title: Re: تراجي ومحمد سليمان
Author: ابوعبيدة النعمان
Date: 10-22-2013, 01:29 PM
Parent: #15
| Quote: والله تزح الانقاذ دقيقة الا تعدمو نفاخ النار |
هذا ما رادت قوله بإفتراع هذه المداخلة (الملوية)..
لكن...
اذا كنت تعني نذر الحرب الأهلية فانت تعلم و بشيرك يعلم وكل الراكبين والنازلين من بنطون الانقاذ
ان الانفراد بالسلطة و تمزيق النسيج الاجتماعي وتدمير مؤسسات الدولة من جيش إلى مكاتب البريد
وتفتيت مؤسسات الشعب المدنية المتمثلة في احزابه ونقاباته وجمعياته هو ما افضى إلى هذا المصير..
وراعي الضان في الخلا يعلم من قام بذلك ..لذا لا يمكن اقناعه ان من تسبب في هلاك الوطن سيكون
ضامناً لسلامته(اي الوطن)..
هذا ثمن الرشاوي التي يتبجح بها نافعكم وضارنا التي دفعها لشراء ذمم الرجال و لتفتيت الاحزاب
السياسية .. ولتزوير الانتخابات في كل المؤسسات حتى في المدارس الثانوية.. هذه هي الخيانة العظمى
التي سيجيء اليوم الذي سيقدم فيه لوردات الحرب والقتل والاجرام للمحاكمات وانتم في معيتهم
لانكم تطبلون لهم قابضين ثمن خيانتكم لاهلكم ولضميركم (ان وجد)..
الشعب السوداني سيدهشك إن كنت صادق في تلك المخاوف التي تثيرها في قدرته على التعافي
واشاعة السلام ومداوة جراحه التي عمقها سكين الانقاذ الصدئ الآثم..وبمجرد رمي العصابة التي
تدافع عنها بلا حياء الى مزبلة التاريخ..
كفوا ايديكم و السنتكم وكيبورداتكم الدنيئة عنا وتاني عوجة تب ما بتجينا..
|
Post: #14
Title: Re: تراجي ومحمد سليمان
Author: بريمة محمد
Date: 10-21-2013, 06:08 PM
Parent: #10
يا ول أبا الشفيع،
| Quote: ات قصدك الشاكوش، الشاكوش؟ |
أنا قصدى ضربها بالحديده الأسمها الشاكوش ..
بريمة
|
Post: #13
Title: Re: تراجي ومحمد سليمان
Author: Zakaria Gabeir Adam
Date: 10-21-2013, 06:06 PM
Parent: #2
كع
الشافو خلو
|
Post: #16
Title: Re: تراجي ومحمد سليمان
Author: عبدالعزيز عثمان
Date: 10-21-2013, 06:40 PM
Parent: #13
والله يالشفيع،مع كامل احترامي،وانا لا اعرف المماحكات الجانبية،ولكني اعلم بانك رجل ذكي وتريد ان تحرف الناس عن طعن الفيل.
ولكانك،يا دفعة،تريد ان تجري مياها،تغسل بها دماء الشباب.
تريد ان تقرع طبولا،تصم الاذان عن نحيب الامهات الثكلي.
تريد ان تشتت انتباه قراء سودانيز،لينشغلوا بمشاغلات اوجدتها مرارات والام الايام الفائته،من انهر دماء سالت،وجراحات،وظلامات،وقهر ومعتقلات ،للناس العاديين،ليسوا سياسيين ولا قبليين،شعب عااادي،شباب مثل الورد،خرجوا ليغنوا للصباح،لينتصروا علي القبح،يصنعوا الحلم ويربوا الامل،،،نحن نتحدث عن حلم،وموقف ينتظم الان كل افق ودرب في البلاد،،الان تجدهم،في الحافلة في السوق في المدارس والجامعات،في دور الرياضة والحقول،،من سوق ام دفسوا بالجزيرة،لسوقها بنيالا،،صوت واحد ونشيد واحد....
محاسبة من قتل الشابات والشبان،،محاسبة من دمر البلاد ،مزق نسيجها الاجتماعي والسياسي والاخلاقي،شيطنها امام العالم،مزقها وشظاها،واشعل الحريق في كل درب،،اقامة دولة القانون والحقوق،دولة الديمقراطية والسلام،دولة الشفافية والناس النضاف العاديين،تسخير الموارد والوقت لصنع الحياة معاشا ومعادا....
لذلك،كنت اتمني وانت المتعلم،،ان لا يتجه قلمك،للتشويش،والمديدة حرقتني،ويا ودريا،،فلقد رايت هذه الاقلام في بكاء وسهر والم منذ يوم سالت اول قطرة دم،،،فلماذا يااخي،،لماذا تريد لها وتعمل مع اخرين لتترك طعن الفيل وتطعن الظلال،،هذه استراتيجية دولة ماكرة،الهاء عامة الشعب،،من مثلي،،بالضجيج والاعيب السحرة والحواة....
ايتها الاقلام الطيبة،،،انشغلي بصنع الصباح،،افضحي القتلة والمفسدين،،هل تسمعييني،،فانا من عامة الناس وهذا ما نريد,
|
Post: #17
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 06:44 PM
Parent: #16
عبد العزيز
يا دفعة
مداخلتك دي طشت الدرب
نحنا فتحنا طريق موازي بي هنا :الشهداء ....... والفطائس
|
Post: #18
Title: Re: تراجي ومحمد سليمان
Author: الدومة ادريس حنظل
Date: 10-21-2013, 06:59 PM
Parent: #1
الاستاذة تراجى بت الدكور Quote: تراجي بت قبايل واصول
وزولة صاحبة مبدأ
بترميها طاااخ وما بتتلفت
وما عندها قشة مرة
عندها الهامش وبالذات الدارفوري خط احمر
ما بتجامل حتى ولو اخوها
وما بتفرز حتى لو كوز
شفناها شمرت ودافعت عن محمد جمعة
واتصدت قبل كده لهجوم عنصري على كبر |
|
Post: #19
Title: Re: تراجي ومحمد سليمان
Author: Tragie Mustafa
Date: 10-21-2013, 07:25 PM
Parent: #18
الاخ الشفيع وراق
وتظل اخ فاضل لانه يجمعني بك وطن حدادي مدادي
وما بنبدله بالكلام الفاضي.
هل ستقبل شهادتي وتصدقني لو ادليت بها؟!
ام ستقص وتعدل فيها حسب ما تتوهمه انه مصالح(بلادنا)؟!
محمد سليمان اولا
نموذج فريد في اهله (تعبير نموذج فريد لا يعني سلبا او ايجابا) وانما يركز علي (التفرد)
وليت الحركات التي يدافع عنهم بهذا الحماس و هذا الاندفاع يدري عن فساد (بعضها) ربع ما ندري!
ولكن هذا لا يعني انه لم يضر بمشروع الهامش من حيث يدري ولا يدري.
|
Post: #20
Title: Re: تراجي ومحمد سليمان
Author: الشفيع وراق عبد الرحمن
Date: 10-21-2013, 09:13 PM
Parent: #19
حبابك اختنا تراجي
و دايما كبيرة
واي نعم
اصدقك واقبل شهادتك
لعل وعسى يسمعها هو ويصدقها
واملنا ان تعود المياه الى حيث كانت
ويكون الكوز الشفيع جاب ليكم فايدة
|
Post: #21
Title: Re: تراجي ومحمد سليمان
Author: Tragie Mustafa
Date: 10-21-2013, 09:50 PM
Parent: #20
الشفيع وراق
دعني اقول اولا انه محمد سليمان
رجل تقي وخلوق (بالعاميه كده)!
اي التقوي و الخلق بحقوق الانسان عندها معاني ثانيه
ولكن بالعاميه
هو رجل مهذب جدا
لا بيسرق
لا بيكتب (بربوزل) يطلب بيه قروش لمنظمه ولا لحركه.
محمد سليمان من لاالنوع الما بيرفع عينه من الواطه في امرأه
ويتحدث بصوت جدا خفيض علي فكره
ورغم لادحته وحدته التي تبدو لكنه رجل طيب وحنون وتأسره الكلمه الطيبه.
اذكره ايام مرض بالانسداد في الشراين
كادت ان تطفر الدموع من عيونه
لما عرف طيبتكم كل زملائه الشمالين هنا
ولما اندهش انكم تسالون عنه بهذا الصدق و التجرد
ولا تنسي اختك (تراجي) كانت دائما تدعم فيه هذا الاتجاه
ليس تملقا ولا تزلفا ولكن ثقه انه بشعبنا هذا خيرا كثير.
ففعلا ملكت تلفونه لرفاق ورفيقات كثر سالوا عنه هنا
وكان جدل مثمن لاتصالهم وسؤالهم عن صحته
وفعلا لو انتبهتوا لخطابه بعدها ستجدون بانه كان مختلف كثيرا.
لا اعتقد اطلاقا انه محمد سليمان
رجل ممكن يظلم الاخرين لو اتيح له الحكم
علي اساس عرقي او نوعي
بل اقول عنه لو اتيح له شخصيا فانه يعرف كيف يحفظ التنوع ويحرص علي حقوق الاخرين.
رجل غير بذئي
مهذب جدا.
ولكن.....!
|
Post: #22
Title: Re: تراجي ومحمد سليمان
Author: Tragie Mustafa
Date: 10-21-2013, 09:52 PM
Parent: #21
مشكلته الكبري
لا يعرف اهل الحركات
ولا يعرف عنه تفاصيلها اكثر ما يقرأ هنا
ويسمع بالهاتف من جهة واحده مضلله.
وحتي الحركه التي يدافع عنها
لم يمنح نفسه فرصه ان يكون له احتكاك بالقاوعد الشعبيه فيها.
فصار يكتب عن اخلاقه هو
ويتوهم ان هذه هي اخلاق كل من يدعي بتمثيلهم.
|
Post: #23
Title: Re: تراجي ومحمد سليمان
Author: Tragie Mustafa
Date: 10-21-2013, 09:55 PM
Parent: #22
ومشكلته الثانيه المكابره
وتوهم انه علي صواب
حتي لما يكتب له اخوة هنا
من داخل الحركات
ويكتبوا بادب و برموز عالية التشفير
لا سعي لسؤالهم عن التفاصيل
ولا يحاول ان يعرف ما بين السطور
ويصر علي تصور الامر
هامش ومركز
او جلابه وغرابه!
|
Post: #24
Title: Re: تراجي ومحمد سليمان
Author: Tragie Mustafa
Date: 10-21-2013, 09:59 PM
Parent: #23
مشكلته لم يكن سياسي من قبل
ولا عرف ما يحدث داخل التنيظمات السياسيه
من غيره ومن بؤس ومن بطش ونميمه.
بطبعه انطوائي قليلا
او ربما الغربه الطويله
جعلته يقدس العمل و البيت و تثقيف نفسه ومتابعة اخبار السودان و امريكا.
هو رجل مثالي من حيث لا يدخن ولا يتعاطي الكحول.
فات عليه ان مخالطة الناس تمنحك وعي بحقيقة معادن البشر
وان الاخطلاط بالاخرين خاصه لمن يرغب في تعاطي الشأن السوداني
وشعوبه المتنوعيه يحتاج احتكاك حقيقي بكل هذه الشعوب و ينفتح علي ثقافاتها
وينهل من ثراء تراثها حتي يستطيع ان يصل لكيفية التعامل معها.
وانه هذه الدنيا ليست My way or the high way
|
Post: #25
Title: Re: تراجي ومحمد سليمان
Author: بريمة محمد
Date: 10-22-2013, 01:44 AM
Parent: #24
هييييع يا ول الشفيع،
عفا الله عنك، لكن أثرت فينا مواجع السنين ...
بريمة
|
Post: #26
Title: Re: تراجي ومحمد سليمان
Author: الشفيع وراق عبد الرحمن
Date: 10-22-2013, 11:21 AM
Parent: #25
تسلمي العزيزة تراجي
انا غايتو قرررربت ابكي
|
Post: #27
Title: Re: تراجي ومحمد سليمان
Author: ابراهيم الرشيد وراق
Date: 10-22-2013, 01:15 PM
Parent: #26
ابن عمى الشيوعى
سلام يغشاك
انت بتجيب النشاط ده من وين؟ شغال بكل الاتجاهات
اها راجع البلد متين؟
تحياتى
|
Post: #29
Title: Re: تراجي ومحمد سليمان
Author: الشفيع وراق عبد الرحمن
Date: 10-22-2013, 04:21 PM
Parent: #27
هلا بيك ابن عمي "المرفود"
قول ما شاء الله ياخي
انا بعوض في الفات
محبوس من 23 سبتمبر
قصدك اجازة ولّ كلو كلو؟
|
Post: #30
Title: Re: تراجي ومحمد سليمان
Author: محمد حمزة الحسين
Date: 10-22-2013, 05:28 PM
Parent: #27
عجبني ليك يالشفيع البي يوديك جُحر العقرب شنووووو
خليهم فى حالهم اصلو التوم ريحتو واااحدة ولن يبرحو هذة المحطة قيد أُنملة (محطة تحسبهم جميعاً وقلوبهم شتي )
العيد يتبارك عليك وكل عام وانت بالف خير
:
:
:
:
:
مع التحيات لله الزاكيات
|
Post: #31
Title: Re: تراجي ومحمد سليمان
Author: الشفيع وراق عبد الرحمن
Date: 10-22-2013, 07:28 PM
Parent: #30
وات بالف خير اخونا محمد ود الحسين
|
|