Post: #1
Title: مرارتى إتفقعت!!!
Author: Zakaria Joseph
Date: 10-21-2013, 02:45 PM
Parent: #0
و قد تنبا العم مالك عقار حين قال فى مؤتمر احزاب تجمع جوبا بانهم"ما بخلوكم و سيتبعوكم حتى لو انفصلتم.." و اضاف "حا يكونوا منو يعنى بدون الجنوب??" طبعا الصحافة الخرطومية وجدت نبرة عنصرية فى تصريحات عقار و هاجت و ماجت.
|
Post: #2
Title: Re: مرارتى إتفقعت!!!
Author: Tragie Mustafa
Date: 10-21-2013, 02:53 PM
Parent: #1
ابو زيك يا اخي بنحبكم نعمل شنو؟!
طبعا ما بنخلكيم ولو انتو خليتونا؟
تبرأ يا اخوي من فقع المراره اها دروايش الكيزان كتبوا شنو؟!
ـــــــــــــــــــــــــــــــــــــــــــــــــــــــــــــــــــ
الا عاتبه عليك لم تتباع لينا اخبار استفتاء ابيي وتطمأنا علي الرفاق و الاهل بهناك
معقوله بس ده حد وفاءنا للناس جوك بيونق و شول؟!
|
Post: #3
Title: Re: مرارتى إتفقعت!!!
Author: Zakaria Joseph
Date: 10-21-2013, 02:55 PM
Parent: #1
و لاول مرة, تنتابنى شعور بان الرئيس سلفا كيير يسير مباشرا الى منطقة خطرة جدا, إذ باد من المؤكد ان من يستشيرهم فى ملف علاقات جوبا و الخرطوم لا يعييرون ادنى اهتمام بالشعور العام فى الجنوب تجاه البشير و من يحكمون الخرطوم. هناك شعور بحزن عميق فى شارع الجنوب
|
Post: #4
Title: Re: مرارتى إتفقعت!!!
Author: Zakaria Joseph
Date: 10-21-2013, 03:00 PM
Parent: #3
Quote: الا عاتبه عليك لم تتباع لينا اخبار استفتاء ابيي وتطمأنا علي الرفاق و الاهل بهناك
معقوله بس ده حد وفاءنا للناس جوك بيونق و شول؟! |
سلامات اختنا تراجى,
المحزن جد هو ما يتعلق بملف ابيي إذ ان الحكومة فى الجنوب تتصرف إزاءه و كان ابيي و سكانها مملوكة لافراد فى الحكومة. و يبدو ان هناك مساومة ما فى ملف ابيي و هذا اعتبره انتحار سياسى.
|
Post: #5
Title: Re: مرارتى إتفقعت!!!
Author: Zakaria Joseph
Date: 10-21-2013, 03:14 PM
Parent: #4
ادوات نجاة حكومة البشير و انعاشها و تقويتها اصبحت موجودة فى الجنوب. فالتغيرات التى اجرت على الاقتصاد السودانى نجاحها تتوقف على المساعدات المالية من الجنوب و التى تبلغ 3.7 مليار دولار و رسومات العبور و التى تصل حد المناصفة و الان يريدون المزيد من الجنوب: بيع مواد بترولية مكررة للجنوب و باسعار ابتزازية, تصدير اى شئ لا يمكن للسودان تصديره لاى مكان فى العالم او حتى للاستهلاك المحلى للجنوب, يريدون اراضى فى كل اقاليم الجنوب للسمسرة "إستثمار" تحت مسمى التطبيع.
هو نفس عمر البشير الذى نعتنا بحشرات قبل اشهر ذاهب الى جوبا من جديد لمذيد من الحليب و فى اقل من خمس اشهر.
|
Post: #6
Title: Re: مرارتى إتفقعت!!!
Author: Zakaria Joseph
Date: 10-21-2013, 03:27 PM
Parent: #5
جوبا اوقفت التعبئة بشان استفتاء ابيي و كان قرار مصير ابيي فى حوزتها و ان دينكا نقوك يمكن استخدامها كاوراق فى لعبة التفاوض مع الخرطوم???
مليشات الدفاع الشعبى تتعدى على المذارعين فى الرنك و الطائرات الحربية لجيش البشير تقصف الجنوب وجيشنا ينسحب من مناطق اتفقت ان تكون منزوعة السلاح و جيش الخرطوم يحتل هذه المناطق و حكومتنا تستقبل البشير مرة ثانية فى جوبا و يبدو ان حكومتنا لا تابه بالسخط الحاصل فى البلاد.
|
Post: #7
Title: Re: مرارتى إتفقعت!!!
Author: Zakaria Joseph
Date: 10-21-2013, 03:48 PM
Parent: #6
البشير نجح لحد ما فى ابتزاز الجنوب. و لو نجح فى تنزيل تصوره للتطبيع مع الجنوب الى ارض الواقعة, فلن يكون من المستبعد ان تجد حكومة الجنوب صعوبة فى شرح الكثير من التهم الموجهة اليها هذه الايام.
|
Post: #8
Title: Re: مرارتى إتفقعت!!!
Author: Deng
Date: 10-21-2013, 03:54 PM
Parent: #7
الأخ زكريا.
وجود تيلار دينق رينق في الحكومة لهو خطر كبير على مستقبل دولة الجنوب.
كان على الرئيس سلفا أن يحترم قرار البرلمان وأن لا يعيد تعين تيلار دينق مرة أخرى في منصب مستشار قانوني.
|
Post: #10
Title: Re: مرارتى إتفقعت!!!
Author: Zakaria Joseph
Date: 10-21-2013, 04:05 PM
Parent: #8
Quote: الأخ زكريا.
وجود تيلار دينق رينق في الحكومة لهو خطر كبير على مستقبل دولة الجنوب.
كان على الرئيس سلفا أن يحترم قرار البرلمان وأن لا يعيد تعين تيلار دينق مرة أخرى في منصب مستشار قانوني. |
و المصيبة يا دينق قد يكون تيلار رينق هو من كلف بادارة ملف السودان.
شخصيا, ليس لدى ادنى شك فى ان الجنوب فى قلب الرئيس سلفا. و لا اعرف شخصا, حتى الد اعداءه, عندهم شك فى وطنية سلفا عبر تاريخه النضالى الطويل و لكن يبدو ان الرئيس يحيط به اشخاص لا يتمتعون بثقة الجماهير.
|
Post: #9
Title: Re: مرارتى إتفقعت!!!
Author: بشير أحمد
Date: 10-21-2013, 03:56 PM
Parent: #7
والله يازكريا أنا مرارتي مفقوعة اكتر منك...
وعلي الفقعة دي ...السيد الرئيس ح يمشي جوبا بكرة الثلاثاء !!!
في فقع اكتر من كده؟
|
Post: #11
Title: Re: مرارتى إتفقعت!!!
Author: Zakaria Joseph
Date: 10-21-2013, 04:13 PM
Parent: #9
Quote: والله يازكريا أنا مرارتي مفقوعة اكتر منك...
وعلي الفقعة دي ...السيد الرئيس ح يمشي جوبا بكرة الثلاثاء !!!
في فقع اكتر من كده؟ |
كيفين يعنى يا بشير,
البشير بيستجد بجوبا و الاخيرة بتجدع الحبل و تقول مرارتك مفقوعة???
|
Post: #12
Title: Re: مرارتى إتفقعت!!!
Author: بشير أحمد
Date: 10-21-2013, 04:44 PM
Parent: #11
اها وسلفاكير جا الخرطوم قبل ايام عشان شنو؟
جا يتفسّح في أوزون ويرجع!!!
|
Post: #13
Title: Re: مرارتى إتفقعت!!!
Author: Zakaria Joseph
Date: 10-21-2013, 04:59 PM
Parent: #12
| Quote: اها وسلفاكير جا الخرطوم قبل ايام عشان شنو؟ |
نفس شئ. و كلام دى كتبناه زمان و قلناان اصدقاء السودان و الجنوب نصحوا الرئيسين ان يحلوا مشاكلهم و ضغطوا على الجنوب تحديدا ان يحل مشاكله مع السودان, شوفت كيف? تذكر هيلارى كلينتون لمن قالت فى جوبا بان الجنوب لازم يصدر البترول عبر الشمال و ليحصل على ما يحصل عليه "..something is something" مستهجا وقف الجنوب للبترول. الجنوب وقف البترول و وجد سلفا سند داخلى و معارضة من الاصدقاء. الخرطوم توقعت انهيار الجنوب, فحدث العكس. فجوة التى حدثت فى الاقتصاد السودانى بسبب ذهاب البترول اصبحت تلكلك اركان حكم الانقاذ, فعلن البشير بان الجنوب اتي "معنا و لن ننهار لواحدنا نجح ."
|
Post: #14
Title: Re: مرارتى إتفقعت!!!
Author: ست البنات
Date: 10-21-2013, 05:24 PM
بالصراحة الجنوب مرق رقبتو من نار الكيزان واتخلى عن شرفاء الشعب السوداني الذي ظل مساندا لقضية الجنوب طوال دهر ,
وبدأ ذلك أولا بسحب ترشيح يأسر عرمان مفسحا الساحة للبشير.
وثانيا فأي تعاون أو تنازل في موضوع نقل النفط أكيد عائده سيطيل من عمر الآفات !
ليه كدا يا سلفاكير ؟
انت ما كنت النائب الأول وملم بكل شيئ !
وبعدين نحنا زعلانين معاكم من وصف الحشرات تقوموا تنسوا الموضوع وتتصالحوا وتطبقوا فينا المثل ( أهل البكاء غفروا والجيران كفروا)
يه كدا بس
كدا بس ؟؟!
ست البنات.
|
Post: #15
Title: Re: مرارتى إتفقعت!!!
Author: بشير أحمد
Date: 12-19-2013, 11:53 AM
Parent: #14
نعلكـ طيب يا ابوالزيكــ...
|
Post: #16
Title: Re: مرارتى إتفقعت!!!
Author: علي الكرار هاشم
Date: 12-19-2013, 12:04 PM
Parent: #1
| Quote: كان على الرئيس سلفا أن يحترم قرار البرلمان وأن لا يعيد تعين تيلار دينق مرة أخرى في منصب مستشار قانوني. |
لا تعلقوا فشلكم بنا
|
Post: #17
Title: Re: مرارتى إتفقعت!!!
Author: nour tawir
Date: 12-19-2013, 09:13 PM
Parent: #16
يا زكريا جوزيف.
بريا سلامتك..
على رأى حبوبتى لّما كنت فى الابتدآئى...
وقعدت أقرا ليها قصة طه القرشى فى المستشفى..
من كتاب المطآلعة..
عّلقت بأنفعال شديد وحزن...
بريا سلامتو طه القرشى..
|
Post: #18
Title: Re: مرارتى إتفقعت!!!
Author: Abdelslam Malik Ali Elhag
Date: 12-19-2013, 10:17 PM
Parent: #1
يا زكريا احترامي
وربنا يلطف باهلنا في الجنوب
افتكرت مرارتك اتفقعت من البيحصل حاليا بين رفاق السلاح واخوة الهدف
يعنا ناس تكاتل لاكثر من ربع قرن وبعد خلاااص المواطنيين صوتوا بنتيجة تقارب المائة بالمائة
والناس بتحلم بجنة الله في الارض وانهم اصبحوا موطنيين من الدرجة الاولى
وناس خلت الخرطوم والمدن الشمالية وباعت القدامها والوراها املا في العيش الكريم في الدولة الوليدة
يعني حكومتك دي من اول هي ضعيفة كده ونمر كرتون ..الانقاذ ومطرف صديق يودوها شمال ويمين
طيب ليه دخلتوا هجليل وليه عاوزين تطالبوا باييي وقت انتو بالضعف ده
ما كان الافضل تلبدوا في الضل لحدي ما تقوم ليكم سنون وقت انت جاي ترمي فشلكم على الكيزان وحكومتهم
هل كانت مكايدة منكم بدعم الحركات المناهضة لحكومة الانقاذ بدلا من الالتفات لمشاكلكم الداخلية و وحلها سلميا في وقتها قبل ان تنفجر
عقليتك هي نفس عقلية الكيزان ورمي الفشل على امريكا في كل شيئ
بالجد كلامك يفقع المرارة
|
|