يـا حـيـدر الـزيـن أعـمـل حِـسـابـك، الـزول دا عِـنـدو بِـطـاقـة وشـفـاتـة،،، والله صحي...

غايتو أنا حذرتك من العنوان،
أوّعك تجي تقول ود المدير ما كلمني،
وكمان عندو شفاتة، والله تفرنب يخلو ريحتك طير، طير.

ود دار جعل..
عيدك يتبارك ياربي والقابلة كدِي شعر الصلعة يبتق براهو :)

منو دا ..اوووع يكون هناي ؟!

Quote: ود دار جعل.. عيدك يتبارك ياربي والقابلة كدِي شعر الصلعة يبتق براهو :) منو دا ..اوووع يكون هناي ؟!

علينا وعليك يتبارك.

أووووووعك تجي شايت ضفاري،
الزول دا بيعيقك.

يا اخي شكراً علي الدعوآت الصالحات من أهلنا الصالحين.
الشافني السنة الجاية غازي لي خُلآل ما كضّب...

مُحسن خالد دقس.
والله صحي..

هههههههههه،
رشاكم...

هههههههههههههه
انا اجيبلك عشرة تاااالاف دولار وانت تجيب لنا في جنس الرش دا :

Quote: ســلام حـيـدر ، كُـل سـنـة وإنـت طـيـب ، يــا خــي أقــل مـبـلـغ ، مـنـحـة لا تُــرد هــو ، عـشــرة ألــف دولار ، حـسـب الـمـواثــيــق ، إنـت لـيـك عـشـرة ، وفــارس دار جـعـل ، ود الـمــديــر عــشـــرة ،

أروع ثـــلاثـــة أيــام فــي السـعـــوديــة ، والـكـعـــبة الـمـشـرفة 3،

هسع زولك دا لو عاوزيــن نرشو نرشو كيفن
كدي النرجع نسمعو شن قال ونجيهو نجيهو :)

Quote: هههههههههههههه انا اجيبلك عشرة تاااالاف دولار وانت تجيب لنا في جنس الرش دا :

الجعلي ورّط نفسو ورطة زي الزِفِت.
والله صحي.
غايتو أنا حقي تب ما بخليهو.


باقيلك الجعلي دا بيركز، واللآ بينط ؟؟؟...

افوووووو .. شفتلك جعلي قبال كدة نطّ ؟؟!

كدي ماني قادر اصبر لشيخنا محمد عبد القادر لمن ارجع البيت المساء ... والله صحي !!

اها راس الخيت في كلامو قال شنو ؟!





ـــــــــــــــــــــــــــ
اما ضحاكات ود الفحل دي فاضمنها تب وعِدها في جيبك واحسب عليها :)

أها ماك شامي ريحة القروش وحلاوتها يا ود المدير امانة في ضمتك ..

Quote: كدي ماني قادر اصبر لشيخنا محمد عبد القادر لمن ارجع البيت المساء ... والله صحي !! اها راس الخيت في كلامو قال شنو ؟!

يا زول علي اليمين لا أوريك راس خيت لا راس دبيب.
خليك علي كدا لآمن تمشي البيت.

Quote: افوووووو .. شفتلك جعلي قبال كدة نطّ ؟؟! ـــــــــــــــــــــــــــ اما ضحاكات ود الفحل دي فاضمنها تب وعِدها في جيبك واحسب عليها :) أها ماك شامي ريحة القروش وحلاوتها يا ود المدير امانة في ضمتك ..

قال ليك، في وآحد طالبلوا وآحد 100 جنيه.
أها، لاقاهو زراهو من القِريشات. صاحبنا عاين شافلوا غنماية تتكرش
في الحيطة. قال لصاحب الـ100، شايف الغنماية البتتكرش في الحيطة دييييك ؟؟؟.
الراجل قاليهو، أيوا!!!.
قاليهو، الغنماية دي لآمن تنتهي من الكرش علي الحيطة أنا بمشي الملِم الصوف،
وحد ما يوم تنكرش بلملم لآمن أسوي لي شملة أبيعها وأديك قروشك.
الراجل صاحب الـ100 تبسم بسخرية.
صاحبنا قاليهو، تضحك !!! ضمِنت مُش ؟؟؟.

يا أخوي أنا ضامن، بس بسأل كي يطمئن قلبي...

لا حولااااااااااا .. الزول دا رش الكنارة رش زي الرش :)

غايتو قصة مولانا هاشم الخضر دي الا اوترها واجي ارد .. والله صحي ..!!
قال يقلبو جدادة قال

انا غايتو قصة هاشم دي ماسمعتها قبل دا ياربي اكون الزمن داك وين ..
ب
بعدين القصة عن ناس طلحة الدخل كنور شنو ..زولكم دا يادااابو دايرنا نسختو عمبلوق .. والله صحي

أها مبدئياً كدة يا ود المديــر زولك كضاب.. والله صحي ..!
شيخنا دا شكلو نجار كبيــر ..
والقصة بنوتر فيها لمن نوصلها هاشم الحلاج بذات نفسه الرواها على لسانو عشان تاني يبطل كضب..

قال فكي كنور قال
كنور ذاتها مافيها فكي او شيخ ..
غايتو الليلة يا محمد مصطفي تبلع جنس بلع .. والله صحي ..!

ههههههههههههههههه،

شوف في الدقيقة 6 من الفيديو الشياطين بتعمل شنو ؟؟؟.

يا حيدر عندك الروآية في الشريط دا بصيغة تانية يعني
HD وكدا...

Quote: انا غايتو قصة هاشم دي ماسمعتها قبل دا ياربي اكون الزمن داك وين ..

إنت دحين هاشم دا مُو ود جعفر ود المامور ؟؟؟.

لقد تمّ رشكم في الأسواق وأماكن بيع الموية.
والله صحي...

Quote: إنت دحين هاشم دا مُو ود جعفر ود المامور ؟؟؟.

المقصود في هذه " الحكوة النجرة " هاشم الخضر الحلاج .. أحد اعضاء جماعة انصار السنة وداعيـة معروف بعطبرة وضواحيها.. وكان من اللذين يقيمون الندوات بالشجرة الشهيــرة جوار بنك العمال الحالي " البارات " سابقاً ..

ثم عليك الله عاين لكلام الزول الكضاب دا .. قال زار كنور وبيعرفها وهي تقع " غرب عطبرة "
الزول دا " بيربق " ساي يا ود المدير.. وكترت الورجغة والربقيبة بتجيب الكضب والكلام الماعندو سند..

اها نحن دايرين اسم شيخ كنور او الفكي بتاعها القالوا مولانا دا..

امانة ما الكنارة مدورين فيهو هسع وشغالنو..

Quote: امانة ما الكنارة مدورين فيهو هسع وشغالنو..

غايتو نصيحتي ليهو،
ما يمشي كنور تاني، وما يفكر زاتو.
والله صحي...

Quote: قال فكي كنور قال كنور ذاتها مافيها فكي او شيخ .. غايتو الليلة يا محمد مصطفي تبلع جنس بلع .. والله صحي ..!

حسب التاريخ يا ود الزين اتبرا دي فيها حاج الريّح، وتمّ إنشاء مبنى تلفزيون
عطبرة في بيانو (بيانو يعني مكان بيّن، وليس مِزمار الشيطان). بعد دآك تجي
لحِلة الفلآليت (ناس السيالة)، وديل عندهم الفكي ود فلآتي حيث المقابر الشهيرة
بإسمه وسِتِي نفيسة في الكريماب . أها، وتمشي شمال ناس كنور عندهم
عبد المعروف صاحب التيس المشهور وهنالك مقابر بإسمه أيضاً.
كنور كان من أشهر أهلها الله يرحمو ود طلب، وود طلب كان (Chiropractor)،
يعني بصير. خلآف كدي تنهر شمال لآ عِن حد الرباطاب ما في ولي، غير
عندنا بالغرب جيهة ود الفكي علي وكدباس ناس الشيخ الجعلي، لكن شيخي
محمد مصطفى قال مشى كنور، يبقى شافلوا شيتاً نحن ما شفناهو ؟؟؟
دحين لا تسبق الحوادث...

Quote: السلام عليكم ورحمة الله وبركاته.. رأيت فيديو للشيخ يتحدث فيه عن عقائد الصوفية في ام طلحة المناقل وجات على لسانه قصة عن كنور وشيخ كنور الذي قيل انه يقلب الجدادة بعشوم او ما شابه وقد رواها على لسان الاخ هاشم .. القصة اولاً عارية من الصحة وكنور ليس بها مشايخ او فكي او فقراء كما يقول الشيخ ثم ان كنور لا تقع غرب عطبرة لذا اذا زارها فمؤكد انه يعرفها.. واخيرا لماذا يختلق وينجر الشيخ قصص ومزاعم ليست صحيحة وهو يعلم ان تكذيبها بالسهولة من مكان ما .. الا يعلم ان الدعوة المبنية على النجر والاختلاق لا تغادر مكانها اتمنى ان يبادر محمد مصطفي للاعتذار لاهالي كنور عن هذه الفرية المنجورة البلقاء وشكرا لكم

السابقة رسالة ارسلتها للشيخ محمد عبد القادر على ايميله بموقعه الخاص.. ونشوف يرد ام لا..

Quote: صاحب المقطع المسئ لكنور : صاحب المقطع هذا، متخصص استهزاء واستهتار بالناس، وهذا مخالف، لتعاليم الإسلام، وهو ممثل سابق، تعود على أضحاك الناس، بالإستهتار على خلق الله، وقد يجره ذلك إلى التأليف، وهو صاحب اللازمة المعروفة (والله صحي)، يكثر الحلف، وهذا منهي عنه في الشرع، ومن الناحية النفسية لتأكده من كذبه فهو يكثر الحلف والقسم، يتناول في المقطع الموجود على اليوتوب، وتجدونه في دردشة كنارية نشره " حيدر الزين". يفترئ هذا الأفاك، بأن هنالك قرية (اسمها كنور)، وفيها ( شيخ) يقال عنه ( أنه يقلب الجدادة بعشوم)، وهذا في حد ذاته كذب لأننا لا نستعمل كلمة (بعشوم) بل نقول ( كراي) للذئب، ويورد على لسان هاشم الحلاج، الذي يصوره كأنه نبي بعث فينا، بعد أن يشير قائلاً ( قرية اسمها كنور (غرب ) وليس شمال عطبرة ) ويردف قائلا ( ناس ساكت)، ثم يواصل عندما ظهر هاشم وقال لهم ( أن هذا الشيخ دجال)، قالوا له ( أنت شعوعي)، ويضيف ( هم ناس ساكت ما بيعرفوا الشيوعي)، وأيها الأفاك نحن لا نعرف الشيوعي فحسب بل كنا قيادات فيها ، ومناشرها تطبع عندنا منذ الستينات، أيها الشيوعي السابق، ثم يواصل إفكه بأن الشيخ أوعده ( يقصد هاشم الحلاج)، بأنه سيهلك بعد ستة شهور، ثم يقول " انتهت الشهور الستة وهو بصحة جيدة ، (ونزلة ساكت ما جاتو)، ويقول ( هم ناس ما عارفين سجم رمادن ) وبعد ذلك يقول ( ولم يقتنع هؤلاء الناس، ويتركوا الشيخ لكذبه بل قالوا لهاشم ، أن عينك الشمال أصبحت أصغر من اليمين)، وهنا يضج الحضور بالضحك، أقول لك أيها المشآئن بنميم،بأننا لسنا لدينا هذا الشيخ ، ولو كان لدينا شيخ دجال لكان مبرزاً في دجله، ولهلك هاشم في لحظته، كشآن أهل المنطقة المبرزين في جميع مجالاتهم. ومن هنا نناشد حكومتنا المصغرة منظمة كنور الخيرية، بانتزاع اعتذار رسمي من جماعته التي تأويه وإلا بيننا وبينه المحاكم، والفيديو منشور على اليوتوب ، وهو أكبر دليل. الأخوة المحامون بالمنطقة، لقد سمعنا آذاً كثيراً، فردوا كرامتنا، أكرمكم الله. التجاني عوض الكريم العربي

عارف يا ود المدير..

Quote: أها، وتمشي شمال ناس كنور عندهم عبد المعروف صاحب التيس المشهور وهنالك مقابر بإسمه أيضاً.

عبد المعروف دا ربنا يرحمه غادر الفانية دي قبال عمك خضر الحلاج يعرس بت ام السيد .. يعني من الاستحالة يكون هو الداير يقلب هاشم جدادة..
وعبد المعروف كان فيما مضي مشهور بالصلاح والتقوى وما سمعنا بيهو بتاع محايات والا بخرات والا زول كراكيب..وعموم كنور مافيها جنس الدجالين ديل..
كنور دي لو تسأل اهلها عن الزول البيعتقدو فيهو بتلقي كبارهم كلهم يقلوا ليك الشيخ الجعلي شيخ كدباس.. والا سيدي الحسن لحاق البعيدة :)

بعدين ود طلب دا كان زول مريش ومدفق قروش ساااااي يحمد سيدو كعروف في كنور وعموم السودان .. اما شيخك محمد مصطفي دا ما شاف في كنور شئ لكن بيشوف قريبات دي شعاع شعاع .. والله صحي ..!!


ـــــــــــــــــــــــــــ..
انت نسيت في الداخلة ود نوواوي .. ونسيت في خليوة فكي الدبوراب السُكي

والله اجمل حاجة فى الفيديو نمرة 2 , الود بتاع الموية .
ياخى الود ده رصيد مستقلبى للقوى الاشتراكية فى الدوائر الجغرافية .
يبيع فى مويته ويتعرض للهرش الوهابى السلفى , وداير يناقش كمان الشيخ ويقنعه .
بالله يا استاذ معاوية لو فى طريقة تلفون او عنوان للود ده , عشان اشوف ليهو شغلانة كويسة فى السودان الجديد .
طق حنك وشياطين واركان نقاش ومناظرات وندوات , الناس ما عندها شغلة بـ ده كله الناس عايزة تعيش مستورة .
يا وديا بتاع الموية اى زول يقل ادبو معاك لبسو الجركانة فى راسو .

Quote: بعدين ود طلب دا كان زول مريش ومدفق قروش ساااااي يحمد سيدو كعروف في كنور وعموم السودان .. اما شيخك محمد مصطفي دا ما شاف في كنور شئ لكن بيشوف قريبات دي شعاع شعاع .. والله صحي ..!! ـــــــــــــــــــــــــــ.. انت نسيت في الداخلة ود نوواوي .. ونسيت في خليوة فكي الدبوراب السُكي

نعم ود طلب كان أحد أغنى أغنياء السودان، وكان معاهو من الكريماب محمد علي الزبير،
وأيضاً في كنور كان عبد الله الفكي محمود. يا حيدر قرا معانا في الأهلية المصرية ابراهيم
عبد الله الفكي محمود، أكاد أجزم من ربنا خلقني ما شُفتَ إنسان مُهذّب زي هذا الإبراهيم.
رغم إننا كنا في مرحلة الشباب وكنا نقرا في مدرسة مخطلطة، إلآ أنّ إبراهيم هذا كان
هو التهذيب يمشي بيننا. له التحايا النواضر.
شيخي محمد مصطفى الله يمرقوا منكم.

شكراً ذكرتني ما نسيت. فعلاً ود نواوي ما زال يتمتع بمكانة مرموقة في هذا المضمار
حيث توارث أهله السجادة. أهلنا ناس السبكي والتوم عثمان نحسبهم من الصالحين
ما زرتهم إلا ووجدتهم يتذاكرون العلم أو يتلون آي الذكر الحكيم.
عندنا في السيالة وآحداً مطرطش إسمو بابكر ود عبد الوهاب، أبوه نحسبه من أهل
الصلآح بلغني الخبر أنه قد فارق الزايلة قبل فترة ليست بالبعيدة، نسأل الله له الرحمة
والمغفرة. أها، عبد الوهاب دا، بابكر ولدوا بتاع خُزُعبُلآت ساااااكت. والله صحي...

الغريبة غنوة صلاح بن البادية أحلى الكلآم لغة العيون،
أقدم من إذاعة الكوثر، ومدحة يا ليلة ليلك مالوا أقدم
من لغة العيون وإذاعة الكوثر زاتا !!!...

ياخي الزول دا فنان كوميدي!!
بس المشكلة انو دي الخطة ب. هتك النسيج الاجتماعي السوداني الشمالي!!
السوداني بلد صوفي واسلام الامة السودانية يعود الفضل فيه علي شيوخ الطرق الصوفية!! ومهما كان دواعي هذا الكوميدي فانه
مثله مثل كل من استجلب افكار ومفاهيم من خارج البوتقة السودانية الاصيلة..
قبل الانفصال ما كان يسمح للمسيحين مثل هذه المناظرات او الدعوة الجهورة. ولذلك كان لا بد من ذهاب الجنوب الجنوب اولا من ثم
هتك النسيج الاجتماعي السوداني ولا اعلم ماذا سيكون حصيلة هذه السيناريو.
فهل من زرقاء يمامة السودان الشمالي؟
ثم ماذا بعد ان فشل هذا المشروع الجديد؟ مزيد من التمزق ومحاولة استنباض واستناج نفس الازمة, ويا ساقية دوري!!

يا ود المدير
والله الزول دا كلاموا حلو شديد بموتنى بالضحك ياخى دا راجل نكتة
والله صحى


اسمع العشرة الف دولار قالوا بتصل متين ههههههه
غايتوا محمد الصائم ليوم اليلة حارس Iph 5

Quote: والله اجمل حاجة فى الفيديو نمرة 2 , الود بتاع الموية . ياخى الود ده رصيد مستقلبى للقوى الاشتراكية فى الدوائر الجغرافية . يبيع فى مويته ويتعرض للهرش الوهابى السلفى , وداير يناقش كمان الشيخ ويقنعه . بالله يا استاذ معاوية لو فى طريقة تلفون او عنوان للود ده , عشان اشوف ليهو شغلانة كويسة فى السودان الجديد . طق حنك وشياطين واركان نقاش ومناظرات وندوات , الناس ما عندها شغلة بـ ده كله الناس عايزة تعيش مستورة . يا وديا بتاع الموية اى زول يقل ادبو معاك لبسو الجركانة فى راسو .

سلآمات يا شاهين.
الغريبة شيخي دا مشى لبتاع الموية في مكانه. طبيعي جداً بتاع الموية لآمن يلقى
جمهرة في السوق بيستغلها للترويج لبضاعته، وإذا إفترضنا جدلاً أنّ شيخنا له
بضاعة يقوم بالترويج لها نجد أنّ طريقة العرض إختلفت، بتاع الموية قام بعرض
بضاعته بطريقة إجتهد في أن تكون مستوفاه للشروط التي تجعل الزبون يقبل عليها،
فهل عرض شيخنا بضاعته بنفس الطريقة ؟؟؟.
أولاً قبل كل شئ شيخنا دا كفحلوا كوز موية ماااااكن، الله أعلم يكون دفع تمنوا
واللآ لا ؟؟؟، والطريقة الشرِب بيها الموية مخالفة للسُنّة والسِنّة معاً.
ثانياً، تحديداً المقطع في الفيديو الذي هاجم فيه بتاع الموية فيهو تناقض عجيب
حيث قطع حديثه في نقطة حساسة ليهاجم بتاع الموية بطريقة تتناقض مع حديثه
تحديداً في هذا الجزء من الفيديو حيث كان يشير لحديث نبوي قائلاً، (بحسب
امرئ من الشر أن يحقر أخاه المسلم، كل المسلم على المسلم حرام، دمه وماله
وعرضه ) الموية دي....إلخ. طريقة الحديث فيها إحتقار لبتاع الموية، وبتاع
الموية زاتو ساعي لكسب المال، بعدين بيع الموية زاتو لا فيهو دق طبل لا
كشكوش، شيخنا دا وكت الزول بتاع الموية دا لقالوا فرقة يسويلوا قرشين في
المسرح بتاعوا دا ما يحمد ربنا. غايتو جنس مِحن!!!...

Quote: شوف في الدقيقة 6 من الفيديو الشياطين بتعمل شنو ؟؟؟.

نان تنقزوا ..تنقزوا ..يا ود المديــر ماكن عارفيــن الرافعكم من تحت شنو .. والله صحي ..|!
هسع بكلام الزويــل دا تتلقي الشيــطان الرافع ود قريب الله ضراعو طولها متر..والله صحي ..!!






بالله دا اسلوب دا..دا اسلوب زول يقيف قدام الناس ويقول انا بدعو لله وهو شغال دجل وكضب وبهتيبة ..قال يهزوهم من تحت لافوق وخاتي يدو بحركة بتاع الموية النهروا وقهروا دا ما يعملها..
الشئ الزول دا شنو البذاءة العليهو دي؟؟
كضب وبذاءة وقلة ادب.. على النعمة في محلو هشام هباني يبقي داعية احسن ملاهو..والله صحي ..!

العيــد يتبارك عليك يا ام مؤيد وكل عام وانت بخير..

Quote: Ummoayad Moayad · الأكثر تعليقا خليوة .. الداخلة .. السيالة . الدرجة امبكول . معظم صديقاتي من عطبرة بنات فنجريات كنت بستغرب من ثقتهن في انفسهن لدرجة بعيدة بالرغم من البساطة واغلبهن بنات موظفين وعمال سكة حديد. بس والله كانو نفسهم عزيزة بصورة غريبة الواحدة ممكن تغيب يوم واحد من الجامعة وتجيك تاني يوم مشحونة طاقة عجيبة وفرحانة لين البشر يبق من عيونا وبكل بساطة تقول ليك كنت امبارح في عطبرة وجيت الليلة الصباح . سركم غريب يا ناس عطبرة .

Quote: ياخي الزول دا فنان كوميدي!! بس المشكلة انو دي الخطة ب. هتك النسيج الاجتماعي السوداني الشمالي!! السوداني بلد صوفي واسلام الامة السودانية يعود الفضل فيه علي شيوخ الطرق الصوفية!! ومهما كان دواعي هذا الكوميدي فانه مثله مثل كل من استجلب افكار ومفاهيم من خارج البوتقة السودانية الاصيلة.. قبل الانفصال ما كان يسمح للمسيحين مثل هذه المناظرات او الدعوة الجهورة. ولذلك كان لا بد من ذهاب الجنوب الجنوب اولا من ثم هتك النسيج الاجتماعي السوداني ولا اعلم ماذا سيكون حصيلة هذه السيناريو. فهل من زرقاء يمامة السودان الشمالي؟ ثم ماذا بعد ان فشل هذا المشروع الجديد؟ مزيد من التمزق ومحاولة استنباض واستناج نفس الازمة, ويا ساقية دوري!!

سلآمات البينو.

ما في شك أنه رجل كوميدي.
هتك النسيج السوداني مخطط تمّ وضعه قبل إستلآم السلطة، وأهمّ بند فيه خلق العطالة في
وسط الشباب الذي تمثل في الكم الهائل من الجامعات التي ظلت تخرّج الشباب بالألآف
إلي الشارع، بس علآمَ التباكي أخي ؟؟؟. أليس في مقدورنا أن ننهض مرهً أُخرى ؟؟؟.
نعم تمّ إنفصال حدودي، فهل تمّ إنفصال وجداني ؟؟؟. رتق النسيج هو واجبنا، والنهوض
بمجتمعنا سيظل هو التحدي الذي يواجهنا.
لك كامل مودتي أخي الحبيب البينو ...

Quote: يا ود المدير والله الزول دا كلاموا حلو شديد بموتنى بالضحك ياخى دا راجل نكتة والله صحى اسمع العشرة الف دولار قالوا بتصل متين ههههههه غايتوا محمد الصائم ليوم اليلة حارس Iph 5

سلآمات يا وضاحة.

شيخنا محمد مصطفى دا محبوب الجميع، عدا حيدر الزين.
والله صحي.

موضوع الدولآرات دا إنت بالزآت لا تجيبي سيرتو.
عليك الله لا تخربي علينا...

Quote: خليوة .. الداخلة .. السيالة . الدرجة امبكول . معظم صديقاتي من عطبرة بنات فنجريات كنت بستغرب من ثقتهن في انفسهن لدرجة بعيدة بالرغم من البساطة واغلبهن بنات موظفين وعمال سكة حديد. بس والله كانو نفسهم عزيزة بصورة غريبة الواحدة ممكن تغيب يوم واحد من الجامعة وتجيك تاني يوم مشحونة طاقة عجيبة وفرحانة لين البشر يبق من عيونا وبكل بساطة تقول ليك كنت امبارح في عطبرة وجيت الليلة الصباح . سركم غريب يا ناس عطبرة .

أُم مؤيد،
يديك العافية وربنا يحفظ ليك مؤيد.

عطبرة نتحدث عنها دوماً، ونرجع كأننا لم نقل شئ، هي حُبنا
الذي ملك شغاف قلوبنا كتبنا عنها كثيراً في هذا الموقع لكننا
لم نوفها ولو النذر القليل من حقها. صدقيني لو فتحنا الحديث
عنها لم ولن ينتهي وسنعود كأننا لم نقل شئ.

لك كامل إحترامي وتقديري...