Post: #1
Title: دعما للثورة والثوار .. كل ابن قرية لقريته وكل ابن مدينة لمدينته.. بالمال والفكر
Author: احمد الدسكو
Date: 10-20-2013, 09:22 PM
اندلعت الشرارة والتهبت الميادين
والجميع يعرف صعوبة النضال وبطش السلطان
نبحث عن الحلول العملية والكيفية..حتى نضمن الاستمرارية
في تقديري يمكن ان يكون الحل بسيط جدا ..خاصة بالنسبة للمغتربين
الحاملين الراية من على البعد وقابضين على جمر القضية رغم بعد المسافة
ممكن اي مغترب مننا يدعم الثورة دعم بسيط لكن كبير في معناه وقيمته
بتفرق شنو لو اي واحد رفع سماعة التلفون ودعم اهل قريته بس ب100 دولار
بتفرق شنو لو اي واحد مننا بمكالمة دعم اهل مدينته ب100% دولار
المائة فوق للمائة بتعمل ملايين.
اكيد اي قرية سودانية فيها مغترب او اتنين الا ما ندر
اكيد اي مدينة سودانية عندها على الاقل عشرة مغتربين
قدم الدعم بالمال والفكر .. ما ترسل القروش وخلاص
لا .. ناقش و وجه.. ..قول ليهم انا من راي تعملو كذا وكذا
ما بالضرورة نقاشك يكون بالتلفون او الموبايل
حفاظا على سلامتهم ممكن تناقشهم بالاسكاي بي او الفيس بووك
اكيد في قريتك او مدينتك في ثوار يهدوا الجبل
ما مشكوك فيهم او في تبعيتهم للكيزان
خليك متواصل مع الزي ديل
تحسبا لاي اختراق
اكيد ناس بيتكم بعرفو شاب او شابين ممكن يوصلو ليهم المبلغ اذا لقيت صعوبة في الوصول ممكن
توصل المبلغ عن طريقهم بدون خوف من امنجية البشير
ال100 دولار دي ممكن تتعمل بيها حاجات كتيرة
لافتات
ورق
بهية
كمامات طبية
قوارير مياه
اقلام شيني او خط
بخاخ البهية على الجدران spray paint
اعلام مختلفه ..علم السودان او علم ثورة 23 سبتمبر او علم الاستقلال مثلا
ايد على ايد بتجدع بعيد
والثورة لسه ما ماتت
الوحش يقتل ثائر والارض تنبت الف ثائر
|
Post: #2
Title: Re: دعما للثورة والثوار .. كل ابن قرية لقريته وكل ابن مدينة لمدينته.. بالمال والفكر
Author: احمد الدسكو
Date: 10-20-2013, 09:33 PM
Parent: #1
الثورة تحتاج لجميع
عندما شعر بن الويد رضى الله عنه بضعف جيشه في غزوة مؤته
قال لهم قولته الشهيرة
كل ابناء اب لابيهم وكل ابناء عم لعمومتهم وكل ابناء عشيرة لعشيرتهم
حتى يزيد الواذع الشخصي في دواخلهم ويبث الحماس فيهم بعد الشعور بالهزمية الذي انتابهم
عندما قتل ثلاث ######## للجيش ان ذاك .
فالتكن لنا عظة وعبرة
|
Post: #3
Title: Re: دعما للثورة والثوار .. كل ابن قرية لقريته وكل ابن مدينة لمدينته.. بالمال والفكر
Author: احمد الدسكو
Date: 10-20-2013, 09:36 PM
Parent: #2
تطليع القرش الزمن دا عارفنو صعب
والثقة في الناس اصبحت قليلة
يعني الكثيرين حا يفكرو في انو ما في ضمان الفلوس توصل اذا قلنا اعملو تبرعات
زيما الناس كتبت هنا كتير
لكن قرشك حا يوصل للثورة عن طريق اهلك
ف هل انت ما بتثق في اهلك ..؟
يلا ننصر 23 سبتمبر بالبسيط بس
|
Post: #4
Title: Re: دعما للثورة والثوار .. كل ابن قرية لقريته وكل ابن مدينة لمدينته.. بالمال والفكر
Author: احمد الدسكو
Date: 10-20-2013, 09:39 PM
Parent: #3
لو قلنا نسلم الفلوس للثوار
حا نحتار توصلهم كيف
لكن بالطريقه دي ممكن توصل وتعمل حاجه
يلا ندعم وننصر بلد بتنادينا ..
|
Post: #5
Title: Re: دعما للثورة والثوار .. كل ابن قرية لقريته وكل ابن مدينة لمدينته.. بالمال والفكر
Author: احمد الدسكو
Date: 10-21-2013, 00:05 AM
Parent: #4
فوق
|
|