فيما يخص كاريكاتير عمر دفع الله كلام الطير في الباقير:)

بالغت غايتو :)

الشجرة ليست ظليلة بما يكفي للوقوف تحتها، وهي بتلك الحالة ضررها أكتر من نفعها..

والزول المسكين الواقف تحتها ده يا إما يقلع الفرع داك يرميهو عشان يستظل بما تبقى من ظل الشجرة..

يا يشيل ليهو حجر يجدعو بيها ويخليها تمشي ترك ليها في محل تاني بعيد عنو..

أو كمان هو يزح من محلو ويخلي ليها المحل ويخلي ليها تلك الشجرة الخربة ..

في خيارات تاني ؟؟

انت عارف السودانيين ديل حتى النكتة بقعدوا يحكوا فيها لمن تجيب الدم..

واحد صاحبي هنا بسألني : طيب الفراخ أو السواسيو وين ـ ليه ما ظاهرين في الصورة ؟؟

قلتا لي ما عارف لكن أكيد بكونوا راكين ليهم في فرع تاني عشان يحموا الزول الغلبان ده ما يحاول يتسلق الشجرة :)


دي ما رسمة ناس نصاح يا عمر..

Quote: يمين دى اكتر رسوم عمر تعبيراً عن واقعنا المرير وواقع الامام الاكثر ايلاما ان كان هناك ثمه نقد و مناصحه يجب ان يوجها للسيد الامام لا للسيد عمر ينبغى للامام ان يبلور رايا قاطعا فى الانقاذ يخرج به لشعبه ~~كراع فى الطوف و كراع فى المركب دى ما بتنفع

صحيح يا حبيب الرسمة معبرة للغاية و موحية جداً، وتفتح باب التنكيت والتندر على مصراعيه على الحالة التي آل إليها ما كان يوصف فيما مضى بأكبر الأحزاب السياسية في السودان

عمر بريشته لما الكلام كلو في الرسمة دي ..

وكل تفصيلة من رسمته لو مسكتها ممكن تطلع منها حكاوي ..

We 're fed up

قرفنا..

الشعب السوداني أصيب بالقرف من "عمايل" الساسة السودانيين

حلو عن سمانا خلاص كفانا