Post: #1
Title: مقاطع باقية ...
Author: عبير خيرى
Date: 10-17-2013, 05:11 PM
.
(1)
يوم لاقيت عيونك صافية
زي خيط الصباح في النيل
شايلة من الفرح لمحة
وشايلة من الحنين إلفة
وشايلة من الجمال إكليل
لقيت نبضاتي جارية عليك
سايقة الدمعة تترجاك
وتتوسل لقاك بالحيل
انا الرايح وكايس للدرب اوصل
وانا الهايم وكايس في رحابها مقيل
اتاريهم بكان راحتي
وبعد طول السفر واحتي
واتاريهم بكان سلواي
بعد طول العذاب والويل
ياتو صباح بلاك بضحك
وياتو فرح بلاك بنتم
وياتو سحاب بلاك حيشيل
انا الهدّاني بعدك ضّم
واصبح دمعي مر علقم
وطاري جفاك هدّ الحيل
|
Post: #2
Title: Re: مقاطع باقية ...
Author: ABUHUSSEIN
Date: 10-17-2013, 08:37 PM
Parent: #1
كل سنة و إنتي طيبة ....
|
|