السَيِد/ رئيس الجالية السودانِية بِصِفَتِهِ - قطر.. المُحْترم

على ضَوء إحِتِفال المركز الثقافي السوداني - الدَوحة (الأربِعاء 16 إكْتوبر 2013م/6 مساء)

طَيِب أكان رئيس جاليتنا المُحْترم جِدًا (وهو صديق عزيز بس أنا بتكلم عن صِفة بِصوتي ألْبستهُ إياه) أكان يجي بِصِفتو الأولى.. صِفة الزول السوداني أب جلابِية وتوب وسِرْوال ومركوب، وبعدين أنا عاوِز رئيسي (رئيس الجالية) يِكون بِعبِر عني أنا ده عزام فرح، والبِعبِر عني فَحْواهو [حبوا الوطن] وأن لا يعلو فَوْق السودان إلا الله تعالى، وإذا لم يُعبِر عني -أي رئيس الجالية- سَوف أُصَوِت لِغَيْرِهِ في أول إنْتِخابات قادِمة وأسعى ما إسْتطِعت لإسْقاطِهِ هو ومَن ينْهِج منهجهُ الذي يجعل مِنا ربْطه شوك..

أن لا تُحِب البشير أو نافِع أو الذي يُدافِع عن أجواء السودان بِالنظر، أن لا تُحِب فرْفور أو الحَمَري، فهذا شأنُك أنت عزيزي رئيس الجالية لا يُلْزِمُني أنا عزام فرح*، وتسحب علي ما تعتقِده أنت وتقول بِهِ يا رئيس الجالية وأعْضاءِها، بل المفروض هو العكس، أن تُعبِر عننا نحنُ الذين ألْبسناك قميص الرئاسة/المسؤولِية، وإذا إردت أن تهِد فينا ما تعْتقِدهُ وتجعل مِنا -أي نحن الذين أتوا للإحْتِفال وما هُم بِمؤتمر وطني أو بِكيزان- جِسر تعبُر بِهِ لِشط آمالِك وأشْواقِك، فلنا -تِـتْـخَـيـل- آمال وأشواقٌ أيْضًا مثْلكُم (مِثْلكُم = رئيس الجالِية المُنْتخب + الأعضاء المُنْتخِبون).



ــــــــــــــــــــــــــــــــــــــــــــ
* عزام فرح = أغلب السودانِيين بِقطر
- السودانيين في قطر = 000ر30 سوداني/سودانِية
- الجالية السـودانـيـة = 000ر03 (أقل/أكثر) سوداني/سودانِية (حسب قوائِم آخِر إنْتِخابات جرت)

الفِكرة بسيطة جِدًا-وده الكلام القُلْتو لِرئيس الجالية السودانية في إحتِفال الجالية أول يوم العيد في نادي الغزال- الفِكرة أنه لا يوجد في الأرض فراغ، إذا ذهبت أتى مَن شغَل البكان، وإذا تركنا السودان لِلكيزان، ثُم تركنا المركز الثقافي لِلكيزان، سَوف يسْتغِلون فراغاتِنا ويتحكرون، هل هذا ما تريدون! لِذا أقول: أن التواجُد في المركز الثقافي السوداني ضروري، أن نسْتغِل كُل إمكانِيات المركز المجانِية واجِب.

1- يا عزام بن فرح خليت الناس الساكت متلي كي بقيت تداوس ناس الحيكومة؟ هوي يا زول ألمي حامي ولا لعب قعونج.
2- أنا حأكلم الزول الما بعرفو دا يعمل ليك خروج نهائي عشان تجينا هنا في بلد الضباب تبرِّد ليك السخانة الطايرة ليك في راسك دي شوية. درجة الحرارة عندنا بين 6-11 درجة مئوية.
3- ما تزعل عاوز أهظر معاك عشان ما يطق ليك عرق في نافوخك.
[email protected] Email:
Skype: cantona_1
Tel: +447404970247
تحياتي
كبـّاشي الصـّـافي
(العوج راي والعديل راي)

* عزام فرح = أغلب السودانِيين بِقطر

؟؟؟؟

كبـّاشي الصـّـافي
كيف حالك؟ علك طَيِب.. تعود الأيام

الواحِد بعد تخبِتوهو في نافوخو ويُطُق ليهو عِرِق أو يكاد.. تقولو ليهو: [بهظِر] ده هِظارك أها ضربك كيفِنو عاد يا اللخدر الليموني؟!

حبيبنا عزام
حمد الله علي السلامة و عودا حميدا مستطاب
رئيس جاليتك ده عشان كده فشل تماما في ان يجمع عدد 100 شخص
لاي مناسبة لانه سلك طريق المتنوضلين الكيبورديين

Quote: في إحتِفال الجالية أول يوم العيد في نادي الغزال-

- المعايدة تنظمها (المجموعة السودانية) وليس الجالية واشرفت عليها لجنة تضم- على سبيل المثال لا الحصر - كمبورة - اسامة حمور - عوض حامد- عواطف حسين - نجلاء كمال - نجلاء قرافي - اسعد المغربي - اشرف
- صاحب الفكرة منذ عام 1993 هو الاستاذ عبد المنعم المكي

المؤتمرجي طمبلاوي (شايت) ضفاري :

Quote: حمد الله علي السلامة و عودا حميدا مستطاب رئيس جاليتك ده عشان كده فشل تماما في ان يجمع عدد 100 شخص لاي مناسبة لانه سلك طريق المتنوضلين الكيبورديين

..................................................................

وانت سلكت طريق المؤتمرجية الانتهازية

Faisal Al Zubeir

Quote: - المعايدة تنظمها (المجموعة السودانية) وليس الجالية واشرفت عليها لجنة تضم- على سبيل المثال لا الحصر - كمبورة - اسامة حمور - عوض حامد- عواطف حسين - نجلاء كمال - نجلاء قرافي - اسعد المغربي - اشرف - صاحب الفكرة منذ عام 1993 هو الاستاذ عبد المنعم المكي

ياخ ما تقراني صاح.. لأن [فهم العمود كُل المُداخلة] أنا كتبت كَعِنْوان:

Quote: السَيِد/ رئيس الجالية السودانِية بِصِفَتِهِ - قطر.. المُحْترم

وفي المتن كتبت:

Quote: أكان يجي بِصِفتو الأولى.. صِفة الزول السوداني أب جلابِية وتوب وسِرْوال ومركوب

وبعدين يا فَيْصل يا خوي إنت بتضحك علي ولا على القُراء ولا على ناس الدَوحة.. ما يُسمى بِالمجموعة السودانِية دي جِسم مُكاواه لِلمركز الثقافي السوداني وللسفير شخصِيًا وعمنا عبدالمُنعِم مكي (شفاه الله تعالى) لامِن نحت ها الجِسم أكان سببو عدم وجود بكان يجمع السودانيين في المُناسبات الدَورِية وبدأ في الحقيقة تجمُع صَفَوي جِدًا (أنا مُعاصِر ما حكو لي يا خوي مِتل ما حكو ليكُم) حتى نادي الغزال ده أكان في زمنو نادي خاص ولِطبقة إسْكيل ONE للشخصِيات المُهِمة (VIP) ورجْرجه الدَوحة ودهماءها ما كانت لِتجرأ وتفكِر مُجرد تفكير حتى لو كان خيالا -أي الرجرجه والدهماء- واسِع ومُبْدِع، ما كانت تتجرأ وتمشي تعَيِد على البشرِية في نادي الغزال.. ما علينا.. الفِكرة ما كانت مُسَيسه، بس إنتو مُعارِضي الأسافير سَيستو كُل حاجة.. حتى فرحه العيد هيله الأطفال قُمْتو سيستوها (السفير جاي ليه/السفير ينْضُم ليه/ما عزمونا ليه/نخُد يدنا في يد ممثِل لِحكومة قاتِلة... لييييه... إلخ)، أنا جيت نادي الغزال (اليوم الأول) وعيدَت على البشر وإتْقالدنا وضحكنا ما ناضمنا لا في التُرابي سوا ولا نافِع إنْضرب بِبرطوش وجيت حَتّي للمركز الثقافي السوداني (اليوم التاني) وسلمت على السفير زي العجب، ولو كُنْت شعرت إنو -أي السفير- هَمْ بِمُقالدتني حرّم كُنت قالدتو مُقالده مُشْتاق لِمُشْتاق.. مُش ده برضو إنتو بتْسموهو [على المُسْتوى الشخصي ما فوقا حاجة].

على كُل حال، بِالصُدفة قابلت أمْبارِح (الخميس 17 إكْتوبر-تالت العيد) السَيِد/ رئيس الجالية المُحْترم، في منزل السفير التِنَي، وأوضح لي وجهة نظرو في عدم حضورِهِ بعد ما فتحت ليهو أنا مَوضوع عمودي ده الما كان عِنْدو فِكرة عنو، المُهِم ما إتفقت معاهو بس إحْترمتها.

الاخ عزام
سلام


هل السيد رئيس الجاليه عضو معانا بقدر يرد يا رب !!!!!!!!!؟


من هنا نسال السيد اوباما هل يقدر يجى يحضر عرسنا ؟

التعديل لاضافه التحيه

الأخ عزام .. تحياتى ..
أفيدك بأن رئيس الجاليه لا علم له بتاريخ المعايده ولم تتم دعوته من قبل إدارة المركز الثقافى .
من اللباقه والذوق والتقدير أن يتم إخطار رئيس الجاليه بمثل هذه الفعاليات فهو رئيس للجاليه
ومن باب أولى أن تتم دعوته مثله ومثل السفير .
ومعايدة نادى الغزال لا علاقه لها بالمكتب التنفيذى للجاليه وهى معايدة مفتوحه لكل السودانيين
وليست صفويه أو مخصصه لل(vip ) كما ذكرت .. مجموعه من السودانيين الأحرار الذين قرروا
أن لاتجمعهم بالمؤتمر الوطنى أى مناسبه وفرزوا إحتفالاتهم ومناسباتهم بعيدا عن هذا النظام ورموزه .
هذه هى الحقيقه بكل وضوح يا عزام وإلى أن يزول هذا النظام وتدك حصونه لن يجمعنا أى شئ مع
هؤلاء القتله الذين سفكوا دماء أبنائنا حينما خرجوا عزلا فى مظاهرات سلميه .. هذا النظام الذى مازال
يقصف يطائراته أهلنا فى جنوب كردفان والنيل الأزرق ودارفور . هذا النظام الذى قسم الوطن وشرد أهله
وأفسد الحياة فيه .. مابيننا وبين النظام سالت دماء يا عزام ولن نداهن أو ننافق وسنعلن مواقفنا واضحه
فى وجوههم وحتى المصافحه والمقالده التى ذكرتها فى حدبثك لن يجدوها منا . كيف أصافح من قتل إبنى
ووجه الرصاص إلى صدره ورأسه عمدا .
سفراء النظام ووزراء النظام وأمن النظام لن يجدوا إحتراما من الشعب السودانى بعد اليوم .. ما بيننا صار
القصاص يا عزام .

Quote: ما يُسمى بِالمجموعة السودانِية دي جِسم مُكاواه لِلمركز الثقافي السوداني وللسفير شخصِيًا

سلام عزام

الاحتفال او الاجتماع للمعايدة بنادى الغزال قائمة و نشطة قبل قيام المركز الثقافى - الاول ( سكن الموظفين والأمن) - و الثانى -( الذى يحاول بعض الكتاب شيطنته .)

قبل هذا العام كان الاحتفال فى السفارة و يدعى لها خاصة الخاصة و حتى أن رؤساء بعض الروابط تأتيهم الدعوات _ إن حدث_ عن طريق منتمون لجهة سياسية محددة رغم أن هاتفهم و عنوانهم البريدى مسجل لدى السفارة

قبل هذا السفير , كان السفراء و القنصل يرتادون احتفالية نادى الغزال.
الجديد أن هذا المركز يؤمل أن يكون جامعا .

فلا تدخل فى زمرة الذن يريدون للآخرين أن يبغضوه بتبخيس اى نشاط آخر.

و البعض سماه باسم حزب الحكومة و اعتبر اى نشاط خارجه عداء للحكومة

م. مُعْتصِم الطاهِر
كيف حالك؟ علك طَيِب.. تعود الأيام والقابلا على أُمْنياتك إن شاءالله

تقول:

Quote: فلا تدخل فى زمرة الذن يريدون للآخرين أن يبغضوه بتبخيس اى نشاط آخر.

يا باشمُهنْدِس أنا الحُب والكُره ده ببذِلو لِحريمي القاعدات في البِيوت، وما حريص أبدًا على حُب بِشُروط يِجيني مِن "الآخرين" أنا بقول رأي.. طارِح فِكرة.. أيه دخل التبخيس والحُب والكُره هِنا؟!

البِكون عِنْدو رأي وداسيهو خَوْفًا مِن فُقْدانِهِ حُب الأغيار له تقِيه مِن كُرهٍ يُصيبهُ مِن آخرين، ده زول ضعيف.. إمعه.. أنا بقول رأي بِالتي هي أحسن والناس تقول رأيها في كلامي بِالتي هي أحسن، وقد نتفِق.. وفي كُل الأحوال لا نجعل مِن العواطِف (حب/كره) سَيف مُصلت على رِقاب العلاقات الإنْسانِية، إن قُلْت أحبوني أُناسٌ أو كرهوني أُناسين.. يبدو إنك يا سَيِدي الفاضِل تتحدث عن شخص آخر غَير عزام فرح، فأنا لا أأبه البتة لِمن يُصنِف الرأي تحت بند العواطِف

عزام حسن فرح ،
،،،،

...


أول مـرة أحـس ،
أنـو ســودانــيـزاون لايـن ،
مُــضــاءة فـسـفـوريــاً ،
بـعــودة اللــيــث الـي عـريـنـه ،
شُــكـراً م . بــكـري ،
بـعـودة الحبـيب عـــزام ،
قـلـم حـاد ،
كـمـشـرط الـجــراح ،
،،،
...


.






عزالدين عباس الفحل
ابوظبي
...