هدية الشهيد

االقابض علي جمر الثورة
ما بساوم في حقو ولابيكون
متبضِع ومطاطي لراسو
ومابيتنازل عن دمو يهون
مابيغفر ما بيسامح وإن كان
مليان حنية وشخص حنون
لانو كرامتو سبب حِنيتو
وحبو سبب قوَّتو مرهون
بي وضعاً أحسن من دا الوضع
وبلداً حر،، مالياهُ فنون
مسرح، قصة، أو شعر جميل
أغنية مختلفة وانصاص تون
رقصات متنوعة في الأزياء
ولكل قبيلة شكل و لون

وثقافة ترجِع للسودان
الحال ألكان قبل الإخوان
ألنهبوا وسرقوا بإسم الدين
بل كتلوا وزادوا الناس أحزان
العاثوا فساد في أرض الله
ما مِتلو فساد عبر الأزمان
الشوهوا لنسيجنا الوطني
الخلقوا فوارق بإلامكان
تنسف فكرة بلداً واحد
وتفرِقنا لعُدة بلدان

لكن الشعب السوداني
شعباً واعي شعباً فنان
مُتنبِه وفايق للحاصل
وإن قِلة حيلتو ماخدة مكان
حيغيِر سلطة قمع مقيت
بي ثورة حقيقي حتبقي ضمان
لترابط ولُحمة وطنية
مافيش بيناتنا فلان عِلان
ونحاسب من فسدوا وفسقوا
مابنغفر،،،، والغافر الرحمن .

Rashid Anwar
14/10/2013
Sydney