|
عشنا وشوفنا مع الفنان الكبير ود الأمين
|
عشنا وشوفنا مع الفنان الكبير ود الأمين والله بالرغم من الظروف القاسية الذى يمر به الوطن ود الأمين أجبرنى على الأبتسامة ياشيوخ المنبر رأيكم شنو فى الطرب دا
|
|
|
|
|
|
|
|
Re: عشنا وشوفنا مع الفنان الكبير ود الأمين (Re: جار النبي ابوسكين)
|
اولا الفيديو ده قديم .........
تانيا المشكلة شنو انو فنان يقول تكبيرات العيد......الفنان جزء لا يتجزأ من يوميات المواطن العادي...........
واضح جدا انو الفيديو في قرية و غالبا ما تكون مسقط رأس الفنان القامة ود اللمين.....المشكلة شنو انو يشاركهم فرحة العيد بصوته الجميل...........
| |
|
|
|
|
|
|
Re: عشنا وشوفنا مع الفنان الكبير ود الأمين (Re: Nagat Sid Ahmed Elshiekh)
|
Quote: الفن صار ما بأكل عيش يا أخوي في السودان !! |
الفيديو ده قديم جدا وتم عمل عشرات البوستات هنا بيهو ..
الفيديو في منطقة شمبات (سكن الموسيقار محمد الامين الحالي )
الموسيقار محمد الامين مواقفه القوية الداعية للحرية والديمقراطية يعرفها كل الشعب السوداني
وهو ليس في حوجة للتملق للسلطة ليعيش من وراء ذلك.
تعليق غير موفق منك أستاذة نجاة
| |
|
|
|
|
|
|
Re: عشنا وشوفنا مع الفنان الكبير ود الأمين (Re: Osman Musa)
|
Quote: من قبل 40 سنة ومن ما قمنا ومن شفنا الفنان الموسيقار الفخيم محمد الأمين ربنا يديه العافية دي عاداتو في كل عيد . المشاركة في الأفراح وفي الاتراح . |
تسلم يا عثمان
وكل سنة وانت طيب يا ابوسكين والمتداخلين.
أثناء تواجد الأستاذ للعلاج في 2007، حضر معنا العيد في لندن. أخذته صباح يوم العيد لصلاة العيد في جامع الـ (Islamic Heritage Centre) ومعي البنات "بزي الصلاة الرسمي - الصورة".
عند وصولنا للجامع، قال لي الأستاذ إنه قد تعود على أن يؤدي تكبيرات العيد كل سنة، فلو في طريقة اشوف جماعة الجامع لو بيسمحو ليهو انو يعمل كدا.
وقد كان، لحسن الحظ كان أحد حافظي الأمن بالجامع شاب سوداني، فأخبرته بطلب الأستاذ والشاب ما قصر، على الرغم من ازدحام الجامع الشديد، تمكن من توفير مكان للاستاذ في الصف الأول خلف "المايك" مباشرة. وشرع الاستاذ في أداء التكبيرات بصوته الفخيم، ولكن واجهته مشكلة بسيطة وهي أن القائمين على أمر الجامع كلهم من المغرب، ويؤدون التكبيرة بصورة تختلف عن التكبيرة المستخدمة في السودان فاعتذر الاستاذ من مواصلة الأداء لعدم تمكنه من قراءة النص المطبوع.
عشت صحيحاً معافى يا ابو اللمين
| |
|
|
|
|
|
|
Re: عشنا وشوفنا مع الفنان الكبير ود الأمين (Re: saif basheer)
|
من حق كل إنسان أن يمارس طقوسه وشعائره بالطريقة التي يريد وأن يراعي فقط في ذلك عدم إيذاء الغير أو تسبيب الضرر لهم.
من حق محمد الأمين كإنسان أن يعيش حياته كما يريد ويفعل فيها ما يريد
أستغرب من بعض دعاة الديموقراطية والحضارة وحقوق الإنسان .... لا يطبقون هذه المفاهيم على أنفسهم ولا على رؤيتهم للأمور حولهم ولا يمنحون الآخرين الحق في تطبيق ذلك ....
المشكلة وين حسع في الفيديو دا !!!!
| |
|
|
|
|
|
|
|