الفريق مصطفى عثمان العبيد... رئيس السودان القادم؟

الطرح المقدم من دولتين خليجيتين والذي وافق الامير القطري على الوقوف من خلفه بل والسعي لانجاحه وفقا للمصادر يتضمن عدة مقترحات منها تقديم دعم مالي كبير وتأمين خروج الرئيس البشير وجميع افراد اسرته. وبقية من يود اخراجهم معه, على ان يقوم بتسليم السلطه مؤقتا للفريق مصطفى عثمان العبيد رئيس هيئة اركان الجيش السوداني.

http://sudanmotion.com/index.php/news/games/11113-dr5rf

الخروج الآمن يا بله هو لاهاي، وحده لا شريك له، وإن تأخر خروجه، سوف يلاقي مصير القذافي؛ أما أفراد أسرته وبقية المجرمين سيحضرون من أي مكان، وسيحاكموا على كل جرائمهم وسوف ترجع أموالهم إلى خزينة الدولة..

أبو عمار
المصيبة مافي مخارجتو, المصيبة في القادم المقترح
من هو؟
ولماذا ترشحه 3 دول خليجية؟

ما بنعرفه يا د.بله......لكني واثقه انه (جعلي...ام بنت.....عم..ابوه)!

Quote: الفريق مصطفى عثمان العبيد... رئيس السودان القادم؟

كما.....يقول اللوبي الجعلي الانقاذي.........

فقد اخبرني بذلك....جهابزة اللوبي الجعلي الانقاذي....منذ فتره.

ياتراجي
كدي شوفي الخبر
غير كونه جعلي أو شايقي
الزول دا مرشح من تلاتة دول خليجية
وهنالك سعي للم شمل الحركة الاسلامية
والميرغني والصادق ضمن الحسبة

أليس كل ذلك يدعو للقلق؟

دكتور بله،
سلامات ..

مرحب بأى جعلى أمه بت عم أبوه .. يحكم السودان .. ما دام كفاءة .. لا حجر على الناس على أساس خلفياتهم الأثنية.

..

بريمة

يابريمة
لا يهمني قبيلته الآن
مايهمني هو ألا يتم recycle للحركة الاسلامية وزعامة القدامى من أحزاب بوس اليد.

سلام يا بله اضافة لم قاله ياسر طيفور

((سلام يا بله الخروج الآمن يا بله هو لاهاي، وحده لا شريك له، وإن تأخر خروجه، سوف يلاقي مصير القذافي؛ أما أفراد أسرته وبقية المجرمين سيحضرون من أي مكان، وسيحاكموا على كل جرائمهم وسوف ترجع أموالهم إلى
خزينة الدولة..))


على شباب الانتفاضة والجبهة الثورية الاصرار على إلغاء قوانين الدولة المسماة إسلامية، اولا وقبل كل شيء. هذا وحده الذي يضمن عدم الوقوع في خطايا وأخطاء الماضي في ابريل 1985
والإصرار على تنفيذ كل قرارات مجلس الأمن والمحكمة الجنائية
ياسر

يوم تعيينه رئيسا لهيئة الاركان سألت عنه مجموعة من الاصدقاء ضباط بقوات الشعب المسلحة بالخدمة وبالمعاش اجمعوا علي معلومتين انو زول عسكري كارب ومحترف ومهني والمعلومة الثانية انه كان احد الناجين من حادثة طائرة الشهيد ابراهيم شمس الدين

لو صح ما تقول
فهي مؤامرة أخرى على هذا الشعب الصابر
مشروع دولة إسلامية قادم
معناه مشروع مأكلة جديدة بأسماء اخرى
معناه مزيد من المعاناة
دولة القانون (المؤسسات) وحدها هي العاصم
اذهبوا الى مساجدكم
اعبدوا الله الواحد الأحد
حجوا
صوموا
كونوا إسلاميين حتى الثمالة لا حجر عليكم
فقط
دعوا القانون يحكم
مشروع دولة إسلامية
معناه مزيد من الفشل

Quote: على شباب الانتفاضة والجبهة الثورية الاصرار على إلغاء قوانين الدولة المسماة إسلامية،

اهو ده الغلط زاتو

Quote: وبقية من يود اخراجهم معه

المحاسبة على كل جرائم القتل والسرقة والنهب وكل مخرجات (االتمكين) ,,,واسترداد أموال الشعب السوداني المنهوبة ..







--------------------------------------------------------
وبعد داك ,,, الله يعدل عليهم - ان بقوا على قيد الحياة -

لسع ما شالوه الصالح العام ؟

Quote: الزول دا مرشح من تلاتة دول خليجية وهنالك سعي للم شمل الحركة الاسلامية والميرغني والصادق ضمن الحسبة

يفتح الله , حتى دول الخليج أصبحت تدس أنفها فى شأننا لدرجة ترشيح من يحكمنا , قادر الله
وسمحة المقدرة سقف طموحاتنا وما نصبو اليه أكبر بكثير من ان يستوعبه قادة هذه الدول
الخليجية فاليتركونا وشأننا .

Quote: يوم تعيينه رئيسا لهيئة الاركان سألت عنه مجموعة من الاصدقاء ضباط بقوات الشعب المسلحة بالخدمة وبالمعاش اجمعوا علي معلومتين انو زول عسكري كارب ومحترف ومهني والمعلومة الثانية انه كان احد الناجين من حادثة طائرة الشهيد ابراهيم شمس الدين

معلومة اخرى انه كانت لديه شروط
على حساب بعض مشروعات اللمبي

وقد تم قبولها على مضض .. بعد اصراره عليها

محترم جدا في الجيش .. الباقي ما بعرفو

هذه مجرد أوهام وتكهنات وخزعبلات !!!
حسب قراءتي البشير لن يسلم الحكم بهذه السهولة ليصبح بين فكي الجنائية
ولذلك أنسوا الموضوع حتى يقضي الله أمراً كان مفعولاً
وربنا يصلح حال بلادنا ويولي علينا خيارنا ويبدلنا أفضل من البشير وأعوانه

Quote: هذه مجرد أوهام وتكهنات وخزعبلات !!! حسب قراءتي البشير لن يسلم الحكم بهذه السهولة ليصبح بين فكي الجنائية ولذلك أنسوا الموضوع حتى يقضي الله أمراً كان مفعولاً وربنا يصلح حال بلادنا ويولي علينا خيارنا ويبدلنا أفضل من البشير وأعوانه

بالضبط كدة .!

هل هذا هو مصطفى عثمان العبيد؟

وحدو الله ياشباب





دعوه يؤدي القسم الجمهوري اولا

ليعلم الجميع مدى الهوان والذل الذي اوصلونا اليه الاسلاموين الذين قالو انهم لم ينقلبوا على الشرعية الا لرفعة الدين والوطن
من قبل ركعو وخضعو لاميركا و(الصهاينة) وفصلوا الجنوب تحت مظلة اثيوبيا وارتيريا وكينيا ويوغند ونيجريا
واليوم يتحدثون عن مخرج امن لهم تحت مظلة دول ودويلة الخليج

لا كفاءة ولا مهنية مع من خدم ويخدم في الانقاذ ومع الاتنقاذ ربع قرن بل الانكي والامر جزء اصيل في المفرمة الانقاذية التي تفرم في الشعب
والاهم واهم من يظن ان هولاء سيذهبون هكذا
هل نسيتم
جاءت باللكلايش والدايرها عليها بالكلاش
ثم هل الذي يؤمن بالمبادرات السلمية يمارس القتل الهستيري مع متظاهرين عُزل

الاخ بلة تحياتى

المبادرات الخليجية لا يمكن أن تأتى ببديل يحل مشكلة الحكم فى السودان لانها تنظر الى السودان من زاوية واحدة فقط , المشكلة السودانية ذات بعد افريقى ايضاً و مالم يؤخذ فى الاعتبار هذا البعد سوف نظل ندور حول الدائرة الخبيثة مراراً , ما طرحته الاخت تراجى فى مداخلتها لا تعتبروه نظرة قبلية و عنصرية فى تناول موضوع من و كيف يحكم السودان , لابد من الاخذ فى الاعتبار التقسيمات المناطقية و الجهوية فى النظر الى المرحلة القادمة من تغيير النظام الذى بلا شك اصبح غاب قوسين او ادنى , ما زال هنالك قطاع عريض من غرب و شرق السودان يرى ان احتكار التضامن النيلى للسلطة هو احدى معضلات ازمة الحكم فى السودان.

يموت الشعب في انتفاضة سبتمبر هذه المجيدة،
دماؤهم عزيزة فداءا للتغيير،
وساعة الحصاد، ياتي قطري وواحد من غواتيمالا، قال ايه قال
خروج امن للرئيس، واسرته، ومن يحب!
بالله،
الشعب السوداني العظيم، فقط هو من يقرر في شان العصابة...
بداءا من البشير، وحتى اخر كوز، يقتل ويهلل لقتل السودانيين،
بعدين الفريق مصطفى عثمان (اسماعيل) دا
طالما ناجي من زمن شمس الدين، ومستمر في وظيفته، وقاعد يترقى كمان،
فدا زولن تب، وكدة السركلنق بقى واضح....
افتح الله؛
الشعب العظيم سيواصل انتفاضته السلمية،
وسياتي بسلطة الشعب الحقيقية من واقع انتفاضتهم المجيدة،
وستنجز سلطة التغيير استحقاقات الشعب كاملة؛
في عام تمانية وتمانيين، كنا في سوق ام درمان، معي زميل المنبر ابراهيم النعمة بالانجليزي؛
ماشين ام بدة،
ياخ مواصلات مافي، والمعاناة تكاد تنطق ممن هم في حلبة المواصلات،
والصادق المهدي وصحبه الكرام من ناس الترابي، يناقشون في الدستور الاسلامي في مرحلة القراءة الكم ما عارف،
الناس في شنو والحكومة في شنو؟
قال لي الزميل عنكبة: سياتي يوما بمزيدا من الديمقراطية ينتخب الشعب واحدا من ممثليه الحقيقيين،
شايف الزول المشعبط الحافلة داك؛ عادي جدا ممكن يكون ممثل لشعبه في البرلمان....
اليوم الواقع اسوأ بكثير من عام تمانيسة وتمانيين،
امبارح القريبة دي جائني في البيت صديق بمناسبة العيد،
وكنت احسبه سيقضي اجازة العيد في السودان فقد كان قبل العيد هناك،
جاء يوم التاسوعة فتامل،
وعندما سالته يازول الجابك شنو ايام العيد؟ اجاب ظروف
ياخ باختصار السودان دا في حالة مجاعة عديل كدة....
اسألوااهلكم ومن هو عايش في السودان يعرف ،
كم يعاني الشعب؟

الثورة مستمرة
و
سننتصر
..................
بله وضيوفه؛ كل عام وانتم والشعب، بالف خير,,,,

أي تنازل للبشير من السلطة هو مظهر ضعف
و اذا امنت هذه الدول للبشير مخرج آمن
يجب ان نواصل جميعا الاعتصامات
لمزيد من التنازلات، فـ 24 سنة من الفساد
لا يمكن اصلاحها في لحظة واحدة
حتى و لو كانت لحظة ثورة

بغض النظر عن قطر ولا ما قطر
وينوا الشعب السوداني دا متين بصحى ويبقى زى تونس ومصر وليبيا اهو فى سوريا بموتوا بالعشرات علشان ما يحكموهم الاسلاميين
متين نحن بنكون زيهم قتلوا شبابنا واهو سكتوا كانوا مافى شى حصل
الما بحرر نفسوا مافى حد بحرروا على الشعب السودان نزع حوريتوا من براثن الاسد
ما تقعدوا تجلطوا ضعفكم فى قطر

والبشير لزم يكون مصيروا لاهاى







تغريدة :

وينك يا ام حزام مشتاقيين كل عام وانتى بخير
انتى عارفة نحن لزم نزوج ليك جعلى علشان نفك ليك عقدتك مع الجعليين دى هههههه
ان شاء الله ناذر الخليفة الشين دا هههههه

Based on his photo , he is not going to be less criminal and tyrant than Albasheer or any other African or Arab dictator

فيصل التوم (متداخل من الفيس)

Quote: الفريق مصطفي مهندس ...وليس جعلي دنقلاوي من حفير مشو او الغدار علي ما اعتقد..عسكري محترف ومهني وصارم وكان قائد جوبا وبعدها سلاح المهندسين ويسمي ابوعشرة لصرامته نزيه حد التقشف ..حتي انه كا ن يوقف عربة الحكومة ويتحرك بالمواصلات بعد ساعات العمل وهو لواء ..وكل عساكر منطقة امدرمان قابلوه في بانت برجليه ...في حادثة حي المهندسين بين قوات الحركة الشعبيه وقوات الشرطه قبل انفصال الجنوب ...قاد عساكره برجليه الي مكان صوت اطلاق النار وعند وصوله اخبروه انو قوات الحركة مع الشرطه قال هذه اخطاء سياسين وكلام فارغ لا يتدخل الجيش قاد عساكره ورجع دون اطلاق طلقه واحده ..تقلد المنصب بمهنيته بل تم تاخيره ...ويا ترجي بطلي العنصريه التي اطالت عمر النظام وتطيله فليس كل الجعليين البشير ..ولاكل الشايقيه علي عثمان ..ولاكل الغرابه خليل له الرحمه ولامناوي فالحاج آدم وكبر موجودين ...ولا النوبه كلهم الحلو فتاور موجود ولاكل الانقسنا عقار ففرح ابن عمه موجود ...ولاكل حزب الامه معارضه فعبدالرحمن في القصر موجود ولا الاتحادي ولجنته كلها معارضه فود المرغني في القصر موجود ...ولاالترابي وحزبه معارضه فاولاده في الحكم موجودين ..وهكذا .وكلهم وجهان لعملة السلطه الواحده ان كنتم تعلمون ......فلا بد من المعارضه بوعي وقوميه لكسب السودان وقومية الجيش ان كنتم تعملون

بله...سلام..

وأهو وصلنا مستوى أنه دول أجنبية..
تعّين لينا رؤساءنا...
وتعّين لينا حكوماتنا..

بالرغم من أنى قلت أقرا العناوين بس فى المنبر وأقفله...
لآسباب صحية..
الكلام دا وجعنى بالحيل..
ويضآ ف الى جملة الآوجآع...

عيدك سعيد..
والله يكّضب الشينة..

السودان للسودانيين


ومصير السودان يقرره السودانيين



نعم لحكومة قومية إنتقالية قوامها المدنيين من كل الحركة السياسية السودانية


لا لحكم العسكر لا لعودة الموتمر الوطنى وتحالف الاسلاميين من الشباك.


اليقظة مهمة فى هذه المرحلة

عاش نضال الشعب السودانى.

Quote: Based on his photo , he is not going to be less criminal and tyrant than Albasheer or any other African or Arab dictator

مبالغة يا دكتور سيف!! دا علم جديد ولاّ كيف؟ أخير تراجي اعتمدت على قبيلته وحكمت عليه, لكن استنادا على الصورة دي حقوقها تحفظ ليك يا دوك :)

طنطاوي اخر !!!!!
الثعبان اذا بدل جلده ايضا يظل ثعبان

في واحد قال محترم !!!!!!!
في واحد شغال رئيس هيئة اركان رئيس مجرم مطارد من القضاة الدولي وتقول محترم
هذا الرجل هو السيف الذي يقتل به البشير الابرياء في اصقاع السودان
اذا اراد ان يكون له شأن في مستقبل السودان دعوه يضرب طلقة في راس البشير ....

يا ود البشرى عاين للصورة و شوف ملامح جنون العظمة الذي يصيب الجنرالات والذي تظهر اكثر أعراضه حدة عندما يستولون - او يولون- على السلطة
و يتحكمون في البلاد و العباد، و على كل الرجل غير مقصر في قتل المواطنين حتى قبل أن يتولى الرئاسة فجرائم جيش النظام سارت بها الركبان.

محض هجص.

الخبر منتشر في عدة صفحات

ولا استبعد أن يكون بثه جهاز الامن بغرض شغل الناس

ولكن

لو صدق

قد يجد القبول ممن يضمنون الكراسي في المستقبل

طالما سيفقدونها حال حدوث التغيير بواسطة الشعب

ولكنها سيرفض

من قبل القوى الشبابية التي تقوم بالعمل الميداني (السلمي)

وكذلك من قبل الجبهة الثورة التي تقوم بالعمل الميداني (المسلح)

......

يبدو أن النموذج اليمني سيطبق في السودان


.....

لا حل امام البشير سوى تسليم السلطة الى الشعب والذهاب الى كوبر
في انتظار قرار الشعب بشأنه

او الهروب كما فعل بن علي او مصير القذافي

.......................................

تحياتي دكتور بله

يا دكتور بله وضيوفه الكرام كل عام وأنتم بخير ...لا قطر ولا غيرها من تقرر مصير الشعب السوداني ..صحيح أن أفخاخ النظام لجر المعارضة للشرذمة وفقدان الثقة والضعف الماثل أمامنا ، فلا الحزبين العجوزين ولا المؤسسة العسكرية بالقوة التي يكون لها القدرة على الحركة ولا أجندة المثقفين الشماليين العنصرية ولا أبناء الحركات المسلحة قادرون على حسم الأمر ، فالثورة قادمة والتغيير حتمي إلا أن هذا الأمر لا يمكن التنبؤ به ...كفاية خزعبلات مرة ود ابراهيم ومرة الفريق ظعيط ...كأنما الرجال انحصرت في هؤلاء الذين لا يعرف لهم تاريخ نضالي لهم أو تضحيات منذ كوش وحتى كتابة السطور ..فهذا الغثيان يعبر عن تردي النخب المعارضة وخواءها الفكري في إشباع وتذكية الشباب بروح الوطن الواحد والسعي عبر الفكر لخلق التغيير السلس بوعي قوة الشباب لبناء وطن واحد قائم على المواطنة والحقوق والشفافية ودولة المؤسسات ..على المستوى الشخصي أويد شخص مدني مستنير لنقل السودان من حالته المرضية إلى سودان صحي آمن وأمة مرفوعة الرأس بين الأمم وليس شحاد يستجدي دويلات صغيرة لتقرر مصير مستقبله وتحدد مساره .

اهو كلام و السلام................

يا شباب ....انتو جنيتوا ولا شنو؟!


تراجي قالت شنو؟! .....عايزين تبلعونا السنتنا؟!

تراجي قالت هذا ما صرح لها به بعض جهابزة اللوبي الجعلي الانقاذي؟!

اها اذا ما طلع (جعلي) فانتظروا فهنالك (جعلي) آخر يشتغل اللوبي الجعلي الانقاذي مع الحكومه القطريه تحديدا لاقناعهم به.

Quote: ما بنعرفه يا د.بله......لكني واثقه انه (جعلي...ام بنت.....عم..ابوه)! Quote: الفريق مصطفى عثمان العبيد... رئيس السودان القادم؟ كما.....يقول اللوبي الجعلي الانقاذي......... فقد اخبرني بذلك....جهابزة اللوبي الجعلي الانقاذي....منذ فتره.

تراجي قالت.....هذا....ما قاله لها اللبوي الانقاذي...اها بقينا في عندك عقده وعندك بطيخ احمر؟!

اها يا تري لو تراجي قالت هذا ما صرح به اللوبي البجاوي داخل الشعبي ولا قالت هذا ما صرح به اللوبي الشايقي داخل المؤتمر الوطني

تفتكروا كان العقده شنو؟!.....

قوموا الي نضالكم يرحمكم الله.....

ها فالتعلموا بانه الحكومات العربيه لن تكف عن محاولة ايجاد بديل مطيع لهم.

يكون شايقي يكون جعلي يكوني حلفاوي

يكون بطحاني....يكون شكري.....سيكون من الوسط النيلي,وعلي فكره انا ما عندي اي مشكله مع الكلام ده كونه من الشمال النيلي ولا من الشرق من الغرب

المهم يكون زول نظيف في زمته الماليه و الاخلاقيه. ومخلص لشعبنا وغير عنصري.

Quote: الخروج الآمن يا بله هو لاهاي، وحده لا شريك له، وإن تأخر خروجه، سوف يلاقي مصير القذافي؛ أما أفراد أسرته وبقية المجرمين سيحضرون من أي مكان، وسيحاكموا على كل جرائمهم وسوف ترجع أموالهم إلى خزينة الدولة..

اوسكااااااااار ياياسر طيفور
كل سنه وانت طيب ...

بوست مهم وبيقود لى نقاش موسع جدا جدا عن مستقبل الوطن النحنا دايرنو والفى مخنا ده

لك التحيه يابله موسى وكل سنه وانت طيب

كلام غير منطقي البته ..

والبشير لن يتنازل بهذه السهولة

تنازل البشير يعني سقوط لكل الكيزان وسقوط الكيزان بيعني المحاسبة و ملف ال51 المطلوبين حا يظهر من جديد حينها

ف عشان كدا اقنعو من سيناريوهات زي دي

اللهم الا ربنا يكرمنا بود حلال ضابط يقلب عاليها سافلها

ويسلم السلطة للشعب بكل ضمير وحس وطني

غير كدا انسسسسسسسسسسسسسسسسسسسسسسسسسوبا بس

المعارضة الوهن كاتلها وما بتسوي الحبه دي


املنا في الله وفي ود حلال يستشعر المسؤلية

سلام لكل الشباب
رايكم شنو في اشاعة قوية أن ناس المؤتمر الوطني عايزين يكون البديل عبد الرحمن.

اقول للذين يكتبون عن نظافة الفريق مصطفى و مهنيته و عسكريته

لو الراجل دا نظيف ما كان استمر فى نظام البشير

و لو كان وطنيا لقام بتغيير النظام عبر انقلاب عسكرى

و هو رئيس هيئة اركان الجيش السودانى

يعنى تعليمات منه تحرك القوات المسلحة و تستولى على السلطة

لم يفعلها و كلاب الامن و المؤتمر الوطنى يقتلون المتظاهرين العزل فى الشوارع

هل لاقاكم زول لانبس نضيف و قاااااشر بنوم فى برميل القمامة؟؟؟؟

الجيش للتأمين وليس للتمكين .
* الفريق مصطفى عثمان العبيد مع إحترامى له طالما رئيسه البشير ووزير دفاعة اللمبى فمهما كان جديراً فجدارته ( شمار فى مرقة )!!!.
*التغيير من دول الخليج يعنى وارءه أمريكا والتغيير من جيش الى جيش يحكم لا معنى له ولا يعتد به ولا يعول عليه .
* التغيير الديمقراطى المدروس والذى يجب أن تشارك فيه كل أحزاب المعارضة والحركات المسلحة هو الحل الوحيد للسودان المستقبلى.

الزول عيونو خدر ( بضم الخاء والدال)

تاني فريق !!!

رحمتك يا رب.