Post: #1
Title: الشاعر كمال حسيب : تنقذ شنو
Author: عادل البراري
Date: 10-14-2013, 04:47 PM
كمال حسيب
ــــــــــــــــــــ
تنقذ شنو
ــــــــــــــــــــ
تنقــذ شــــنو ؟؟
تنقـــذ مــــنو ؟؟
ينقذنا منّك ربنا
لافيك عمر لا فيك بشير
الفيك منكر يا نكـــــــــير
كيفن تنوم حاضن الوثير
ناس ما لقت حتي الحصير
اسدٌ على الاعزل صغــــير
رفداء تجفل من صفـــير
بالله لو عندك ضمــــــير
ما تغور محل ماتطير تطير
صابرين عليكم بالســــنين
والحالة يارب لي مــــــتين
لا شفنا دين .. لاشفنا دين
شفنا الغلابة مشــرديـــــن
ناس في بلادا مهمّشــــين
اطفال جياع كاتمين انين
الفي السجن مليون سجين
والبرّة عايشــين ميتـــين
فرعــون وزايد فرعــــــــــنة
خالفت ديــنّا وشــرعــــــــنا
أيامـك الله يلعـــــــــــــــــــنا
ما نابنــا منّك غير عـــــنا
جفّت عروقـــنا وضرعـــــنا
أفــــنى الجـراد بي زرعــنـا
رعـدك فتق لي ســــمعـــنا
وامطـــارو كانت دمعـــــــــنا
يا مُسـيلمة وكوز الصـفــيح
فكرك غـبي وظلمك قبيـــــح
اسمع بقول ليك الصحــيح
لو كان يتفهم يا نصــــــــيح
أنقـذ رويحــتك يا فصـــــيح
الليله جــاك يوم الوحـــيح
خـلق الله مــنّك تســـتريح
والدايرك يبني عليك ضريح
النجيفــة فاضية مصلّعــــة
تلّوشــة كيلو مربعــــــــــــة
كفاك غــرور بلا طنقعـــــــة
باكــر حليفــتك تبلعــــــــــــا
الســـيل ســدودك يوقعـــــــا
والنار تجـــــــيك مولعـــــــــة
ونشوف ولادنا المجـدعـــــة
شالوك فوق .. فوق اربعـــة
|
Post: #2
Title: Re: الشاعر كمال حسيب : تنقذ شنو
Author: عادل البراري
Date: 10-15-2013, 00:19 AM
Parent: #1
UP
|
Post: #3
Title: Re: الشاعر كمال حسيب : تنقذ شنو
Author: عادل البراري
Date: 10-22-2013, 04:30 AM
Parent: #2
عالي الهتاف
|
Post: #4
Title: Re: الشاعر كمال حسيب : تنقذ شنو
Author: محمد مجيدو
Date: 10-22-2013, 08:59 AM
Parent: #3
Quote: لافيك عمر لا فيك بشير
الفيك منكر يا نكـــــــــير |
دووولي .. سلام
دا كلام كبييير ....
اكيد الشاعر دا ..... مقيم خارج السودان ...
تحياتي ,,,,
|
|