كُنا واقْفين وين ياااااا

Post: #1
Title: كُنا واقْفين وين ياااااا
Author: عزام حسن فرح
Date: 10-14-2013, 06:41 AM
Parent: #0

... وكِده

Post: #2
Title: Re: كُنا واقْفين وين ياااااا
Author: محمد البشرى الخضر
Date: 10-14-2013, 07:21 AM
Parent: #1

حمدالله ع السلامة يا عزّام
نمسك ليك الزمن نشوف ح تسجل رقم قياسي المرة دي ولاّ ياها التمانية واربعين ساعة بتاعة كل مرة :)

Post: #3
Title: Re: كُنا واقْفين وين ياااااا
Author: عزام حسن فرح
Date: 10-14-2013, 07:32 AM
Parent: #2

محمد البشرى الخضر
كيف حالك؟ علك طَيِب

لا ياخ الـ48 ساعة دي أكانت مرحلة وعَدَت خلاص.. فِعْلاً أخدت وقت شوية، بس عدَتْ.. أنا هسِع -بِالصلاة على النبي- في المرحلة التأمُلِية الإسْتِخْلاصِية ودي بتيح إنو الضرب يِكون تحت الحِزام وكِده

النسعلك: صحي تراجي، بكري رجعا.. صحي بشاشا في ؟

Post: #4
Title: Re: كُنا واقْفين وين ياااااا
Author: شمس الدين ساتى
Date: 10-14-2013, 07:42 AM
Parent: #3

حمدا لله بسلامة الرجوع يا قريبى

ليك وحشة والله

Post: #5
Title: Re: كُنا واقْفين وين ياااااا
Author: محمد البشرى الخضر
Date: 10-14-2013, 08:01 AM
Parent: #3

الحمدلله بخير نحمد الله
جرت مياه كثيرة تحت الجسر من زمنك الهنا يا عزام وكويس إنك أخدت فترة تأملية راجعت فيها الحاصل
بكري رجع الجميع و زاد اصحاب الفرمالات بمناسبة تباشير الثورة - للدقة بشاشا رجع لوحده وما كان موقوف او محدد المداخلات - ورجع بنيو لووك متسامح مبالغة :)
الغريبة جارك وهبة بعد استفاد من العفو الثوري وزاد ليه المداخلات رجع صفّرها تاني ليسجل وهبة كاول ضحايا العهد الجديد هههههه

Post: #6
Title: Re: كُنا واقْفين وين ياااااا
Author: عزام حسن فرح
Date: 10-14-2013, 08:13 AM
Parent: #5

حرااام عليك يا ود البشرى تزاملْني مع وهبة.. ياخ ده زول مَسَلَط مره واحدة.. بِتاع شِبَك.. أحسن ليهو ولينا (لينا دي يا وهبة يعني أعضاء سودانيزأونلايِن وكِده) يقنِب كنب أو مساطِب، هسِع عليك الله لامِن تدخُل حوش البقر (دار الرِياضة أم درمان) بالك بِكون في الدافوري أب علالا داك ولا قفشات وشمارات عجايِز المساطِب، أها وهبة ده زي ده

الخوف يرجِعوهو.. أمانة ما بِقع زول

Post: #7
Title: Re: كُنا واقْفين وين ياااااا
Author: ABUHUSSEIN
Date: 10-14-2013, 09:41 AM

أهلاً و مرحب بيك أخونا عزام

Post: #8
Title: Re: كُنا واقْفين وين ياااااا
Author: صلاح عباس فقير
Date: 10-14-2013, 11:00 AM
Parent: #7

حمد الله على السلامة يا عزام،
وكل عام وأنتم بخير،
شرّفت البورد،
ووجودك باستمرار ضروري فنأمل مراعاة ذلك!

Post: #9
Title: Re: كُنا واقْفين وين ياااااا
Author: محمد حيدر المشرف
Date: 10-14-2013, 01:40 PM
Parent: #1

اهلن وسهلن بيك يا صاحبي ..
والمواعين كان لغوية او فكرية تحتمل الخلاف ما احتملنا نحن فكرة وجودها وفكرة التواجد فيها ..
وفي الحقيقة اغلب خلافاتنا لغوية ساااكت .. خلافات على المستوى التعبيري .. وخلافات على المستوى الدلالي ..
وكلها مرهونة بالمنظلقات الشخصية ..

فعزام على المثال - ولا ادافع عنك ولم افعل بل بالعكس بردم فيك زي ما بتردم فيني - عزام عندما يتحدث بي فكرة انو يكون مرآة للواقع القبيح .. الناس بتتجاوز الوسيط التعبيري هنا وهو (المرآة) وتخلص طوالي انو الواقع القبيح هو عزام ذاتو .. شفت كيف يا صاحبي .. ولا الومهم مطلقا على ذلك ..وفي ذات الوقت البشوف فيهو انا انو المزالق التعبيرية ممكن تجاوزها .. عزام بكون شايف انو المرآة صادقة تماما .. وبالتالى بنكون مختلفين اختلاف اشبه ما يكون بفردتي حذاء كل واحده من بلد .. فالمرآة صادقة الا أنها وسيط تعبيري سلبي جدا .. فلا رسالة وصلت .. ولا فكره انعكست .. ولا حافظت على حساب صاحبها في المنبر .. والحساب لا يعني الا فكرة وجودك في المكان .. او افكارك في نهاية المطاف ..

عليك الله اردمني كويس للفلسفة الفارغه القاطعها من راسي دي .. او ده !!

اهلن حبابك سلامات ..

Post: #10
Title: Re: كُنا واقْفين وين ياااااا
Author: saidahmed shami
Date: 10-14-2013, 02:12 PM
Parent: #9

عزام
حمدالله علي السلامه يا صاحب

Post: #11
Title: Re: كُنا واقْفين وين ياااااا
Author: عزام حسن فرح
Date: 10-14-2013, 03:41 PM
Parent: #10

شمس الدين ساتى
ABUHUSSEIN
صلاح عباس فقير
محمد حيدر المشرف
saidahmed shami

كيف حالكُمْ؟ علكُم طَيْبين.. والله كتر خيركُم كتير.. إن شاءالله تزوروا النبي وتمسِكوا شُباكو.. قولوا آمين

ــــــــــــــــــــــــــــــــ
محمد حيدر المشرف

تقول:

Quote: والمواعين كان لغوية او فكرية تحتمل الخلاف ما احتملنا نحن فكرة وجودها وفكرة التواجد فيها ..
وفي الحقيقة اغلب خلافاتنا لغوية ساااكت .. خلافات على المستوى التعبيري .. وخلافات على المستوى الدلالي ..
وكلها مرهونة بالمنظلقات الشخصية ..

فعزام على المثال - ولا ادافع عنك ولم افعل بل بالعكس بردم فيك زي ما بتردم فيني - عزام عندما يتحدث بي فكرة انو يكون مرآة للواقع القبيح .. الناس بتتجاوز الوسيط التعبيري هنا وهو (المرآة) وتخلص طوالي انو
الواقع القبيح هو عزام ذاتو .. شفت كيف يا صاحبي .. ولا الومهم مطلقا على ذلك ..وفي ذات الوقت البشوف فيهو انا انو المزالق التعبيرية ممكن تجاوزها .. عزام بكون شايف انو المرآة صادقة تماما .. وبالتالى
بنكون مختلفين اختلاف اشبه ما يكون بفردتي حذاء كل واحده من بلد .. فالمرآة صادقة الا أنها وسيط تعبيري سلبي جدا .. فلا رسالة وصلت .. ولا فكره انعكست .. ولا حافظت على حساب صاحبها في المنبر ..
والحساب لا يعني الا فكرة وجودك في المكان .. او افكارك في نهاية المطاف ..

خليني أرُد عليك بِمُداخلة الأخ Taj M Ibrahim (هامِش العمود-أدناه)

Quote: (...) عزام واقعي ويعكس أطروحات ما زال الكثير من السودانيين يتبنوها ويدافعون عنها

Post: #12
Title: Re: كُنا واقْفين وين ياااااا
Author: بدر الدين الأمير
Date: 10-14-2013, 03:51 PM
Parent: #11

العيد عاد بعزام وعزام مازال في ضلاله القديم و زيادة
تبا لك يابكرى

Post: #13
Title: Re: كُنا واقْفين وين ياااااا
Author: عزام حسن فرح
Date: 10-14-2013, 03:55 PM
Parent: #12

بدرالدين يا فارا.. تبًا ليك وللجنبك المِتَلِش ده

Post: #15
Title: Re: كُنا واقْفين وين ياااااا
Author: اميرة السيد
Date: 10-14-2013, 06:38 PM
Parent: #13

مرحبتين بعودتك استاذ عزام حسن فرح
ووالله زي ما قال شمس الدين ليك وحشة.. وانا علقت في احدى البوستات وان تكتب تعليق في الفيس بوك وقلت لازم عزام يرجع للمنبر لأنه بيعتبر من الأرقام الصعبة في هذا المنبر العام.. واحتمال كبير يكون الباشمهندس فكر في طلبي ونفذه( وجه ضاحك)..
والله اشتقنا لخطك الواضح وأفكارك النيرة والتي نستقى منها الكثير من التراث السوداني الأصيل..
والله يديك العافية .. وكل سنة وانت طيب

Post: #14
Title: Re: كُنا واقْفين وين ياااااا
Author: محمد حيدر المشرف
Date: 10-14-2013, 04:00 PM
Parent: #1

ههههههه ..

يا عزام يا موضوعي ياخ انا قلت ليك رشني .. لاكن ما للدرجة دي !!
احترامي الكبير للاخ تاج وليك وبالتوفيق وامنياتنا الصادقة بطول الاقامة بين ظهرانينا يا عزيزي ..

Post: #16
Title: Re: كُنا واقْفين وين ياااااا
Author: عبداللطيف شريف على
Date: 10-14-2013, 07:10 PM
Parent: #14

اهلين بعزام ...

منور .....

Post: #17
Title: Re: كُنا واقْفين وين ياااااا
Author: بدرالدين الطائف
Date: 10-14-2013, 07:23 PM
Parent: #16

Quote: - عزام عندما يتحدث بي فكرة انو يكون مرآة للواقع القبيح .. الناس بتتجاوز الوسيط التعبيري هنا وهو (المرآة) وتخلص طوالي انو الواقع القبيح هو عزام ذاتو ..

ده كلام عميق يا ودالمشرف .
وبيعكس تماماً الحاله بتاعت الخلط البتحصل و القاعدين نتوصل ليها من خلال طرح وتناول عزام لبعض للقضايا .
مرحب يا عزام بعودتك.

Post: #18
Title: Re: كُنا واقْفين وين ياااااا
Author: حافظ انقابو
Date: 10-14-2013, 07:37 PM
Parent: #17

Quote: كُنا واقْفين وين ياااااا

في موقف جاكسون

______________________
مرحبا بعودتك يا حاج عزام ..

Post: #19
Title: Re: كُنا واقْفين وين ياااااا
Author: على محمد الخير
Date: 10-14-2013, 07:45 PM
Parent: #17

مرحباً بعودة الأخ عزام
يجب أن يسع المنبر كل اللوان الطيف .....
وهذا ما يميز هذه الساحة ....

Post: #20
Title: Re: كُنا واقْفين وين ياااااا
Author: بريمة محمد
Date: 10-14-2013, 08:03 PM
Parent: #19

عزام حسن فرح،
حمد الله على السلامة .. ومرحب بك بعيداً عن العنصرية القبيحة ..

ندعوك يا أخى لقراءة كتبى عن البقارة .. أخر واحد صدر اليوم في أمازون .. الكتاب عن: عادات وتقاليد الزواج لدى البقارة في السودان .. باللغة الأنجليزية.

أنقر في الوصلة التالية ..
http://www.amazon.com/Baggara-Sudan-Marriage-Customs-Traditi...rds=Baggara+of+Sudan

الكتاب الذى سبقه .. عن: البقارة في السودان .. التراث والبيئة ..

هنا وصلة الكتاب الأول ..
http://www.amazon.com/Baggara-Sudan-Environment-Traditions-L...rds=Baggara+of+Sudan

بريمة

Post: #21
Title: Re: كُنا واقْفين وين ياااااا
Author: هجو الأقرع
Date: 10-14-2013, 08:21 PM
Parent: #20

يا الله العيد عيدين مرحب مرحب مرحب

مرحب من هنا و لغاية منطقة جوعان

Post: #22
Title: Re: كُنا واقْفين وين ياااااا
Author: هجو الأقرع
Date: 10-14-2013, 08:21 PM
Parent: #20

يا الله العيد عيدين مرحب مرحب مرحب

مرحب من هنا و لغاية منطقة جوعان

Post: #23
Title: Re: كُنا واقْفين وين ياااااا
Author: Tragie Mustafa
Date: 10-14-2013, 08:38 PM
Parent: #22

مرحبا عزام وعيدك مبارك

اها يا زول بدينا بالنكريبه؟!
Quote: النسعلك: صحي تراجي، بكري رجعا.. صحي بشاشا في ؟

يا عزام يا مستهبل انت رديت علي من خلال الفيس بوك.....لما كتبت انه هنالك حوجه لتتبرع بالدم و ردك كان ايجابي
وما فيه عنصريه وقلت علي بالطلاق حسه وليداتي بكلمهم يشموا المسشتفي...تجي...تقول لينا يا غالي....
Quote: صحي تراجي بكري رجعا؟!
!!
بالله؟!

اها مرحب بك

وزي ما قال محمد البشري
بشاشا بينو لوك و تراجي ذاتها بينو لوك....وان شاء الله عزام ذاته بينو لوك!
يلا عيد مبارك عليك وعلي الشعب.

Post: #24
Title: Re: كُنا واقْفين وين ياااااا
Author: عزام حسن فرح
Date: 10-15-2013, 04:48 AM
Parent: #23

اميرة السيد (حباب أهلي.. حباب سِري.. حباب بعضي.. حباب كُلي)
عبداللطيف شريف على (أنا مُنَوِر بِنورك)
بدرالدين الطائف (تعود ليك السعادة وتدوم إن شاءالله)
حافظ انقابو (حاج في عينك)
على محمد الخير (يرحِب بيك السمِح إن شاءالله)
بريمة محمد (بقْراهو أكان الحريم خَلَني)
هجو الأقرع (الزول الصمد هييييع)
Tragie Mustafa (إنْتي.. إنْتي عاد... أحيييي)

كيف حالكُم؟ علكُمْ طَيْبين.. كتر خيركُمْ.. إن شاءالله أيامكُمْ كُلها أعياد وسعادة.. كُل عام وأنتُم بألف خير وعافِية والقابلا على أُمْنَياتكُمْ
ـــــــــــــــــــــــــــ
محمد حيدر المشرف

Quote: يا عزام يا موضوعي ياخ انا قلت ليك رشني .. لاكن ما للدرجة دي !!

حرّم ماني قاصدك يا ود المُشَرَفْ.. دي حسب النُكْتة القال فوقا الجعلي: [... إنت والأعَور الجنبك ده] وذلِك وِفْقًا لِقَول الشاعِر عمر ابن أبي ربيعة: " إنما العاجِز مَن لا يَـسْـتَـبِـدُ " ههههه وأنا قُلت أرُش ليك العِريبي ود أَرْبَجي ده وأَسْتبِدُ وأرُش الجنبو
ــــــــــــــــــــــــــــ
حافظ انقابو

Quote: في موقف جاكسون

جاكسون ده مُسْتعمِر إنْكِليزي، كان مهندس البلدية، وعمل مهندسًا للمساحة في عام (1920م) وقام بأول خطة سكنية في السودان من النيل إلى السكة الحديد، عمل نائبًا لِلحاكم العام على السودان، وكان نائبًا لِاستاك باشا.. وقاد الكتيبة السودانية رقم (11) العاملة في جيش كتشنر لإعادة إسْتعْمار السودان.. كما عمل حاكمًا لمحافظة دنقلا لمدة (20) عامًا، وده بِوريك سذاجة الآباء المؤسِسين البِخلِدوا في مَن إسْتعبدهُم بِيَومٍ ما. (منقول طبعًا.. يعني كُنت حاضرو!)
ــــــــــــــــــــــــــــ
Tragie Mustafa

Quote: يا عزام يا مستهبل

يا جماعة المرا دي أسوي معاها شنو عاد؟!

Quote: بشاشا بينو لوك و تراجي ذاتها بينو لوك....وان شاء الله عزام ذاته بينو لوك!

أي نِيو لوك ما مُتْوافِق مع الواقِع أديتو العدو

Post: #25
Title: Re: كُنا واقْفين وين ياااااا
Author: عبدالكريم أحمد الامين
Date: 10-15-2013, 07:38 AM
Parent: #24

** ود حسن فرح ..
** سلام وعيدك مُبارك..
## وحاتك واقفين محل ماخليتنا .... بل نحو الأسوأ ...........!!!!!
(ودام الود بيننا)
(ابو محمد فؤاد)

Post: #26
Title: Re: كُنا واقْفين وين ياااااا
Author: هشام كمال عبادي
Date: 10-15-2013, 08:40 AM
Parent: #25

يا الحبيب مرحب بيك والمنبر منور ..
تصدق انا من "الكثيرين" الفرحانين بعودتك (كتبتها قليلين بس خفتا من لسانك السليط دا) ..
بتكيف لشوتك الضفاري بس عليك الله اختا لينا بتاع أمريكا داك وطريقك صحراوي بعد داك ..
يا ريت تكون زي ما قلتا بنيو لوك ، بس اهم حاجة تكون منافح عن الحق كما عهدناك ..

مودتي التي تعرف ..

Post: #27
Title: Re: كُنا واقْفين وين ياااااا
Author: هشام كمال عبادي
Date: 10-15-2013, 08:40 AM
Parent: #25

يا الحبيب مرحب بيك والمنبر منور ..
تصدق انا من "الكثيرين" الفرحانين بعودتك (كتبتها قليلين بس خفتا من لسانك السليط دا) ..
بتكيف لشوتك الضفاري بس عليك الله اختا لينا بتاع أمريكا داك وطريقك صحراوي بعد داك ..
يا ريت تكون زي ما قلتا بنيو لوك ، بس اهم حاجة تكون منافح عن الحق كما عهدناك ..

مودتي التي تعرف ..

Post: #28
Title: Re: كُنا واقْفين وين ياااااا
Author: عزام حسن فرح
Date: 10-15-2013, 09:01 AM
Parent: #27

- عبدالكريم أحمد الامين (الما كيكي) كيف حالك؟ علك طَيِب.. تعود الأيام والقابلا على أُمْنياتك إن شاءالله.. يعني ما فاتني شئ وِكْتين واقفين مِحل ما خليتكُم، أنا أكان ما حظي مِتِل عقر الدوكه يتزامن رُجوعي مع رجوع تراجي وأوْبه بشاشا!
ــــــــــــــ
- هشام كمال عبادي.. كيف حالك؟ علك طَيِب.. تعود الأيام والقابلا على أُمْنياتك إن شاءالله.. ياخ يفرح بيك سمْحك.. أما بِشأن زول أمريكا، بخْتاهو إن خِتاني.. مِنو البِقْدرني غير الإله المو فاني.. خِتاني زين أو بسيلو شئ تاني.. وكِده!

ـــــــــــــــــــــ
مِن الفيس:

- الشفيع عبدالرحمن
- Mohamed Hassen Abdallah
- Mutaz Ahmed
- Ummoayad Moayad ·
- Taj M Ibrahim
- Ra Rama

كتر خيركُم.. إن شاءالله تزورو النبي.. عيدكم سعيد

Post: #29
Title: Re: كُنا واقْفين وين ياااااا
Author: عبداللطيف خليل محمد على
Date: 10-15-2013, 09:09 AM
Parent: #28

أزام :
بيني و بينك (تار) لكن الدنيا عيد ..
و كل سنة و انت طيب ..

بصراحة : إفتقدتك ..

بس في حاجة مهمة جداً حصلت اليومين الفاتت : انو بعض الجماعة قالوا السيد Deng (رقم صعب) في المنبر .. أو ( لا يمكن تجاوزه ) ..

رايك شنو في الحكاية دي ؟

Post: #30
Title: Re: كُنا واقْفين وين ياااااا
Author: عزام حسن فرح
Date: 10-15-2013, 09:36 AM
Parent: #29

عبداللطيف خليل محمد على
كيف حالك؟ علك طَيِب
كُل عام وإنت والمعاك بِخير وعافِية.. وتتحقق الأماني

Quote: رايك شنو في الحكاية دي ؟

وده حالتك سامحتني في تارك علشان الدُنيا عيد! هسِع ده سؤال تسألو لِزول في وضعي ده.. ياخ إنت مالك وغد كِده هههه هههه؟!
الصعب "الدولار" يا خوي والما بتجاوزوهو "الموت"

ـــــــــــــــــــــ
تار شنو البيني بينك، أنا حرّم ما مُتْذكِر أمبارِح إتغديت بِشنو والله والله والله، تقوم تقول لي تار بايِت!

Post: #31
Title: Re: كُنا واقْفين وين ياااااا
Author: محمد عثمان الحاج
Date: 10-15-2013, 11:00 AM
Parent: #30

مرحبا عزام وكل سنة وانت طيب، مع التمنيات بأن تكون عودتك للمنبر هذه المرة عودة دائمة!

Post: #32
Title: Re: كُنا واقْفين وين ياااااا
Author: إدريس محمد إبراهيم
Date: 10-16-2013, 06:53 AM
Parent: #31

عزام أننجا ....

إرمسكه آجمي أننجه تو .... أي ديسان قرافيل إنجوج توكان موجاتم تفافي ويلوج لوج أوشنتي ... إلا باركه أننجه تو .....أهه أنا قصرت معاكم شي ... أنا بس وصيت قريبي ده أن يستوصي بكم خيراً ...

مع كل الحب والمعزّه التي تعرفون؛؛؛؛

Post: #33
Title: Re: كُنا واقْفين وين ياااااا
Author: محمد هاشم ابوزيد
Date: 10-16-2013, 03:39 PM
Parent: #1

مرحب زعيم الاسافير عزام فرح
العيد مبارك عليك

Post: #34
Title: Re: كُنا واقْفين وين ياااااا
Author: محمد هاشم ابوزيد
Date: 10-16-2013, 03:40 PM
Parent: #1

مرحب زعيم الاسافير عزام فرح
العيد مبارك عليك

Post: #35
Title: Re: كُنا واقْفين وين ياااااا
Author: عزالدين محمد عثمان
Date: 10-17-2013, 01:52 AM
Parent: #34

حمدالله ع السلامة يا عزّام
وكل سنه وانت طيب وربنا يحقق الاماني
والله مشتاقبن شديد .. عليك الله ارمي لي تلفونك(لامر هام)
هنا في البوست او رسله لي في رساله على تلفوني: 0017806804161

ولك مودتي

عزالدين محمد عثمان