Post: #1
Title: د صلاح فرج الله صاحبنا
Author: mohmmed said ahmed
Date: 10-14-2013, 05:17 AM
فى فترة دراستنا فى القاهرة قدم الى شقتنا لزيارة زميلنا فى السكن وصديقه عبادى محجوب
اها تعارفنا وقعد يونس فينا شىء غنا الحقيبة شىء كورة هلال مريخ موردة
شى شخصيات امدرمانية طريفة والملاكمة والنعيم فرج الله
وفرقة شرحبيل اتكونت فى بيتنا
الزول وناس وعندو طريقة حكى جذابة لغة جسد عجيبة
حركة الايادى وتعابير الوجه ويقوم ويقعد
د صلاح كان طالب فى المعهد العالى للنقد ولاسباب مجهولة قطع الدراسة لسنوات ورجع تانى
المهم
لمن يتكلم فى المسرح والثقافة
ما تفهم منو اى حاجة استخدام عجيب للمفردات توهان وحيرة واستطرادات
امس شفتو فى برنامج عن الدراما فى قناة الخرطوم الدكتور صلاح فرج الله
اها اسمع فيهو ########ت دقائق من مباراة تونس والكاميرون
ياهو صلاح ذاتو قبل الدكتوارة وبعدها
كلام الطيرفى الباقير
المسرح السودانى يتسكع فى شوارع الضياع
وناس مكتب اليونسكو عملو محاضرة عن التراث وما عزمونا
قمة الكوميديا
سالته المذيعة عن غياب تناول موضوع المخدرات وموضوعات اخرى عن نصوص المسرح فى السودان
اجاب
انتى عارفا نحنا الشكل وجدانا شنو
الالعاب الشعبية سكج بكج وشليل والرمة وحراسا
السينما شكلت وجدانا
يوليس قيصر لو قرا رسالة الرجلالعجوز ما كان قتل
ونيرون تخيلى نيرون بيعزف على القيثارة وروما بتحترق
وفى فيلم الرسالة انتونى كوين لمن بتوضا و الله انا كنت دايرانط ادخل فى الشاشة
|
Post: #2
Title: Re: د صلاح فرج الله صاحبنا
Author: mohmmed said ahmed
Date: 10-14-2013, 03:08 PM
Parent: #1
من طرائف د صلاح فرج الله
فى القاهرة واحد سالو معاك قام يا استاذ
رد
معقول المفكر لازم يكون معاهو قلم
|
Post: #3
Title: Re: د صلاح فرج الله صاحبنا
Author: ملهم كردفان
Date: 10-14-2013, 03:25 PM
Parent: #2
دكتور صلاح فرج الله ده مش قريب
فتحى فرج الله لاعب المريخ الأسبق وعثمان
وبيتهم جمب مدرسة الشرقيه ألف والأميريه فى الأبيض ياحبيبنا ؟؟؟
كل سنه وانت طيب يامحمد سيد أحمد
|
Post: #4
Title: Re: د صلاح فرج الله صاحبنا
Author: mohmmed said ahmed
Date: 10-14-2013, 04:20 PM
Parent: #3
سلام ملهم
د صلاح فرج الله من ام درمان
شيقه اسمو النعيم
بالمناسبة صورتك تشبه جدا صديقنا التشكيلى على الهادى
|
Post: #5
Title: Re: د صلاح فرج الله صاحبنا
Author: ملهم كردفان
Date: 10-14-2013, 04:48 PM
Parent: #4
أكيد على الهادى هو الأصل وانا الصوره ...
ماتخلى زاوية التصوير تخدعك يامحمد
يمكن انتقلوا من الأبيض فى السبعينات ...
أسألو لينا بالله والنجيضه منك حلوه تب
إفطاراً شهياً ...
|
Post: #6
Title: Re: د صلاح فرج الله صاحبنا
Author: صديق الموج
Date: 10-14-2013, 10:55 PM
Parent: #5
ابو السيد وضيوفه عيدكم مبارك
مافى علاقة بين د. صلاح فرج الله وفتحى فرج الله لاعب المريخ
ولكنها تشابه اسماء فقط..
دكتور صلاح فرج الله من ابناء امدرمان وشقيق النعيم فرج الله
مؤسس فريق الانتصار ومدربه وهم فى الاصل شلك ولكنهم
مواليد ام درمان حى العباسية..
صلاح من الطف اولاد امدرمان وواحد من حافظى اسرارها
يحدثك حديث العارف عن حقيبتها وفتواتها وكورتها ومطاعمها
ولصلاح ميزة لا يجيدها الا هو وهى ميزة استلام الصمت اثناء
الحديث ولغته الجسديه عاليه ، يلوى فمه و يرفع عيونه و يحرك
اياديه وراسه بطريقه مسرحيه فيجعلك مشدوداً معه وتود ان لا يصمت
انا اعتبر صلاح واحد من فلاسفة الزمان ولكن هذا قدره ان يكون
فى السودان حيث لا احتفاء بمبدع او بموهبة، يلبس قبعه على رأسه
مثل توفيق الحكيم دائماً ولو سمح الوقت بعودة لاتيتك بكثير من حكاياته
الشيقه وطرف من طرائفه وهاك دى عربون:
مره يا ابو السيد كنا بناكل فى فول انا و د. صلاح فرج الله والصحفى
محمد احمد دسوقى حاولت استفزازه لاستنطاقه قلت له : انت عارف يا د. صلاح
الفول ده جميل جداً وا كل صحى جداً ولكن فيه ماده كده بتخلى الزول يشعر انه
بروتاريا بالاخص اذا كان الزول الجنبك بياكل فى سمك واللا شية.رد صلاح
يا ابو الموج انت عارف الفول ده البديل المنطقى للعدم، وانفجرنا ضحك انا ودسوقى
لوسامة العبارة وسرعة بديهة د. صلاح..
التحية لدكتور صلاح ذلك الانسان النبيل اللطيف والتحية ليك يا حبيب،،،
|
Post: #7
Title: Re: د صلاح فرج الله صاحبنا
Author: حسن محمود
Date: 10-15-2013, 03:34 PM
Parent: #6
Quote: الزول وناس وعندو طريقة حكى جذابة لغة جسد عجيبة
حركة الايادى وتعابير الوجه |
الاخ/ محمد سيد حمد .. كل عام والجميع بخير
فعلا ..طريقة كلامه ممتعة ويميزها لغة الجسد والعربية الفصيحة ..سهرة كانت جميلة من جميع المشاركين ..
----
جزء من تسجيل السهرة ..والظاهر السجلها سرح .. بقت كوكتيل
|
|