فتوى الضحية في السودان!!

مواطن سأل مفتي الديار السودانية عن حكم الضحية.

أجابه: الضحية لحم وجلد, اللحم حق خاص ينتفع به صاحب الضحية, أما الجلد فهو حق عام لبيت مال المسلمين..
ومن أراد الاستحواذ على الجلد أو أتلفه بقطعة سكين أو طعنة مفراكة عند السلخ والنفخ فكفارته دفع ربع ثمن الأضحية حتى يبارك الله له..
فعند شراء الأضحية يجب أن يدفع الشاري أمنية بالقدر المذكور, يأخذها عند استرداد الجلد خالي من اللحم..
تماما كما كان يحدث عند شراء البستي كولا, فالشاري هنا يشتري المشروب لا الزجاجة وقس على ذلك والله أعلم ونسأله أن يوفقنا في مانرضاه.

ولمن يسلم الجلد ياشيخنا؟
يسلم لأقرب كوز في الحي وبالعدم لأقرب رمادي وبالعدم لأقرب انتهازي وإن تعذر ذلك فليسلمه لأي ختمي أو أنصاري فحكمهم كحكم أبوسفيان عند فتح مكة, ولا تنسى هداك الله في الحالة الأخيرة أن تستلم إيصالا مختوما.

علي اليمين بالغت يا بلة
الرمادي بين الكوز و الإنتهازي!! إنتهيت مننا لكن :)
مناضل بخيل دا ههههههه

اها خمو وصرو يا رماديين ..


..
انا والله زمني ده كلو كنت خاتي بله و ود البشرى في ذات المكانة :)

يادكتور
الزول دا مالو ماجاب طارى الشربوت
يعنى مثلا يجوز تصفيته قبل الضبح بيومين
وهل الضواقة حقت الشرفان الزى فكا حاجة

يا ابوحتوت
ع ع ابراهيم وصل الشمارات كلها للحكومة عبر بخل المناضلين.

دا حقو يدوه الجلد والراس.

يا المشرف

نعم انا رمادي لكن كمان ماخامة ود البشرى ههههه

يابدر

الشربوت دا للناس العايزين يهضمو
لكن الفتوى دي خاصة بناس قربوا يهضموا معدتهم.

يابلة
ياخى وحات شيخ حسن تنجر لى فتىوى في الشربوت
باقى السنة دى انامضحى وزوجتى بت خرطوم قالت
الشربوت مكروه وشربوتى انا بالتحديد قالت حرام ومابتقدمو للحبان
عشان شديتو قبل اسبوع افتى يابلة وبرجعها ليك في المسرات

يابدر

قيل أن الشربوت لايضمن حلاله من حرامه

ولكن عليكم بالهنكين والوسكي منزوعتي الليبل
والله أعلم

Quote: قيل أن الشربوت لايضمن حلاله من حرامه

يابلة انا التقول طلبت منك خمشة من شنطة ود عوض الجاز ياخى
مجرد فتيوة وماقلت ليك قول الشربوت هو الواين الشعبيى بتاعنا
يادكتور قول الشربوت بفتح الشراين ومفيد لناس الخليج عشان خرفانهم
اشحم من اشحم كوز واشياء من هذا القبيل انا ماشى دبن الشربوت وعلى
الطلاق لومالقيت الفتوة تانى ما ادخل ليك بوست ... الحالة دى انا ضقتو مرتين بس
يعنى بعد الضواقة التالتة يانى الجايك لط فخذ حذرك وافتى من سكات

بلة يهرب من النزال الفتوى
رغم انك شمت فينى المدام لكن حا البد ليك (يارمادى)
وطلاقى ما بقع واطة بس النشوفك حايم هنا ... روح هو انا تانى بهظر معاك
بتستختر فينى الفتاوى المجانية

يابدر
الشربوت في ماعونه حرام وان دخل البطن فهو مباح.

هههههههه

**

يا دكتور كل عام وانت ومن تحب بالف خير
عمك بشة ما يضبح 10 خرفان يضحي للشعب الغلبان ما عندو حقك الاكل

بعدين أستعين بي بوست أب روضه بتاع مقاطعة الكيزان في جلد الخروف

عمك قوقل ما قصر معاي وتستمر حملة مقاطعة المؤتمرجية وفتاوي تجار الدين

سلام ياسيد احمد

أبو روضة فقيه
وانا كاتب فقه بس

وجلدن ماجلدك جر فيه الكيزان.