Post: #1
Title: شفعنا فى مدرسة ضل الحيطه ومدرسة البراميل الإبتدائيتين ..!!!
Author: ملهم كردفان
Date: 10-12-2013, 03:52 PM
بالله ياجماعه ده كلام ده ...
مصارف الطياره الرجعوها كانت ممكن تبنى مدرسه للأطفال ديل
مصاريف حج ال.............. كانت ممكن تبنى مدرسه للشفع ديل
وجعتو قلبى بى تصرفاتكم دى ياخ .
شفعنا فى مدرسة ضل الحيطه الإبتدائيه
أولادنا فى مدرسة البراميل الإبتدائيه
بالمناسبه
(الأساس ذاتا ماحلوه كرهتونا بى تسمياتكم المهببه دى)
.....
مافى احترام ليكم ولاحاجه
|
Post: #2
Title: Re: شفعنا فى مدرسة ضل الحيطه ومدرسة البراميل الإبتدائيتين ..!!!
Author: Abuelgasim Mohamed
Date: 10-12-2013, 03:59 PM
Parent: #1
اخونا الملهم تحياتي يا رجُل ..ربك ابتلي المساكين ديل بمن لايخافه ولا يرحمهم
|
Post: #3
Title: Re: شفعنا فى مدرسة ضل الحيطه ومدرسة البراميل الإبتدائيتين ..!!!
Author: ملهم كردفان
Date: 10-13-2013, 02:00 AM
Parent: #2
كل سنه وانت والسودان وانسان السودان وأطفاله كلكم بخير
وألف مرحب بك يا أبو القاسم محمد
....
كنت أتابع برنامج عديل المدارس الذى ساندته بقوه وإرتياح لما فيه من عافية وروعة معانى الإنتماء
....
لكن عندما طالعت كم متعدد من صور مدارس الراكيب والقطاطى وضل الحيط ... تغير موقفى تماما
من قسوة الفرق الشاسع مابين المدارس الخاصه والإعلانات الفخمه التى تنشر عنها فى الميديا
وهذا الطفل المغدور به فى حقه الطبيعى من الحصول على مدرسه محترمه ومنهج تعليمى قوى
ووجبات مدرسيه طيبه وأنشطه رياضيه وفنيه مقدره ...
تحسرت كثيرا وانا أقارن بين الصورتين ... عشره مليون دولار فى دبى مع ود الجاز
وتصرفات رأس النظام الحاكم التى ماغادرت حدود الظلم لحدود العدل ولو مره حيال
هذا المشهد الفاضح لكل مشروعهم الحضارى الربع قرنى
ا
|
|