زفير الدوحة مسرحية كوميدية بطولة السانجرك والدلول والمهوبلة ... مسرح على الهواء

عمل فني

الحرية لنا ولسوانا

شخصيات المسرحية خيالية لا علاقة لها بالواقع
فاذا تطابقت مع اي شخص فهو غير مقصود

ديكور المسرحية عبارة عن طواقي مجدعة في الهواء
لو ليت طاقية قدرك ألبسا واحمد ربك انو ما جاتك طاقية أكبر منها


التعريفات لغير الناطقين بها في المداخلة القادمة

زفير عكس شهيق
والزفير هو الهواء الفاسد الخارج من الرئة المشبع بثاني أوكسيد الكربون
وهو مضر للجسم لذلك يلفظه خارجا

والزفر عند السودانيين : الرائحة الكريهة التي في اللحوم خصوصا الكمونية
والبض الني البايت برة التلاجة وريحة الزول الما بستحما
ويقال عنها أيضا (الزفارة)
والمرة الخملة ملاحا دايما زفر


ونواصل ....

السانجرك :
هي المرأة النحيفة الكملانة من لحم الدنيا
اللا بتعرف ضهرا من بطُنا
أحرف جزار ما يطلِّع منها ربع كيلو
وتلقاها دايما شرانية أو في أغلب الأحيان
وبتكون متعنطظة حبتين وعاملة فيها جادة جدا
وفي السودان بقولوا عليها
(السانجرك لا ج...ة ولا و....ك)

الدلدول :
الراجل الوجودو زي عدمو يعني لا بقدم لا بأخر وخيبان ساي
كلمة توديه وكلمة تجيبو ومرات الواحد بكون دلدول غصبا عنو
ودا بتكون كتير في حالات (جوز الست) لأنو بكون قاعد عاطل
وما بصرف عشان كدا بكون ما عندو لا كلمة ولا رأي
ومرات بكون العرس ذاتو قامت بيهو العروسة فبكون صاحبنا عينو مكسورة

ومنها جات كلمة (دلاية المفاتيح) هههههههههههه

ونفير الدوحه كانت من أعظم المسرحيات الحقيقيه التى عرضت على مسرح الواقع بدولة قطر .
شاهدها كل السودانيين المقيمين بقطر وصفقوا كثيرا للعرض القوى والجاد الذى قدمه شبابنا بكل
تفانى وإخلاص .
وقد قام ببطولة المسرحيه وإخراجها كل الشباب السودانى بدولة قطر وقد أجادوا أدوارهم بحرفية
عاليه وهمة مذهله وعزيمه جباره .
وكانت المسرحيه من إنتاج المكتب التنفيذى للجاليه السودانيه بدولة قطر الذى وقف مع النفير وقفه
جادة أشاد بها كل الجمهور السودانى .
وستبقى هذه المسرحيه فى الذاكرة زمنا طويلا وقد أثبتت بأن شباب السودان بقدر المسئولية وهو
منقذ السودان الحقيقى .




ود القريش .. تحياتى .

وهذا ملمح من مسرحيتنا الحقيقيه ... ونحن فى إنتظار مسرحيتك الوهميه ذات الغرض .

السانجرك :
هي المرأة النحيفة الكملانة من لحم الدنيا
اللا بتعرف ضهرا من بطُنا
أحرف جزار ما يطلِّع منها ربع كيلو
وتلقاها دايما شرانية أو في أغلب الأحيان
وبتكون متعنطظة حبتين وعاملة فيها جادة جدا
وفي السودان بقولوا عليها
(السانجرك لا ج...ة ولا و....ك)

Quote: السانجرك : هي المرأة النحيفة الكملانة من لحم الدنيا اللا بتعرف ضهرا من بطُنا أحرف جزار ما يطلِّع منها ربع كيلو وتلقاها دايما شرانية أو في أغلب الأحيان وبتكون متعنطظة حبتين وعاملة فيها جادة جدا وفي السودان بقولوا عليها (السانجرك لا ج...ة ولا و....ك)

يا معتز لا يأخذك غرض ما الى أن تتعدى على المرأة بوصفها " جمالا ..قبحا .. و سمنة و ضعفا .."

فالجمال عند كل
و الانسانية هى الأساس

و انت أقرب للغناء ..
فقد تغنى الشعراء لكيهما ..
و كمان ..
و " سلام للشينة كان ترضى"

Quote: ونفير الدوحه كانت من أعظم المسرحيات الحقيقيه التى عرضت على مسرح الواقع بدولة قطر . شاهدها كل السودانيين المقيمين بقطر وصفقوا كثيرا للعرض القوى والجاد الذى قدمه شبابنا بكل تفانى وإخلاص . وقد قام ببطولة المسرحيه وإخراجها كل الشباب السودانى بدولة قطر وقد أجادوا أدوارهم بحرفية عاليه وهمة مذهله وعزيمه جباره . وكانت المسرحيه من إنتاج المكتب التنفيذى للجاليه السودانيه بدولة قطر الذى وقف مع النفير وقفه جادة أشاد بها كل الجمهور السودانى . وستبقى هذه المسرحيه فى الذاكرة زمنا طويلا وقد أثبتت بأن شباب السودان بقدر المسئولية وهو منقذ السودان الحقيقى

لا أدري ما اسم المسرحية التي قدمها شباب نفير الدوحة
في يومهم الثقافي الأول على مسرح كلية شمال الأطلنطي
لم اشاهد المسرحية في المسرح ... قيل أنها كانت ممتازة
ولكنني شاهدت جانبا من البروفات في المركز الثقافي
وهي من تأليف البنت الراقية ملاذ فياض
المسرحية جميلة ولها رسالة وقد أعجبتني وأعجبني اداء الشباب

هؤلاء شباب موهوب أتمنى أن يتم تبنيهم من قبل احد مسرحيينا في الدوحة

Quote: ود القريش .. تحياتى .

ود سالم آلاف التحايا

Quote: وهذا ملمح من مسرحيتنا الحقيقيه ... ونحن فى إنتظار مسرحيتك الوهميه ذات الغرض .

سامحك الله وعفا عنك يا جدو

Quote: سامحك الله وعفا عنك يا جدو

طبعا ولأنو ثقتى فيك مزعزعه ( هههههه ) حلوه مزعزعه دى .
إفتكرتك جاى ترش ناس نفير الدوحه فطوالى ( إنبريت ) ليك
وحاولت أشوتك قبل ما تشوتهم .. لكن طالما الأمر غير ذلك
فلك العتبى حتى ترضى .
أما الشباب والشابات الذين شاركوا فى تلك المسرحيه التى تم
عرضها فى اليوم الختامى لمهرجان النفير فإنهم يستحقون الأوسكار .