Post: #1
Title: حقوق المساطيل
Author: حمد عبد الغفار عمر
Date: 10-09-2013, 08:45 AM
من قدم نفسه فداء للوطن لا يمكن أبدا لحظة استشهاده أن يكون مسطولا
ولكن لنترك الشهدا جانبا فهم أكرم منا حتى تاريخه
ولنترك من خرج متظاهرا في وجه الظلم فهم أشجع منا
ونعود للمساطيل أهل الجلد والرأس
أليس من حقهم التظاهر عندما يجوعون
أليس هم مواطنون سودانيون
وما دعاهم لتناول المخدرات أليس هو الإحباط والبطالة وفقدان الامل في حياة كريمة ؟
لماذا لا يُذكر الســكـرجية وسفافي الصعوط ومدخني السجاير والزناة واللصوص وقاطعي الطرق
ليس دفاعا عن السطلة
ولكن بكره جدا استهداف الشرائح واسترخاصها دون الغوص في سبب وجودها بهذه الخاصية
|
Post: #2
Title: Re: حقوق المساطيل
Author: حمد عبد الغفار عمر
Date: 10-09-2013, 09:49 AM
Parent: #1
يا جماعة عليكم الله الشاش دا شنو ؟
لي يومين ما لقيت زول فشاني فيهو
|
Post: #3
Title: Re: حقوق المساطيل
Author: حسام عبد الرحيم
Date: 10-09-2013, 11:46 PM
Parent: #2
الأخ حمد عبد الغفار
Quote: يا جماعة عليكم الله الشاش دا شنو ؟
لي يومين ما لقيت زول فشاني فيهو |
أفتكر -والله أعلم- المقصود بالشاش هو ( السلسيون ) لأنو بيستنشقوه بمنديل والمنتشر جدا فى أوساط الشماشة .. فى اشارة الى أن المتظاهرين هم من الشماشة ..
تحياتى ..
|
Post: #4
Title: Re: حقوق المساطيل
Author: حمد عبد الغفار عمر
Date: 10-10-2013, 10:28 AM
Parent: #3
مرحب حسام
السلسيون الواحد دا ؟
بس أنا شايف سمير كوكو قال هو نوع من أجود أنواع البنقو أسمو شاشمندلي أو حاجة زي دي
في سيرة السلسيون زمان لما تمشي لبنشرجي زمن الرقعة بالسلسيون لما تدخل المكان وتنفتح العلبة بتاعة السلسيون بتحس براحة شديدة وتجر نفس عميق
ما عارف السلسيون دا بسطل كيف؟
الشفيع وراق حبابك
المساطيل ديل أصلهم ما بسببوا أذى ناس مرح بس ياخ وكمان ما بتشم أي ريحة
وبعدين مالم ؟ الكتير من الشعب دا بيسطل
وانت قايل مشاكل السودان دي غير زول لافيها بعشرة كروت بتنحل تاني ؟
|
|