Post: #1
Title: البشير يقول دعوات الغلابة و الكادحين هى الممشياهم لقدام
Author: بكرى ابوبكر
Date: 10-07-2013, 08:41 PM
|
Post: #2
Title: Re: البشير يقول دعوات الغلابة و الكادحين هى الممشياهم لقدام
Author: rani
Date: 10-07-2013, 08:57 PM
Parent: #1
بكري اخوي، بتعرف التخبط؟
البيعملو فيهو الكيزان دا ياهو ذاتو..
ديل يا عزيزي بقو ما عرفين كوعهم من بوعهم..
لا تستغرب فيما ستسمع منهم في الفترة القادمة..
تابعنا في بوست " محن كيزانية"
محن كيزانية......
|
Post: #3
Title: Re: البشير يقول دعوات الغلابة و الكادحين هى الممشياهم لقدام
Author: ست البنات
Date: 10-07-2013, 09:10 PM
Parent: #2
يونس البهيمة دا وقت عارف في فقر وجهل وبطالة وقمقم وقيد ,
وفي فقراء مسحوقين وأغنياء متمتعين بالخيرات ,
ما كان فد مرة يطلع مع الناس في المظاهرات !!!
دي ما ياها الأسباب الخلت الناس يطلعوا للشارع!
وبعدين ما عرفنا هل الشعب السوداني كلو فاقد للتربية ومتفكك أسريا وناس مريضين نفسيا ولا طير بقر ؟؟!
يا حليلكم من الراجيكم من الله ثم من الشعب السوداني !
ليكم يوم !
المجد والخلود للشهداء,
والموت للواجفين أعداء الشعب.
والثورة مستمرة.
ست البنات.
|
Post: #4
Title: Re: البشير يقول دعوات الغلابة و الكادحين هى الممشياهم لقدام
Author: معاوية المدير
Date: 10-07-2013, 10:47 PM
Parent: #3
سلآمات يا بكري.
الزول دا كلآموا صحيح 100%،
فهو قال، ديل الناس الإن شاء الله بدعواتهم الإمور تمشي لقدآم.
فعلاً الإمور سوف تمشي لقدآم بدعوات المظاليم، لكنها قطعاً
لن تمشي في مصلحة هذا الظالم الفاجر.
المحيرني،
الزول دا قاصد شنو بكلمة (الأسد) في الثانية 13 ؟؟؟!!!...
|
Post: #5
Title: Re: البشير يقول دعوات الغلابة و الكادحين هى الممشياهم لقدام
Author: منتصر عبد الباسط
Date: 10-07-2013, 11:14 PM
Parent: #4
روى الطبراني عن أمية بن عبد الله بن خالد بن أسيد قال :
كان رسول الله صلى الله عليه وسلم يستفتح بصعاليك المسلمين
صعاليك يعني فقراء
فقال رسولُ الله صلى الله عليه وسلم:
(هل تُنصَرون وتُرزَقون إِلا بضعفائكم؟ ) أَ خرجه البخاري
نسأل الله السلامة
اللهم عافينا من غلبة الئام علينا
صار الفقراء محل ازدراء ممن افقروهم
وسرقوا مالهم وضربوا ظهرهم بالسياط
واطلقوا الرصاص على رؤوسهم ...
اللهم إنا نتوسل إليك بالضعفاء والفقراء
الذين يزدرونهم جهلاَ وطغيانا
أن تهلك الكيزان هلاك عاد يا رب العباد
وأن تزيحهم من حكم البلاد التي
أكثروا فيها الفساد .
|
Post: #6
Title: Re: البشير يقول دعوات الغلابة و الكادحين هى الممشياهم لقدام
Author: علاء الدين صلاح محمد
Date: 10-07-2013, 11:37 PM
Parent: #5
هم كافراد فاسدين ماشين لقدام بفهم حجم النهب والغني والثروات ماشة لقدام معاهم وبعجلة متزايدة
شركات ملك الشعب مسجلة بكيزان كانو معدمين قبل انلاب البشير الترابي وقس على ذلك
لكن بالتاكيد لا الغلابة ولا البلد ماشي لقدام
الكيزان عادتهم عاشين في حالة انكارية تفقع المرارة
يعنى البشير ده بالرغم من الحاصل ده كلو
بلد منفصل
حروب
قتل
فساد
ضائقة معيشية
امراض
جهل
بيقول البلد ماشة لقدام
وبشنو
بدعوات الغلابة الاكثر معاناة من الاتقاذ
؟؟؟؟؟؟؟؟؟؟؟؟؟؟؟؟؟؟!!!!!!!!!!!!!
في مرض اكتر من ده
|
|