Post: #1
Title: مراكب الشوق يا وطن...............................
Author: munswor almophtah
Date: 10-07-2013, 00:21 AM
Parent: #0
مراكب الشوق يا وطن
كم مراكب الشوق تسافر
فى دروب ما ليها آخر
لى وطن مشتاق بغازل
فى حجل من عاج
واساور آبنوس
وزمام من الإكسير
موشم بالمراجين
واللآلئ
وزخرف أفريقيا البلالى
فوق نهيد ممشوق وعالى
وسكسك أفريقيا المدفق
فوق كتيفن جيدو عالى
وريش نعاما
وصوت بلوما
هديل حماما
ورشّ من عارض غماما
ونفحه من ذاتا وطعاما
وبسمه بتحىّ الوساما
قبله بتدفئ الغلابا
وجرعه فى جوف التعابا
للسلاطين واحبابا
وللدرافين واحبابا
للمساكين الضهابا
المن بعيد قاصدنو بابا
وليها عازفين الربابا
لى نخيلن ديسو سادر
فوق صديرن طرفو سادل
منو بنسوى السواتر
ليهو تجتاحنا الخواطر
كم نضحى وكم نخاطر
للمقيم فى قلبو دايما
وللبعيد من قلبو خاتر
منصور
|
Post: #2
Title: Re: مراكب الشوق يا وطن...............................
Author: munswor almophtah
Date: 10-07-2013, 08:42 AM
Parent: #1
مراكب الشوق يا وطن...............................
|
Post: #3
Title: Re: مراكب الشوق يا وطن...............................
Author: munswor almophtah
Date: 10-07-2013, 10:35 PM
Parent: #2
كم مراكب الشوق تسافر
فى دروب ما ليها آخر
لى وطن مشتاق بغازل
فى حجل من عاج
واساور آبنوس
|
|