صديق الموج يهاجم ربيع عبدالعاطي

في لقاء بالامس الجمعه

علي فناة ANN

عفيت منك يا موج ,,,, والله فشيت غبينتى تب
بس ربيع عبد العاطى ما كان تجيب سيرتو عشان ما تكون نزلت لى مستواهو الـــواطى,, هذا الفاقد التربوي المتملق

يسلم فمك يا ود الموج وبارك الله فيك

Quote: والله فشيت غبينتى تب

ياخي أنا لسه ما اتفشيت والله ,,,

سألني أمس أخ فاضل من الحجاز اسمه بدر الدين عبدالله النور .. قال لي الأستاذ بكون كلمكم الجماعة ديل بيمشو بتين.. كلمنا؟؟!! قلت له: والله ما المسئول بأعلم من السائل ولكن المتأكد منو انهم ح يمشو .. الّح علي في السؤال فقلت له تابع الخيط ان شاء الله نلقى أجابة.. أنشغلت بأمره..
الأستاذ يقول:

القرآن يكلمك في كل حين

وأنا منشغل بأمر الأخ الكريم بدرالدين وأمر السودان ... .. مؤشر الراديو دائما عندي على محطة القرآن الكريم ... فتحت المذياع .. أنا نفسي ذهلت ... ولعلكم تذهلون معي مما سمعت وكأني اسمعه لأول مرة
اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ (1) مَا يَأْتِيهِمْ مِنْ ذِكْرٍ مِنْ رَبِّهِمْ مُحْدَثٍ إِلَّا اسْتَمَعُوهُ وَهُمْ يَلْعَبُونَ (2) لَاهِيَةً قُلُوبُهُمْ، وَأَسَرُّوا النَّجْوَى الَّذِينَ ظَلَمُوا هَلْ هذا إِلَّا بَشَرٌ مِثْلُكُمْ، أَفَتَأْتُونَ السِّحْرَ وَأَنْتُمْ تُبْصِرُونَ (3) قَالَ رَبِّي يَعْلَمُ الْقَوْلَ فِي السَّمَاءِ وَالْأَرْضِ، وَهُوَ السَّمِيعُ الْعَلِيمُ (4) بَلْ قَالُوا أَضْغَاثُ أَحْلَامٍ بَلِ افْتَرَاهُ بَلْ هُوَ شَاعِرٌ فَلْيَأْتِنَا بِآيَةٍ كَمَا أُرْسِلَ الْأَوَّلُونَ (5)
وتذهب الآيات لتفصّل بأن: أسألوا أهل الذكر أن كنتم لا تعلمون.. وأهل الذكر هم الأستاذ محمود، فمن غيره؟؟!! ومن رفع الذكر غيره؟؟!!
السورة نفسها اسمها "الأنبياء" وجلهم من بني اسرائيل ونبينا يقول (علماء أمتي كأنبياء بني اسرائيل) وعلماء هذه الأمة هم الأستاذ والجمهوريون وقول الأستاذ عن هؤلاء
قلعناهم من جذورهم وجدعناهم برة الأرض الطيبة دي
تذهب الآيات لتفصل أكثر من ذلك.. تذهب لتفصل يوم فرارهم العظيم، وما استراحة كنانة الا بروفة له، فلتستمعوا معي لما وصف به القرآن، من ذات السورة، سورة الأنبياء، فرار هذه الطغمة العظيم، وقد اقترب حسابهم:
فَلَمَّا أَحَسُّوا بَأْسَنَا إِذَا هُمْ مِنْهَا يَرْكُضُونَ (12) لَا تَرْكُضُوا وَارْجِعُوا إِلَى مَا أُتْرِفْتُمْ فِيهِ وَمَسَاكِنِكُمْ لَعَلَّكُمْ تُسْأَلُونَ (13) قَالُوا يَا وَيْلَنَا إِنَّا كُنَّا ظَالِمِينَ(14) فَمَا زَالَتْ تِلْكَ دَعْوَاهُمْ حَتَّى جَعَلْنَاهُمْ حَصِيدًا خَامِدِينَ (15)
تُرى من "أترف" غيرهم في ارض السودان اليوم .. أم رأيتموهم وقد تطاولو في البينان وأتخذوا النساء مثنى وثلاث ورباع؟ أم رأيتموهم يتمايلون طربا في المطعم اللبناني وقد هدت السيول "حيل" كل محمد أحمد أغبر غيرهم ثم أعتذروا بأن هذه مناسبة معدة سلفا وتكفل المطعم اللبناني - رشوة - بالفاتورة؟؟ أما سمعوا برؤساء "دول الكفر والإستكبار" يقطعون زياراتهم الرسمية اذا ما حل بديارهم أقل مما حل بالسودان؟ .. أما سمعتم بهم يدعون لحفل ساهر في سفارتهم في ماليزيا ليرقصون ودماء شهداءنا تملأ الطرقات؟!

فَمَا زَالَتْ تِلْكَ دَعْوَاهُمْ حَتَّى جَعَلْنَاهُمْ حَصِيدًا خَامِدِينَ

فقد أقترب حسابهم .. وويل لهم مما أقترب... ويل لهم!!

الأستاذ محمود محمد طه:الاخوان المسلمين قلعناهم من جذورهم وجد...برة الارض الطيبة دي

عفيت منك ياود عمي
وتسلم لسودانك الحبيب

اقول معكم برافو
والف برافو
صديق الموج

رشو يا ود الموج،
رشاهو بلآ يخموا ويخم تيتاوي معاهو.
الإنسان يفقد قيمته عندما يرتدّ إلي أسفل سافلين.
ديل مُـنحطين...

نعم يا مووووج هو كذلك بل احطّ قدراً .











.......................................حجر.

ود الموج يا خطير ههههههها

اديه الكمل سكرنا ده ... يستاهل اكتر من كدي ... بس اريتو يحس ،،،

لكن اما كان من المستحسن اعطاء ربيع فرصه للرد علي حديث الاخ صديق الموج ؟؟؟

كانت لدي رغبه شديده لأسمع رده

ثم ثانيا الا ينبري أي عضو من اعضاء المنبر الموقر للدفاع عن السيد ربيع عبدالعاطي ؟؟

سلام يا طارق والتحية موصولة لصديق الموج

بالله شوفوا ربيع عبد العاطي وكيف يتعاطى مع مقدم البرنامج بعجرفة وتكبر لا مثيل لهما..

www.facebook.com/photo.php?v=734323069918460andset=vb.42115536...83036andtype=2andtheater

رشة محترمة والله

مش ده الزول القال نحن بنركب الدواب

عفيت منك ياودالموج

انا العافى منكم ووفروا ضرعاتكم للبلد، الحاله مالقيت لى برطوش (بدون مؤاخذة ) قدامى
حاشية:
بدون مؤاخذة دى ما عشان البرطوش ،عشان ربيع عبد العاطى وتيتاوى ولذا لزم التنويه..
بالله الاتنين الله مافتح عليهم يترحموا على الشهداء وكمان ربيع سماهم المائتين مجرمين و
بلطجيه وعصابات،،،

عفارم عليك اجدعت وعجبتنى بالحبل يا ود الموج

تسلم
وكان بريدك اطير ................دى خاصة لود الموج بعيدا من التعليق

رشهم يا صديق رشاهم بلا

شغلك نضيف يا موج.

والله عافي منك ياموج

ربيع المأجور ليك يوم

طارق ميرغنى .....سلام النضال
كتر خيرك لافتراع البوست مع انه السودان حقو مافى زول بقدر يوفيه
لكن ناس ربيع ديل بورمو الفشفاش بمثل هذا الختل والدجل بس ليهم يوم اولاد الهرمة،،،

ديل يا صديق الفشفاش اولريدي ورموه

باقي يورموا الرموش

Quote: لكن ناس ربيع ديل بورمو الفشفاش بمثل هذا الختل والدجل بس ليهم يوم اولاد الهرمة،،،

موج يا ود قلبا ...

احترامي الكامل ...

Quote: عفيت منك يا موج ,,,, والله فشيت غبينتى تب بس ربيع عبد العاطى ما كان تجيب سيرتو عشان ما تكون نزلت لى مستواهو الـــواطى,, هذا الفاقد التربوي المتملق

ايمن التوم ........سلام

شفت غضب الدنيا ده الواحد يضطر ينزل لمستوى ربيع عبد العاطى
وكل الذى حمله الى هذه المناصب قرابته بعلى عثمان محمد طه حيث انه
أبن عم على عثمان محمد طه ازيرق، ربيع عبد العاطى عبيد ازيرق..
عرفت كيف،،،

يا الصديق
والله عافي منك
وكت لقيت طريقة فيهم
يازول رشهم رشاهم حسكنيت عالي وأطي .
...
تحياتي أخ الفاتح

Quote: يازول رشهم رشاهم حسكنيت عالي وأطي

خليتني يا عثمان من قبيل افكر

لو رشاهم الحسكنيت زي ما قلت وعالي واطي كمان

حيكون وضعهم كيف ؟؟؟

Quote: يسلم فمك يا ود الموج وبارك الله فيك

منير عثمان .سلام النضال
شكراً و معاً على المتجبرين الظالمين ربيع و زمرته الفاسدين المفسدين،،،

تمام يا موج
عبرت عن كل جماهير الشعب السوداني التى سحقها وأفقرها هذا النظام


تحياتي

Quote: : والله فشيت غبينتى تب ياخي أنا لسه ما اتفشيت والله ,,,

عبد العزيز ......سلام
ده السمح بيه وقت المداخله يفشك الله يوم يرحلو،،،

Quote: فقد أقترب حسابهم .. وويل لهم مما أقترب... ويل لهم!!

عبد الله عثمان ......زعيدك مبارك
يسمع منك الله انه سميع محيب ،،،

Quote: عفيت منك ياود عمي وتسلم لسودانك الحبيب

محمد الشيخ تسلم انت للمواقف الناصعة من قضية السودان،،،

ود الموج .. ياسيدا

يا أخى ..

الله يريحيك دنيا .. وآخره

يسلم فمك يا ود الموج وبارك الله فيك
عافي منك ياموج

عفيت منك يا ودالموج

Quote: اقول معكم برافو والف برافو صديق الموج

الشامى ابن عمى
برافو يستحقها اولئك الذين قدموا ارواحهم قربان لهذا الوطن الجميل
قريباً سنصلى صبح الخلاص حاضر،،،

ربيع عبد العاطى شخص غريب وكعادة بنى كيزان الحقد مرسوم فى وشو مثله مثل نافع وأمين حسن عمر

وغيرهم وجوه مكفهرة الواحد من تشوفو يطمم بطنك .

لك التحية ود الموج ويسلم لسانك والتحية عبرك لصاحب البوست

Quote: رشو يا ود الموج، رشاهو بلآ يخموا ويخم تيتاوي معاهو. الإنسان يفقد قيمته عندما يرتدّ إلي أسفل سافلين. ديل مُـنحطين...

معاوية المدير عيدك مبارك
هو وينو الانسان؟؟
قيمة شنو يا ابن عمى قول كلام غير ده!!

مشكور اخي جمال خضر وكتر الف خيرك

عافي منك يا ود الموج . جبت ليك موجة قوية إنشاء الله الكل يركب معك الموجه دي .

Quote: مش ده الزول القال نحن بنركب الدواب

لا لا يا سيف مساعد ياخ ..... داك قطبي المهدي .. وإن كان كلهم زي بعض.
زولك ده بتاع (متوسط دخل الفرد في السودان 1800 دولار).

يا صديق أخوك تابع الحلقة من بدايتها .. والمداخلة دي كيفتني وإنسطلت تقول ضارب لي (شاش).

فوق،،،

Quote: نعم يا مووووج هو كذلك بل احطّ قدراً .

الرفاعى عيدك مبارك
بل هم كلهم احط قدرا،،،

فوق

أهلا بالموج

فقد شفيت صدور قوم صادقين ,, قوم يؤمنون بحق الشعب السوداني في الا يكذب عليه ولا يكذب باسمه كما يفعل ضاربوا طبول حكومة الكذب هذه وحارقوا بخورها.
أحسنت الحديث يا صديق عن المدعو ربيع عبد العاطي .. فقد كشفت عن الأسباب الشخصية التي تجعله يدافع عن أولياء نعمته بهذه الطريقة المقززة ,, ماذا تنتظر من
شخص ليس له مكان في الماضي أو المستقبل في هذا البلد بمؤهلاته أو بحكمته أو بأخلاقه ..
هذا الشخص البائس ,, بدفاعه عن هذا المسخ الشائه المسمى - امعانا في سخرية القدر - بالانقاذ انما يدافع عن موقعه من النهب .. أي موقعه من الاعراب ,, فهذا هو
الشئ الوحيد الذي يتمسك به شخص مثله عاطل عن المعارف والمواهب ,, الا من رذيلة الكذب التي يظنها - لفرط جهله - فضيلة ,, ولو كان للكيزان أي درجة من
الحصافة لعصفوا بهذا الجاهل المتملق والمتسلق الذي أراد أن ينففعهم فضرهم من فرط حمقه وغبائه
أحسنت يا صديق اذ هاجمته هجوما شخصيا ,, فهذا هو أنسب ما يكون معه ومع أمثاله ,, فقد استمعت اليه في مناظرة مع الأستاذ خالد عويس ومع الدكتور عمر القراي
فقد كان يعمد الى مهاجمتهم هجوما شخصيا و يتمادى في ذلك كأنه يريد أن يقول للمستمعين بألا يثقوا في هذا الانسان ,, فكان ردك عليه أخي صديق من جنس عمله.
وأحسنت يا صديق لسبب آخر هو أنه لايزال يكذب ويكذب ويتحرى الكذب مما يؤهله - وربما يكون بالفعل فد أهله - ليكتب عند الله كذابا ,,
وقد قدم الأستاذ محمود محمد طه تفسيرا عميقا لهذا الحديث اذ قال: "اذا كتب المرء عند الله كذابا فلن يصدق قط وان أراد"
هذا الربيع - الذي ليس له وجود ولا مقومات وجود في بلادنا كفصل من فصول السنة - ربيع كاذب ,, ليس عند الله فحسب ,, فالله علام الغيوب ,, ولكن أضحى كذبه
باد وظاهر للقاصي والداني من أفراد الشعب السوداني الا المكابر منهم
أحسنت يا صديق ,, فقد كان بحرك محمرا وموجك هادرا

فلك التحيات والود

بشير اسماعيل

تسلم كلك يا ود الموج

شكرا ود الموج لقد كنت صوت شعبك
دايما صوت الحق هو الاقوى .
لك تقديري

فوق وراجع ليكم واحد واحد،،،

Quote: فوق وراجع ليكم واحد واحد،،،

يا خال سلام
حكمة الله اليوم السبت كنت في مكتب احد الاخوان في عمارة المربع
انا و بعض الشباب في زيارة عمل و اخذ مدير المكتب يحدثنا معاتبا
انكم شباب سودانيين و لا تعرفون الكثير من الذين يحملون السودان في
حدق العيون فتحدث عن الكثيرين و قال و هو يحدثنا هناك شخص تجهلونه
لا تعلمون عنه شيئا و هو خير من يحدثكم عن السودان و تراثه و مناطقه
و فنونه رجل يعمل في صمت اسمه صديق الموج كيف لا تزورون مثل هذه
القامة و تكتبون عنها و تحتفون بها.
قلت له اعرفه تماما فحدث عنه يا رعاك الله.
احد شهود هذه الجلسة المهندس رمزي موسي و الذي افاض في الاطراء عنك.
على اي حال يا خال اعلم كم الهموم التي تكتنفك و السهام التي تنتاشك و حجم العمل
المنوط بك اسأل الله ان يعينك

هذا مع اكيد تقديري

Quote: ود الموج يا خطير ههههههها اديه الكمل سكرنا ده ... يستاهل اكتر من كدي ... بس اريتو يحس ،،،

الهادى يا حبيب سلام
ديل ما بحسو بس الوصيه كل من وجدتموه منهم القموه حجراً
ووفروا ضرعاتكم للبلد،،،

فوق عشان خاطر الشفيع

الشفيع ياخى 5000 قارى شويه لسه ما اشتهرت انا عن اذنك اشتهر اكتر،،،

فوق يا جماعه ماتشهرونى يااااخ،،،

ود الباوقة جاء يتعاور عوارتو الطلعت عينا
و فتحلو بوست قال الموج لم يكن مرتبا.
خلي بالك ود الباوقة دا الناس ضحكوا ليهو مرة و مرتين
و شابكننا و الله طيب و نيتو بيضا و هو قد فاق سوء الظن
العريض و رقص على انغام الرصاص الذي قتل ما يفوق ال 200
شهيد و عمل غمران لا ادانة لا تجريم و جاي داير يخفف دمو و ما
ان لفتنا نظره حتي جاءنا مغاضبا شاتما سابا كعادته و لكن انا لك بالمرصاد
و دون شتم اهه رايك شنو؟

up

صديق ود الموج ما قصرت تب والله
وشفيت غليلنا ويا ريت أتيحت ليك فرصة أكبر

ما قلته في مداخلتك وعبرت به هو ما يجيش في صدور ملايين السودانيين
والثورة قادمة بإذن الله تعالى

.

امجد الجميعابى بالله احرس البوست ده عشان اشتهر ياخى،،،

امجد الجميعابى بالله احرس البوست ده عشان اشتهر ياخى،،،

فوق

فوق

حبيبنا ود الموج والضيوف الكرام .

تحياتنا الوطنية ..

يا ود الموج يأخي ما رديت علي سؤال سألتك قتا لك ربيع عبد العاطي ده دكتورتو في شني

وضؤ ولا بوق ولا شيتن تاني اااااود امي ؟

Quote: حبيبنا ود الموج والضيوف الكرام . تحياتنا الوطنية .. يا ود الموج يأخي ما رديت علي سؤال سألتك قتا لك ربيع عبد العاطي ده دكتورتو في شني وضؤ ولا بوق ولا شيتن تاني اااااود امي ؟

منى يا حبيبه سلام
انا افتكرتك قريتى رده هو بعضمة لسانه لما سألوه عن الدكتوراة من اى جامعه وفى شنو؟
قال هو عندى تلاته ماجستيرات اظنه جبرن طلع منهن دكتوراة وعليمو ربه.
مبلغ علمى الزول ده مفصول من سته ثانيه من كلية التربيه لاسباب اكاديمية الباقى ما بعرفو؟

فوق عشان الشهرة وكده،،،

فوق

طال الليل للمساهر وأصبح ماليهو آخر السودان ياوطنا
نحن الفيك إتولدنا الجايين من بعيد يلقو الخير في بلادنا



تسلم ود الموج

ابو السيد
ولسه بنقسم يا اكتوبر لما يطل فى فجرنا ظالم
نحمى شعار الثورة نقاوم ونبقى صفوف صفوف
لما يطل الفجر الحالم يا اكتوبر،،،

و الله يا خال اتمنيت يكون في مداخلات في لقاء احمد منصور
مع علي عثمان الذي كان مرتجفا متلعثما و بعد دا جا واحد هنا
اسمو ود الباوقة من ابواق النظام يشكر فوقو حقا الحياء شعبة
من شعب الايمان و ان لم تستح فاصنع ما شئت.

انت عارف على عثمان ده بكون شرطو يكون مافى مداخلات
ايمن ديل ما بستحملوا كلمة واحده تنتقدهم ولا يسمعوا غير كلمات التطبيل فقط،،،